Atopiclair 愛妥麗濕疹膏

濕疹 - 學名係其實係異位性皮膚炎, 它會令皮膚非常痕癢、紅腫、龜裂, 是一個慢性疾病, 容易導致皮膚失去水分, 濕疹最明顯既病徵是出現紅疹及難以忍受的痕癢, 當忍唔住搲時, 容易導致皮膚受損而產生紅腫發炎, 令病情惡化

濕疹時除左要避開誘發因素外, 搽有治療效果既濕疹膏都好重要



名 稱 : Atopiclair 愛妥麗濕疹膏
容 量 : 40ml

產品介紹 :

Atopiclair 愛妥愛是一種非類固醇藥膏, 已證實能有效地治療濕疹症狀, 只要按照指示使用, 便可有效地舒緩因濕疹引起的痕癢、炙熱和疼痛。Atopiclair 愛妥麗可防止皮膚水分流失長達 72小時, 並能修補皮膚的天然油脂, 讓水分能持久保留



包裝白色金屬牙膏狀, 一般藥膏感覺, 全新未開封既, 要用樽蓋倒轉按壓開封左先



米色杰身膏狀, 無任何香味, 質感幾滋潤, 吸收後唔算好 lup



面部皮膚敏感, 症狀類似濕疹, 好痕、紅腫、甩皮, 用左愛妥麗搽面, 但搽左 2日, 痕癢、紅腫無改善, 而且早上搽完, 夜晚塊面好乾仲甩皮添, 可能面部只係敏感, 並唔係濕疹, 所以對症狀無舒緩及改善



不過我身體並無濕疹, 而手臂天氣乾燥, 有時會痕及搲到脫皮及紅, 用左愛妥麗皮膚得到滋潤, 搽左 2次已無再痕及乾到甩皮啦

一直以為面部敏感係濕疹, 原來都真係敏感反應, 所以用濕疹膏無明顯改善, 但愛妥麗有效滋潤皮膚, 防止水分流失, 對濕疹既紅腫, 脫皮, 龜裂有一定幫助, 有濕疹既朋友都可以試下, 佢不含類固醇, 長期使用都唔怕