我原本係參加 8:00 - 10:00 果場既, 但因為早到左, 大約 7:00 到就上 LCX 望下先啦, 已經見到其它 Blogger 好努力咁玩緊啦, 亦見到工作人員拍低活動花絮, 然後我見到大佬 B, 話我早到左可唔可以早 d 開始, 佢話無問題, 咁我就去第一站既 Dr. Wu 啦, 呢個品牌係最想試既, 好想買佢既玻尿酸保濕系列 (藍色包裝), 尤其係精華同面膜, 但今次送既禮物係美白系列 (橙色包裝) 既 Toner 同面膜一片, 都唔錯呀, BA 都好 nice 咁教我點用
然 後係 Swiss Nature, 呢個係我首次試用及接觸的品牌, BA 俾左 Body Lotion 同 Toner 俾我試, 兩款香味係一樣既, 質地都係好補濕唔 lup, BA 話可以 Body Lotion / 控油 Toner / 補濕 Toner 三揀一, 係 full size 200ml 架, 咁我就揀左補濕 Toner 啦, 諗住夏天可以用黎做 Toner Mask 嘛, 呵呵, 另外隔離就係 Karen Mok (莫文蔚) 香水, 相信大家都唔陌生啦, 個包裝都幾靚
再到 Tony Moly BA 姐姐好細心咁介紹青蘋果去角質按摩乳霜, 同埋個使用方法俾我地知, 我仲識到 ★StAiCe★ 添, 所以一齊影左張相呀 (咦~~ 我係第一次 post 個衰樣上 Blog 喎, haha)
之後較為吸引既係 KP 啦, 有個信封, 入面有份文件係公司及產品既簡介, 仲有 d 新品既介紹, 整得好有心機架, BA 就送左支 liquid foundation
Isa Knox 都唔錯, 有睇開我個 Blog 既都知我之前係 Isa Knox 都放底過唔少錢, 今次送左秀麗韓最矜貴既仙柔系列 Trial Set 有精華及面霜, 之前係專門店都見有特價 set 裝賣, 但實在太貴唔捨得, 今次有得試, 正!!! BA 仲叫我繼續努力要換晒 d 野添呀, haha
去到 Zensation 同 Mario Badescu 好搞笑, 換領左禮品之後諗住過埋隔離既 Prosays 啦, 行左個圈都唔見人, 咁 MB 個 BA 同我講 Prosays 個 BA 行開左去斟水, 叫我再行下先返黎喎, 好 nice 呀
不過賣香水果度 d BA 就無乜交流, 俾張通行証佢地, 蓋印俾 Sample 後就打發我走啦.... 睇下張通行証, 俾我蓋滿晒印啦, 一個不漏呀, Yeah~~
大家睇下, 成績唔錯呀, 呵呵, 部份我用後會出文介紹下架啦, 等我呀.....
沒有留言:
張貼留言