法國有機 Melvita 全新控油淨膚系列

膚質 : 混合偏乾, 轉季較易敏感, T 位中午後出油, 但情況唔嚴重, 有色斑, 毛孔粗大





品牌介紹 :

Melvita 於 1983 年在法國的阿爾代什創立 (MEL 是拉丁文蜂蜜的意思而 VITA 是生命力的意思), Melvita 今日已成為法國有機美容的領導品牌。Melvita 是首批取得 ECOCERT 環保有機認證的公司之一。Melvita 所有產品都符合 Cosmebio 的環保有機約章, 獲得 ECOCERT 有機認證, 保證產品的優良品質及卓越功效。產品需經過一連串的測試, 務求在成份、產地來源、生產方法、煉製方法及防腐保質方法各方面, 都符合相關的環保有機標準, 才能通過認證機構的認可。Melvita 所有產品均通過皮膚測試。
Melvita 控油淨膚系列小知識 :- 最少 30%的成份源自有機配方
- 所有產品均通過皮膚測試
- 蘊含天然活躍成份能有效淨化、修護、滋潤及平衡油脂分泌



包裝上列明 ECOCERT 有機認證及 Cosmebio 的環保有機約章


 
Melvita Foaming Cleansing Gel 潔面泡沫啫喱 $220/200ml
蘊含白樺及金縷梅花花水, 能有效補充水分。具高度淨化功能的薰衣草花水及鋅, 結合具殺菌功效的茶樹油, 有效活化肌膚。非皂化的配方為皮膚帶來清爽感覺, 而不會損害皮膚。
 


杰身 gel 狀, 每次一泵就夠啦, 泡沫唔算好豐富





 
使用日數 : 10日

用後感 : 質地係淡黃色 gel 狀, 好香薰衣草味, 每次一泵已經好足夠, 雖然泡沫唔算豐富綿密, 但洗得乾淨, 過水後塊面好爽, 但一 d 都唔乾, 睇下個水份測試就知啦, 我洗完面抹乾等左 3mins 先 test 咋, 無帶走皮膚水份, 簡介話可以消炎殺菌, 雖然我唔係暗瘡底, 但有時都會生 d 白頭仔, 暗粒粉刺咁, 用左 10日又真係無多左暗粒或爆瘡喎, 呢支 cleanser 我都幾鍾意, 又唔係貴, 大大支都幾襟用。



 
Melvita Moisturizing Sebum Balancing Fluid 控油乳液 $280/50ml
蘊含豐富的白樺葉、白魯冰花、木海拉及蘆薈, 能有效補充水分肌膚。而控油乳液的乳酪、菊苣、乳香、薑及複合物具舒緩作用, 令肌膚感覺舒適。鋅及米有效平衡油脂分泌及控油, 可以收細毛孔同時滋潤肌膚, 減少粉刺的形成。



稀身 lotion 狀, 吸收後好爽一 d 都唔 lup






 
使用日數 : 10日

用後感 : 好稀身既米白色乳液, 都係同潔面 gel 一樣好香薰衣草味, 但呢支濃 d 更加好聞, 有 relax 作用, 搽上面好快就吸收晒, 不過呢排天氣涼果時就唔太夠潤, 我會加精華打底就 ok 啦, 而且真係有少少控油作用, 我搽埋鼻都唔 lup, 平時化左妝 lunch 後個鼻都有 d 反光, 但用左佢就可以延遲 2-3個鐘先反光, 有時用紙巾印下都 ok, 唔洗點補妝, 之前用過 d 控油產品大多數都好乾, 但呢支唔會, 都有補濕作用, 只係我呢 d 混合偏乾皮膚滋潤度就爭 d, 但夏天 30度以上, 或油性/混合偏油皮膚用應該就好 good。