產品介紹 :
Biotherm 全新的基因透白調色底霜 ($300/30ml)，集齊美白、防曬和調色打底於一身。備有SPF30 /PA++ 的防曬系數，產品專利的Mexoryl SX/XL 防曬科技，可全面隔絕紫外線, 隔絕 UVA、UVB的侵害，是對抗黑色素形成的第一道防線, 不化妝日子亦可單用作保護。
專為亞洲女士度身研製 5種柔亮色澤，針性解決不同膚色不均問題，即時提亮膚色，持久修飾裝容，度身訂造專屬個人的白皙膚色。產品加入了「All Light Fit 全光效果」，以獨特的色光擴散科技，幫助肌膚在不同光線下反射所有的光線，質地也比以往更吸收，而且質地清爽貼薄，輕輕一抹膚色即時均勻、亮澤和透白。
系列更特別為幼嫩眼部肌膚設計了象牙色眼部調色底霜 ($150/15ml)，質地輕薄細膩，獨有的抗藍珍珠微粒，有效遮蓋黑眼圈、亮澤眼部肌膚。spf 20 防曬, 隔絕紫外線對眼晴的侵害。
最左邊黃色既係 eye base, 右邊既係 makeup base, 顏色由上至下分別係, 白、綠、紫、藍、粉紅, 質地好易推, 推開後好水好薄, 不過 eye base 同 makeup 質地係有少少分別既, eye cream 係再水 d 再薄身 d
咁多個顏色有咩分別呢...
亮白 - 提升亮澤及剔透度 (白淨但欠光澤/透明感)
淡綠 - 調節偏紅膚色, 修飾紅印 (暗瘡/敏感)
淡紫 - 即時袪黃, 均勻膚色 (普遍亞洲女士膚色偏黃)
天藍 - 去除暗啞, 自然光澤 (睡眠不足, 疲倦暗啞)
粉紅 - 改善灰沉, 締造紅潤 (蒼白病容, 不夠紅潤)
聰 明既 sis 都有留意到, 明明只係俾 4支試用, 點解我會有 5支 base 既呢, 係工作坊差唔多完結時, 職員叫住我, 話我膚色偏紅, 係咪容易敏感, 我本身膚色白得黎係偏紅 咁啱果日真係有少少敏感就更加紅, 咁就額外俾埋支綠色我試, 係視乎膚色而定, 唔係人人有架, 咁我都係最想試呢支, 所以就重點講下佢啦
咩都無用, 膚色都算白淨, 但面珠位係少少紅, 膚色不均
吱少少係手指位, 再印上面然後推開
質感清爽, 一 d 都唔 lup, 使用後膚色白淨左無咁紅, 但唔會死白, 對比無搽調色霜既另一邊面, 分別都幾大
因透白眼部調色底霜, 呢支都幾想試, 因市面效果專位眼部而設既調色霜, 有 d 品牌都有出, 但多數係 cream 狀, 較少係 lotion 狀
我黑眼圈唔算深, 但眼紋較明顯, 我只係局部抹甩左 d 粉底, 所以面部有 d 粉, 大家可以忽略左佢啦
眼部肌膚較面部薄好多, 所以要用無名指手塗抹, 輕印係要遮瑕既地方, 然後向外推開
遮瑕度唔算高, 始終呢支係調色 base, 唔係遮瑕用品, 有打亮效果睇落眼圈無咁深, 同埋 lotion 狀唔會令眼紋更覺眼, 但分量唔可以搽太多, 因為會用 eye cream 打底, 搽得多會較易唔勻
用後感 :
之 前都用過 Biotherm 調色霜, 當時未有化妝習慣, 唔識揀色, 使用份量及方法又唔正確, 搽出黎好死白, 一 d 都唔自然, 今次工作坊教既野好實用, 原來係要印上面再推開, 效果真係好自然, 但又改善到膚色, 質地好薄好易推, 唔 lup, 之後上妝都好貼, 有埋防曬一支搞掂好方便, spf30 返工係 office 都好足夠啦。
使用第一日咁啱有少少敏感, 用 eye base 同 makeup base 都完全無事, 唔刺激皮膚, 亦無令敏感惡化, 另外係工作坊度 BA 話單用 base 唔化妝既話係唔需要卸妝既, 普通 cleanser 都洗得乾淨。
除左綠色同 eye base, 我都有試埋其它, 但無影相啦
粉紅 : 我膚色都偏紅, 所以唔可以全面用, 只可以用係笑肌位, 搽少少可以連胭脂都唔洗搽就有白裡透紅既好面色, 而呢支係唯一有閃粉既, 但好微細, 上面唔太覺眼
白色 : 推開左差唔多係無色既, 睇落有光澤左
藍色 : 我膚色唔算暗啞, 全面用會白左 d, 但用係咀角、額頭、眼角呢 d 膚色較暗既位置就唔錯
紫色 : 當年就係買左紫色, 我膚色都偏白, 用左佢真係好死白, 今次再試用都唔係太啱用
希望呢篇試用文俾大家有參考作用啦, 另今次試用時間比較趕急, 如果多幾日可以再試真 d。
沒有留言:
張貼留言