Mane'n Tail 深層保濕系列

本身頭髮雖然長, 但好幼好薄, 臨近大日子, 都想頭髮快 d 長, 咁 set 頭都會多變化及靚 d 啦, 見 Mane 'n Tail 美國箭牌洗護系列寫住 "超乎想像, 頭髮急急長", 當然要試下啦



之前都用過草本滋潤系列, 但我頭皮易出油, 對我黎講潤左 d, 所以今次試適合中至乾性髮質用既深層保濕系列 (Deep Moisturizing) 

深層保濕洗髮露 Deep Moistruizing Shampoo  $88 / 355ml
修護嚴重受損及乾旱髮絲, 含深入滋潤角質層的水解蛋白、維他命原 B5, 維他命 E 等精華元素, 促進頭髮生長, 即時補充所需養份及水份, 由底層重建髮質, 締造健康髮囊, 減少掉髮, 修護因造型用品、電髮、染髮及熱髮器帶來的損害, 結合滋潤及修護功效, 令髮芯煥發自然亮麗的光澤

用後感 : 粉藍色 lotion 狀, 香味幾舒服, 唔會太濃, 泡沫比起用開既開架品牌唔算多, 但都易起泡既, 過水後頭髮好順好滑

深層保濕護髮露 Deep Moistruizing Conditioner  $88 / 355ml
全面鎖緊髮絲水份, 回復柔順易梳, 含豐富蛋白精華及強韌髮絲元素, 滋潤髮芯並修護受損髮絲, 質感輕柔, 有效全面鎖緊水份於角質層, 預防秀髮開叉折斷

用後感 : 粉藍色 gel cream 狀, 香味同 shampoo 一樣, 搽上頭髮好快吸收, 過水後好滑, 但唔係表面果 d 滑潺潺, 而且易沖水, 用量唔需要多 , 濕髮都好易梳

洗髮前頭頂好塌, 髮尾飛散, 用後頭頂乾爽左好多, 髮尾順滑左, 而且頭頂無咁塌, 睇落髮量都多左, 用左 2星期, 洗髮時減少左甩頭髮, 而且髮尾 keep 住順滑貼服, 不過用既時間唔長, 而且頭髮都唔算短, 未覺有增長效果, 其實之前去美容展都買左 The Original 系列, 留返春夏天使用, 遲 d 再同大家分享下