Mocha Blog: 敏感皮膚恩物 - Eminence Organic Skin Care

結婚前一星期, 貪心想皮膚狀態再好 d, 就敷下 Clay Mask 啦, 點知一起身塊面又紅又痕, 有 d 位仲俾我搲損左添, 好似爛面咁好恐怖, 又好擔心喎, 即刻要回購返個 Eminence Calm Skin Mask 啦, 去到美容師話如我想效果快、靚、正, 就最好停用所有 skincare, 全部用晒 Eminence 產品, 當時真係唔理得咁多, 最緊要塊面無事嘛, 同埋做完 reenex 係皮膚吸收好野既時候, 用 Eminence 都不失為一個最佳選擇

Calm Skin Arnica Masque 山金車舒緩面膜及 Clear Skin Probiotic Masque 益生菌暗瘡面膜 (按此), 之前都用過, 因為勁敏感及粒粒未完全退晒, 就回購左啦, 各 $178 / 15ml, 山金車 mask 對敏感真係好有效, 個 mask 已經用完, 應該會再度回購, 放定係屋企看門口都好嘛

Lemon Cleanser 檸檬潔面乳 $470 / 250ml
飽含水分的補濕潔面乳, 適合各類型肌膚, 只要一個步驟便可清潔面上化妝品及雜質, 使肌膚重現青春光澤。檸檬具高度抗氧化功能, 其所含的草本植物精油更有均衡補濕效果, 不但能溫和潔淨肌膚, 且能使肌膚柔軟光滑。此外, 它還帶有不可思議的迷人香氣。

第一次上去 Kos 時, 美容師就係用呢個 Cleanser 同我卸妝潔面架啦, 好香檸檬味, 價錢有 d 貴, 但每次用2泵 (圖中份量), 就夠全面用架咋, 都幾耐用, 無泡乳液狀, 但清潔效果唔錯, 係鼻及有粒粒位置按多幾下, 會感到有 d 黑頭/污糟野被推左出黎, 而且雖然成份有檸檬, 一 d 都唔刺激, 敏感皮膚都啱用, 我主要用佢黎潔面, 卸妝就用返卸妝油

Tropical Vanilla Sun Cream SPF 32 熱帶香草防曬霜 SPF 32 $38 / 3ml
經臨床測試証明持續使用 7 天皮膚水分增加 250%, 是天然防曬保護 + 補濕的 2合1面霜, 有效阻隔紫外線 UVA / UVB / UVC, 乳木果具天然防曬及濕潤肌膚作用, 皮膚變得柔軟, 膚色均勻, 配合芳香的雲呢拿香草, 舒緩鎮靜, 氧化鋅有效阻隔所有波長的紫外線, 保護肌膚。

呢個係 3ml sample 黎, 之前已經好想買黎試架咋, 乳白色, 搽上面係無色既, 有別於一般既防曬面霜, 而且 SPF32 咁高, 一 d 都唔 lup, 好香雲呢拿味, 因我極度敏感, 連 toner, essence 都停晒, 早上洗面後就直接用佢, 用量會比平時多, 之後化妝, 粉底唔太好推, 如果之前加返精華應該會好 d

Calm Skin Chamomile Moisturizer 甘菊舒緩保濕面霜 $178 / 15ml
具鎮靜功效的咩甘菊和山金車, 結合有安撫作用的乳木果和金盞花油, 有效舒緩和滋潤受刺激的敏感皮膚。這個治癒和保濕面霜即時舒解發紅和酒渣鼻的症狀。

講完 day cream 當然要配埋 night cream 啦, 呢款係專 for 敏感皮膚既, 我差唔多用晒先記得影相, haha, 質地及顏色都好似牛油, 杰身膏狀, 但手有溫度, 就好易取出及搽上面好似溶化左咁, 都係潔面後直接用, 呢排天氣開始乾, 單用有少少唔夠力, 但敏感情況改善左好多