Dr. young 高清毛孔隱形碎粉

有化妝既朋友, 碎粉都係不可或缺既底妝產品, 除作為定妝外碎粉既功用都有好多, 有調色、遮瑕、防曬、控油、高清、美白護膚.... 大家用開邊款呢, 但對我黎講, 遮毛孔都算係幾重要啦

名 稱 : Dr. young Pore Eraser HD Powder 高清毛孔隱形碎粉
價 格 : $200
容 量 : 11g

產品介紹 :

微細玉米澱粉沒有凝結乾淨地彌補毛孔, 金縷梅, 螺絲瑪莉, 洋紫荊抽出物會幫助調節皮脂, 縮小毛孔, 皮膚再生, 天然精油香清爽地裝飾的調節皮脂和彌補毛孔效果的透明定妝粉



白色包裝有大大隻 Dr. young 好易認, 有晒出廠及有效日期, 咁就放心唔怕買到期過貨啦, 細細盒帶出街補妝好方便

全新開封會有張白色膠紙封住 d 窿窿, 撕走佢就 ok, 白色粉狀, 粉質好幼細, 如用掃上, 會見到 d 碎粉好似煙咁, 附有既粉樸唔算好 soft, 但都 ok 唔拮, size 細細地用係鼻翼, 人中呢 d 位置都好好
 

佢 既賣點係遮毛孔, 我覺得十分出色, 本身毛孔好粗大, 用左 Base 及 Foundation 都仲明顯見到, 但印上碎粉毛孔唔覺眼, 皮膚變得平滑, 出街 8小時, 有溶妝情況, 但唔嚴重, 而且碎粉唔會"攝"入毛孔內, 形成白色點點, 呢個都係唔少毛孔大既人, 化妝既煩惱
 

碎粉雖然係白色, 但上面後係透明, 所以無遮瑕效果, 鍾意淡妝, 或唔想碎粉影響粉底顏色, 佢就好啱用啦
 

碎粉遮毛孔效果出色, 控油度都唔錯, 用左佢全日塊面都好爽, T 位都無平時咁快出油, 但透明無色多瑕疵既就要打好底, 用左遮瑕膏先啦, , 雖然淨重量只有 11g, 但碎粉質地好薄好輕, 容量其實唔算少, 每次用量又唔洗多, 一罌都好耐用