好少寫既 - 雷品!!!

好似寫 Blog 咁耐, 都好少寫到雷品, 因為我用 skincare 既習慣係件產品無令我敏感, 就算唔太好用, 我都會用黎搽頸搽手, 總之都會用完先丟, 盡量唔浪費, 今次講呢 2支就真係令我敏感及用左 1-2次已完全唔想再用啦, 都放左係屋企一段時間, 係時候要解決佢地啦, 不過都老土講句, Skincare 係人夾人, 我覺得雷, 或者有人覺得 ok / 好用, 我只係想分享下我對呢 2件產品既個人感覺



JimmBENNY 海藻抗菌淨化面膜 Seaweed Anti-Bacterial Clarifying Mask A761  $26 / 100ml
深層潔淨面上油脂, 清潔消炎毛孔，防止感染, 舒緩鎮靜紅腫，加速細胞新陳代謝, 使暗瘡癒後不留疤痕。



淺綠色 clay mask 質地, 有少少海藻氣味, 開左用左 1-2次, 但感覺用左等於無用咁, 敷後清潔效果唔覺分別好大, 但早排敏感, 敷完第二日又紅又痕, 之後就放左係度唔敢再用啦



JOSERISTINE 營養膠原面膜 Elastic Emulsion Mask A83  $26 / 100ml
可提供皮膚適當之營養、水份及保持皮膚之彈力, 減退細紋幼紋，增強肌膚彈性，延緩老化、舒緩乾燥、繃緊、疲倦，回復輕鬆生氣



米白色膏狀, 搽上面都覺 mask 有 d 杰身, 敷完過水勁難洗走, 沖左好耐都仲係有層野係面咁, 咁洗法, 個 mask 幾補濕滋潤都洗走晒啦, 所以只係用左一次咁多.... 我就決定放棄佢啦