拎左姊妹裙啦~~

1212 係我朋友結婚既大日子, 佢邀請左我同另外2個 friend 做姊妹, 咁噚日去食兄弟姊妹返, 順便拎埋條姊妹裙...



深紫色都較為少見, 原本唔係咁架, 揀左粉紅色, 有現貨睇真身, 其實都 ok, 但其中有一個姊妹好似唔太鍾意, 咁當然我地無理佢啦, 無理由要 5個就佢1個架嘛。

原本諗住租, 每條都係 $180 幾抵, 可以幫新娘子慳荷包嘛, 可惜每條裙要俾 $500 deposit 喎, 有咩污糟損壞會全數扣除, 咁仲貴過買, 所以新娘決定每人買一條, 又可以俾我地留念, 都好似係 $2xx 架咋, 咁都 ok 呀。

就係因為由租轉為造, 果個唔滿意既姊妹竟然偷偷捉左新娘去改色喎, 仲要係深紫 + 香檳金腰帶, 聽到真係好愕然呀, 佢唔通知聲已經唔係好啱, 完全唔理我地其餘5個姊妹既意見, 我覺得幾唔尊重人囉.... 仲要咁既配搭, 都幾 "騎呢" 架嘛, 但為免新娘難做, 我地幾個姊妹都好識做無出聲啦, 佢鍾意點改就點改啦, 好彩出黎都唔肉酸, haha

咁噚日去左旺角食飯啦, 見到晒 d 兄弟姊妹啦, 伴娘同另外2個姊妹就唔識及未見過既, 噚日去攞裙走果時, 見到有2個女仔又係拎姊妹裙, 聽到佢地講深紫色... 新娘姓 x, 都估係唔係佢地呢... 去到餐廳佢地見到我地已經話啱啱係婚紗舖見到我地, haha, 真係橋呀~~ 係個老闆娘話佢地知係一齊既, 仲問佢地, 乜你地唔識既咩, haha, 伴娘同果兩個姊妹都幾 nice, 幾好傾添

到講下 d 兄弟啦, 都無乜特別, 幾正常咁啦, 同埋係教會都做開兄弟團架啦, 應該都幾熟手, 起碼知自己要做 d 咩啦, 呵呵, 咁當日就唔洗咁辛苦 lu....

LAHA Ageless Essence Skin Toner

名 稱 : LAHA Ageless Essence Skin Toner
價 格 : $290
容 量 : 140ml

產品介紹 :

高粘性的啫喱狀化妝水, 質地濕潤, 富有彈性, 含有多量天然保濕成分, 給予皮膚豐富的水份與彈性。

主要成份 :
馬鞭草 - 它是 LAHA 的主要成份, 針對老化的原因, 活性氧 (ROS) 發揮功效, 緩解皮膚老化。
Synbiosome - 它是獲得國際專利的成分, 針對新的老化原因, 活性氮 (RNS) 發揮功效, 使膚色白晳透亮, 延緩皮膚老化。
Aldenine - 針對新的老化原因, 活性炭 (RCS) 發揮功效, 緩解皮膚老化。含有的膠原蛋白具有卓越改善效果, 使皮膚更年輕。





Isa Knox 其中一條 line, 之前介紹同系列支精華 (按此), 而家講埋個 toner 啦, Gel 狀質地用泵狀好方便, 早幾日咁乾, 用左佢皮膚明顯水份重左, 而且好快吸收, 一 d 都唔 lup, 吸收後好舒服, 無敏感, 而且 gel 狀我會用手上, 所以好襟用, 雖然價錢唔平, 可以用到超過 3個月既話, 都 ok 既!!

睇下測試既結果先, 有 d 手震, 因為好難影呀, 要好快手, 部機 hold 得太耐唔郁會自動關機架, haha





大家都睇到啦, 水份油份都升左唔少, 尤其水份, 升左差唔多 24% 添呀, 油份都升左唔少, 但感覺完全唔 lup 架, 可能我本身油份都好低....

Sigma Professional Brushes face Kit

之前見黑咪買左套 Sigma Brush 好吸引, 價錢唔貴, 質量仲唔差添, 結果都俾佢魔到, 買左套 Face Kit 試下, 今日終於收到啦, 都幾快喎, 16 號晚落 order, 前後唔洗十日就收到, 我無買 full set 12支果隻, 淨係買 face kit 再散買支 e/s brush, total 7支掃連費過都係 HK$442

http://www.sigmamakeup.com/products/702.html




最右邊銀色柄果支, 同埋下面個 eye shadow 係送既, 真係估唔到呀
新出左粉紅色掃柄架, 但 Face Kit 就仲未有, 得黑色咋... 鍾意粉紅色多 d



有埋說明書教點用, 由左至右分別係...

SS150 - Large Powder Brush
SS187 - Duo Fibre Brush
SS168 - Angled Brush
SS190 - Foundation Brush
SS194 - Concealer Brush
SS239 - Eye Shading Brush
SS219 - Pencil Brush





佢既化妝掃既編號、形狀、大細都同 MAC 好似, d 掃洗左, 聽日會開始用, 遲 d 再 report 啦

試用 : Max Factor Second Skin Foundation

之前行 faces 經過 Max Factor Counter, BA 派左新出既 Second Skin Foundation sample 俾我, 仲有 2個色添, 我膚色較白, 試左 #70 Naturel 色, 所以用 #75 Golden 影個包裝相, haha







吱出黎個感覺有少少似 BB Cream, 個色帶灰, 普通 foundation 深色係偏黃架嘛, 質地好薄好推, 推開好薄身貼面, 有中度 coverage, 可惜 70 Natural 色對我黎講都好深色, 淨用佢真係出唔到街, 所以溝左 Biore 有色防曬, 效果唔多唔少有影響, 但整體都 ok, 初初上面幾貼面, 好薄, 如果啱色既話都幾似本身皮膚好好咁, 無粉感, 質地水, 輕輕推開就得, 唔洗有咩特別技巧, 用佢皮膚唔會好乾或好油, lunch 後 t zone 都有出油, 但唔嚴重 (可能乾我偏乾皮膚, 唔算多油啦)

另外 sis 好開心既變暗問題, 我就真係答唔到大家啦, 因為我好少用粉底會轉暗, 就算好易變暗既 RMK 我都無問題, 同埋個 sample 本身都深色左, 好難作準。遮毛孔真係唔係好記得, haha (年紀大記性差呀...) 應該都不過不失, 無乜特別咁啦... 如果唔係都唔會無印象...

我覺得佢啱新手或鍾意自然淡妝既 sis 用, 妝感自然, 上面後亦唔覺搽左粉底咁焗住皮膚, 開架價錢黎講算唔錯, 但揀色要小心, 最好去 counter 叫 BA 試上面啦

希望我既試用對想買呢款粉底既 sis 有參考作用啦!!

Free Gift : Isa Knox Double Effect Special Present Kit

 


激死, 上星期五去德福 Isa Knox 換之前收到既會員通訊 Double Effect Wrinkle Eye Filler  sample, 咁 20個印花都係換呢條 line 既 Travel Set, 我有 23個印仔, 諗住順便換埋啦, 30個印花換 Shampoo + Conditioner 又唔太吸引, 我又儲唔到 60 個印咁多, 果日間舖有兩個 BA 都 sell 緊客, 咁我等一陣啦, 跟住 BA 1 號見我行行企企, 話幫我換, 但佢只係收左張印花咭同 coupon, 叫另一個 sell 緊客既 BA 2號跟, 就走左繼續 sell 客, 咁 BA 2 號 sell 緊個客都買幾多野, 又換野咁, 收錢果時發覺入錯單, 又改單... 都搞左好耐, 我就企左 10mins 有多, 最後佢地搞掂, 幫我換印花 gift, 點知先話最後一份啱啱換左俾之前個客.... 頂... 一早知無就出聲啦, 要我企係度等咁鬼耐... 明明我話換先, 又掛住 sell 客叫個客即時換埋, 佢啱啱開咭都唔洗急住換啦... 雖然我無買野姐, 都應該分先後次序嘛.... 第一次入 Isa Knox 咁激氣, 雖然佢地講晒唔好意思... 最後留資料, 幫我 hold, 話返貨通知我...

噚日打黎話個 Travel Set 返貨, 我今日 lunch 即刻去拎左先啦, 粉紫色好靚呀, size 都唔細, 有 Wrinkle Skin (Toner) 25ml, Wrinkle Emulsion 25ml, Wrinkle Eye Filler 6ml (另外仲有一支係 coupon 換既, 都係 6ml, 唔記得影相添, total 有 12g, 都半支貨裝啦), Wrinkle Cream 13ml

換左呢套 gift 淨返果3個印花可以延期到 2010 年 5月添, 原本 1月頭就到期架啦, 實在太好, 仲有仲有, 由而家到 12/31, 買任何正價護膚品3件有8折, 真係幾吸引, 有少少被魔到添.... 唔知會唔會又去出血, haha~~

貪得意買既東東

相信大家都唔陌生啦, 之前見黑咪同其它 sis 都有用佢, 係部皮膚分析機, 覺得寫 blog share skincare 幾方便, 唔洗單憑感覺, 有時感覺都唔準架嘛, 有埋數據就公平好多啦, 係 BE 有 sis 開團, 貨價加運費都係 $58, 幾抵玩...



size 比想像中細喎, 比粒朱古力大少少架咋, 都幾方便



可惜呢部有死點呀, 關機都有黑點, 團主話3日內有問題可以換, 但一來一回咁晒時間, 死點都唔係好大問題, 咁就算啦~~



都好方便易用, 只有2個按鈕, 左邊係 reset, 右邊係開關, 詳細用法唔講啦, 都無乜特別, 以後我既 post 大家會成日見到佢出場架啦, 哈哈!!

L'oreal Hydrafresh Water-plumping Mask

名 稱 : L'oreal Hydrafresh Water-plumping Mask
價 格 : $138.9
容 量 : 100ml

產品介紹 :

L'oreal Paris 首支水感保濕面膜, 蘊含豐富純淨 SPA 礦泉水及礦物精華。它讓肌膚猶如浸潤在一個密集補水的礦泉浴, 瞬間令缺水的肌膚變得更飽滿、柔軟。
使用效果, 肌膚即時感覺不再繃緊, 水潤飽滿。肌膚明顯變得更有光澤, 看起來更健康。
質感不黏不膩, 易於推開, 能迅速被肌膚吸收, 即時散發清新及舒適感覺。







L'oreal 第一支 cream mask, 見到都好有興趣試, 但特價都要 $138.9, 以開架品牌黎講唔算平, 所以等有 promotion 先啦, 點知上星期係萬寧見到紫點產品買兩件照價再 75折喎, 真係好抵呀, 正常特價 / 新產品都唔會有折架嘛, 見到咁即買啦, 折實 $104.xx 咋, 咁既價錢就試得過啦。

早幾日好鬼凍呀, 都好懶敷 mask 同 update 個 blog, 暖返即刻向大家報告試用感啦... hehe

質地唔似同系列既精華同面霜咁, 唔係 gel 狀, 呢個係 light cream 狀, 似杰少少既 lotion 咁, 香味同 Hydrafresh 系列一樣, 唔算濃, 第一次用可能新野加上我皮膚幾乾, 所以有少少拮拮地, 但好快就無事, 第二次敷已經無呢個感覺啦,  搽上面幾好推, 薄薄地一層就 ok 啦, 說明話敷 10mins, 但我都敷 20mins 以上先過水, 過水就 feel 到個 mask 有少少油份, 因為要沖多幾次先得, 同埋隻手會有滑滑地油既感覺, 但唔 lup 既, 有少少滋潤感, 而唔係 paper mask 既水潤感囉, 都可以 keep 到第二日中午, 仍然感到好潤。

如果 sis 有用過 Clinique Skin Calming Moisture Mask 就會知道啦, 無論質地、敷上面同過水時既感覺、使用效果都好相似, 只係 Clinique 無香料, 同價錢既分別。

但呢款 mask 既缺點係酒精比例較重, 睇成份表, 排第一係水 (正常大部份 skincare 最多都係水), 第二係甘油 (大家都知甘油係滋潤成份啦) , 第三已經係酒精啦, 但我敷上面又聞唔到酒精味, 唔覺越敷越乾, 亦無敏感, 但如果對酒精過敏既 sis 最好係腮骨耳背呢 d 位置試下先啦。

購物 : Sogo + 萬寧

又係半年一度既 sogo thankful week, 雖然睇左份 leaflet 都無乜心水想買, 但都去八既下,  買左以下既野....

之前都睇中呢條 ANS 蝴蝶頸鏈架啦, 個款簡簡單單又襟戴, 星期六同 fd 行 TST sogo, 咁 thankful week 有 7折, 折左都係 $105, 咁有 $100 sogo coupon, 用埋都係補 $5 咋, 真係超抵~~ 真人幾閃架, 我影得唔好...

今日再去 cwb sogo 八下, 各品牌既 makeup / skincare set 裝都唔算好吸引, 可能屋企太多 stocks, 又成日有 promotion, 真係買到無野好買, 之前都睇左 MAC Magic, Mirth and Mischief Holiday Colour Collection 支 Cremesheen Glass, 但 N 年前用過 MAC 既 lipgloss 真係麻麻地, 好重膠味, 又 lup 咀, 但上網見好多 sis 讚, 有 d 買成十幾廿支, 我決定俾多次機會佢, 心諗有貨就買, 呵呵, 點知仲有貨喎, 用埋最後一張 $100 sogo coupon (2010年2月到期, 所以要快 d 用左佢), 補返 $60 咋, yeah, 好開心!!!

顏色係 Partial to Pink, 淡淡地色有輕微閃粉, 質地真係改良左好多, 完全唔 lup 咀, 好香雲呢拿味, 而且遮到唇色, 單用唔洗搽 lipstick 都得, 係自然既 nude lip, 果然無買錯, 試過同 NYX Round Lipgloss 比較, 質地、外形、掃頭都幾似, 但真係一分錢一分貨, MAC 個質地再水潤 d, 不過價錢差唔多 8倍。

跟住上埋 11樓買 With 同 VIVI 啦, 呵呵~~

咁出開 cwb, 諗住去金百利水貨舖買 Avene Soothing Moisture Mask (俾小黑咪魔到), 點知唔見有喎, 咁去萬寧望下, 見到紫點買兩件 75 折, 咁又俾我見到之前想買既 Neutrogena Deep Hydrating Mask 15片裝係紫點喎, 呢 set 本身已經好抵, 再有 75 折除開每塊都係 $8 咋...

另外買埋 Loreal 新出 Water Plumping Mask, 試係手都 ok 喎, 好似 lotion 咁, 特價 $138.9 都唔捨得買啦, 見紫點係照價再 75 折喎, 折左都係 $104.2 咋, 可以買黎一試。

今日收獲豐富, 又唔算洗左好多錢, haha, 近期買左好多 paper mask, 有排用 lu

Neutrogena Hydro Boost Water Gel

多謝 theZtyle.com X Neutrogena 邀請我參與, 全城 Beauty Blogger大聯盟Neutrogena 全新 Hydro-Boost 水活保濕 Gel 既試用活用, 等我有機會免費試用到呢款新產品呀!!

名 稱 : Neutrogena Hydro Boost Water Gel
價 格 : $129.9
容 量 : 50g

產品介紹 :

Neutrogena 水活保濕凝露能長時間為肌膚保濕鎖水, 輕柔保濕配方內蘊含高純度透明質酸 (Hyaluronic Acid) 及橄欖精華, 能持續釋放保濕因子, 為乾燥肌膚細胞提供水份, 肌膚立刻充滿彈性, 水潤透亮。

經皮膚醫學測試, 敏感測試, 不含油脂, 不阻塞毛孔

使用方法 :
每天早晚用保濕液及保濕精華後, 取適量均勻按摩於臉部及頸上。











使用次數 : 14 (早晚各一次, 連續使用7日)
膚質 : 混合偏乾, 轉季較易敏感, T 位中午後出油, 但情況唔嚴重, 有色斑, 毛孔粗大

包裝係好吸引既藍色, 感覺好冰涼水潤咁, 設計都幾貼心, 瓶蓋內亦有隔層, 打開後係粉藍色 gel, 類似 clinique 既皇牌 MSE 咁, 有少少香味, 但唔算濃。

為左測試佢既補濕力, 頭 1-2日連精華都唔搽, toner 後直接用佢, 搽上面冰冰涼涼咁好舒服, 吸收後一 d 都唔 lup, 好爽身, 因為快吸收, 搽好多好厚都唔 lup, 但較乾位置如鼻翼, 珠面位會有少少熱熱地, 又唔係拮或痕, 但只係好輕微, 亦好快無事, 無敏感, 待完全吸收後感到皮膚好軟滑好 smooth, 又唔會好似其它補濕 gel 咁好快乾, 鎖水功效 ok。

好多補濕 gel 搽防曬或化妝時好易會有擦膠碎, 真係搽唔到防曬同化妝, 幾補濕都無用, 要留返夜晚才可用, 但 neutrogena water gel 就唔會, 用佢個妝都幾貼, 但長時間係公司呢 d 冷氣地方, 皮膚水份好易流失, 佢鎖水力唔算持久, 雖然未感到好乾好繃緊, 但到下午出油多左, 個妝都易溶 d, 証明皮膚水份唔夠。

夜晚單用既話, 到瞓覺前要再加 sleeping mask / cream 先夠潤, 唔係第二朝起身就少少乾, 所以之後幾日都要加精華打底, 或用 water gel 後搽 cream 鎖水先得, 我覺得佢保濕唔錯又唔 lup, 油性皮膚一年四季都可以用, 混合或乾性皮膚就春夏較合適, 或用佢當精華打底, 再加滋潤 d 既面霜/乳液, 成份無酒精, 敏感皮膚都用到。

白詩血燕養顏淨白面膜

名 稱 : 白詩血燕養顏淨白面膜
價 格 : $29.9
容 量 : 10片

產品介紹 :

專為東方人膚質而設的全新白詩護膚系列, 採用創新護膚科技配方, 以多種革命性成份揉合天然植物精華成份, 全面解決肌膚八大問題 : 乾燥、粗糙、脫皮、幼紋、缺水、鬆馳、印痕及膚色不均, 從根本上改善肌膚質地, 使肌膚回復彈性, 豐盈, 有透明感。

  蘊含上等珍貴血燕精華養份再配合貼面剪裁之面膜, 預防黑色素形成, 提升美白去黃機能, 改善面部光澤, 增強細胞活力, 令肌膚更顯晶瑩美白。
  只需敷 15分鐘, 肌膚實時美白晶瑩, 更充滿彈性及光澤, 給你肌膚水瑩美白效果。
  每片面膜含 30ml 血燕養顏精華液, 獨特全棉織布膜設計, 能有效鎖住面膜上之滋潤成份, 徹底將精華成份更有效的深入肌膚底層, 可一次完成敷面, 步驟簡單, 讓你隨著你肌膚的需要隨時地均可使用, 每天使用效果更佳 !



個 mask 好多精華呀, 睇下我手指個位流出黎, 仲係咁滴落地添呀~~



敷左 30mins, 塊 mask 仲好濕, 尤其下巴位添!!



係 Watsons 見過好多次, 想試好耐架啦, 但價錢真係太平, 平均一塊都唔洗 $3, 初初都有 d 擔心, 但本住一試既心態買左返黎, 先見到原來係衍生行出品, 咁都安心 d, 因為用過幾款衍生行既個人護理用品都 ok 無問題。

個 mask 都幾多精華, 敷上面時 d 精華係下巴滴落黎, 精華液係少少奶白色, 類似洗米水咁樣既, 布既質地比美麗日記厚 d, 無香味, 敷上面無任何不適感覺, 說明話敷 15mins, 但我敷左 30mins 塊 mask 仲好濕, 係額頭位有少少乾左 d, 但都仲有好多精華。

撕走塊 mask 按摩一陣, 等淨餘既精 華慢慢吸收, 敷完除左水感重, 仲有少少既滋潤感, 但又唔會好 lup, 唔洗過水用 toner 抹走多餘既精華就 ok 啦, 然後再搽 skincare 都無平時吸得咁快, 証明皮膚含水量重左無咁乾, 咁既價錢都算唔錯, 可以平貴隔住用 (貴果 d 都唔係好貴架咋, 呵呵), 已經用左3塊啦。

 

試用 : LAHA White Rich Spot Balm

名 稱 : LAHA White Rick Spot Balm
價 格 : $550
容 量 : 20ml

產品介紹 :

重點減淡雀斑及黑斑等頑固黑色素，有效減淡及改善暗瘡印，杜絕黑色素沉澱及擴散。早晚爽膚後，取適量重點塗抹於斑點及色素較深的位置。

原裝個包裝係咁既, 一罌都有排用...










之前買 set 裝送既, 加埋有三盒共6粒, 但無寫容量, BA 話我知係去斑既, 搽左精華, lotion 後, 點係有斑既地方。

打開後好膏狀好杰身咁, 仲驚咁杰點搽呀, 未去到斑都出晒粒粒啦... 但用手指係表面打圈, 手既熱力令個精華好似溶化左咁, 搽出黎係好薄, 一 d 都唔 lup 既, 所以就算 lotion 後用都唔需要擔心, 薄薄地搽一層就 ok 啦, 較深既斑就搽多少少, 我眼肚位都有斑, 我唔理都照搽, 但無事, 無出粒粒喎。

通常美白產品都較易令皮膚變乾, 但呢個重點精華係 lotion 後用, 咁就無呢個問題, 而且佢質地都唔係好爽, 亦無令我敏感, 普偏美白產品都有維他命 C 或果酸, 我對呢 d 成份係較易敏感既, 但呢個係 sample, 無成份表可以參考呀, 所以我都唔知佢用咩有效成份。

用左 一盒 2 粒, 大約 2星期啦, 覺得 d 斑斑真係淡左少少, 尤其係用完第一粒, 效果最明顥, 去雀斑唔錯, 但暗瘡印就無乜料到啦, 都幾奇怪, haha, 其實我都有影使用前、使用後既相架, 但影相效果唔係太明顯咁, 我就唔 post 相出黎啦.... 雀斑 + 粗大毛孔, 唔好嚇襯大家啦....

呢款產品之 前都仲見 counter 有得賣或做 promotion, 係近期香港官網已經唔見有啦, 可能將會轉新版或停止生產, 過往用過 Isa Knox 一段時間, 佢 d 產品好快就 discontinue, 或好用果 d 香港又唔再代理, 韓國就亦然有得賣... 都幾古怪架, haha~~

試用 : Origins Drink Up Intensive Overnight Mask

名 稱 : Origins Drink Up Intensive Overnight Mask
價 格 : $250
容 量 : 100ml

產品介紹 :

Drink Up 深度滋潤面膜能提供肌膚更深層的保濕與滋潤。以超高含水量的新鮮水果酪梨、芒果脂、杏桃為肌膚補充豐富的潤澤養分，進一步重建肌膚表層細胞，鎖住水分！
夜間往往因為體溫升高，造成體內珍貴的水分容易流失。
Drink Up 深度滋潤面膜以橙果皮蠟、酪梨油及芒果脂等天然植物成分止肌膚之渴，搭配小麥麩、橄欖萃取物等加強保水，讓皮膚在隔日醒來時，水分飽滿有彈性。

使用方式：
於臉部清潔後仍濕潤時，取適量均勻地敷在臉部，避開眼睛四周及唇部周圍，敷10分鐘後，以面紙擦拭掉臉上多餘的面膜。剩餘的面膜留在臉上至隔日早晨再洗淨，為皮膚做整夜的保濕和修復。如不習慣敷隔夜，也可敷十分鐘後直接洗掉。




原裝係咁既樣...








之前係朋友屋企試用過 Drink Up 要水洗果款 mask, 但對我黎講唔太合用, 敷時已經好拮好拿, 以為皮膚缺水所以咁, 但過水後塊面紅晒, 所以都好少用 Origins 既產品, 今次出呢款 Drink Up Sleeping Mask 係幾吸引, 但價錢唔平, 又唔知好唔好用, 所以我都唔敢買黎試。

呢個係家姐買 左, 佢俾左一罌仔我試, 其實都幾多架啦, 每次用少少都有排用, 其實用左一排, 但諗唔到個用後感點寫好.... 一直拖到而家先出文..... 我知好多 sis 已經 share 左用後感啦, 但人人膚質唔同, 所以我都照 post 俾未用過既 sis 多個參考啦~~

質 感幾潤好杰身, 上面唔算太好推, 少少桃香味, 用左瞓醒無咁乾, 但效果又唔算太明顯, 唔知係咪質感較滋潤, 而家既天氣又未係好乾燥, 如果連續用幾日, 下巴位會有 d 細細粒既白頭, 雖然吱左無事, 但都唔係幾好睇, 或者當佢 night cream 咁用, toner 後淨搽佢可能會好 d, 不過個人比較喜歡雪花秀與潤面膜多 d , 中藥香味, 質地無咁杰, 比較易吸收, 瞓醒皮膚明顯有光澤感, 但價錢唔平, $440/120ml。

LAHA Ageless Essence

名 稱 : LAHA Ageless Essence
價 格 : $398 (原價 $550)
容 量 : 40ml

產品介紹 :

高營養抗老精華露, 含有三種抗老化成份, 集中賦予皮膚營養, 改善逐漸老化的皮膚, 使其更健康, 富有彈性。

主要成份 :
馬鞭草 - 它是 LAHA 的主要成份, 針對老化的原因, 活性氧 (ROS) 發揮功效, 緩解皮膚老化。
Synbiosome - 它是獲得國際專利的成分, 針對新的老化原因, 活性氮 (RNS) 發揮功效, 使膚色白晳透亮, 延緩皮膚老化。
Aldenine - 針對新的老化原因, 活性炭 (RCS) 發揮功效, 緩解皮膚老化。含有的膠原蛋白具有卓越改善效果, 使皮膚更年輕。










Isa Knox 做 promtion 特價買既, 見減左 $150 幾抵, 係網上多人讚都想試架啦, 係 counter 試過質地唔錯, 忍唔住買埋啦。

包裝有 d 似 Dior 花蜜系列咁, 真空式泵裝方便衛生, 又可以用到一滴都無, 唔洗倒轉放, 又"凳"又拍咁辛苦。

LAHA 唔似秀麗韓咁重中藥味, 一般 skincare 既香味啦, 唔濃烈, 每次使用按 3泵 (圖中係一泵份量), 吱出黎質地好 cream 狀咁, 但推開後係 lotion 狀, 好推易吸收, 吸收後唔 lup, 有少少滋潤感, 天氣再凍 d 用應該效果仲好, 暫時只用左一星期, 抗老化效果就未見。

另外買埋同系列 toner, 仲未用, 遲 d 開左再 share 用後感啦!!!