今個月成績唔錯... 
Ipsa The Time Reset Aqua W (按此)
水狀質地, 都幾補濕, 但唔係 gel 狀滋潤形果 d, 春夏用唔錯, 雖然 $300 唔平, 但都用到3個半月, 見有 promotion 已回購定一支留返春天用啦。
Kiehl's Lip Balm #1
質 地係黃色 gel 狀, 類似 vaseline 黃色 tube 果款咁, 唔係太 long lasting 及唔算好潤, 朝早或夏天 ok, 但夜晚唔夠潤, 第二朝都係乾, 冬天或開冷氣更加唔得, 個咀會甩皮添, 而且唔平, 加價幅度唔細添, 所以都唔會再買, 雖然佢有色同有香味果幾款都好吸引, 但仲貴過呢支, 接近 $100, 我唔洗用佢啦....
不過最差都係佢個頭, 唔可以直接搽上咀, 又要用手, 好麻煩!!! 優點算係襟用囉, 15ml 用到一年有多。
Biore Cleansing Oil
用完第 6 支啦... yeah~~
彩豐行保加利亞玫瑰花水 (按此)
我習慣敷 mask 前會用 toner 抹面先既, 用埋 Ipsa 既話會消耗得快呀, 所以平平地買呢支頂擋, 普通既 toner 囉, 水狀唔 lup, 少少 rose 味。
彩豐行銀杏人參抗皺再生精華 (按此)呢支係第二支啦, 真係幾好用, gel 狀補濕唔 lup, 好香人參味。
廣源良鳶尾花抗皺緊緻面膜 (按此)
都幾補濕, 但抗皺緊緻就唔覺有囉, 但補濕效果白玫瑰明顯 d, 所以下次都買返白玫瑰啦。
Utena 玻尿酸保濕面膜 (按此)
得 5塊好快用完, 唔太補濕, 塊 mask 較快乾, 效果唔持久。
Clinique Superdefense (按此)
係 she.com 一年一度投票既禮物, 都係第一次中咋, 另外仲有個 night cream 未開。呢款個質地幾好架, 好似布甸咁又好推, 可惜我用會敏感, 呢個係 superdefense 新版黎架啦, 舊版我都有買過, 都係敏感, 睇黎同佢都唔太夾, 之前用左黎搽頸, haha, 但新版質地好 d, 易吸收唔 lup, 由 pa++ 改良到 pa+++, 用左佢真係一罌搞掂, 防曬都唔洗搽啦。
Shiseido The Skincare Day Moisture Protection (按此)
朋友送既生日禮物, 有 spf15 既 day lotion, 質地都幾水易吸收, 但有少少 lup, 同埋唔覺好滋潤補濕, 無乜特別咁囉, 用左佢唔覺皮膚好左, 但又無差到, 但佢少數有防曬既補濕無令我敏感。
粉樸專用洗劑
雖然唔係 skincare, 影相都 post 埋啦, haha, 係吉仔 $10 店買既, 好出名, 相信好多 sis 都用過啦, 真係好好用, 有時用埋黎洗化妝掃添。
Sample :
Ipsa Pure Protect Cream Foundation x 2
Fresh Sugar Face Polish
Yes to Carrots Hair Conditioner
Giffarine UV Defense Revitalizing Cream
St.Ives Mineral Therapy Body Moisturizer
Etude House Mineral BB Cream
JuJu Squapur Mild Milk S
JuJu Squapur Mild Cream S
Lancome UV Expert High Potency SPF50
La Roche-Posay Daily UVIDEA XL UV Protection SPF50
名 稱 : Lavshuca Powder Compact Eyebrow LB-1
價 格 : $72
容 量 : 3.7g
產品介紹 :
濃淡雙色 x 完美定妝
打造富立體感、持久不脫妝的自然眉型
保濕成份 : 添加真珠精華液、蠶絲蛋白
買果時都諗左好耐, 見上網好多人都係揀 LB-1, 但我本身無染髮, 唔知 LB-1 會唔會太淺, 另外有款 BR-1 深色 d 架, 但買果時無晒 BR-1, 咁就買呢隻試下啦。
都買左成個月啦, 因為未試過用佢再出街, 所以咁遲先開 post 呀, 咁啱早兩日去飲, 啱晒啦, 玩足全日可以試真 d 嘛。
盒底有使用說明, 最右邊既 C, 唔好睇好淺色咁, 用黎打鼻影或加深眼窩都好啱架, 用左真係有分別。用 B 色畫晒全條眉, 然後用 A 色畫眉山眉尾, 第一次試色仲覺得好淺色, 以為自己買錯添, 可能個掃仲新, 無任何顏色, 第二次用就好啱啦, 想深色 d 全條眉用 A 色就好夠架啦。
haha, 大家唔好俾張相既阿梅 look 嚇襯, 我以為相機會食色, 怕睇唔到效果, 所以重手左, 平時當然唔會咁出街啦, haha, 個鼻影真係自己睇到都想笑, 係咪肉眼睇個 C 色好淺, 但搽出黎都幾覺眼架, 我無 hi 到深果兩個色架。
眉色都幾啱, 好自然, 個掃都唔錯, 好滑唔拮, 係掃柄短左 d 唔算太就手, 但畫眉尾就嫌唔夠尖啦, 都係要用眉筆畫靚 d 。
玩完一日都有甩, 但都唔會好嚴重, 有七成仲係條眉度既, 想持久 d 可以用眉 gel 或啡色 mascara 掃兩下既, 咁會整齊貼服 d, 尤其好似我一齊眉毛長既 sis 。
噚日係個識左無十年都有八年既朋友結婚, 大家一齊成長, 見到佢結婚真係好開心好感動, 我著左新買條裙, 著上身條裙原來都幾短下... 行得快又有風既話, 真係好驚走光呀...
晏晝就係教堂行禮, 同另一個 fd 約係地鐵站等, 但搵左好耐都搵唔到, 問人都唔知係邊... 好驚趕唔切呀, 好彩最後都搵到, 雖然我係無神論者... 但睇到佢地互相相愛, 向神許下承諾既一刻 
, 都有少少眼濕濕架... 
新娘真係好靚, 但同時又有少少陌生咁... 我個都係天生麗質, 平時都唔多打扮, 真係未見過佢化妝 set 頭個樣掛, haha, 但出門口太衝忙, 唔記得帶相機呀, 激死, 好彩而家科技先進, 用電話同佢影左幾張相留念咋。
跟 住去 cwb 行左陣, 食少少野就去酒店啦, 但一對新人都太忙, 理唔到我地... 但今次佢地真係好有心機搞呢個婚禮, 好多方面都睇得出佢地既細心, 由小禮物係印有佢地個樣, 名, 婚禮日期既 M & M, 真係好得意架。仲有好多節目添, 新郎新娘跳左 part 舞, 然後戲肉就黎啦, 新人加兄弟姊妹團排左 MJ 既 Thriller 真係全晚高潮, 睇到好開心又特別, 新郎仲係 mix, 個樣都幾似 d 彊屍伯爵, 呢隻舞真係啱晒佢, 哈哈!!!
新 郎全家真係為左今次婚禮洗出混身解數, 食左幾味菜又到新郎媽咪出場唱歌, haha, 好勁呀, 睇到 d 長輩好 high 添, 然後新郎妹妹做左個城堡形既結婚蛋糕, 我初初仲以為假架, haha, 佢為左呢個蛋糕籌備左一個月架, 我地都擔心個蛋糕唔會放左一個月掛... haha, 但係好好味架, 只係太飽食唔落咋...
之前係 BE 團購甲油, 支 Seche Vite Top Coat 一早已經交收左啦, 但係 OPI H19 Passion 無貨, 但都幾想試就補訂啦, 咁既然訂開, 個團主又幾好人, 就加多支 Essie #545 Pink Glove Service 啦。
但返屋企見到原來有支係 sasa 買既 Pinkey 同 Essie 一樣色喎, haha, 我覺得呢隻色好糖果 feel 好靚呀~~
今次試 OPI 先, 用左以下產品....
Base : Sally Hansen Base & Top Coat 搽一層
甲色 : OPI H19 Passion 搽兩層
Top : Seche Vite Dry Fast Top Coat 搽兩層
OPI 質地都有少少杰, 份量未掌握得好好, 但都幾好搽, 又快乾, 實色都唔會搽到一條條掃痕, 仲好令身, 唔洗搽 top coat 都得
呢隻色好自然, 係我搵左好耐既色呀, 淡淡地單搽又得, 打底做法甲畫花又得, 唔誇張返工啱晒, 我諗會成日搽, haha, 不過相機食色睇相淺色 d, 其實係 pink d 架, 同上面張相個樽既色一樣。
其實我條眉都問題唔大, 修左之後自己 keep 住修 d 雜毛既話, 都 keep 到大半年啦, 對上果次係2月尾上 Shu Uemura 化妝班修過, 原本都好地地既, 有次手多抆多左兩條, 搞到眉山崩左, 都想去修眉好耐架啦, 咁聽日個 friend 結婚, 有藉口去做啦。
之 前小黑咪有 post 過係 MAC 修眉都唔錯, 又想試下 Bobbi Brown, 同樣都係 $150, 時間緊迫, 咁 MAC 唔太就腳, Bobbi Brown 個 fd 話幫我問, 點知佢又唔記得左, 咁我諗 bb 都 full booking 架啦.... 上網睇 ipsa 都有修眉, 同樣 $150 仲可以 redeem pdts 添, 時間又夾到, 咁就去馬 book 左先啦, 係德福近我嘛 !!
修眉前... 都唔算好亂, 係眉尾有少少雜毛生左出黎姐, 因為諗住去修眉, 咩都無理啦。
今日準時 3:00 去到 ipsa, 等左一陣, 然後 BA 就叫我坐底, 佢就開始拎 d 工具出黎消毒, 跟住就開始啦, 佢話我條眉個形都 ok, 其實都唔洗點修, 係清下 d 雜毛咁.... 佢修完左邊, 俾塊鏡我睇下點, 跟住就開始修右邊, 過程都好快, 大約 10mins 就搞掂, BA 叫我下次修眉留返多 d 先... haha, 我答佢都想, 但生得好慢, 崩左果位已經成個月無搞佢架啦, 都係生得幾條... 我都無辦法架... 但都幾好, 好有禮貌又唔 hard sell, 但就好似無我係 paul & joe 同 shu 修得咁靚啦, 可能佢地唔興修剪眉毛既長度掛, 感覺好似分別唔大。
BA 唔 hard sell 無迫我買野, 都係任我自己揀, 咁當然買一件算啦, 修眉 $150 訂金, 咁我最後買左支 Clean Llotion EX2, 用過 sample 唔錯, 又唔貴, $260。
由我入去到買埋野, 過程都唔過 20mins, 真係幾快手....
名 稱 : Biore UV Tint Milk SPF30 PA++ (Light Color)
價 格 : NT$199 (約 HK$50)
容 量 : 30ml
產品介紹 :
防曬同時潤色, 清爽透氣無負擔
‧均勻透亮, 白晳光澤無瑕 : 日本防曬潤色配方, 修飾暗沉與臘黃, 毛孔變的不明顯, 肌膚白晳透亮無瑕, 省去上粉底的麻煩。
‧清爽好透氣, 抗油光不黏膩 : 含細緻清爽柔粉, 即使流汗, 肌膚也能維持清爽感。添加皮脂吸收粉末, 防止出油及脫妝, 防曬效果不打折。‧水嫩防護, 雙效保濕隔離 : 隔離霜效果, 可隔離塵埃污垢, 保護皮膚不受外在環境的傷害。含保濕因子, 防曬與水嫩保養一瓶搞定。
日本及台灣才有得賣, 台灣及香港好多 comments 都超讚, 好多 sis 去台灣旅行都大手掃貨, 舊年6月男友去日本北海道叫佢幫我買, 可惜啱啱轉版買唔到, 所以舊年年尾去台灣都買支試下, 可能都係花王出品, 質感有 d 似細細個好鍾意用既"歌婷" 唔知有冇 sis 知道 / 用過, 當時仲係梁詠琪做代言人架, haha
都係傳統防曬樽口, 好似塗改液咁用前要搖下入面粒鐵珠先, 我膚色較白所以揀左明亮色, 質地好水好易推, 不含閃粉, spf30 pa++ 秋冬天絕對夠, 夏天唔係長時間係戶外都 ok。
可能質感薄, 所以 coverage 都好低, 我會搽一層, 等一陣皮膚吸收左, 再係多瑕疵既地方再搽多層, 就算搽兩層都好爽唔 lup。因 coverage 真係唔高, 有用開粉底既 sis 可能只可以用佢黎做 base, 咁就有調色及防曬, 然後再上 fdt, 或者用佢再以 pressed powder / 2 way 定妝, 咁遮瑕度會高 d, 雀斑同深色既印都遮到 7-8 成, 唔似化左妝, 好似膚質好好, 個樣精神 d, 但如果單用加碎粉, 就真係無乜料到啦, 啱鍾意超自然淡妝或唔想俾人覺有搽野既 sis 啦。
之 前都用過 biore / sunplay 呢類型既防曬, 初初仲以為會好乾, 但呢 d 轉季天氣暫時都 ok 喎, 係公司吹足9個鐘冷氣都唔會太乾, 出油都唔多, 係 lunch 時印下 t zone 補返少少碎粉就 ok 啦, 仲 long lasting 過用 bb cream 添, 怪不得日本同台灣大推, 香港 sis 去開旅行都必買啦, 可惜香港 biore 始終唔入貨....
名 稱 : Dove 潔顏油慕絲
價 格 : 698 yen (約 HK$60)
容 量 : 155ml
產品介紹 :
全新多芬潔顏油慕絲，把卸妝油變泡沫了，將潔顏油轉化為豐盈綿密泡沫。
可徹底溶解頑強彩妝，連睫毛膏都能輕鬆卸除，將殘妝從毛孔深處帶離，不論乾、濕手都可使用，同時保有多芬一貫的溫和質地，給臉部肌膚溫柔呵護，享受超凡卸妝新體驗!
睇日本雜誌見到, 已經好有興趣試, 9月去日本見到即刻買返支啦。
將油變做泡沫真係幾得意, 雖然之前 DHC 出過類似, 但好似 comment 麻麻。
按出黎泡沬幾綿密, 係面上打圈後, 會由泡沫變做白色 lotion 狀, 似洗面奶多 d, 但唔知點解試係手又係油既質地喎, 可能手既彩妝唔夠塊面咁多, 不用乳化可直接沖水, 過水後好爽唔 lup。
但 卸妝能力真係好一般, 只可以卸淡妝, 可能 kiss me mascara 係比較難卸, 但估唔到連 maybelliner eyeliner gel 都係甩得少少, 係粉底甩晒, 但 lipgloss 仲有一成卸唔甩。卸妝力咁弱, 所以都會按耐 d 先過水, 但停留係面上太耐, 又會有少少刺刺既感覺, 所以產品介紹話可以溶解頑強彩妝及性質溫和, 真係有 d 誇大左啦....
用量都唔少, 每次按 3-4泵, 而且慕絲式既產品一般係唔襟用... 睇黎好快可以 KO 佢啦。
名 稱 : 彩豐行蜂皇玻尿酸爽膚精華 (升級版)
價 格 : $39
容 量 : 120ml
產品介紹 :
添加上橄欖葉及銀杏葉精華, 潔面爽膚同時加強抗氧化效果, 有助預防皺紋及鬆馳等現象, 賦予肌膚透明度和彈性。
主要成份 : 蜂皇乳精華, 多醣玻尿酸, 洋甘菊精華, 金縷梅提取液, 橄欖葉精華, 銀杏葉精華。
質地好水, 無色, 係蜂蜜味, 但香 味有少少濃, 比起之前用既 Rose Toner 補濕滋潤, 睇個名叫精華, 仲以為係 gel 狀 toner 添, 但佢唔算好溫和, 有時搽佢塊面會有少少紅, 亦好似入唔到皮膚深層, 只停留係表面咁, 但又唔算 lup, 或者天氣再凍 d 會啱用 d。
無乜抽獎運既我, 估唔到今次都抽到野喎, 呵呵, 之前登記新 Monday 入面本 Honeypot 既會員, 入面有好多款禮物揀咋, 可以揀 5款, 再係 5 款入面抽一份囉, 最正係 Bobbi Brown 有化妝品加掃, 價值 $2200 架, 但幸運兒得3個, 另外 L'oreal 都有價值 $5000 產品, 雖然最貴, 但我覺得唔太吸引啦, 咁呢 d 咁筍既 gift 實大把人揀, 我就揀 d 啱心水又冷門 d 既, 機會大 d 嘛, haha, 結果抽中 Sukin 既 Antioxidant Eye Serum & Night Cream, 都價值 $250 架, 個 night cream 之前都好想買黎試, 但屋企太多 lotion 同 cream 既存貨未開, 呢 d organic skincare 又唔放得耐, 而家唔洗錢, 正!!! exp date 仲係 2011年添, 但我都會盡快用架啦。
不 過佢個領取方法都幾古惑, 登記果時都要填幾多資料, 姓名、地址、電話、身份證全寫, 咁係網上要填咁多個人資料真係唔太放心, 所以身份證 no 我係亂填既, 點知收到領取禮品既 email 時, 話要對身份證喎... 都有 d 擔心, 最麻煩係一定要買某一期新 Monday 入面有個印花, 要連埋個印花同 email 先可以換, 第一輪換禮品係 10/1 號, 印花本雜誌最後係 10/1 停, 10/2 就出新一期啦, 但我係 10/9 先可以換 gift, 我睇 BE 好多 sis 都唔知要印花, 又買唔到本雜誌, 最後都換唔到禮物, 我都係有朋友 10/1 去換, 好彩佢買到雜誌, 即時打俾我話我知架, 咁我都啦啦淋落街買啦, 好彩都買到咋, 如果我個 fd 遲一日去換, 我都換唔到呀, haha 同埋咪要對身份證 no, 我話填錯左, 咁個手提號碼啱, 個職員幫我寫返個正確 id no, 就俾我換啦, 實在太好囉!!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
咁 出開 TST 順便行下街啦, 有 fd 月尾結婚, 睇下有冇裙啱心水啦, 係加老威見到條裙幾靚, cutting 簡單, 個質地令令地好 grand 咁, 而且短身啱我高度嘛, $120 都幾抵, 無即時買, 再行左多幾間諗下先, 到最後同 fd 食埋飯走果時大家都覺得條裙幾啱我, 再返轉頭買架, 不過我未試上身, 應該都啱既...
轉 季都想買返對 boot, 都係係加老威見到既, 又係無即時買, 買完裙之後再去睇, 試上腳都 ok, 但都想再睇下其它先決定, 咁藉口話大左 d 諗住閃人啦, 點知個 sales 又幾熱心, 話幫我加鞋墊, 咁我腳細 35號鞋, 個鞋墊大左 d 佢又幫我 cut 細, 見佢服務態度咁好, 都唔好意思唔買, 咁對 boot 其實又 ok, 咁買埋啦, 又無 $250 lu, haha, 返到屋企再試, 將頂位個襪頭攝左入去, 又另一個著法, 斯文 d 襯裙都得, 咁都 ok 啦, 一雞兩味, haha~~
終於用完 Kiehl's Lip Balm 同 Shiseido 潤唇膏啦, 可以開新野試 lu.... 夜晚我用 rosebud 既, 所以下面果 d 全部都係朝早用既...
Dermalogica Lip Treatment
係 阿 mi 俾我架, 仲有2支添, haha, 橢圖形有少少難搽, 打橫打直都怪怪地咁, 好易搽出界, 好彩無色咋, 我覺得蠟質重左 d, 搽得厚個咀會白左, 之後搽 lipstick / lipgloss 好難推及 d 色一撻撻咁, 而且唔算好潤, 仲因為質地硬上咀果時好易推到 d 死皮出晒黎... 感覺似搽伯特叔叔漿糊筆咁, 或者留返係公司 / 出街用啦。
DKNY Red Deucious Lip Gloss
咁 Dermalogica 唔啱洗, 咪又開呢支試下囉, 買香水送既 sample, 另外仲有支青蘋果味架, 同香水一樣味, 搽果時成個人醒晒, 吱出黎好紅咁, 但推開 d 色唔算好明顯, 但質地有 d lup, 真係 lipgloss 唔可以當 lipbalm 用, 再搽 lipstick 好難上, lipgloss 更加唔洗諗, lup 爆, 但因為質地夠厚, 所以好 long lasting, keep 到好耐唔洗補, 飲水都唔係甩得好勁。
O'slee Lip Balm Total Solution
haha, DKNY 又唔啱洗, 唯有又開多支試啦, 買左好耐啦, 開倉時買架, $10 好平, 而且 2010年12月先到期, 咁就擺下先啦, 點知擺擺下都差 d 唔記得, 好彩睇返個 list 咋, haha, 質地好水易推, 又夠潤, 一 d 都唔 lup, 之後搽 lipstick / lipgloss 好靚, 係個蓋口大左 d, 會吱左好大 pat 出黎, 唔錯唔錯, 見萬寧特價賣 $2x 都 ok 喎!!!
Fresh Sugar Rose Lip Treatment
朋友送既生日禮物, 朋友用過 sugar 無色果支話好好用, 見呢支新出, 係 counter 試過覺好好, 所以買黎送俾我, 
係有色潤唇膏, 顏色都幾出架, 搽左似好透既唇膏咁, 可能本身我個咀無乜色, haha, 佢有別於一般既有色潤唇膏, 好夠潤, 而且好持久, 難怪賣得咁貴。但香味就怪怪地, 其實都香既, 初初聞係 rose 味, 但過左陣又有少少 sugar 味, 兩個味我覺得唔太夾, 又花味又甜咁... 同埋個味都幾勁, 搽左一段時間都仲聞到, 如果唔鍾意有香味既 sis 真係要諗諗先啦, 可能無色果支會好 d。
因為有色我會帶出街用, 搽佢再加無色 lipgloss 就好靚啦, 懶既話單搽都好 ok 架, 出街補妝啱晒啦~~
產品介紹 :
A Fresh best-seller, SUGAR FACE POLISH leaves the complexion extremely bright and radiant in just one use. The innovative formula is enriched with revitalizing brown sugar and antioxidant-rich wild strawberries, which work together to gently dissolve dead skin cells and reveal perfectly nourished skin.
- Nourishes and smoothes skin
- Gently eradicates dull flakes
- Leaves skin with a healthy, radiant glow
- Won’t sting or cause redness
- Can be used daily
- Ideal for all skin types
Key Ingredients:
- Real brown sugar crystals gently polish the complexion by dissolving dead skin cells.
- Crushed wild strawberries deliver antioxidant-rich vitamin C to protect and heal skin.
- A nourishing blend of meadowfoam seed, plum, mango and macadamia oils intensely condition and moisturize the skin.
Fresh Tip:
Incorporate SUGAR FACE POLISH into your Fresh skincare regimen 3 to 4 times a week.
4ml sample, 用左一次仲有咁 d d , 勉強用到 2次
質地似 d 半溶既黃糖 (食豆腐花果 d), 搽上面好香甜既味, 搞到有 d 想食左佢, haha, BA 教濕面搽, 等 10mins 後過水, 粒粒有 d 粗, 所以皮薄或敏感皮膚唔可以磨, 我多手過水時磨左幾下, 都有少少痛呀, 敷完都幾滑, 少少滋潤感, 一 d 都唔 lup, 真係似用片糖磨粉敷面咁, 唔係咁貴都買得過既... haha
今日約左幾個 fd 食飯, 慶祝我生日... 因為佢地唔得閒, 所以後補。
收到好多禮物呀, haha, 佢地知我鍾意實用既野, 所以全部都好啱洗呀!!
Fresh Sugar Rose Lip Treatment
Mioggi Magic BB Cream
公仔 Tee
係英國出 trip 買既手鏈
Crabtree Gradeners Hand Treatment
粉紅 Tote Bag
最 搞笑係, 我地坐低無耐, 其實都未開始大笑, 無啦啦後面隔幾張檯有個男人好大聲咁 "SH" 喎, 我地嚇一跳, 連週圍 d 人都嚇左一跳... 其實我地都唔係好嘈, 只係太早間餐廳未 full, 得幾張檯靜左少少... 但個人真係幾無禮貌, 叫個經理過黎叫我地唔好咁嘈, 點知個經理同我地講完無耐, 個男人就埋單走啦, 果度只係普通餐廳, 又唔係酒店或者好高級既地方... 食飯都係想開開心心姐.... 都俾佢影響到少少心情啦... 我地咁多次聚會, 比呢次嘈十倍都試過, 都無俾人投訴過....
同班 fd 傾開, 其中有一個 fd 12月結婚啦, 唔覺唔覺, 原來得返2個月時間咋.... 我先醒起自己要做姊妹添... haha, 所以要去試姊妹裙啦.... 仲要開始減肥啦... 唉~~
咁快就黎到第 10 回啦, 今次既主角係 Shu Uemura Glow On 啡色 Blush, 第一盒 blush 用到見底咋, 真係好有成功感, 可能用黎做 shading, 用量會多 d....
今年2月尾買返黎果時係咁既樣...
而家已經變到咁啦, 希望佢可以成為第一盒用完既 blush, 咁我先有藉口買新架嘛, haha
祝各位中秋節快樂, 人月兩團圓呀....
遲就遲左 d, 無計啦, 因為 yahoo 有問題 upload 唔到相片呀...
大家去左邊度過中秋呀?? 我都係同屋企人食飯咁啦...
係朋友送既迷你兔仔燈籠呀, 好可愛, haha, 用個"針"板扮月亮.... 哈哈哈~~~ 
名 稱 : Utena 玻尿酸保濕面膜
價 格 : 498 yen (約 HK$43)
容 量 : 5片
產品介紹 :
全日文都睇唔明, 上網搵到以下簡單介紹...
使用說明：
1、洗顏→化粧水後使用。
2、取出面膜直接服貼於臉上，靜待5-15分鐘之後取下即可。
3、殘留餘臉部的美容液請用雙手輕輕按摩讓肌膚吸收，再使用乳液(或乳霜)保養肌膚即可。
注意事項：
1、請置於幼兒無法取得處。
2、眼睛周圍、黏膜等部位請勿使用。
3、如有傷口或是紅腫發膿或裂傷的地方請勿使用。
4、萬一進入眼睛時不要揉眼睛，請用清水沖洗眼部，如有不適請儘速就醫治療。
5、為了避免誤食並保持品質的關係，請不要跟其他容器交換。
6、使用中如有發疹、發紅、癢、刺激、痛、熱或脫皮等現象時請暫停使用，如暫停使用後仍未好轉請停止使用，並詢問藥劑師或醫生。
呢款都唔係諗住買架, 只係係日本太乾, 甩皮敏感, 見平平地買黎頂住擋咋, 質地類似盒裝濕紙巾抽取式果款咁, 好薄, 精華唔算多, 上面果刻閒到好重酒精味, 張相係我敷左 20mins 後影既, 唔算好乾, 但係日本敷左 10mins 塊 mask 已經有 d 乾乾地啦, 敷完有少少補濕, 但效果唔持久, 無敏感, 無乜特別囉....
