祝賀曹生嘈太新婚之喜!!!!

呢排為左個 fd 既婚禮都好忙, 無乜 update 個 blog 添...

星期六 12/12 係曹生嘈太 (我唔係打錯字, 因為我個 fd 真係好嘈, haha), 既大日子, 當日真係上天保佑, 天氣非常之好, 過程都好順利, 所有野都 on time 完成, 當然我地一班兄弟姊妹勞苦功高啦, 哈哈

當日我一早 5:30 就起身啦, 因為要自己 set 頭化妝, 約埋 2個姊妹搭的士入屯門, 準時 8:30 去到, 之後就準備玩新郎既野, 等 d 兄弟上黎啦, 雖然佢地遲左少少, 但大家都好合作, 好肯俾我地玩, 新郎哥當然有求必應, 樣樣做足啦, 最爆笑係佢 solo "0靚模10式" 真係笑到轆地呀, 我差 d 連隔夜飯都嘔埋出黎....

果日可能太早起身, 係女家玩遊戲時多人有少少焗, 未去到男家我已經開始頭痛啦, 但唔算好勁仲頂到, 不過食完 lunch 已經有少少想嘔啦, 但又趕住去教堂都唔理得咁多, 係車度閉目養神好左 d 啦, 去到教堂都好忙, 要幫手佈置及接待賓客, 到有時間坐低, 已經呆呆地, 又眼瞓喎, 所以都無乜心機聽神父講野... 之後仲要拆返場地佈置, 執拾物資咁, 我都唔知自己點捱架啦, 總之好辛苦, 去到酒店前終於頂唔順, 買左排必利痛頂下先, 咁之後就好好多啦....

有個 fd 好好呀, 佢只係去教堂觀禮, 都拖成喼化妝品幫我同另外兩個姊妹補妝, 所以去到酒店我都無咩做過野, 補完妝都 7:30, 之後坐陣吹下水咁等開席, haha, 一對新人講感受時好感動, 仲為左表示對父母既感謝, 每人獻唱左一首歌俾佢地, 仲播返佢地後生既片段, 真係又好笑又感動呀, 果刻我都有 d 眼濕濕  , 跟住都無乜特別啦, 食完執埋 d 手尾, 傾幾句影張相就走人 lu, 今次有份參與, 真係好開心又感動, 而且無驚無險好順利, 無乜特別事發生, 都要多得班教會既兄弟姊妹, 雖然第二次見 (第一次食兄弟姊妹飯), 佢地真係好 pro 呀, 做慣做熟, 好主動又熱心, 個個都好好人呀, 所以今次都唔太辛苦, 仲玩得好開心添, 大家都話有機會想再合作, haha

PS. 另外都要讚揚下兩個攝影司, 好 pro 又識搞氣氛, 有禮貌又玩得, 各位要結婚想搵攝影司我都好想介紹俾大家, 因為真係見過 d 黑面既攝影司, 影響晒 d 歡樂既心情呀!!

彩豐行植物香薰系列

舊年係彩豐門市買既, 做 promo 買 cream 送 cleansing milk, 都買左好耐, 而家先開黎用, 兩件產品既功效唔算好特別, 所以兩款一齊出用後感啦!!!
 

植物香薰洗面奶 (中至油性) $38 / 250ml

檸檬及苦橙葉香薰植物成份，有助抗菌的作用。同時具有緊膚及控油效果，幫助調理油脂分泌及油光滿面，去除死皮細胞、淨化黑頭粉刺，防止粉刺再生。
 
植物香薰水潤面霜 (中至油性) $58 / 60ml
檸檬及苦橙葉香薰植物成份，有助抗菌的作用，緊膚及控油效果。有助減少油脂分泌，減退暗瘡印及均勻膚色。






~~ 質地 ~~

洗面奶 : 唔稀唔杰既 lotion 狀 (好廢話...) 都幾好推, 唔會稀到流落黎, 但又唔會好杰好難推

面霜 : 好杰既 cream 狀, 唔算好好推, 但推開易吸收, 唔算 lup


~~ 用後感 ~~
我有用水份測試機試架, 不過影唔切相, 所以今次打出黎啦

洗面奶
使用前 : 水份  30.8%     油份  15.8%
使用後 : 水份  32%        油份  16.4%

我只係朝早用, 冬天用起泡既 cleanser 早晚共洗兩次面會乾左 d, 所以朝早我會轉用 cleansing milk, 乾手乾面用, 上面後聞到好香既檸檬味, 但唔似洗潔精, 都幾清新, 瞓醒用佢都幾醒神, 但隨住使用既日子越耐, 個香味就越淡, 或者我已經習慣左呢個香味都唔定。佢個質地唔算好稀, 所以潔面後過水都要沖多幾下, 過水後唔會油 lup lup 咁, 有少少滋潤感, 睇返個測試結果先, 水份同油份都唔係升左好多, 始終係潔面產品, 唔會有咩補濕作用, 無過度去除油脂已經唔錯, 佢亦都做到。


面霜
使用前 : 水份  31.1%     油份  15.9%
使用後 : 水份  38%      油份  19.1%

我 平時搽好多 skincare 最後先搽 cream 既, 驚影響個測試結果, 所以我係試係手架, 雖然個名叫 Aqua Cream, 但質地一 d 都唔 aqua, 係杰身既 cream 狀, 香味無洗面奶咁好聞, 只係好淡既檸檬味, 不過面霜唔重香料都係好既, 無咁易敏感嘛, 杰身感覺好滋潤, 有少少難推, 但幾快吸收, 吸收後唔會令身, 反而係 matt 既, 測試結果都睇到, 水份唔係升左好多, 我自己都感覺得到, 搽左佢唔會覺得好水嫩, 效果亦唔持久, 到 lunch 後已經 feel 到面珠位有少少乾啦。


兩件產品包裝都寫住開封後使用期限係4個月, 初初都驚個 cream 會用唔切, 但我搽埋頸, 半個月已經用左 1/4 啦, 2個月應該可以 KO 佢, hehe

變髮之草莓魔髮球

都買左一段時間架啦, 諗住今個月做姊妹時自己 set 曲 d 頭髮所以買黎玩下既, 但買左咁耐只係玩過一次, 未真真正正試下效果, 所以咁遲先出 post, 難得今日放假得閒, 即刻試左先!!!

個樣好 cute 呀, 另外見過有淨色圓形既, 功效用法都一樣



第一次唔識用, 好難將 d 頭髮翹入中間條"拿" 度, 後黎係 logon 見到有類似既魔法球, 包裝後面有教使用方法, 原來要將一條反起, 咁就容易好多啦, haha, 反起左好似隻水母...



使用前既直髮, 髮質較幼, 髮量少好薄 (附送好厚既肉背....)



要乾髮翹, 試過濕髮用, 係完全唔曲架, 因為濕髮好重, 拆左個海棉好快直返, 除非翹過夜啦, 但佢唔係好實, 瞓醒應該會甩晒, haha



今次整得幾耐, 翹左 2個鐘, 所以幾曲同埋 keep 得耐 d, 如果朝早趕時間, 用風筒吹加埋定型用品既話, 30mins 應該 ok 架啦

完成....
未研究到個翹既方向, 所以明顯左邊曲過右邊好多, 但都唔錯呀, 唔洗用曲髮捧咁傷, 又平喎, 耐唔時想轉 look 既 sis, 係一個唔錯既選擇~~



正面, 請唔好介意我個雙下巴 + 頸紋...

VICHY AERATEINT PURE 持久護膚粉底

第一次抽中 BE 既禮品/試用, 多謝 Beauty Exchange X Vichy 邀請我參與 VICHY Aerateint Pure 12小時不變色持久護膚粉底既試用活用, 等我有機會免費試用到呢款新產品呀!!

名 稱 : VICHY Aerateint Pure Fluid Foundation
價 格 : $185
容 量 : 30ml

產品介紹 :

此粉底不單蘊含豐富 Vitamin C及E，還注入VICHY溫泉水，24小時不停保充肌膚水份，令妳的妝容一整天都能保持水潤貼服﹗
使用次數 : 4
膚質 : 混合偏乾, 轉季較易敏感, T 位中午後出油, 但情況唔嚴重, 有色斑, 毛孔粗大




包裝簡約, 一貫醫學美容品牌既感覺, 產品試用都係全新未開封架





無得揀色, 上到去職員求其俾左一支我咋, 呢支係 Light Ocre 20 色, 睇個樽以為好深色, 但估唔到吱出黎都幾白, 我皮膚偏白, 但呢個色對我黎講都白左 d, 大家都睇到隻手明顯白左, 杰既 lotion 狀質地, 都幾貼但唔算好推...



為左俾大家睇下搽上面既效果, 第一次素顏照呀, 希望唔好嚇襯大家
咁啱腮位生左粒大瘡, 俾我手多多吱左留左個印係度, 可以俾痘痘肌既 sis 睇下個遮瑕度啦, 搽左 skincare 及有色防曬做 base...



好明顯個顏色白過我膚色, 所以唔可以搽太厚



遮瑕度唔高啦, 佢隻色又白, 所以我推到好薄, 所以大家睇到分別唔算大



上埋碎粉, d 斑同痘印都仲幾明顯, 同埋大家都睇到唔太貼有 d 乾乾地...




整體用後感, 第一日想試真 d, 所以無搽 base, skincare 後直接上粉, 個粉底白左 d , 唔可以上太厚, 都幾薄貼面, 但唔太好推, 個粉底又無防曬, 所以之後都搽左 biore 有色防曬打底先再上粉。

質地係偏杰身既 lotion 狀, 但幾爽身, 相對地我偏乾肌係呢 d 秋冬天氣就唔太夠潤, 上埋碎粉就明顯唔貼好粉感, lunch 後亦感覺面珠位置有繃緊感, 但 T zone 又出油喎, 可能 vichy 既產品多數都係較清爽

遮瑕度唔算太高, 雀斑痘印遮到五成啦, 但毛孔就完全唔得啦, 我毛孔粗大, 肌膚狀態唔好時用佢會仲顯眼, 好彩眼紋方面就唔太嚴重, 唔會 "攝"左入去

致於呢款粉底 sell 既12小時持久不變色, 係絕對做到既, 我由朝早 8點幾化妝, 到夜晚12點卸妝, 超過12小時都無轉暗, 當然有溶有甩啦, 出油後都有少少浮, 但都可接受, 只係令我皮膚較乾囉, 呢款粉底比較啱偏油性皮膚, 或中性皮膚夏天使用。

免費試用 + 換領 Sample

呢個星期都算收獲豐富, 但全部都唔洗錢架, 呵呵, 有試用, 有收到 email print coupon 換既, 亦有收到會員通訊換既, yeah~~




首先最左上角果支係 BE 抽中既試用產品, Vichy 新出 Aerateint Pure Foundation, 過幾日我會出文詳細介紹架啦

再黎係 Kose CD 系列 sample, 其實只係對個 Liposome 有興趣, 之前都試過 essence 同 cream, 真係好好用, 但太貴唔捨得買, 見上網有得登記換 sample, 即刻 action 啦, haha, 但估唔到送埋 Toner & Lotion 各 2包, 每樣各有 6ml 架

中間果支係 Kiehl's Rose Water, DBS 信用咭寄信黎既, 又係想試好耐, 之前都有試過換 toner sample, 但 BA 俾左個唔知咩 Tea 系列果款我, 但我淨係想試玫瑰咋, 今次有得試啦, 仲要唔細支, 有成 30ml 架, 見到好多玫瑰花瓣係個樽入面飄浮好得意呀

最後係 SK-II Skin Signature, 又係網上登記既, 之前已經換左罌 2.5g 架啦, 今次又多一罌仔, 可以試真 d, 呢個好用既話我會買貨裝, 見黑咪同 sheep 用過都話唔錯, 年紀唔細, 要開始落重本保養下嘛, 呵呵





另外經過 Citysuper, 玩下 Canmake 新出既 Lip Butter, 真係好香好甜, 但細細罌幾十蚊唔抵啦, 我都係玩下無諗住買, 我已經好多 lip balm 架啦, 點知係隔離貨架見到有呢罌野喎, 一見到係西瓜味... 仲只係 $11 大元, 包裝的的骰骰幾得意, 忍唔住買黎玩下啦, 因為我幾鍾意西瓜味既潤唇膏, 但唔多牌子有, 一係就好假, 完全唔似, 但呢個都未開黎用, haha, 又唔知要放幾耐先會開... 大家耐心等下啦, 佢另外有 stick 狀架, 但得 3g 超細支, 雖然 $6, 但我覺得唔就手同埋好易唔見呀

清貨 - 2009年11月

The Body Shop Guarana Berry Volumising Shampoo (按此)
呢 款係有豐盈效果既, 用左真係覺得頭髮鬆 d 厚左咁, 但頭髮未乾透時, 就會比較蓬鬆, 散亂左少少啦, 啱 d 髮量比較薄既 sis 啦, 另外, 佢唔覺太夠潤, 尤其我長頭髮, 夏天都仲 ok, 秋天已經唔多夠, 過水後 feel 到頭髮少少啜手, 髮尾仲較易打棘添, 用完呢支 shampoo 用返霸王夾同系列既護髮素, 都滑返 d。

The Body Shop Guarana Berry Volumising Conditioner (按此)
light lotion 狀, 用左頭髮都幾滑, 但唔算好潤, 我 d 頭髮都幾長, 朝早洗頭, 到下晝髮尾已經有少少打棘, 如果夏天用就幾好, 秋冬一定唔夠, 或者份量要用多 d。

Ivory Soap (無影相)
之 前係 BE 好多 sis 話好好用, 去暗粒好有效, 咁 sheep 買左一 pack 試, 佢 cut 左半舊俾我, 都幾大舊啦, 我用黎洗面沖涼, 先講洗面啦, 我暗粒唔多, 所以唔太清楚佢呢個功效顯唔顯著, 但洗完都唔算乾, 連朝早用都 ok, 無香味, 較難起泡, 要用起泡網幫手啦, 用黎沖涼反而有 d 乾, 沐浴後要即時搽 body lotion, 唔會會痕痕地...

Dove 潔顏油慕絲 (按此)
雷品!!! 係日本買既, 香港仲未見, 卸妝力真係好麻麻, 防曬、粉底都卸到, 但 e/s、eyeliner、macarar 就完全卸唔到, 想盡快用完算啦, 好彩泡沬型都唔多襟用咋。

Ipsa Cleansing Milky Foam (按此) 
已 經用完第二支啦, 不過之前果支係買 set 既 50ml travel size 黎既, 呢支 cleanser 洗得乾淨又唔乾, 而且好襟用, 雖然 125ml 唔算大支, 同男友一齊用都用到4個月呀, 早兩個月有 promotion 已經買定支 stock 啦。

Shiseido The Skincare Night Moisture Recharge (按此)
朋友舊年送既生日禮物, 質地好爽, 都 ok 既, 但無乜特別囉, 用左皮膚無差到, 但又無改善咁囉, 我對 shiseido 既 skincare 都係唔太夾。

彩豐行蜂皇玻尿酸爽膚精華 (按此)
雖然寫精華, 其實係 toner 黎既, 平平地買黎試下, 因為我好鍾意 honey 味既野, 但呢款香味濃左少少啦, 都唔太似 honey 味, 我係用黎敷 mask 前抹面, 打個底咁架咋, 有少少補濕唔 lup, 120ml 都用得幾快。



Sample :

LAHA White Rich Spot Balm x 3
Clinique Superdefense
Max Factor Second Skin Foundation
Hanskin Magic Perfect Super Magic BB Cream
 

拎左姊妹裙啦~~

1212 係我朋友結婚既大日子, 佢邀請左我同另外2個 friend 做姊妹, 咁噚日去食兄弟姊妹返, 順便拎埋條姊妹裙...



深紫色都較為少見, 原本唔係咁架, 揀左粉紅色, 有現貨睇真身, 其實都 ok, 但其中有一個姊妹好似唔太鍾意, 咁當然我地無理佢啦, 無理由要 5個就佢1個架嘛。

原本諗住租, 每條都係 $180 幾抵, 可以幫新娘子慳荷包嘛, 可惜每條裙要俾 $500 deposit 喎, 有咩污糟損壞會全數扣除, 咁仲貴過買, 所以新娘決定每人買一條, 又可以俾我地留念, 都好似係 $2xx 架咋, 咁都 ok 呀。

就係因為由租轉為造, 果個唔滿意既姊妹竟然偷偷捉左新娘去改色喎, 仲要係深紫 + 香檳金腰帶, 聽到真係好愕然呀, 佢唔通知聲已經唔係好啱, 完全唔理我地其餘5個姊妹既意見, 我覺得幾唔尊重人囉.... 仲要咁既配搭, 都幾 "騎呢" 架嘛, 但為免新娘難做, 我地幾個姊妹都好識做無出聲啦, 佢鍾意點改就點改啦, 好彩出黎都唔肉酸, haha

咁噚日去左旺角食飯啦, 見到晒 d 兄弟姊妹啦, 伴娘同另外2個姊妹就唔識及未見過既, 噚日去攞裙走果時, 見到有2個女仔又係拎姊妹裙, 聽到佢地講深紫色... 新娘姓 x, 都估係唔係佢地呢... 去到餐廳佢地見到我地已經話啱啱係婚紗舖見到我地, haha, 真係橋呀~~ 係個老闆娘話佢地知係一齊既, 仲問佢地, 乜你地唔識既咩, haha, 伴娘同果兩個姊妹都幾 nice, 幾好傾添

到講下 d 兄弟啦, 都無乜特別, 幾正常咁啦, 同埋係教會都做開兄弟團架啦, 應該都幾熟手, 起碼知自己要做 d 咩啦, 呵呵, 咁當日就唔洗咁辛苦 lu....