Fueki 好朋友免沖洗藍莓秀髮修護霜

長頭髮真係比較麻煩, 尤其係夏天, 用太潤既護髮產品會好快出油好 lup, 頭頂既頭髮更會好扁塔, 但唔夠潤髮尾又會乾, 所以夏天會用較清爽既護髮產品, 洗髮後再搽修護霜, 咁就唔會有呢個問題發生啦, 近期見到呢個好得意, 同大家分享下...

名 稱 : Fueki 好朋友免沖洗藍莓秀髮修護霜
價 格 : $83
容 量 : 50g

產品介紹 :

高效補水成份 : 13種氨基酸及植物由來成份 Ceramide
抗氧化成份 : 珍珠由來成份 Conchiolin
清香藍莓味, 質地清爽, 毫不黏膩, 用後無需沖洗
改善髮質效果顯著, 令受損秀髮回復健康, 亮麗光澤
特別推薦給染髮、軟燥髮質及經常使用風筒之人仕使用



個樣係咪好可愛呢, 眼仔碌碌咁, 打開仲有增膠封住, 保証新鮮衛生架



使用方法 : 取適量在手裡, 然後按摩在清潔的秀髮上, 軟或濕髮時也可使用, 濕髮使用時請先以毛巾輕柔地拭去頭髮上過多水份
下圖手掌既份量夠我搽晒髮尾架啦





上圖 : 使用後效果好明顯, 頭髮順滑左, 而且唔洗沖水, 一 d 都唔覺 lup
下圖 : 左邊係第一次使用後, 右邊係幾日後, 我覺得髮質係有少少改善到, 髮尾無咁毛燥飛散



Fueki 好朋友大家都唔會陌生, 包裝已經好吸引, 細細罌咁方便使 用, 打開聞到好香藍莓味, 宅男見到我時, 問我係咪搽左香水添, haha, 除左香味, 打開時見到乳白色 gel cream 狀質地, 仲有 d 閃閃地咁架, 但搽左上頭髮吸收後係無野既, 所以唔需要擔心, 修護霜係髮尾按一陣就會慢慢吸收, 而且完全唔 lup, 頭髮即時變得好順滑貼服, 朝早趕住出門口時, 用佢真係好方便, 唔需要整濕頭髮再用風筒吹直, 唔單止即時效果, 使用幾日, 髮質都有改善, 果然係我既"好朋友"呀, haha