VC Garden Gardener Hand Creme
之前網上半價 $50, 1 set 有 5支唔同香味, 都幾抵, sheep 買左 set 俾左一支我試, 呢支係唯一一支吱出黎係有色既, 青綠色真係好 garden feel 呀, 香味都幾清好舒服, 但唔太夠潤, 夏天都仲可以, 不過我都補得幾密, 每次洗手後都要補搽。
Biore Cleansing Oil
用完咁多支, 唔洗多講啦!!!
Isa Knox 秀麗韓秀潔面泡抺 (按此)
好香中藥味, 易起泡, 洗後唔乾, 不過 d 泡唔小心入到眼會好拿, 以為咁大支會用好耐, 估唔到半年可以清到, 但佢都唔平, 要 $2xx, 仲貴過 ipsa, 所以都唔會回購 lu。
Isa Knox 秀麗韓保養營養面膜 (按此)
年頭買, 一月開黎用, 都用左大半年啦, 估唔到咁襟用, 有時攰敷佢幾好, 敷完好似瞓醒覺咁有返光澤, 但補濕效果就一般啦, 同埋唔知點解用用下, 搽上面果時有 d 拮拮地, 但過一陣又無事, 無敏感喎。
Neutrogena Ultra Sheer Dry-Touch Sunblock (按此)主要用黎搽手臂既, 初初用果時天氣唔係太熱都 ok, 但 7-8月夏天三十幾度就有 d lup 啦, 有時搽完未吸收, 會 hi 到件衫同個袋有 d 白色, 都係舊年買既 Nivea 好用 d, 價錢容量差唔多。
Shiseido Anessa Milky Suncreen Town Use (按此)
好好用既防曬, lotion 狀質地, 唔乾唔 lup, 唔會泛白, 真係好似搽補濕乳液咁, 而且防曬效能強, 雖然得 spf32, 但用左成個夏天都無黑到, 斑斑無深左, 有 promotion 既話, 100% 會回購呀, 雖然唔平, 但真係好好用。
Ipsa Refiner Skin Clear-ise Clay (按此)
好 好用, 入面有好幼細既粒粒, 可以做埋磨砂, deep clean + 去死皮, 敷時按 1分鐘敷5分鐘, 過水後 d 黑頭走米會浮晒出黎, 好易吱, 清到乾淨毛孔都細左, 而家唔乾, lush mint mask 已經好好用, 但呢支仲正, 一支用到 4個幾月, 都 ok 啦。
Shiseido Water in Lip (櫻花)
俾佢個包裝既櫻花色吸引我去買, 點知搽出黎係無乜色既, 只有少少珠光效果, 好失望, 又無香味, 出街都 ok, 係公司冷氣地方就唔夠潤啦, 同埋佢有少少珠光, 都唔敢夜晚用, 只係想快手用完算啦, 我好多 lipbalm 未開。
Sample :
Clinique Clarifying Moisture Lotion 2
Lancome Blanc Expert Spot Eraser
Shu Uemura White Recovery EX+ Essence
Orbis Aquaforce Oil Cut Extra Gel
L'occitane Immortelle Very Precious Cream
Isa Knox Multi Moist Essence
Crabtree & Evelyn La Source Body Lotion
秀麗韓保潤眼霜
Yes to Carrots Hair Mask
今日生日, 當然要買禮物氹下自己啦, 呵呵, 不過男友俾錢, 話當生日禮物, 幾無誠意... 不過啱用唔理啦, 好過佢買埋 d 我唔鍾意既野, 放埋一邊又唔用, 仲晒錢~~
係 cwb sogo 16 樓買, 但買完落狗屎, 件衫, 牛仔褲, 鞋襪都濕晒...
唉~~ 今年生日都黑仔!!
都係配返 d 用開既野姐, Cleansing Milky Foam, Aqua W, Clay Mask, 夠 $800 有 Gift Set 送, 差少少買左包化妝棉, 之前買野送過 30塊, 都 ok, 男友話好似 M巾, haha, 個包裝同觸感又真係幾似既, $35/120片, 我會將佢撕開一分為二咁用, 所以都唔算貴。
Gift Set : Clay Mask 15g, The Time Reset Essence W 10ml, Metabolizer EX2 50ml, 化妝棉 30塊, 原本 Metabolizer 想試 EX4架, 但無晒, 得 EX2 或 R4, 緊係揀 EX2 啦, 貴好多嘛, 呵呵~~
送既 sample, 唔算好多, 都 ok 啦, 新出 Pure Protect Liquid Compact, 係收到 email print coupon 換既, cream 狀粉餅, 跟住 BA 問我有咩想試, 我揀左 Pure Protect Cream Foundation, 不過得 101 色, 呢隻對我黎講有少少黃, 但試下質地都 ok 啦, BA 就俾埋 Makeup Base 同 Cleansing Milk sample 俾我啦。
之前用 DBS 咭用咭積分換左 $300 Watsons Coupon, 貪得意買左 Lavshuca 眉粉試下啦, $72, 遲 d 再寫用後感 post 啦!!
買左 d 新野, 當然要試下啦, 襯得閒搽下甲油先!!!
左 : Sally Hansen Base & Top Coat
中 : SaSa 甲油 - 蝦肉色少少閃粉 (無色號)
右 : Seche Vite Dry Fast Top Coat
搽左一層 base coat 既效果, 呢支雖然話可以 base & top 都用得, 但我覺得用黎做 top coat 唔夠令呀, 只會用黎做 base, 質地有少少杰, 但都幾易搽, 用左佢甲色持久 d 無咁易甩, 同埋感覺無咁傷甲。
係 sasa 買既自家牌甲油, 呢款好似係新出架, $18/1支, $30/2支, 另外買多支粉紅色, 係白蓋有香味架, 遲 d 再 post 俾大家睇, 講返呢支先, 睇隻色淡淡地幾自然, 有少少閃粉, 但唔覺眼, 質地好杰, 個掃又唔多好油, 好難搽得均勻, 麻麻地咋...
Seche 係 BE 團購返黎既, 14ml 大 size $50, 另外有細 size 好似係 5ml, 但都要 $2x, 緊係買大 size 啦, 話可以有 gel 甲效果好吸引呀, 質地好滑好易搽, 又快乾, 係幾令身, 但搽左兩層都唔覺有 gel 甲效果囉, 同平時既 top coat 差唔多咋.... 下次試下 sheep 用既 sally mega shine 先。
可能甲油個色太淺, 影左好多張都影唔到 seche 個效果, 係下面果張令身少少。
名 稱 : Kiss Me 纖長鬈曲睫毛液 (黑色)
價 格 : $59
容 量 : 6g
產品介紹 :
* 增強版捲曲聚合物讓纖維更緊貼每根睫毛, 加倍華麗纖長效果達120%, 睫毛更鬈曲分明。
* 持久防水、防油層配方專門對抗汗水、淚水及油脂, 睫毛液不易脫落及化開, 睫毛整日鬈曲纖長。
* 弧形刷頭由根部開始提升鬈長度, 纖維更均勻分佈每根睫毛上。
* 含甘菊精華及山茶花油修護成份, 保護睫毛、預防折斷。
* 全新易卸配方, 從此卸妝更輕鬆。
中間果條唔知點解好似天線咁, haha, 次次最易夾曲... 好似舉手咁...
弧形刷頭都幾易搽, 不過刷頭好易有一 pat 睫毛膏, 如果想用刷頭搽眼頭睫毛呢 d 細微既部位就有 d 難啦, 所以見第三張相, 眼頭位置好似無搽野咁...
搽 一層好自然, 搽兩層就濃密 d, 不過搽得厚就會易一舊舊唔夠根根分明啦, 可能我手勢唔好掛... 纖長效果唔錯, 質地好輕身, 我 d 睫毛好軟, 已經好難夾曲, 搽埋 mascara 就好快 dup 返落黎, 用 kiss me 都唔嚴重, 同剛剛上果時只係差少少, 但佢真係唔易溶, 噚日都熱熱地, 出左半日街, 塊面有出汗出油, 但 mascara 一 d 都無甩, 我仲有流眼水, 試過輕力捽眼都無事。
落 妝方便, 搽一層既話用 biore cleansing oil 都卸得好乾淨, 我用 fasio makeup remover 再抹都抹唔到顏色, 搽2-3層既話, 用 biore 都卸到 7-8成, 用 fasio 既話敷幾秒都可以抹甩晒, 係貼近眼皮眼線呢 d 細微位要用棉花棒卸, 輕力掃幾下已經甩晒, 不過我無用過 MJ, 比較唔到邊款難卸 d 。
終於都收到啦......... 由 order 到收到貨, 同個團主都糾纏左成個半月.....
初 初 order 都 ok 架, 又可以揀面交及郵寄, 咁 d 簿咁重當然揀面交啦, 點知到團主收貨後 post 交收時間, 得三日揀, 全部平日, 有2日都係 6:00 前仲係灣仔 / 美孚, 一日 6:15 係旺角, 咁我要返工真係趕唔切, 佢話最多等 15mins, 咁我出旺角點都要 6:30, 叫佢等多 5mins 都唔得, 約星期六日又話唔得, 咁 ok 啦, 佢話要返 part time 好趕時間, 咁佢係灣仔返工, 我話約佢係灣仔等啦, 佢又推我話唔得, 咁小黑咪好好人, 話可以幫我約團主 office hour 係灣仔交收, 團主又話返工時間唔穩定, 就唔到時間, 咁我覺得, 即日都知自己返工返幾點掛... 咁都約唔到... 交收都唔阻好多時間姐... 唉~~ 都算啦, 大家都要返工, 我屈服揀郵寄啦... 但咁啱我去旅行, 叫佢早 d 覆我郵費過數俾佢... 佢又話唔係香港, 左推右推咁, 到我出發都收唔到佢 email, 咁我唔理佢啦...
到 18號收到佢 pm 話寄出左, 23號返到香港都仲未收到, 成個星期, 都有 d 擔心寄失或者俾人偷左架... 好彩今日都收到, 但又少左兩樣野囉... 我都唔知係缺貨, 寄漏, 定佢 hold 起啦, 佢一路都無提過少左兩樣野.... 而家叫佢退返缺貨既錢俾我, 好彩佢都肯退錢.... 但暫時都仲未收到... 以為收到貨件事就結束啦, 而家 d 咁靚既文具到手都無晒 mood 啦...
唉~~ 真係比個團主玩死, 見到佢個名都驚呀, 係 BE join 過咁多團購都未試過咁, 個個團主都好合作, 講清講楚先既, 係佢咁麻煩... 咁忙就唔好學人搞團購啦, 如果佢一早 post 埋時間, 我明知自己就唔到, 我一定唔會 join, 真係玩死自己....
各 位 sis 以後上網 bid 野, 團購, 任何有錢銀交易真係要問清楚先好俾錢, 真係好無奈, 唔係個個都咁好人, 真心搞團購, 唔係話賺錢唔啱, 只係唔好用幫人團購, share 運費呢 d 咁好聽既名字囉.... 唔好意思, 發左咁多 "勞穌" 添....
今次同屋企人去東京, 加上 yen 價高, 無上次咁瘋狂啦, 只係買左好少野咋, 大部份都係香港未有既....
Biore UV Moist Face Milk SPF 50 PA+++
之前係台灣都買左支有色防曬, 不過仲未開, 見香港未有, 又好多人讚, 買黎試下啦, 有好多款, 試係手呢支係潤得黎唔 lup, 又唔會太乾
Nivea Protect Face Balance Milk SPF 50 PA+++
都係香港無啦, 呢支平 biore 少少, 試過 tester 同 biore 差唔多
Biore Cleansing Oil 230ml
呢支平時都用開, 原來有出大 size, 見幾得意咁, 979 yen 都算抵, 但最後一日見有間藥妝店特價 698 yen 咋, 仲平過細 size 100 yen... 平左 281 yen (HK$24), 揼心!!
男友話買多支溝淡佢, 唉~~ 算啦, 都用開只係見大 size 幾得意, 廢事買咁多啦
Dove 卸妝泡泡
係台灣 / 日本雜誌見過, 好想試呀, 呢支有 refill 賣添呀, 但無個樽又起唔到泡, 真係唔慳得, 行過幾間, 價錢都差幾遠, 我算買得平 698 yen, 有 d 要 880 yen 架
Utena Mask
無諗住買, 因為果邊太乾, 我敏感爆拆又甩皮, 頂唔順買黎急救
Mandom Barrier Repair Concentrate Serum
香港好似未出, 質地都幾爽, 秋冬用都 ok, 1080 yen, 又係買貴左... 第二日見到 1008 咋, 差成 HK$6
Shiseido Anessa Townuse Milky Sunscreen SPF 32 PA+++
呢支無買貴啦, haha, 有 7折, 為返 HK$190 有找, 香港 counter 賣 $230 架
Elisha Coy Always Nuddy BB 24
其實都唔知好唔好用架, 見唔貴買黎玩下囉, 介紹有寫防 uv, 但無標明 spf 幾多
Kose Delicious Kiss Lipgloss
俾個扭紋色吸引左啦, 但好平 498 yen 咋, 另外有雪糕味淺粉紅色, 朱古力味 beige 色
UV Sensor 鏡
淨 係個玫瑰花紋都夠吸引啦, 原本見到有淨黑色, 紅色, 淺粉紅色, 點知見到呢塊, 可以 check uv 架, 有紫外線會由粉紅變紫色, 試過無陽光, 都會變淡紫, 有太陽仲變到好深色添呀, 幾得意, 又唔貴, 買左2塊, 一塊俾自己, 一塊做手信送俾 friend
築地壽司, 流口水呀, 不過師父整少左舊 tuna 同蝦俾我同男友, 走左先知, 蝕晒啦
醬爆海膽
東京鐵塔, 夜晚影靚 d
望落去都唔係好高咋... 之前係台灣 101 高好多 lu
好多日, 呢日超好天氣
八爪魚丸, 係原隻巨型八爪魚塞左入去.... 好好味, haha
馬肉刺身, um... 無乜特別, 牛肉好味 d
戰利品, 主要係野食啦
