Missha Perfect Cover BB Cream

名 稱 : Missha Perfect Cover BB Cream No.21
價 格 : $199
容 量 : 50ml

產品介紹 :

多功能底霜, 能有效修飾臉上瑕疵及毛孔, 令妝容細緻幼滑, 並同時具有保濕、美白、減淡皺紋及防曬等多重護膚功效, 令肌膚重現剔透亮澤, 更備有兩種顏色選擇 No.21 & No.23
 

之前見 sheep 用過唔錯, mi 去開韓國搭佢幫我買既, 價錢大約係香港既一半, 真係抵好多呀, 不過有次係卓悅見過 30ml 細支版, 賣 $98 定 $85, 唔記得左 haha

50ml 都幾大支, pump 裝好方便就手, 每次用一泵就夠搽全面啦, 吱出黎係 cream 狀, 推開唔算厚身都幾好推, 可以推到好薄既
 
21色係偏白膚色, 另有深 d 既 23色選擇, 較少 BB Cream 有色號揀, 多數得一個色, 顏 色同粉底有別, 少少帶灰既, 但搽上面唔覺, 調到面色, coverage 唔錯, 仲好過 fdt, 亦唔厚, 唔似用粉底咁有明顯妝感, 質地有少少滋潤唔係好爽果 d , 可能有 sis 會覺得 lup, 但我就覺得啱啱好啦, 有幾日又凍又乾仲唔太夠潤添, 可能夏天就會有少少 lup, 但掃上埋碎粉就 ok 啦

spf 42 pa+++ 就算夏天用都好足夠, 一支有晒防曬, 調色, 我當佢係防曬 +  base + fdt 一支搞掂, 返工趕時間最啱, 搽完 skincare 直接用佢, 再上碎粉, blush, lipgloss 就可以出街啦, 而且 BB Cream 唔似 fdt, 唔洗用咩技巧, 好似搽防曬咁就得架啦, 想薄 d 均勻 d 可以用手上完再用粉樸推

不過缺點係較易溶, lunch 後 T Zone 已經溶溶地, 唔補妝既話到放工都甩得 8899 架啦, 尤其易出油既鼻哥, 不過就算溶都唔會好似 fdt 咁 "攝" 左入毛孔搞到肉色一點點, 亦唔會一撻撻, 越補妝越衰

用過幾款 BB cream, missh 呢支都算唔錯, 之前用過有 d 顏色好死白, 但白得黎帶灰, 一 d 都唔靚, 影相仲慘, 嚇死人, 好似死屍咁, 真係拍吸血新世紀唔洗化妝, 有 d 就好爽身, 但對我黎講較乾, 長時間係冷氣地方真係唔得.... 不過呢 d 都係人夾人, 同揀 fdt 一樣咁難, 大家又揀啱適合自己既未呢!?