銅鑼灣全新地標 - Hysan Place at Lee Gardens

係香港雖然有唔少大商場或購物中心, 但大部份都係名店同埋連鎖商舖, 已經行到好悶啦, 近期應該大家都留意到銅鑼灣開左個新既大型商場 - Hysan Place , 共17層, 唔少品牌更係首次係香港開業, 成為銅鑼灣既新地標



地面及一樓, 當然唔少得女士最愛既護膚化妝品啦, 除左 Joyce Beauty 外, 仲有 T GALLERIA 添, 真係歐美法日韓咩牌子都可以買齊呀, 咁就唔洗周圍走, 一個地方可以試齊買齊晒啦

3樓大部份係較斯文 OL 既服飾 - AIGLE, LIU.JO, Max & Co, Nannette Lepore

最特別有個空中花園, 環境好舒服, 加入好多環保設計, 坐係度傾下計都幾舒服

4樓係日系服裝品牌, Snidel, SHEL'TTER, DEICY, Double Standard Clothing, American Vintage 等等....

5樓既品牌大家都比較熟悉唔洗點講啦, 而第一間既 Smile Yogurt.Cake.Dessert 就係呢層啦

6樓都係女士必去既, 有不少內衣及香薰擺設

以伊甸園為創作靈感, 採用樹葉國案及蘋果等伊甸園元素做裝飾



而最吸引我既係 Holika Holika 啦



鍾意買鞋既話, 一定要去 7樓, 全層都係賣鞋, 真係心情好買鞋, 心情唔好都係買鞋既鞋痴, 係呢層要小心啦, haha



8 - 10樓台灣最大文化創意品牌 - 誠品, 香港首間分店, 逾 4萬尺, 共三層, 不過未有時間入去參觀

11樓 Kitchen Eleven 美食廣場, 以家為設計概念, 感覺好舒服, 唔似一般 food court, 有 11間不同款式既特色食肆



12 - 14樓全部係食肆, 有南小館, 糖朝, Amaroni's Little Italy, Wired Cafe 等等....

咁多樓層搵食咪好麻煩, 唔洗擔心, Hysan Place 有個新既系統, 好方便架, 只要係詢問處拎左你想去既食肆拎左"飛仔", 係每層都有呢 d 顯示屏, 咁就可以睇到輪到咩號碼, 咁就可以放心行街, 唔洗企定定係門口等, 又唔會 miss 左啦



大型商場當然唔少得 Super Market 啦, Jasons Food & Living 都係香港首次開店既, 應有盡有, 又近地鐵出口, 買完野拎住一袋二袋, 都唔洗行好遠就可以搭車啦

Hysan Place 已經係 8月10日隆重開幕啦, 大家有時間都去行下啦~~~