Estee Lauder 新品試用聚會

第一次到銅鑼灣時代廣場 Estee Lauder Beauty Centre 參加活動, 唔係約埋 2位 Blogger 一齊, 我都唔識去, 入到去環境好舒服, Estee Lauder 全線化妝及護膚產系列都好齊全



今次 BA 為我地介紹既係 Estee Lauder Re-Nutriv Replenishing Comfort 舒活盈肌修護系列, 好多人叫做白金系列, 夠尊貴嘛, 產品多元化, 護膚、身體護理、底妝都有
 

全新 Re-Nutriv Replenishing Comfort Creme Light 舒活盈肌修護面霜 ($1480), 科研專家將珍稀成份注入這特效抗老化面霜, 專為乾燥脆弱肌膚研製, 全面鎮定肌膚, 發揮深層保濕作用, 質地唔 lup 易吸收, 仲有少少中藥氣味, 而另外既 Eye Serum + Eye Cream set, 個 serum 係油狀既, 好滋潤, 當然用既係珍貴既油, 唔會令眼部肌膚出油脂粒啦
 

Softening Lotion 有金色閃粒係入面, 可補濕, 乾燥時可整濕化妝綿敷係乾燥位置, 作即時急救之用, 而 Body Cream 好滑好潤, 咁大罌有排用
 

臨近聖誕, 當然介紹下新出既彩妝產品啦, 分別係 Pure Color Sensuous Rouse 高清純色性感柔潤唇膏 (全 12色), 及 Pure Color Cyber Eyes 魅惑金屬眼妝限量系列, 包括眼影 (全 5色) 及眼線 (全 3色)
 

BA 用新品幫 model 化個簡單日妝, 首先用左皇牌既 ANR 及 ANR Eye 打底先啦, 再搽上 Double Wear 粉底, Eye Base, 就可以上彩妝啦
用左紫色眼影, 係近睫毛位置慢慢 blend 開, 用黑色眼線筆畫眼線, 加埋唇膏, 靚晒
 

除左新品, 仲放置左唔少聖誕限量優惠套裝, 當中最吸引當然係每年都好快售罄既 The Color Stylish 專業彩妝系列, 包括眼影、胭脂、唇膏、唇彩、唇線筆、眼線筆、睫毛液、睫毛底膏, 卸妝乳、化妝鏡及化妝箱, 只要購買任何彩妝產品滿 $550, 可以 $550 換購, 11月4日開始推出啦



完結時每人得到一套禮品, 有靚靚化妝箱, 全新 Pure Color 眼影、唇膏及 Re-Nutriv Eye Cream
 

Pure Color Gelee Powder Eye Shadows 魅惑金屬眼影  $210 (全 5色)
突破傳統質感, 首創三合一質感系統, 獨具尖端 Prisma Shine 按術, 結栠液體、粉狀與啫喱凝膠質地於一身, 眼影在肌膚順滑延展, 極致閃爍, 無論乾濕兩用都持久不褪色

我得到既係 Cyber Pink, 顏色全系列最淡, 用作打底及 Highlight 都好啱, 雖然好閃, 但三合一質感好特別, 閃粉好貼, 唔會跌落眼肚, 活動當日有即場試個啡色, 好顯色好靚架
 

Pure Color Sensuous Rouge 高清純色情感柔潤唇膏  $230 (全 12色)
以專利雙重誘芯設計, 把兩款保濕潤澤魅惑配方完美糅合, 以幼滑外層唇膏體搭柔潤軟芯, 滋潤配方蘊含水果萃取精華及水果果油, 即時平滑唇紋

#12 Plum Fatale 莓紅色, 扭開見到好深色, 係我平時較少用既色, 感覺成熟, 只用手輕印上咀, 顯色效果好好, 軟芯好滋潤, 好鍾意佢散發雲呢拿香味, 好似搽緊潤唇膏咁, 如果係自然膚色既話, 會係我既大愛使用品



而盒 Re-Nutriv Eye Cream, 等我用多幾日再同大家分享