Bioderma Sensibio Mask 深層再生防敏面膜

Bioderma 皇版產品卸妝水唔少人用過, 我自己都有用, 但今日想介紹既唔係卸妝水, 而係呢支防敏面膜

名 稱 : Bioderma Sensibio Mask 深層再生防敏面膜
價 格 : $368 (水貨價 $159)
容 量 : 75ml

產品介紹 :


專利 Toleridine® 舒緩敏感肌膚，為肌膚表面形成保護膜, 獨有水凝抗氧重整配方 : 甘露醇配合甘油、木糖醇合成水凝重整誘生物，對抗游離基，令細胞回復健康飽滿, Silky GX配方：重建肌膚細胞排序，使用後即時感到健康肌膚的平滑, 適合任何肌膚，包括敏感肌膚使用

使用方法：

(i) 敏感舒緩：隔日連續使用一星期，敏感肌膚得以速效舒緩； 
(ii) 強化肌膚細胞：使用一個月後，肌膚細胞提昇了，看得出來的滑溜肌膚 
潔面後，將再生防敏面膜直接塗於面上及頸部肌膚，敷10-15分鐘，以溫水沖洗或以沾上防敏保濕爽膚液的化妝棉拭去即可

皮膚敏感, 用 skincare 要好小心, 有一段長時間都敷唔到 paper mask, 一用就敏感, 唯有用返 gel / cream mask 啦, 上網見到呢款針對敏感皮膚, 係水貨舖買價錢平好多, 就買左支試下啦



白色 cream 狀, 無任何氣味, 敏感時會厚敷, 等 10-15分鐘就洗走, 皮膚唔太乾時, 個 mask 都仲有少少白色, 但如果好乾, mask 會吸收晒變成透明, 而且易過水, 唔會好油膩洗唔走咁



因為係 cream mask, 補濕效果唔算好高, 係偏滋潤感多 d, 所以敷完唔會好似 paper mask 咁水嫩, mask 都易被皮膚吸收, 敏感時皮膚較乾, mask 會變成透明, 因轉天氣乾燥而引起既感敏, 舒緩效果唔錯, 但好似我免疫能力差而敏感效果唔算好好, 不過無令敏感惡化, 而且敏感時皮膚乾乜都用唔到時, 用佢滋潤下皮膚都唔錯, 之前問過 BA 原來藍色系列既 Hydrabio Mask 補濕度高 d, 下次都想買黎試下