Mandom Beauty Barrier Repair Serum

用過同系列既 Mask 感覺唔錯, 去旅行時見新出有精華, 就買黎試下, 可惜返到香港無耐已經有得賣, 而價錢仲平 d 添, 真係激死!! haha, 大家聽我咁講, 都估到我都買左一段時間啦, 我都用左 2/3 啦, 但好懶而家先出文講下, 我諗唔少人用過... 但我都想講下自己既用後感呀

名 稱 : Mandom Beauty Barrier Repair Serum
價 格 : $69
容 量 : 60g


產品介紹 :


在感到特別乾燥時使用的集中修護精華，添加滲透型玻尿酸保濕精華，質地均勻服貼肌膚，補充豐富的水嫩與滋潤。包裹住水分及Ceramide滋潤成分的保濕膠囊，隨著時間漸進釋放，慢慢深層滲透至角質層內，維持長效保濕的水嫩感。無香料, 無色素, 無酒精。



開架品牌, 包裝無咩特別呀, BB icon 一眼認到

60g 都唔細支架, 平時既精華多數 30ml, 呢支多成倍容量, 都只係幾十蚊, 幾抵用

白色稀身乳液狀, 推開好水, 易吸收, 初初覺得有 d 酒精味, 但用左幾日就無左啦, 但佢標明係無酒精果喎



吸收後有少少滋潤, 但唔會好 lup

用左半年, 都仲有 1/3, 不過我唔係日日用, 但都襟用既, 初用時係冬天, 有適當滋潤, 但補水方面唔算特別高, 而家天氣用就潤身少少, 因佢唔係 gel 狀好爽身果 d 精華, 有時懶我會用多少少, 當佢係 lotion 咁用, 但早排皮膚極度敏感, 用佢就有少少唔舒服, 雖然無爛面, 但唔算好溫和, 同埋年紀唔細, 都貪心 d 想精華素除左補濕外有其它功效, haha