Mocha Blog: MI.HA.DA 日研美肌專売店

日本, 係一個我好鍾意既國家, 由美食、動漫、潮流、文化到化妝護膚, 日本女仔皮膚更令我羨慕添, 當然日本生產既 skincare 亦令我好有信心啦, 上星期參加左個日研美肌分享會, 位於尖沙咀栢麗大道既專門店

入到去見到好多 skincare, 真係花多眼亂, 仲好似小朋友入左玩具店咁, 呢邊睇下, 果邊又搞下咁

但咁多產品, 唔知邊款適合自己喎, 唔洗怕, 佢地有儀器可幫助了解皮膚性質, 從而介紹啱既產品俾顧客, 亦有好多 trial set, 可試左先買 full size, 而家 BA 好細心有耐性, 唔洗擔心會 hard sell 架, 有種身處日本購物既感覺呀

除左地面售賣產品, 樓上設有美甲、美容療程及化妝專區, 提供一站式美容服務, 但當天就改為分享會, 所以放置左飲品小食, 及將會向我地介紹 MI.HA.DA 由日本引進香港, 13個系列既其中 5個, 包括 Tunemakers, Ampleur, Miu Cosmetics, NEO3 及 Rafra

開始時, 由 Brand Manager Lorretta 講解 MI.HA.DA 既 MI 日語解 "魅", 而 HA DA 意思為 "肌膚", 合埋即係「魅肌」, 正是本著為每位女性煥發美麗的肌膚為品牌宗旨, 當中大部份產品 Lorretta 有親身試過架, 所以都叫大家可以放心使用

Turemakers 包括 36款不同成份原液, 可隨個人喜好加入不同護膚品中, 呢個概念好好, 因為大部份女仔都鍾意買 skincare, 有時真係擺多過用, Turemakers 可混入其它既 skincare, 咁就唔洗浪費, 仲可以加強效果添

有張幅日本畫報既係 NEO3, 係從日本白鹿清酒提煉而成, 產品更加入忍冬精華、七葉樹屬精華液、松樹皮精華液及 Q10 等多種天然植物成份

Rafra 源自法文 Rafraichir 意即活力, 產品特別針對混合性敏感肌, 天然橘橙配方, 產品好重橙香味架, 感覺好 fresh

Ampleur 法文意思為 "豐盛", 由日本皮膚科醫生創立, 研製出獨家專利活躍成份, 對抗斑黑、抑制黑色素尤其有效, 以下既蘋果測試, 一半搽左 "煥白亮膚防曬底霜", 另一半就無, 單用防曬, 抗氧化能力已經咁強, 而皇牌產品 "重點煥白亮膚精華" 質地清爽易吸收

Miu Cosmetics 產品以注氧為主, 潔面泡泡沫豐盈, 而保濕化妝水按出黎都係泡泡狀好特別, Revamp Mask 只要用力緊握, 美容液與面膜紙就會混合

分享會完結時, 每人收到一份禮物, 包括兩款皇牌產品, Rafra Balm Orange 及 Tunemakers Coenzyme Q10

Rafra Balm Orange 香橙洗面乳 $380 / 100g
一次過完成卸妝、保濕洗面及暖暖按摩, 徹底洗淨面部, 並補充肌膚不足的滋潤。

打開已聞到好香橙味, 真係有 d 想食既衝動, 膏狀質地附有小匙, 方便衛生, 包裝盒有使用份量既圖示

質地有少少似凡士林, 好杰既膏狀, 我會有手推開先搽上面, 上面後感覺暖暖地, 按一陣會變到油狀, 要落妝既話會按多陣, 加少少水乳化後沖水, balm 唔難洗走, 過水後好爽, 而且真係做到卸妝潔面一 take 過, 試過再用卸妝水抹, 無任何化妝品殘漬, 真係好乾淨, 又唔會令皮膚變乾, 用左個幾星期亦無出粒粒或敏感, 一罌都好襟用