凹凹賞第11回

Yeah~~ 又清到 d 化妝品啦, 今次仲係我第一次 KO 到個 blush 呀, 真係好難得, 不過係做 shading, 用量多過胭脂, 所以先咁快用完咋

以下有 Shu Uemura Glow On M85
Missha Moisture Lipstick PP302
Clinique Superbalm Moisturizing Gloss #10





雖然三款仲有少少淨, 但用到咁都算 "仁至義盡" 啦...

Missha 買左好耐 lu, 大家都見到仲係舊包裝啦, 顏色睇落好紅咁, 但搽出黎係無乜色, 好 gloss 咁架, 仲有 d 甜甜地既香味, missha d 野都 ok, 可惜 BA 真係 hard sell 到嚇死人

Clinique 新出果時上官網玩 game 抽中既 gift 黎架, 搽出黎係無色既, 不過幾潤又唔 lup, 我放係公司當 lipbalm 用, 雖然仲有少少, 但已經好難吱出黎啦

最 後係今年先買既 Shu Uemura, 上化妝班後用 deposit 買既, 估唔到咁快用完, 10個月咋, 一年都無, 不過粉質係幾幼細, 又夠顯色, 可惜做 sharding 就細盒左 d 啦, 可能我塊面太多掛, hahaha, 個框仲有少少, 但我用支細掃都好難上, 怪格硬掃會整到支掃 d 毛開叉呀, 所以都係放棄啦

聖誕禮物最後衝刺!!!

覺得自己購物狂既病情真係好嚴重呀, 連平安夜都忍唔住要敗家, 果日係朗豪坊經過 Bourjois 見到呢 set 幾吸引, 有 10 Hour Sleep Effect 粉 底 + Mineral Enriched Loose Powder + Brush Concealer 都係 $398 咋, 其實早幾日已經見到, 但諗左幾日都仲好念念不忘, 最後都忍唔住帶佢地返屋企啦, 奇怪點解張相得 2樣既, 因為支粉底我要既色缺貨, 要等 BA call 我先有得拎呀, 其實 Bourjois 都出左新粉底架, 同 10 hour 差唔多, 但質地 creamy d, coverage 高 d, 單支價錢都只係 $208 (比舊版貴 $10), 原本都想買新版, 但 set 裝支粉底唔可以轉新版, 諗住單買支 fdt 算啦, 但 BA 話買滿 $300 可以 join member, 咁差少少無理由唔買架嘛, 但彩妝又無乜興趣, 果刻又醒唔起有 skincare 賣喎, 咁都係要返 set 啦, 好似抵 d, 支 fdt $198, 碎粉 $168, 加多 $32 就有支 Concealer 喎, 不過我唔知原價幾錢, 係 counter 無 show 出黎, 總之就抵 d 啦, haha, 點知返屋企上網先知原來可以買 cash coupon... 咁我可以買新版 fdt + $100 coupon, 等有優惠先用張 coupon 買野嘛....



碎粉 BA 幫我配左 02 Rose Chic 色, 睇落有少少深色, 但試係手又 ok 喎, 粉質好幼細, 而且幾鍾意粉盒既設計, 個樸樸都好軟, 缺點係個蓋 click 唔實, 不過我未用上面, 等埋支 fdt 遲 d 出個詳盡 post 啦





支 Concealer 都係未用既, 掃頭設計好似 YSL 明彩筆咁, 81 Beige Clair 色, 係 counter 試係手係白左少少, 但另外一隻 82 色又太黃, 一定唔啱



大 家見到會話... 你又買唇膏... 無錯, 其實呢支初初出果時試係手都好鬼鍾意架啦, 但唔多地方有開架, 又買左好多 NYX, 漸漸就忘記左佢啦, 點知噚日 boxing day 係 watsons 見到, 再試係手都仲係好鍾意, 咁有 $100 watsons coupon, 既然唔洗錢, 又有藉口買啦, 呵呵



係 Fasio PK 831 色



質地都幾令幾潤, 搽上咀係偏 nude pink 色, 好自然, 似無搽唇膏, 但面色會精神左



另外係朋友送既聖誕小禮物, hehe, Canmake 甲油, 雙妹嘜 Bath Gel 薰衣草味, 都幾香喎, 近期好多雙妹嘜用添

肌研極潤彈力肌保濕化妝水

名 稱 : 肌研極潤彈力肌保濕化妝水
價 格 : $66
容 量 : 170ml

產品介紹 :

「肌 研」是日本樂敦制藥研究中心及美國曼秀雷敦公司, 共同研發的肌膚護理系列。本著 "Perfect & Simple" 的理念, 不斷尋找最純正的成分, 由最嚴格的制藥基準監控下, 為肌膚締造最健康的美肌產品。產品的超卓保濕成份 - 超級透明質酸, 其保濕力量是透明質酸的兩倍 (吸收 1克透明質酸足以鎖緊 6 公升水份), 因而稱為超級透明質酸。它能顯著改善角質層乾燥問題, 重拾肌膚水漾豐盈。

*  含抗衰老的滋潤成分紅藻素, 色素呈橙紅的天然胡蘿蔔素, 質感豐厚
*  深入肌膚底層, 補充水份及油份, 撫平皺紋及細紋, 讓肌膚由內到外真正感受彈力提升
*  配合超級透明質酸, 提升紅藻素的滲透性及柔軟角質效果, 增強其抗氧化功效, 賦予肌膚豐盈彈力
*  弱酸性, 低刺激性, 不含香料, 油份及酒精








 
係 Watsons 做特價 $66 買既, 原價好似 $89 架
橙色 gel 狀, 上面係無色既, 唔洗擔心會變橙面人, 我用化妝棉上, gel 狀唔會好潤, 上面推開變水狀既, 都易吸收, 雖然水份測試機既結果錯, 但我覺得補濕度無想像中咁好, 搽完上面等一陣先搽 skincare 既話, 會有少少繃緊感, 抗衰老或去紋效果就未見到, 一支都幾襟用, 我早晚各用一次, 用左一個月多 d 都仲有成大半支, 下次都係試下白色樽極潤先

另外個包裝就麻麻, 唔係個樣喎, 係個樽好厚身好硬, 但個質地 gel 狀好杰, 好難倒出黎, 又吱唔到... 用多排要倒轉黎放先得啦

試用 : L'oreal Paris REVITALIFT 緊貼提升舒展面膜

多謝 theZtyle.com X L'oreal Paris 邀請我參與 L'oreal Paris REVITALIFT 緊貼提升舒展面膜既試用活動, 等我有機會免費試用到呢款新產品呀!!
 
名 稱 : L'oreal Paris REVITALIFT Fit & Lift Stretch Mask
容 量 : 4 片

產品介紹 :

注入 REVITALFIT 成分, 經證實具有抗皺緊緻雙重功效。
  Pro-Retional A (維他命原 A) : 高效抗皺活性成分, 能激發肌膚新生, 使表皮組織變厚。
  Fibre-Elastyl (活性多維緊緻素) : 專利緊緻活性成分, 保護彈力蛋白纖維防止其退化。
  Hylaluronic Acid (透明質酸) : 著名保濕成分。
全新緊貼提升織布材質, 柔軟可舒展的織布面膜, 專為亞洲人臉型設計。它能伸展並精準貼合整個臉部, 完美貼合讓有效成分滲入肌膚。




使用方法 :

輕柔地展開面膜。將面膜從額頭覆蓋到鼻樑, 然後輕拉面膜使其完美貼合臉的其餘部位。最後, 沿下巴輪廓輕輕拉起面膜兩側, 使其緊貼整個臉部。
放鬆 10-15 分鐘, 同時輕按肌膚以幫助吸收。揭去面膜後, 以按摩方式令肌膚吸收剁剩餘精華液。建議每週使用2次。









好少見開架 paper mask 會有說明書, mask 設計同普通既 paper mask 唔同, 鼻位係 cut 開得條線, 唔係有個窿既, 而且腮骨位及咀位係細 d 既, 咁就有空間提拉個 mask 啦, 仲好貼心咁有埋眼蓋位添。

精華係乳白色, 有少少杰, 敷時感到皮膚有少少收緊感, 敷左 15mins 塊 mask 仲好濕潤, 因為精華較滋潤, 敷完按一陣都未完全吸收, 仲有少少 lup, 要用 toner 抺下會好 d, 唔係之後搽 skincare 會較難吸收

使用後水份升左 20%, 油份都升左 10%, 即係呢個 mask 補濕得黎滋潤, 而家呢 d 天氣用都仲可以, 夏天真係 lup 左 d 啦, 不過 REVITALFIT 系列係抗衰老既, 質感滋潤 d 都正常, 可能熟齡肌較適合

Kose 清肌晶 Perfect Cleansing Oil

名 稱 : Kose 清肌晶 Perfect Cleansing Oil
價 格 : $240 (Regular Size $150)
容 量 : 330ml (Regular Size 185ml)

產品介紹 :

	配合嶄新的角栓清除成份，有效地將多餘皮脂快速溶解，連毛孔底部的皮脂及黑頭也能徹底地洗淨，展現出明亮清肌。
	可用於濕濡雙手，可於沐浴時一併使用，徹底地清潔肌膚。
	配合中日植物精華，締造晶瑩柔滑的肌膚
	清爽怡人的香味使人心身舒暢，有恢復精神之用。

質地好水唔算杰身, 透明無色既, 少少香味唔算濃



搽左 kiss me mascara 係手試下個卸妝力



我吱左半 pump 係掌心既 cleansing oil 沾係塊化妝棉抹左一下, 已經卸左九成啦



睇下塊化妝棉幾多 mascara ...



夜晚用係面度試下個水油份先, 淨係用 cleansing oil 後等左 3mins, 水油都升左少少, 無洗走皮膚水份, 亦唔會油 lup lup




呢支已經係第二支啦, 之前用過覺好好用再回購既, 但果時未寫 blog... 以專柜貨黎講, 價錢算抵用, 不過呢支我唔係係專柜買, 係雅施買既, 特價 $180, 都幾抵, 平均都係貴 biore 少少咋, 330ml 好抵用亦好襟用, 一支都用到4個月, 另外係 watsons 開架可以買到 185ml regular size, 但計返就無咁抵啦

整體用後感, 質地唔杰, 好推, 容易溶解彩妝, 連較難卸既 kiss me mascara 都卸到九成, 我諗其它 mascara 應該可以完全卸除, 不過我自己習慣分開眼/面既卸妝用品

加少少水容易乳化, 過水後塊面好滑, 唔會油 lup lup, 算幾爽身添, 用左一排覺得皮膚好左, keep 到滑左, 可能卸得夠乾淨, 又唔會令皮膚出粒粒, 大推大推~~

購物 : 雙妹嘜 + Maybelline

 


上星期個 fd 去左工展會, 話雙妹嘜洗髮水及護髮素好平, $20 支, 都諗住去敗架啦, 點知今日放工係淘大見到雙妹嘜擺擋喎, 洗髮水, 護髮素, 沐浴露都係 $30 支, 咁計返車錢, 入場費, 腳骨力都有賺啦, 我買左花露水味, 另外有薰衣草香味架, 不過轉左包裝喎, 無以前粉紅色/米黃色包裝咁娘, haha。

另外果支係 Maybelline Dream White UV Base SPF50 PA+++, 原價 $69, 之前特價 $49 已經好想買架啦, 但唔知點解又忍到手喎, 但今日見到 $35 咋, 真係 "忍無可忍" 唔買對唔住自己啦, 呵呵!!! sasa, 萬寧, watsons 都係呢個價, 但部份缺貨呀, 想買既 sis 可能要行多幾間啦 

總於有 X'mas Gift 啦, yeah~~

由 11月起, 各大化妝品牌, she.com, BE, the Zytle 既 sis 不停放火介紹聖誕限量 Set, 已經燒到我囉囉孿架啦, 但因為未睇啱心水, 月頭又唔係幾得閒, 一路都未出手, 呢個星期終於忍唔到啦, 呵呵呵~~

首先俾黑咪魔到既 Soigne 布甸 mask set $499



有 full size 布甸 mask 100ml, 呢個係 soigne 既皇牌產品, 一路都好想試, 終於有機會, haha, 呢個 mask 原價要 $680, 有時會員特價就 $399 但要買2罌, 而家 $499 仲送咁多野, 真係好抵, 原來呢個係清潔 mask, 我一路以為係補濕 mask 添, haha, 暫時只用過一次, 遲 d 會有詳盡既用後感文架啦

藍色 tube 係 Body Essence 50ml, BA 話可以當 hand cream / body lotion

活泉水 30ml, 妝前妝後用都得既補濕 spray

扭紋型胭脂(未試), 另外有花花形, 但個色好啡, 我唔啱用, BA 幫我轉左呢個

鏡盒, 有 soigne logo 及絨袋, 另外仲有個化妝袋, 但唔記得影相添, haha

另外 BA 叫我買埋 $399 既補濕 gel set 架, 都係 soigne 既皇牌, 但我自己好多 lotion / cream, 所以唔買 lu


好野點止咁少, 呢 set 仲正, 完全免費架, 係 BE 聖誕大抽獎抽中既, 果日仲約左 sheep 出黎添, 佢俾左支 johnson 香水我, 都幾香, 香味都算持久, 但我又係唔記得影相....



講返呢套野先, 有個銀色手挽袋, 四色 Face Powder, Liquid Foundation, Lipgloss, Lipstick, Mascara



四色 Face Powder, 可以做光暗影, blush, 不過唔係好顯色, 有少少閃, 但個包裝就好靚啦


個粉底係 6號色, 比我膚色起碼深 2度, 只可以用黎做陰影, 但真係好貼好薄, 遮瑕度都 ok, 如果啱色會幾好用架, lipgloss 隻色都幾靚, 係淺粉紅有閃粉既


呢2款都未用既, lipstick 就用唔到啦, 係淺啡色好 nude, mascara 係黑色, 刷頭

Sigma Brush Face Kit 用後感

之前上網買左套 Sigma 化妝掃, 都係時候講下用後感啦, 其實都想出呢篇文好耐架啦, 但太忙未有時間....



睇返有 d 咩掃先, 由左至右



SS150 - Large Powder Brush
碎 粉掃, 毛量多, 掃頭夠大 (影埋手掌做對比), 掃 2-3下已經可以掃勻全面, 初初收到我係用 brush cleanser 清潔左先用既, 但第一次用有少少拮面, 唔知係咪支 brush cleanser 酒精太重, 搞到支掃好乾, 仲諗住死啦, 點解咁既... 好後悔買左添, 但買左都要用架, 點知用多幾次就越用越滑啦... 同埋支掃抓粉力好好, 但用完係紙巾掃下就好乾淨, d 餘粉唔會黐實晒係 d 毛度喎, 我用左一個月都仲好乾淨, 未需要大洗 (平時 d 掃頂盡 2 weeks 要洗一次), 唔需要洗咁密, 對支掃既壽命都好 d 嘛



SS187 - Duo Fibre Brush
呢 支好多用法, 可以上濕粉、碎粉、胭脂, 可以話除左眼唇全面都用得咁制, 而且乾濕質地既彩妝都得, 真係幾多用途, 但我唔係太識用佢, haha, 白色部份係纖維, 黑色部份係動物毛 (我唔知係咩動物), 毛量較疏, 抓粉力唔強及用粉餅狀時容易飛粉, 所以用黎上胭脂唔夠顯色, 上碎粉就幾薄, 反而最好係用黎上濕粉, 無粉痕亦好貼薄, 另外我無 cream 狀胭脂, 所以試唔到效果



SS168 - Angled Brush
我最滿意係呢支呀, d 毛好滑一 d 都唔拮, 而且個角度真係做得好好, 用黎做 shading 好正, 好容易就掃到準確位置, 不過掃胭脂就細左少少, 係權骨打斜掃就唔錯, 但如果想掃蘋果肌就要大範圍咁掃先得啦, 原本係純白色架, 好懶無洗就影相啦



SS190 - Foundation Brush
都唔錯, 唔會拮面, 但如果毛量再濃密 d 好似 CVS 咁仲正, 同埋都有少少粉痕, 較為少用...



SS194 - Concealer Brush
係 Foundation Brush 既縮細版, 質地係完全一樣既, 用黎掃眼肚鼻翼呢 d 微細位就好啱啦, 可以好貼咁掃上遮瑕膏, 再用手印下效果就好好, 用係面遮痘印/斑斑一樣好, 可能遮瑕膏較杰, 又唔會拖掃, 掃到好薄, 所以佢就無粉痕



SS239 - Eye Shading Brush
係 眼部重點位置上色既掃, 毛量厚實, 但好滑, 用黎上眼尾加深, 眼頭打亮都好好, 其實呢支已經可以化晒成個上眼蓋都得架啦, 價錢雖然唔平, 但要買到 mac / bb 呢類專業化妝掃既 cutting, 咁 sigma 算好抵啦, 其實我好少化眼妝, 以為眼影掃無乜特別, 但原來一支好既眼影掃, 化起 e/s 上黎真係得心應手好多架, 尤其而家興幾個色漸變咁, 會自然好多, 又可以突出眼部輪廓



SS219 - Pencil Brush
係 買 set 裝送既, 所以掃柄係銀色, 同埋短好多, 單買或 set 狀都係長柄既, 白色毛同 Angled Brush 應該係一樣既, 掃毛較長, 觸感好 soft, 用黎 blend 開眼影既, 用黎化 smokey eyes 係眼窩 blend 開, 或者係眉骨位打亮都好啱用


好 多 sis 都想知道, 到底佢同 MAC 比較既話, 係咪真係咁好架, 佢價錢雖然唔算貴, 但如果全套買亦都唔係平, 我都有咁既疑問, 但我無 MAC 既化妝掃, 所以走左去 MAC counter 玩下 d 掃, 首先掃既型號、形狀、大細真係可以話係完全一樣, 唔係有個牌子名既話, 真係以為係淘寶買左老翻, 當然原裝長柄 MAC 既優勝少少, 但分別都唔係好大, 只係 MAC 再滑 d, 但價錢就差一倍有多啦, 不過比起 MAC 限量 mini brush set 既話, 就好好多啦, 掃既形狀標準 d 唔在講啦, d 毛都滑好多, 論價錢我呢 set 同 mini brush set 差唔多架咋, 咁我就覺自己買到好野 lu, hehe, 如果 sis 係無乜主要果幾支化妝掃, 我覺得可以考慮買一套試下, 但本身已經有碎粉掃, 胭脂掃呢 d 較貴既掃, 而又用得幾好既話, 就可以唔洗重覆買啦, 因為買眼影掃呢類細掃都唔係好貴, 單買同買 set 差唔多, 咁唔洗多左幾支係度浪費左嘛... 不過我自己都好多化妝掃, 但都忍唔住買左 set, 哈哈~~


想了解更多資料或使用方法, 可以睇下 Sigma web site, 有埋 video 教點用 d 掃架
http://www.sigmamakeup.com/howto.html