SK-II 精華面霜工作坊及用後感

SK-II 大多數都第一時間諗起神仙水, 除左神仙水, 其它產品都好好用, 尤其係 Skin Signature 潤而不 lup, 近期大家應該都留意到 SK-II Facebook 專頁登記新出 Stempower 試用裝, 而我有機會參加新品精華面霜工作坊, 真係好開心呀~~



皮膚老化問題, 好多時係膠原蛋白流失, 令肌膚出現鬆弛、缺乏彈性、細紋、乾燥、膚質粗糙、毛孔粗大、膚色不均、色斑、缺乏光澤、以及肌膚暗黃等10大肌膚老化跡象

而 SK-II 既產品中含有 Pitera 成份, 有效改善肌膚老化問題, 新出 Stempower 更含有革命性專利成份 Stem-Acanax Complex 及皇牌成份 Pitera，能激活肌底細胞，啟動細胞再生過程，促進深層肌膚的蛋白增生，一次過改善肌膚10大老化跡象。Stempower  的 essence-in cream 設計，同時具精華般的高滲透力和面霜般的柔滑滋潤特質，一次過享受精華及面霜的雙重修護效果。

產品好用, 再配合方法及手勢既話, 效果加倍, 首先用神仙水然後全面用5毫子份量搽, 用一個小工具, 由下巴向上輕按, 再到面中間向外

眼下及額頭都唔可以忽略, 如果無小工具, 用手掌虎口位都有相同效果, 按左幾下已有即時提升效果啦



而專櫃更新出左皮膚測試機, 舊有既只係測到皮膚一處既皮膚, 而新出呢部就可以測到半邊面, 範圍大好多, 結果亦準確好多, 而呢位 sis 皮膚真係超好呀, 有 4D, 其中 Spot 仲有 96分添呀, 我好羡慕呀~~



見到呢堆 SK-II 山, 在場人士都忍唔住同佢影相, haha, 好想拎晒返屋企

每人得到一份 Stempower Kit

Stempower Kit 包括神仙水 30ml, Stempower 50g, Skin Signature 3D Redefining Mask 一片, 及化妝棉 10片



SK-II STEMPOWER 肌源緊緻精華面霜 ($715 / 50g, $1040 / 80g)
個包裝有 d 流線型, 不過如果隻手搽完 skincare 拎時要小心, 較易扇手, 質地好 creamy, 以為好杰好潤, 但推開好薄身, 仲好快吸收添, 我會搽多少少按到吸收, 皮膚即時感到有少少拉緊感



Skin Signature 3D Redefining Mask
突破性3D上下兩片立體設計，配合伸縮性鼻位，能緊密貼合面部，將煥膚成份有效輸入肌膚，顯著提升眼角、唇線及咀角的線條。



上下兩片式設計, 但敷時都有 d 秘訣, 首先敷左上面眼位果塊先, 然後就敷下半, 敷時會好奇怪, 剪裁有 d 怪, 其實塊 mask 質地有彈性, 要輕輕向耳仔位拉, 就會變得超貼面, 仲有收緊感, 皮膚每個位都吸收到 mask 既精華, 敷完塊面好水潤好滑, 第二朝化妝個妝都好貼, 好持久, 好想去敗一盒添, haha

使用左 2星期, 其間都係用神仙水, stempower, 及用左一次 3D Mask, 皮膚明顯細緻左, 毛孔細左, 無咁乾, 睇落滑左, 仲無敏感, 真係好正呀~~ 果然 "而家唔用就嘥啦!!!"