Happy Birthday to Me

上個星期好忙, 近生日朋友都約食飯, 生日前仲打風, 好擔心天氣唔好, 雖然正日都有落下大雨, 不過都可以出街!!
生日過後, 無咩心機打文, 就寫下 d 無聊文啦

朋友堆中, 有一位同我同日生日, 只係細我一年, 所以由識佢開次, 每年我地都會約埋一齊食飯慶祝, 呢個係今年第一個生日蛋糕, 芒果脆脆幾好味



然後一位中學同學約我去酒店食左個好貴既鐵板燒, 真係好好味, 仲食到超飽.... 我地已決定下次食 lunch, 因 $400 任食, haha
生日蛋糕 2號, 酒店 cafe 既蛋糕, 估唔到好好味喎, 仲係我最愛既朱古力慕絲, 呵呵
 

到正日就同宅男去左銅鑼灣食韓燒, 都有一排無黎呢間野食啦
 

d 前菜好好味, 點左個 2個牛肉, 一個係生食架, 有湯有飯
 

TST sogo 同我同一日生日架, 做6週年 promotion, 見到 set SK-ll 幾抵, 價錢平平地, 有我想試既神仙水及 Skin Signature, 又無其它無興趣既野, 都算係入門套裝呀



$420 有 Facial Treatment Essence 75ml, Skin Signature 15g, 其實即係買神仙水送罌 cream, 買野做 member 仲送左片 Facial Treatment Mask, 呢個都好想試, 用一段時間再同大家分享下



宅男送既 Canon S95 相機, 想買相機好耐啦, 雖然用緊既未壞, 不過去活動有 d 力有不逮, 所以用生日做藉口買部新啦, 舊既都用左差唔多3年啦, 仲要買果日呢部比之前問價又平左 $150, 所以都唔算好貴, 呵呵

 
呢個星期勁食野, 又食左唔少蛋糕, 又肥返少少, 所以又要努力瘦身啦.....