Decleor Flower Essence Moisturising Mask

名 稱 : Decleor Flower Essence Moisturising Mask
價 格 : $450
容 量 : 200ml

產品介紹 :

This light creamy mask helps to freshen, soften and replenish the skin. It provides continuous “drip-feed” hydration, reinforced by the technology of aquaporins, true “water channels”, combined with an anti-pollution plant active ingredient to protect the skin against harsh environmental elements.

豐富面膜含有獨特點滴滋潤系統能夠集中補充肌膚水份。立刻緩解肌膚乾燥和緊緻感覺。保護肌膚免受污染和外界傷害。

用法 : 塗抹厚厚一層在面部及頸部, 待 5-10分鐘後用濕化妝棉去除剩餘面膜, 每週使用1-2次。
 









係卓悅買既 salon size, 包裝好似同之前見既有少少唔同, 可能係新版都唔定, 因為之前有段時間缺貨, 好耐都買唔到, 所以一見到即買啦

吱出黎有淡淡花香既香薰味, 質地 cream 狀, 都好易推開, 推開後好薄身, 感覺好似搽補濕 cream 咁, 每次唔洗用好多, 已經夠搽全面, 雖然話敷 5mins, 但超快吸收, 有時 3mins 個 mask 已經由白色轉做透明, 仲俾皮膚吸收晒, 好似搽完 cream 滋潤唔 lup 既感覺, 所以我都唔過水, 用搽左 toner 既化妝棉抹下就搽 skincare 啦, 不過唔想影響測試結果, 呢次我係有過水再等一陣先做水份測試既, 但都睇到水份油份都有上升呀, 如果唔過水數字應該會更高, 敷完皮膚 feel 到好滋潤好滑, 但完全唔 lup 既, 怪不得咁多 sis 大讚啦

雖然呢支唔平, 但 200ml 真係有排用, 如果係 sasa 買 50ml 就好貴啦, 以我所知部份美容院都有 salon size 賣, 但大約幾錢我就唔清楚啦

Glaceau Vitamin Water 試飲

多謝 Beautylife x GLACEAU VITAMIN WATER 試飲活動, 等我有機會可以試飲呢款產品

收到呢6支飲品, 顏色豐富好似彩虹咁, 每個顏色代表一款味道, 每支 500ml, 拎返屋企時都幾重呀....

Glaceau vitaminwater將色彩帶進水的世界，為傳統無色無味的清水來一個突破，加入健康意念和純天然的色彩。





由左到右
紅色 - XXX acai-blueberry-pomegranate (triple antioxidants) 莓果味

橙色 - Essential Orange-orange (c+calcium) 橙味

黃色 - Energy tropical citrus (b+guarana) 熱帶柑橘味

淺綠 - res-q green tea (c+green tea extract) 綠茶味

粉紅 - Power-C dragonfruit (c+b's) 火龍果味

紫色 - Restore fruit punch (b+electrolytes) 雜果賓治味

初初飲覺得好淡, 只係有少少果味既水咁, 但飲到第三支就覺得都幾好飲, 淡淡地唔太甜, 最鍾意 Fruit Punch 味, Green Tea 最淡, Orange 真係好香, 一開個蓋真係好似鮮橙汁咁, 但未就偏淡唔係好甜, XXX 同 Dragonfruit 就唔算好好飲, 有 d 似藥水味, 而 Energy 唔係幾飲到係咩味, haha, 整體感覺唔錯, 有時唔想飲水咁淡, 但又唔想飲咖啡汽水呢 d, vitamin water 都係一個唔錯既選擇, 又可以吸收維他命, 一舉兩得啦。

Estee Lauder 無瑕底妝美妍班

之前收到 More Club 既 email, 話 Estee Lauder 有化妝班上, 預約費 $150, 覺得幾得意又唔係貴就登記左, 但好快收到 email 回覆話個化妝班已經滿左, 跟住事隔 2 weeks 左右, 又收到 More Club 職員打黎, 話仲有空位喎, 問我仲有冇興趣, 咁口快快都答應左啦, 但都有少少後悔, 因為果 $150 只限買 Estee Lauder 彩妝, 都唔知買咩好, 但應承左都照去啦 




上 堂時間係噚晚 7:00 - 9:00, 我準時 6:45 到達, 係 TST 商業區都好易搵, 上到去已經有幾個 BA 係度招待參加者, 點名後就帶我入課室啦, 果度環境好舒服, 以全白色為主, 門口有晒 Estee Lauder Group 旗下品牌 (La Mer, Clinique, Origins, Bobbi Brown, MAC....), 牆身亦有果 d 品牌既廣告 poster, 原本想影相 post 上 blog, 但 BA 姐姐話唔可以影相喎, 所以俾唔到大家睇個環境啦....

當時只係一位 sis 到左, 咁 BA 就叫我坐最前果排啦, 一排有三個位, 檯面放晒 d Skincare, Makeup, 化妝工具等等既野係度, 然後 BA 幫我圍圍巾, 夾頭髮啦, 跟住俾左 cleansing milk 叫我卸妝先, 然後等埋其它 sis 先開始, 咁坐係度無無聊聊, 佢就叫我睇下下面書本仔, 揀自己屬於邊類皮膚, 揀返想試既 skincare, 咁我又剔好晒啦, 再等左陣 7:15 左右, 參加者都到左大半, 咁就開始啦

首 先司儀 BA 介紹自己, 其它 BA 及化妝師啦, 然後就係教化妝之前講解下 Estee Lauder Skincare 先, 等我地化妝之前都認識下點樣護理皮膚, 因為皮膚狀態唔好, 個妝化出黎都唔會靚, 跟住就到我地自己上 skincare 啦, 我主要揀左 Nutritious line, 係想試下 d pdts 嘛, 由 toner 開始, 可能佢個 cleansing milk 卸得唔算乾淨, 我用完已經用兩塊濕化妝抹, 都算乾淨無晒顏色, 但上完 toner 後我見到塊化妝棉變左肉色, 好恐怖....

之後再搽 Night Repair, Nutritious Gel Cream, Time Zone Eye Cream,  Makeup Base, 因為由我卸完妝到搽 skincare 都 over 15mins, 我塊面都有 d 乾乾地啦, 再一次過試咁多新野上面, 搽完個 base 塊面有 d 慶慶地, 一照鏡, 噢~~ 紅到關公咁.... 好彩過左一陣都散左少少, 無敏感....

跟 住就到化妝師 Carmen 出場啦, 佢首先教我地揀粉底顏色, Estee Lauder 有個 i match 色版, 只係將色版放近面, 你可以清楚睇到自己較接近邊個粉底色號, 另外仲有分 warm 暖色系 (偏黃) 同 cool 冷色系 (偏紅), 咁我皮膚白得黎偏紅, BA 話唔想咁紅可以用 W tone 返, 咁我就揀左 #1W 既 Double Wear Light Foundation 啦, 然後化妝師師教可以用深色兩色粉底做陰影效果, 咁自然 d, 重手左都唔怕, 又可以用左買錯色既粉底, 唔好晒左

佢教用 Foundation Brush 上粉底, EL 果支都幾好用喎, 毛夠厚唔拮面, 但佢 d 工具好唔齊, 三個人但好多野得兩套... 我又唔想人地用完到自己用... 所以成日要問 BA 拎野, 連我要用果支粉底都無, 又要問佢拎.... 個粉底有少少難推又快乾, 所以有掃痕又掃唔開, 最後要勁噴水係支掃, 再用粉樸推先好 d, 呢 part 我都搞左好耐, 再用 concealer, 之後上碎粉, 檯面得一隻色, 仲係勁橙紅咁, 都算啦, 隔離個女仔都係用 #1粉底, 佢話啱色我都照上啦, 好彩上左面都 ok, 但睇到個底妝已經唔貼一撻撻咁, 都唔埋得咁多啦, 繼續聽化妝師講點畫眉, 搽眼影, 但顧住自己化, 其實都聽唔到幾多...

係搽 影眼之前 BA 拎左個 eye base 叫我地打左底先, 但個 eye base 無論我用掃/手都上得唔貼, 不過佢係令個眼影幾顯色既, 不過上色重手左就有少少難 blend 開啦, 眼影顏色唔多選擇, 得十幾隻色啦, 但好多都偏深, 最後揀左深紫色, 跟住畫眼線, mascara 全部自己黎啦, 都唔知化妝師講到邊度啦, 試左支震動 mascara, 有少少難用, 同埋唔覺掃頭震, 只係隻手係咁震, haha, 最後我都係放棄, 熄左佢就咁搽算啦, 質地幾輕身, 效果都幾長幾濃密, 之後求其上埋胭脂唇膏搞掂, 係空擋既時間, 我都寫底自己用左咩產品及色號, 連我隔離位 sis 都好奇點解我寫到咁多野, haha

之 後每人送返一份 gift, 入面有封信係去返專門店 redeem 返 $150 以上產品, deadline 係 2/28, 都好, 可以慢慢諗下買乜, 不過地點都唔太就腳.... 仲有 d sample, 分別係 Take It Away Cleansing Oil 30ml, Mascara, Night Repair 7ml, 2包 Nutritious Foundation


總 結 : 環境舒服, BA 態度好好, 有禮貌又細心有耐性, 不過張化妝檯唔大, 坐左三個人, 都有少少迫, 工具又唔齊, 就有少少唔好囉, 搞到我成日要起身拎野, 唔小心又整到我隔離個女仔喎, 唔係咁好意思嘛, 同埋教既野唔算好有用, 可能本身有化開妝, 好多野都識, 同埋 d 產品唔太好用, 個粉底我都覺得好麻麻, mascara 我未返到屋企已經甩到變熊貓眼, 反而化妝掃比想像中 ok 喎, 大部份都好舒服唔拮面, 另外可以試到 d skincare, 都唔錯喎, haha, 睇黎都係日本品牌既化妝品較適合亞洲人.... 而家諗緊果 $150 買咩好... 一係 cream e/s, 我無呢類產品, 或者 pure lipstick, 試過都唔錯, 顏色自然又夠潤, 都係補少少錢都 ok 啦, 我都唔想買 d 咁貴既野, haha, 大家有咩好介紹!?

PS. 嘩!! 唔經唔覺打左好多字好長篇添!!! 我今朝上 skincare 塊面仲有 d 紅....

Apivita Aqua Plus Face Mask with Cucumber

名 稱 : Apivita Aqua Plus Face Mask with Cucumber
價 格 : $280
容 量 : 10ml x 12pcs
 
產品介紹 :

適用所有膚質，特別是乾燥缺水的肌膚，小黃瓜、酪梨精華、玻尿酸等成份可保濕肌膚並鎖住水份，防止流失，使肌膚深層保水並健康水嫩。










都係之前托 Man 半價買既, 一路以黎都未試過 Apivita Mask, 因為佢係細細包獨立包裝, 我覺得用起上黎唔太方便, 一次一包又太多, 分兩次用要連敷兩日, 同埋要存放得好好, 唔係入左細菌再敷上面就麻煩 lu... 今次半價真係試得過啦, 上網睇過 comment, 好似呢款係最補濕既, 於是買黎試下

每一小包有 10ml, 我可以分三次用, 都唔係慳住用, 係敷得少少厚果隻架, 可以用 36次, 就算原價既話都唔算貴, 質地係 gel cream 與 lotion 之間, 好稀既淺綠色 milky 狀, 未搽上面已經聞到好香既青瓜味, 俾我第一個感覺係彩豐行既青瓜洗面奶咁, 無論係質地香味顏色都好似, 敷上面聞到香味覺得好 relax, 好舒緩既感覺呀

厚敷全面 10-15mins 後過水, 敷到咁上下都會由淺綠色變左做透明, 即係皮膚已經吸收左, 個 mask 質地稀, 所以好易洗走, 過水後一 d 都唔 lup, 皮膚好 soft 好滑, 都有少少保濕滋潤既感覺, 但唔明點解測試結果係水份同油份都下跌喎, 但我係完全唔覺得乾或繃繃緊既, 可能我過水後等得太耐先做測試, 皮膚表面水份開始流失左都唔定

總結 : 呢個 mask 雖然唔算好補水, 都有少少保濕滋潤感, 敷果時都好舒服, 係用法唔太方便囉, 如果有半價我都會考膚再買既, 但首先要用晒屋企果 d 先, haha

 

Nars Loose Powder - Snow 用後感及 Bourjois 比併

名 稱 : Nars Loose Powder - Snow
價 格 : $330
容 量 : 35g

產品介紹 :

含三重研磨的 NARS 光透感蜜粉質地清薄且輕盈，讓完粧後的肌膚如天鵝絨般的柔軟光滑與清透自然。維他命E的滋養配方使肌膚有效遠離脫水或乾燥的困擾。在粉底完成後使用，有助於維持均勻且長效的粧容。在妝後乳後使用，讓肌膚增添無瑕且自然的裸妝光采。

之前 Man 識人可以半價買, 所以呢盒只係 $165, 大大盒都幾抵玩。



個盒既設計幾好, 有晒膠格、網、粉樸, 個膠格張黑色紙撕走左係有 d 窿窿架, 可以隨個人喜好囉, 都幾細心喎



粉樸好大個, 好軟, 不過個網就疏左 d, 所以唔可以太大力, 會沾得較多碎粉



粉質好幼細, 好貼薄而且一 d 都唔乾, 因為我無去 counter 試色, 只係上網睇住官網個色辦黎買, 顏色有少少偏白, 但都尚算自然既, 下次買既話, 試 Flesh 應該啱啱好




Nars VS Bourjois
之前講過會將新期買既兩個碎粉做比併, 相機食色既關係, 其實兩個碎粉顏色係差好遠架,  bourjois 起碼深兩號而且色偏紅, 我亦都係手試色睇下個對比度, 可惜影相出黎睇唔到分別....








包裝設計
Bourjois 個蓋係合唔實既, 而 Nars 個盒既表面好似黐粉或手指模印, 搞到一撻撻好污糟咁
兩款都係有網隔, 而 Nars 仲多個有孔膠蓋, 咁用掃或用粉樸都啱用啦, Bourjois 既網隔個窿窿就細密 d, 沾取既份量亦無咁多, 唔怕一次會上厚左
粉樸都係好 soft 好舒服, Nars 就大個 d 厚身 d, 而且有絲帶係中間, 方便扣係手掌使用

粉質
兩款都好幼細, 不相佰仲, 打開盒蓋時會見到 d 碎粉好似煙咁飄出黎, 但 Nars 偏乾爽 d, Bourjois 就好似濕 d 咁, 唔知大家明唔明我講乜...

控油及持久度
可能 Nars 既質地較爽, 控油度都相對較好, 用左大半日都只係有少少出油, 用紙巾印下就 ok, 唔會點溶, 而 Bourjois 就 lunch 後 T zone 都明顯有油, 用紙巾印完, 見到張紙巾會有少少肉色, 個妝亦無咁持久

香味
Bourjois 係好濃既爽身粉 + 花香味, 初初用都唔係幾慣, 香左 d, 尤其掃係鼻位時, 有鼻敏感或唔鍾意咁香既 sis 可能就唔鍾意啦, Nars 就有少少香味, 可以接受既


總括黎講兩款都各有各好, 但 Nars 就優勝少少, 因為碎粉既作用都係定妝, 而佢亦做到令個妝好持久, 但價錢相對又貴左啦.... 但以百幾蚊既價錢 Bourjois 已經好抵玩架啦, 開架 brand 可以比美大牌子, budget 充足既咪可以買 Nars 囉, 讀緊書或無咁多 budget 咪可以考慮 Bourjois 啦

之前都講我用 Nars 偏白, 而 Bourjois 又偏紅喎, 見粉質差唔多, 所以我決定將兩款溝埋黎用, hehe

BeautyLife Bloggers Gathering

首次參加 Beauty 網 & Blogger 既聚會, 雖然唔係認得好多 Blogger, 但都新認識左幾位啦, 幾特別幾好玩呀

我約埋 sheep 係地鐵站等, 一齊行過去, 不過出門口前唔記得睇清楚個地址, 所以去到都搵左陣, 不過都好易見到, 打俾詩詩, 原來我地就企係 cafe 對面



BeautyLife 準備左好多 sample 俾我地咁多位呀



仲有 sis 捐出既抽獎禮品, 我都有份架



仲有勁多 Glaceau Vitamin Water



之前係試用活動抽中左 6 支唔同味道既 Vitamin Water



點知今次聚會又每人有兩支, total 8支, 仲有好多 sample, 部份係 sis 拎出黎交換既



仲 有 sheep 幫我係 sogo 買既 Mane 'n Tail Herbal Shampoo & Conditioner, 同埋佢參加 ROC 發怖會送既 Day Cream sample, 咁多野真係拎到我手軟呀, 所以要 call 男友幫手, 唔係返唔到屋企都似....

LAHA 24K 金箔魚子精華

名 稱 : LAHA 24K 金箔魚子精華
價 格 : $1280
容 量 : 40ml

產品介紹 :

珍貴而稀有鱘魚能活化肌膚底層至表皮層的細胞, 有效塑造細密緊緻的皮膚紋理, 令暗啞疲倦肌膚重現透亮光澤。
純珍貴 24K 黃金成份, <<東醫寶鑑>> 記載黃金能有效淨化肌膚, 排出毒素, 增強肌膚的免疫力, 令肌膚保持健康年輕。








之前做 promotion 買 Ideal Ringer 可以用半價購買, 另外仲有罌 15ml 魚子 cream 同美白重點精華 sample 添 (用後感按此), 唔係見咁抵, 我一定唔會買啦

質地好杰身既金色 gel 狀, 真係睇到有好多金箔係入面, 但太杰身好難泵出黎, 早排天氣凍更加杰, 真係要用九牛二虎之力先按到.... 真係未搽已經手軟啦

淡 淡花香味, 搽上面會見到有好多金粉狀既野, 心諗咁閃好怪喎, 但過一陣等皮膚吸收左, 會見到膚色明亮左, d 金粉好似溶左入皮膚咁, 幾杰身唔算好推, 質感有 d 似蜜糖, 皮膚吸收後唔會好爽好似無搽野咁, 所以之後再搽 lotion / cream 就吸收得較慢

用左兩個半月, 去紋效果暫時未覺, 但明亮光澤就有少少, 但杰身唔好推, 我皮膚薄, 有時唔覺意大力左既話, 塊面會有少少紅, 所以我會上多少少 toner 打好個底, 咁就會易推 d 啦

呢支既價錢真係唔平, 咁既價錢可以有更好既選擇, 半價都未必會回購, 原價更加唔洗考慮添啦, 同埋用過幾款 Isa Knox 既精華, 普遍質地都較滋潤, 未必啱香港天氣同埋年青肌膚。

The Body Shop Nutriganics 系列試用報告

多謝 BE X The Body Shop 邀請我參與全新 Nutriganics™ 天然有機營膚系列率先試用活動, 今次有4款產品, 可以成 set 咁用試真個效果呀, 篇文有 d 長, 希望大家慢慢欣賞啦~~

膚質 : 混合偏乾, 轉季較易敏感, T 位中午後出油, 但情況唔嚴重, 有色斑, 毛孔粗大



產品介紹 :

The Body Shop 全新 Nutriganics™ 天然有機營膚系列，系列中的7款產品均符合國際權威機構 ECOCERT 歐盟有機認證發出的有機認證標準，臨床測試顯示，Nutriganics™ 天然有機營膚系列可撫平面部幼紋同時，能使肌膚健康再現，綻放讓人羨煞的最佳狀態。

ECOCERT 歐盟有機認證代表系列產品蘊含超過 95%天然成份，有機成分佔整個產品的 10%或以上，當中蘊含的有機巴西棕櫚樹油能補濕修護；有機橄欖油能滋潤抗氧化；有機蘆薈則有效紓緩鎮靜。有機社群貿易的農民於原料種植過程中沒有使用非天然的化學物質或化學肥料等，於天然環境長成，而在加工過程亦沒有使用化學添加物，確保所供應的原料都是可持續發展及對環境影響最少，讓大家感受到純天然有機的力量。
產品包裝所使用的物料是由 FSC(Forest StewardshipCouncil) 認證的可循環再用物料，貫徹品牌環保信念，於改善你肌膚同時亦能保護生態環境。

Nutriganics Foaming Facial Wash 有機營膚潔面泡沫 $189/150ml幼滑貼面的潔面泡沫，能徹底潔淨肌膚，並有效去除化妝品殘跡及污垢，令肌膚感到潔淨細緻。


 
使用次數 : 28 次 (早晚使用)
用 後感 : 按出黎已經係泡泡狀, 方便使用, 香味都 ok, 泡沫算厚實綿密, 唔會上面後好快無晒, 每次按三泵, 過水後一 d 都唔乾, 以為潔面泡通常會較乾添, 呢支真係唔錯幾好用。潔面泡一般用得較快, 暫時使用一星期, 支野都仲幾重手, 應該都用到 2-3個月。

Nutriganics Refreshing Toner 有機營膚清新爽膚水 $189/200ml質地柔滑，清爽滋潤，不會令肌膚乾燥。並有效去除潔膚用品殘跡及污垢，清爽而不油膩。


 
使用次數 : 28 次 (早晚使用)
用後感 : 第 一次用打開個蓋, 香味怪怪, 有 d 似茶葉味, 感覺好似用茶做 toner 咁, 唔好聞, 但唔算臭囉, 過左幾日香味無咁濃, 亦習慣左, 可以接受啦, 水狀質地, 我用慣 gel 狀 toner, 呢支感覺唔算好補濕, 但又唔會好爽搽左等於無搽咁, 或者春夏用會啱 d。


Nutriganics Smoothing Day Cream 有機營膚幼滑日霜 $239/50ml經臨床測試，能有效減少面部表情紋及皺紋，令肌膚回復光澤彈性之餘亦能達致12小時長效保濕。蘊含一系列豐富有機成份，有助改善肌膚色調及幼滑度同時回復光澤彈性。


 
使用次數 : 14 次 
用後感 : 真空泵裝樽身, 方便使用又衛生, 每次按一下足夠搽全面連頸, 頭兩日想試真 d 補濕功效, 無搽精華打底, toner 後直接搽 cream, 雖然係 cream 狀質地, 但完全唔 lup, 推開似 lotion 狀咁好薄身, 但 toner 後用有少少難推, 快吸收但唔算好潤, 化妝後更加明顯, 到 lunch 後塊面乾乾地, 個妝有 d 甩啦, 之後都要加返用開既補濕精華打底, 咁就易推好多, 雖然無單用吸收得咁快, 但感覺滋潤好多, 亦完全唔 lup

Nutriganics Smoothing Night Cream 有機營膚幼滑晚霜 $289/50ml此款晚霜是你長夜護膚的最佳伴侶。蘊含豐富滋潤天然成份，經臨床測試，提供長達12小時的補濕及滋潤，令肌膚潤澤度大大提升，長期使用能改善肌膚彈性有效淡化幼紋。


 
使用次數 : 14 次
用後感 : 亦 都係真空泵樽, 每次用一泵份量搽全面連頸, 質感比 day cream 滋潤, 頭兩日單用都夠潤, 但因為 toner 後都有少少難推, 所以都有加精華打底, 吱出黎好杰身咁, 但都好易推開, 好快吸收唔 lup, 其實同 day cream 好相似, 只係質地有少許分别, 同香味濃 d, 無改錯名, 搽完皮膚真係好 smoothing 好舒服。


呢個系列暫時只用左一星期, 整體都唔錯, 無敏感, 夠滋潤, 論補濕度就一般, 可能 cream 狀質地都係偏滋潤, 使用時間較短, 暫時好難睇到去紋功效。初初見日夜霜分開, 以為 day creaam 有防曬添, 不過有機 skincare 較少加防曬呢類化學成份, 咁先夠天然又用得放心嘛, 另外真係好鍾意個泵樽, 可惜真空裝唔可以 reuse 啦...

The Body Shop Honey Moisturising Shampoo & Conditioner

名 稱 : The Body Shop Honey Moisturising Shampoo & Conditioner
價 格 : $149 (S) / $165 (C)
容 量 : 各 400ml

產品介紹 :

Shampoo : 乾性 / 受損 / 漂染頭髮適用。豐富滋潤，溫柔潔淨，令頭髮柔軟易梳，亮澤健康。定期使用可改善髮質。
Conditioner : 蘊含豐富養份，提供深層滋潤，令乾旱、暗啞和受損頭髮回復柔軟亮澤，柔順不打結，豐盈並散發健康光澤，定期使用可改善髮質。







好鍾意 honey 味既野, conditioner 之前都用過兩支唔錯, 舊年申請 body shop member 入會時有八折, 所以買晒 shampoo 同 conditioner 成 set 咁用。

Shampoo : 淡黃色 lotion 狀, 好香 honey 味, 無乜泡, 我頭髮幾長, 要用較多份量先夠, 少泡既關係感覺洗得唔算好乾淨咁, 質地幾潤, 但過水後有少少啜手, 頭髮乾左後幾潤好滑, 但可能太潤又洗得唔算乾淨, keep 住用左一星期, 頭皮好快出油, 朝早洗頭, 中午頭頂已經有 d lup 啦。

Conditioner : 淡黃色 cream 狀質地, 幾杰身有 d 難吱出黎, 好香 honey 味, 頭幾日用, 到頭髮乾左耐唔時都聞到少少香味, 好夠潤, 份量唔洗用好多, 所以一支好襟用, 乾髮後好順滑, 冬天用仲正, 夏天可能潤左 d。

總括黎講 shampoo 麻麻地, 洗得唔乾淨, 但 conditioner 就好好用, 尤其啱髮質乾既 sis 添, 但兩支質地都偏杰身, 好難吱出黎, 新開已經要倒轉個樽放啦, 如果有埋個泵就好好多啦。

Bourjois 之初體驗

Bourjois 咁耐以黎只係用過一個 blush 咋, 但因為佢 d blush 係經烘焙而成, 粉壓得較實唔容易拈上掃, 我揀個色又較淡, 要掃好多層先有少少色, 所以都好少用, 但一路有留意呢個 brand, 耐唔時經過 counter 都會睇下有咩新產品咁, 因為佢 d 野顏色、包裝都幾吸引, comment 又唔錯, 終於係平安夜果日見到呢 set 好啱心水, 就買左啦

10 Hours Sleep Effect, Mineral Enriched Loose Powder, Brush Concelar $398, 全部 full size, 原價應該都要 $4xx





10 Hours Sleep Effect #72 Rose Clair 30ml

原本想試新出個 foundation 架, 可惜新產品 set 裝無得轉, 最後都係買返呢款。
好耐之前有 sis post 過, 話去朗豪坊 counter 買粉底, 但原廠無封條, 只係用普通膠紙貼住樽蓋, 再係燈光下睇, 支粉底無左 1/3, 覺得似賣 tester... 但唔知係咪包裝改良左, 我呢支係真空泵裝, 有幾多一眼睇到, 而且每次一泵份量啱啱好



我 呢支 #72 色有少少偏紅調, 但上面好自然, 好啱膚色, 有淡淡既花香味, 質地 lotion 狀, 好好推, 有少少滋潤, 但唔 lup, 遮瑕度算中等喎, 好多 sis 話佢 coverage 低, 搽左好似無搽, 但我又唔覺喎, 淺既印都遮到, 就算雀斑都遮到6成, 而且妝感一 d 都唔厚, 但膚質會睇落好左, 我比較鍾意化淡妝, 呢支好啱我呀, 遲 d 都想試埋新出果支添, hehe








Mineral Enriched Loose Powder #02 Rose Chic 30g

初 初出 pressed powder 時玩過覺得好滑已經好想試架啦, 後黎出埋碎粉, 仲似仲正添, 因為出街好少補妝, 呢款個盒蓋係合唔實既, 好易整到週圍都係, 最怕鬆手跌落地既話真係唔知點算囉... 但如果每次都蓋返個透明膠蓋又好煩, 朝早趕時間, 唯有小心 d 啦, 俾埋個網隔, 方便使用, 用個粉樸直接壓落去就可以取適量既份量, 粉樸好軟好舒服, 碎粉個香味濃左 d, 好似爽身粉既味, 粉質幼細, 打開個蓋時, 見到 d 碎粉好似煙咁飄起架, 而且好滑唔乾, 可惜買果時 BA 無問我, 就揀左同粉底同系色號, 都係偏紅調, 咁粉底同碎粉都紅, 搽出黎有少少怪, 深色左但又偏紅喎, 冬天著樽領衫都 ok, 但夏天一定唔得, 會面頸兩截色, 再買既話會買 #01色, 呢盒唯有溝 chacott 用啦








Brush Concealer #81 Beige Clair 1.5ml

好 似唇彩咁扭出黎既, 連埋掃好方便, 呢款 concealer 得2隻色揀, 82好橙色唔啱, 咁雖有揀呢隻, 但呢支又白左少少喎, 用係印或雀斑 ok 囉, 如果黑眼圈會白左怪怪咁, 或者溝少少粉底會自然 d, liquid 狀質地薄, 遮瑕效果唔算好好, 同埋用係眼有少少乾呀, 又唔啱色, 條眼紋好似仲明顯左....





用後感 :

上 圖係化妝前後, 都睇到用晒三款產品隻色係深左既, 相機食色已經淡色左, 肉眼睇係好明顯有分別, 但佢都遮到我 d 微絲血管, 有用 bourjois 果邊睇落滑左, 膚色均勻左, 今次買既 Bourjois 整體都唔錯, 但揀色號就要小心 d 啦, 要試真 d 先決定啦, BA 都唔錯, 幾有禮貌同唔 hard sell, 買夠 $300 可以 join member, 每次買滿 $150 有一個印, 儲夠某個數可以換指定產品或當現金使用, 都唔錯


PS. 原本想寫埋 Nars Loose Powder, 但呢篇太長啦, 所以分開兩個 post 出啦, 我會將 Nars 同 Bourjois 碎粉比較下既, 請留意啦