reenex 膠原自生體驗療程 - Part 1

上個月參加左 NeoDerm The Center 開幕既 Blogger Event, 有幸可以體驗 reenex 膠原自生療程, 2星期前係位於旺角朗豪坊辦公大樓 48樓既 reenex 膠原自生中心



去到環境好大好舒服, 休息區可以坐底休息下等美容師, 窗外既景色都唔錯
 

門口仲有齊 MD Skin Solutions 既產品, 仲可以試下質地添
有8大品牌既簡介及代言人鍾楚紅小姐既報導
 

然 後美容師 Irene 就簡單介紹下 reenex 膠原自生療程, 及幫我進行皮膚分析, 原本皮膚都算 ok, 但療程前一晚突然皮膚敏感得好嚴重, 仲擔心唔可以進行療程, 但原來療程好舒服及安全, 任何皮膚都做得, 咁我都放心 d, 皮膚咁敏感既狀態, 分析結果當然唔多理想啦...  而且我長期敏感, 唔可以敷 mask 去角質, 皮膚缺水, 角質層好厚, 正常狀態應該 15-20層, 但我起碼 40-50層呀, 所以搽 skincare 都吸收唔到, 皮膚更乾, 更易敏感, 惡性循環... 睇到個結果我都 down 晒啦, 好彩有得體驗 reenex 咋, 希望救到我塊面啦....
 

因為皮膚敏感, 所以我無做到 CPS 更生活膚療程, CPS 會用到果酸, 雖然時間短, 但我都驚驚地, 美容師話唔做都無問題既, 當然做埋效果會更好啦

係 到房卸妝潔面, 然後開始冷凍光學膠原自生療程啦, 以 1540nm 的冷凍光學深入 500微米真皮層 Collagen Zone, 活化纖維母細胞增生骨膠原, 提升肌膚彈性和承托力, 同時能改善過盛油脂分泌。獨有「KoolBurst」專業科技, 以 5°C 冷凍技術保護及鎮靜肌膚, 令療程安全無痛, 功效可回復肌膚彈性、改善皺紋、鬆弛、缺水、疤痕、粗大毛孔

儀器獲 FDA 及歐盟28個國家 CE 認可, 冷凍激光技術完全唔痛, 涼涼地咁好舒服, 而且連眼位都會做埋, 真係好細心
 

然 後到 HGF 激活細胞增生療程, 透過 HGF 激活細胞增生儀能帶走老舊角質及污垢, 改善粗糙暗啞, 提升肌膚吸收養分能力。在肌膚吸收狀態最好時, 將110 種高濃度人體生長因子精華 (Human Growth Factors) 導入肌膚底層 Collagen Zone，加速膠原自生能力。功效能減淡幼紋、收細毛孔、美白補濕、改善粗糙暗啞、清除老舊角質、減少黑頭粉刺

有 三款唔同大細既吸咀, 首先係吸走角質及污垢, 睇到原本透明既藥水變到幾污濁, 美容師會做左半邊面俾我睇下先, 已經睇到好大分別啦, 然後用 TNS Serum 導入皮膚, TNS 含高濃度人體生長因子, 幫助皮膚自製骨膠原, 香味幾舒服, 皮膚咁敏感, 用佢都無任何不適, 過一陣會有少少拮拮地, 因我皮膚太乾, 而 TNS Serum 正發揮緊作用, 但拮既情況好快就無啦, 然後敷返補濕舒緩 Mask, 涼涼地好舒服好想瞓
 

敷完 mask 就抹面搽返 skincare 及防曬啦, 然後到另一間房可以梳頭執返好個樣先走啦, 做完療程都可以化妝, 但我唔想影響效果, 好樣衰咁素顏係旺角行街, haha

療程後唔可以用熱水洗面, 停用美白及果酸產品, 外出一定要搽防曬啦, 最好敷多 d 補濕 mask, 因皮膚增生膠原, 係需要俾 d 養份佢, 而且呢個時候吸收 skincare 會特別快添
 

大家最想知既當然係效果啦, Before 皮膚敏感所以泛紅, 好粗鞋添, 做完後乾淨左, 但分別未算好大, 但一星期後敏感明顯好轉, 面珠及鼻位膚質細緻左, 輪廓緊緻左, 但幾日前因結婚化妝時間太長, 卸妝時又皮膚敏感, 但都好快好返, 兩星期果張相同一星期時都差唔多, 效果都 keep 到
 

除左敏感, 腮位仲不停出粒粒, 我又手多去吱, 留底唔少紅印, 做完療程紅印淡左少少, 但粒粒就明顯少左, 敏感都好左, 塊面滑左唔少

下星期我會再到 reenex 膠原自生中心做埋最後一個步驟 TRF, 因增生左骨膠生, 都要鎖緊唔好俾佢, 唔會咁易流生, 到時再同大家分享啦


www.reenex.com.hk