Mocha Blog: 好開心呀 - Sofina 「春夏美白防曬工作坊」

今次好幸運抽中及參與 she.com x Sofina 「春夏美白防曬工作坊」, 第一次黎到 Kao Health & Beauty Center, 我係參加 10:30 早場既, 所以約埋 sandra, kanix, baby_yee 食早餐先再上去, 但 baby_yee 有事遲 d 到, 我地就幫佢留定位啦

係樓下電梯口已經撞到兩位 blogger, 其中一個仲帶埋可愛囡囡添, 上到去已經唔少 blogger 到左, BA 就俾左 rundown 我地叫我地坐底等等, 襯呢個時間就影下週圍既環境先啦

花王 Kao 旗下有好多品牌, 相信唔少 sis 都知道, 有 Kate 化妝品, Curel 護膚、身體及頭髮用品, Liese 頭髮造型用品, 真係全身上下都照顧周到

當然講返今次既主角 Sofina 美白系列啦, 門口既 display 擺得幾靚, 真係好想帶晒佢地返屋企

然後就做皮膚分析 (Skin Analysis) 啦, 測試結果肌膚紋理都 ok 有 3粒星 (最高5粒星), 但膚色就麻麻得一粒星咋, 因為有媽咪既遺傳, 小學已經有斑斑架啦....
之後就要去卸妝潔面啦, 但職員打電話時無講明要卸妝, 我差唔多化左個全妝去, 早知要卸妝就唔搽咁多野, 可以瞓晏少少啦, haha

潔面後部份 sis 就傾下計, 玩下檯面既美白產品先啦, 等大家差唔多準備好, 主持人就講解下今次工作坊既目的啦

關根智子小姐(右)介紹產品使用方法及護膚技巧啦, 學到好多野, 日本人真係好愛護佢地既肌膚, 所有野都好細心, 好輕柔

智子小姐一邊講解點 skincare step, 我地就一路跟住做, 搽化妝水, 全效淨白精華, 淨白重點去斑筆, 然後就敷高濃度淨白面膜啦, 真係未試過廿幾三十人齊齊敷 mask, BA 仲熄晒燈, 播放好舒服既音樂, 加埋香薰, 好 relax 差 d 瞓著左添呀

敷左 10mins 塊 mask 仲好濕, 塊面仲有好多精華, 我按左好將先吸收晒呀, 然後就搽 beauté day protector 抗老化防曬乳液 SPF24 / PA+++ ，備有 I ─ IV 不同型號質地選擇。呢支真係好鍾意, 有分四個質地, 視乎皮膚情況選擇, I 號最清爽, IV 最潤, 大家可以睇下個質地, II 同 III 就咁睇分別唔算好大, IV 就好明顯係偏 cream 狀, 佢可以做到 day lotion + 防曬 + 抗老化 + 保濕 + makeup base, 一支搞掂, 而且唔會泛白, 質地好清爽唔 lup, 有花香味, 而且最大既好處係唔需要卸妝, 物理性防曬, 敏感皮膚都用得

產品介紹 : Sofina 全新推出的日間抗衰老護理產品 – Sofina beauté Day Protector，可全面對抗紫外線、空氣污染或乾燥等日間傷害，防曬乳液不單兼具高效防禦UV、抗老衰老和保濕功能，更可以作妝前底霜之用。

另外，品牌亦開發了 UV防禦技術「ADVAN」, 將 UV防禦粉體造成更薄的板狀形，提升產品的分散能力，避免粉體重疊在一起，防止 UV從間隙中穿透進入肌膚造成傷害，實現更強的 UV防禦效果，就連紫外線中波長最長的 UVA-1亦能抵禦。

成分中亦特別加入了 Rosemary 耐氧化劑，有效提升肌膚消除活性氧毒素的能力，幫助調理肌膚，不會受到外界環境刺激，進一步延緩老化。

想戶外活動既 sis, 另外仲有 day protector 抗老化防曬乳液 SPF50+ / PA+++ 選擇, 備有 fresh 和 moist 兩款質地選擇, 可惜包裝只有日文沒有英文, 買時要留意, 唔好買錯。

然後 Josepine 講解皮膚知識及新產品介紹

Primavista 新品 Powder Foundation 及 Long Keep Base, Foundation 唔啱色所以無試, 支 base 真係幾控油, 之後出左旺角, 又熱又焗, T zone 都唔算好多油, 個妝都 keep 得唔錯, 又唔會好乾, BA 仲做左個小實驗, 將另一品牌既 base (左) 同 sofina long keep base (右) 加入 BB 油搖勻, sofina 係唔會俾油份溶解既, 即係好控油令個妝持久好多啦