一晚敷10塊 Mask !? Neutrogena 第一瓶 Sleeping Mask

相信呢幾日大家都睇到 Neutrogena 全新廣告, 阿 Sa 水嫩皮膚既秘密, Hydro Boost Night Concentrate Sleeping Pack 水活保濕晚間凝膜, 效果等於一晚敷左 10塊 Mask, 咁神奇, 我有機會一同見証下



有機會參加 Neutrogena 新品研發會, 入到會場, 放滿 Neutrogena Hydro Boost 系列及強生美肌深層滋養 Extra Care 系列, 更有健康既生果做小食, 場內佈置以 Play Group 形式, 有點似小朋友上堂咁
 

Neutrogena 品牌代表 Bell 為我地介紹全新 Hydro Boost Night Concentrate Sleeping Pack, 佢講野好生鬼, 帶俾我地好多歡樂氣氛, 雖然唔少品牌已推出 Sleeping Pack, 亦唔係咩新產品, 但 Neutrogena 咁遲推出, 亦有佢既個人之處, 睡眠時皮膚細胞快速分裂及更新, 一晚可流失 120ml 水份, 所以睡前使用高效補濕產品對皮膚好重要, 有如敷左 10塊 Paper Mask, Neutrogena 科研皮膚專家及醫學教育團隊分析及整合過去數十年有關睡眠科學和皮膚晝夜規律的醫學文獻, 針對性地開發了突破流行睡眠面膜保濕技術的 Sleeping Pack
 

而睡眠質素都好影響皮膚狀態, 人體夜晚 11:00 至零晨 5:00 會進行代謝, 產生退黑素, 所以係呢個時間熟睡, 對皮膚及身體係最好, 而Bell 早前已親身體驗睡眠測試, 而睡眠有分淺睡期、深睡期及發夢期
 

當 日更請黎 Jennifa Cheung 註冊多導睡眠圖技師為我地示範, 首先要清潔好皮膚表面, 然後貼上儀器, 電腦圖表既數據就可分析睡眠狀態, 有時更可以睇到隱藏疾病添, 熟睡時圖表既線會較平穩, 而發夢就會起落大 d 啦, 而每個人晚晚都會發夢, 覺得無發夢只係我地唔記得個夢境, 睡眠師話都有完全唔發夢既人, 只好少數及患精神病機會較大, 所以唔好同人講自己唔發夢呀, haha



同 瞓覺離唔開既話提, 當然係發夢啦, 請黎解夢師同我地分析下, 原來發同牙齒有機既夢, 85% 代表會破財架, 大家要記住啦, 而想睡眠質素好 d 唔會成日發惡夢, 係瞓覺前可用香薰舒緩下, 或用有玫瑰、桃、茉莉等氣味既護膚產品, 滋潤之餘又可幫助入睡, 而強生美肌 Extra Care 系列就有以上幾種成份啦, 大家可以試下



活動完結每人都有一份禮物, 當中既 Neutrogena Hydro Boost Essence 之前都用過, 而今次主角係 Sleeping Pack, 已經用左一星期, 同大家分享下

Hydro Boost Night Concentrate Sleeping Pack 水活保濕晚間凝膜  $149.9 / 50g
強效精華由皇牌 Hydro Boost Mask 精華濃縮而成，1晚為肌膚注入10塊Mask的HA精華*，一敷即引發12小時漸進保濕能量，一整晚無間斷為肌膚注入營養水。 嶄新技術將高效維他命E壓縮於微細顆粒中，凝聚保濕修護力量，顯著提升細胞水份及通透度。



使用面霜後，於睡前取適量均勻敷於面上，無須沖洗可直接入睡。翌日早上再以清水洗淨。建議每星期最少使用2次，每日使用亦可



粉藍色 Gel 狀, 與同系列既 Water Gel 有點似, 多左 d 深藍色粒子, 而粒子中含維他命 E, 有效補濕滋潤, 推開好薄身, 易吸收, 唔算好爽, 有適當滋潤但唔 lup



使用後皮膚無咁乾, 水份提升左, 更估唔到係隔天起身, 水份只係下降左一格, 真係可留住肌膚水份



禮物中有一包退熱貼, 大家係咪好奇怪呢, 其實佢係用黎做一個小實驗, 左邊無搽任何野, 而右邊搽左 Neutrogena Sleeping Pack, 放係檯面一日後, 無搽野既一邊藍色啫喱無咁脹卜卜, 兩側更開始彎起, 都可以測試到 Neutrogena Sleeping Pack 有效留住水份啦

呢幾日天氣感到特別乾, 濕度大約 60%, 但又未係乾到要轉用較滋潤既面霜, 呢盒 Sleeping Pack 就剛好, 補濕唔 lup, 又好方便