Mandom Beauty Barrier Repair Serum

用過同系列既 Mask 感覺唔錯, 去旅行時見新出有精華, 就買黎試下, 可惜返到香港無耐已經有得賣, 而價錢仲平 d 添, 真係激死!! haha, 大家聽我咁講, 都估到我都買左一段時間啦, 我都用左 2/3 啦, 但好懶而家先出文講下, 我諗唔少人用過... 但我都想講下自己既用後感呀

名 稱 : Mandom Beauty Barrier Repair Serum
價 格 : $69
容 量 : 60g


產品介紹 :


在感到特別乾燥時使用的集中修護精華，添加滲透型玻尿酸保濕精華，質地均勻服貼肌膚，補充豐富的水嫩與滋潤。包裹住水分及Ceramide滋潤成分的保濕膠囊，隨著時間漸進釋放，慢慢深層滲透至角質層內，維持長效保濕的水嫩感。無香料, 無色素, 無酒精。



開架品牌, 包裝無咩特別呀, BB icon 一眼認到

60g 都唔細支架, 平時既精華多數 30ml, 呢支多成倍容量, 都只係幾十蚊, 幾抵用

白色稀身乳液狀, 推開好水, 易吸收, 初初覺得有 d 酒精味, 但用左幾日就無左啦, 但佢標明係無酒精果喎



吸收後有少少滋潤, 但唔會好 lup

用左半年, 都仲有 1/3, 不過我唔係日日用, 但都襟用既, 初用時係冬天, 有適當滋潤, 但補水方面唔算特別高, 而家天氣用就潤身少少, 因佢唔係 gel 狀好爽身果 d 精華, 有時懶我會用多少少, 當佢係 lotion 咁用, 但早排皮膚極度敏感, 用佢就有少少唔舒服, 雖然無爛面, 但唔算好溫和, 同埋年紀唔細, 都貪心 d 想精華素除左補濕外有其它功效, haha

日本護膚化妝品牌 CHANSON 登陸香港啦!!!

CHANSON 可能大家有 d 陌生, 原來係日本已經擁有 67年歷史啦, 品牌一向以「美麗與健康」為宗旨, 所有護膚品由研發、製造、銷售整個過程都由自家工廠及團隊監控, 並取得多項國際認可專利添, 發佈會當日, 更係 Lafayette 婚禮統籌舉行, 入到門口已見到代言人 - 王君馨小姐既巨型海報



重 點五大護膚系列, 包括 Chansonnier NANO 納米系列、SERKIS 潔面系列、BLANSAGE 美白去斑系列、PROGRAM 28 喚膚新生系列及 Protection Base, 除左護膚品, 仲有健康食品添, 令美麗可以由內到外都照顧周到

發佈會開始, 由司儀介紹, CHANSON 董事長川村先生, 台灣及香港公司代表致詞

然後王君馨小姐與男模特兒以婚禮儀式進場, 感覺特別, 而王君馨皮膚好好, 仲有白滑玉背添, 真係令我好羨慕呀

代言人及嘉賓大合照及祝酒, 以慶祝 CHANSON 正式進駐香港



更請黎日本化妝師用上 CHANSON 皇牌 SERKIS 潔面系列示範卸妝、潔面、護膚程序及手勢, 好輕手, 所有步驟都由下而上, 可提升面部輪廓, 可清潔毛孔內既污垢



做完護膚, 就重新上妝啦, 由底霜、粉底、碎粉、眼影, 化完底妝, model 皮膚已經好均勻有光澤



搽埋唇膏及掃上胭脂, 就大功告成啦, 睇下 model 幾靚



當晚所有每人都有禮品, LIFTLOGY 提升緊緻系列 - 化妝水 Lotion, 精華 Essence, 乳液 Milk, 營養霜 Nourishing

CHANSON 銷售點 :
專門店 - 山頂廣場 2樓 207號鋪
陳列室 - 尖沙咀加拿芬道 20號加拿芬廣場 701室

www.chanson.hk

凹凹賞第17回

每個月都出到清貨文, skincare 我會用得比較快, 但 makeup 就慢好多, 尤其之前未搵到工, 日日係屋企好少 makeup, 就用得更加慢啦... 所以幾個月先儲到 3件產品, 仲全部只係底妝產品添!!
 

Covermark Essence Foundation B10 30g (按此)
之 前已經用完罌 N10 啦, B10 其實啱我膚色多 d, covermark 既粉底真係唔錯, 質地夠薄但遮瑕度夠, 伸延性佳, 每次用好少就夠搽全面, 呢個 cream 狀 FDT, 秋冬天好夠潤, 唔會令皮膚出乾紋, 不過春夏天可能會潤少少, 但用返爽身既 makeup base, 其實一年四季都啱用, 不過屋企仲有唔少 BB Cream / FDT, 暫時都唔會回購啦
 

Paul & Joe Moisturizing Foundation Primer N  #02 10g
朋 友俾我既 sample, 肉色既隔離霜, 個色有 d 偏黃, 但質地都好薄, 而且係 base, 所以都唔會有色差問題, 遮瑕度唔錯, 似好薄身既粉底液, 皮膚狀態好, 或落街唔想厚妝兼快速出門口, 用佢加碎粉都好 ok, 不過雖然個名係 Moisturizing, 但我偏乾皮膚, 我覺得補濕度唔夠, 夏天用 ok, 秋冬天既話就乾左 d 啦, 同埋用佢再上粉底 (可能唔係同一品牌掛), 有 d 啜手, base 作用係令之後塗粉底順滑 d, 份量少 d, 但佢就唔太得啦... 之前見網上多人讚, 都好有興趣架, 但試過 sample 後, 有 d 滅火
 

SANA Pore Putty Face Powder 10g
好 耐之前去日本旅行時買既, 其實香港都有, 我唔明點解我要係日本買, haha, 我毛孔大, 見到佢可以遮到毛孔就買黎試下啦, 個色睇落都幾啱我膚色, 但搽上面就有 d 偏白, 而且佢有閃粉, 唔係低調既珠光, 大家都知閃粉係會令毛孔更顯眼, 所以佢既賣點 - 遮毛孔已經無左啦, 佢亦較乾身, 用係眼底眼紋會明顯左, 令皮膚乾又會出多 d 油保護, 所以個妝較快溶及浮粉, 知道點解我用咁耐都未用完啦... 用到眼到鐵片我都好開心架啦!!
 

6 NOs 護膚原則 - Clinelle

之前皮膚實在太敏感, 用乜都又痕又紅咁, 醒起原來屋企有 set Clinelle 喎, 把心一橫決定摶一摶啦



皮膚敏感時, 用既野越簡單越好, 所以只係用 Toner 及 Moisturizer 咋, 眼霜及防曬就用返平時果 d 啦
 

Clinelle 產品既溫和且有效, 特別適用於敏感和容易長粉刺的肌膚。所有產品經實驗研發, 並通過皮膚科醫生測試, 確保產品 100% 安全使用
 

6 NOs 不含6 種刺激成份
人造香料 - 弔起過敏反應, 在陽光下暴曬還會引起色素沉著問題
人造色素 - 引起光敏性, 導致皮膚脫水
導致粉刺成份 - 阻塞毛孔, 導致黑頭和粉刺
礦物油 - 引起毛孔堵塞, 為皮膚造成負擔
SD 酒精 - 導致皮膚嚴重乾燥, 過度消除油脂, 令皮膚流失水份, 造成脫水現象
羊毛脂 - 引起過敏反應, 是導致粉刺的成份
 

Soothing Skin Toner 舒緩爽膚液 200ml
絕不含酒精成份, 有效收緊毛孔、舒緩、鎮靜及深層滋潤, 為脆弱肌膚補充水份

質地好似水咁, 初初用有少少薰衣草香味, 但開左一段時間, 香味就好快無晒啦, 初初都擔心, 有香味喎... 但用佢真係無敏感, 不過佢主要係補濕, 又好溫和, 所以完全無去角質功效, 當然敏感皮膚係無咁既需要, 要去角質, 留返俾磨砂啦
 

Intense Skin Moisturiser 高效保濕潤膚霜  50ml
高度保濕, 改善皮膚彈性, 減慢皺紋和細紋形成, 達至更緊緻和年輕的皮膚

稀身既 cream 狀, 好推用量唔洗好多都夠搽全面, 幾夠潤, 冬天咁乾用佢都夠, 而家天氣用就有少少 lup 啦, 無香味
 

之前真係太敏感, 決定停晒所有 Skincare, 只用溫和既 Clinelle, 用左一個月左右, 皮膚穩定左好多, 已經好少紅同痕啦, 睇到皮膚皮層厚左健康左, 可以抵禦到外來刺激,  雖然有好轉, 但我都仲 keep 住用, 已經用左 2個月啦, 而家耐唔時敷 mask, 去角質, 用美白產品都無問題, 當然呢 d 唔可以用得太密啦, 適得其反嘛

Mask House 蝸牛素補濕膠原再生面膜

蝸牛... 除左大家諗到昆蟲, 樣子唔討好之外, 近期成為大熱既護膚成份, 見咁新奇, 當然要試試啦
 


名 稱 : Mask House Celebrity 蝸牛素補濕膠原再生面膜
價 格 : $ 132
容 量 : 3片

產品介紹 :

萃取自智利蝸牛素 Elastin 及 Allantoin 等天然精華, 配合韓國科研 TCD 滲透技術, 加上嶄新柔韌生物纖維面膜, 進一步將蛋白精華速速導入深層細胞, 令肌膚水份充盈, 72小時保持滋潤透滑, 同時修復受損的肌膚組織, 撫平面部細紋, 打造無痕歲月

突破性水凝技術 - 嶄新 TCD 按術配合現代化生物纖維料設計, 產生體溫感應作用, 促使超水凝精華迅速融化並滲透細胞, 直達肌膚深處鎖緊養分, 令滋潤舒適效果持續不斷
 
三重高效鎖水成分 - 擁有目前最佳保濕及鎖水因子, 膠原蛋白及透明質酸, 配合載水能力極強的水凝技術, 即時滋養面部細胞, 瞬間令肌膚飽滿水盈光澤
 
深層修復護膚力量 - 蘊含萃取自智利蝸牛彈力蛋白 (Elastin) 等養分精華, 具極佳的再生能力, 重點保護受損細胞, 為肌膚築起新一道屏障, 令臉頰膚質重煥神采, 額外均衡亮澤
 

3D 上下兩片裝面膜設計更貼面, 先敷上半部, 撫平並擠出氣泡, 再敷下半部, 大範圍位置都好貼面, 係鼻翼位唔夠貼, mask 質地好似啫喱咁, 唔算太薄, 敷上面時唔容易整爛, 精華唔算好多, 唔會滴漏, 敷左 15mins, 塊 mask 有少少變薄左
 

mask 既精華唔算好多, 敷 15mins 後, 面上唔會淨太多既精華, 肌膚水份唔覺提升左好多, 但就感到滑左, 尤其第二朝起身更明顯, 效果 keep 到 3日咁長添
 

因為係未接觸過既新成份, 雖然皮膚敏感已經好返, 但都有 d 擔心, 用完第一片, 即時完全無任何不適, 但第二日額頭感到少少痕, 過左 2日就無事啦, 一星期後再敷第二片, 就無任何敏感情況, 雖然個 mask 補濕度唔高, 但用完塊面真係滑左好多, 但一盒 3片少左 d, 價錢都唔平.... 

 

清貨 - 2012年3月

又一個月啦, 三月天氣成日轉, 一個月內有晒春夏秋冬四季咁, 所以 d 野都用得幾快, 終於見到個櫃有返 d 位啦, haha

 


Sothys Hydravance Serum (按此)
補濕度唔錯, 質地好正, 但可能濃度較高, 我用佢有少少敏感, 不過係 travel size 細細支, 好快用晒

Sothys Hydravance Light Hydrating Cream (按此)
同系列既 cream, 又係質地好正, 雖然係 light cream, 但冬天都夠潤, 呢個都係有少少敏感

Kiehl's Ultra Facial Cleanser
gel lotion 狀, 好多泡泡, 但洗後有 d 乾, 夏天用就 ok

Kiehl's Rare Earth Deep Pore Daily Cleanser
有少少 clay 狀及有好幼細既粒粒有磨砂作用, 用左毛孔係乾淨左, 但太乾, 啱油性皮膚用多 d

Fueki 藍莓秀髮修護霜 (按此)
個罌好得意, 用完都洗乾淨留返, 有時頭髮好毛燥, 搽少少係髮尾就 ok, 好方便唔 lup

Mane'n Tail The Original Conditioner (按此)
好清爽既護髮素, 但與同系列既 shampoo 一齊用, 就嫌乾左 d

Bioderma 深層卸妝潔膚水
好用既卸妝水, 敏感肌都用到, 怪不得咁紅, 好多化妝師及藝人都用啦

H2O+ Water White Advanced Brightening Essence (按此)
開左差唔多一年啦, 就用完, 可惜之前皮膚太敏感要停用, 呢排穩定返, 拎返出黎用埋佢, 美白黎講都幾溫和同補濕

 


MAC Brush Cleanser (按此)
用完第二支啦, 都幾襟用, 每次唔洗用好多, 呢支用左一年, 計返都算抵用

Bicelle Hydra B5 Gel
好補濕好好用喎, 用過咁多款透明質酸, 呢支質地、功效都好好, 而且價錢唔算貴, 原本都想出文講下, 不過唔經唔覺就用完都未出到文.... haha

HABA Squalena Oil (按此)
雖然係油狀, 但易吸收唔算油, 但效果無乜特別

Kiri Manuka Honey Face Moisturiser (按此)
好香 honey 味, 都夠潤, 70ml 好大罌, 用左半年先用完




Sample

Murad Cleansing Shave
Kanebo Dew Superior Wash Cream
Sothys Normalizing Lotion
Clinelle Deep Cleansing Gel
Murad Green Tea Lip Protector

白蘭氏雞精 - 改善腦力衰退

早排好 Hit 既電視劇 On Call 36 小時, 除左醫生 On Call 之外, 其實打工仔好多都唔止 On Call 36小時, 研究顯示 30歲後腦力隨時開始衰退, 唔想咁快未老先衰, 以下有好介紹!!
 


提神醒腦, 多數人第一會諗起咖啡、能量飲品等, 但其實治標唔治本, 咖啡因刺激過後, 身體只會更攰更眼瞓。讀書考試時同學都會飲雞精叉電, 而白蘭氏係 2008年成立白蘭氏腦科學研究所, 為提升公眾對腦部健康既關注



早排睇新聞都有講, 港大為香港人超時工作及腦功能下降做左調查, 大部份打工仔都需要超時工作, 平均每星期 OT 3.6日, 最長更試過連續 3個月無假放添, 長時間工作, 壓力當然大到爆煲啦, 壓力大不單影響工作效率, 仲會集中唔到精神, 大腦閉塞, 及出現斷片情況添



註冊營養師陳國賓先生, 同我地分享壓力引致氧化對腦部的損害及腦部抗氧化良方, 每晚 10點到凌晨2點, 係身體身陳代謝最快既時間, 呢個時間瞓覺係咪對身體最好, 令皮膚延緩老化呢!? 其實呢段時間熟睡, 係可以消除腦部疲勞, 但唔可以減少氧化壓力及對抗游離基, 所以攝取腦部抗氧化劑 - 肌肽 (Carnosine) 有助延緩腦功能



台灣元培科技大學校長王銘富教授, 會講下亞洲區國家腦功能下降調查結果, 台灣及香港人既腦功能下降情況嚴重, 調查中雞精對老鼠既學習力、記憶力及老化指標都有改善, 証明含雙肽既雞精, 可改善認知功能, 提升學習能力及記憶力



白蘭氏高級科研專員曾暉博士, 分享白蘭氏腦部研究所簡介及最新腦部營養科研成果



因為係晚宴, 所以都有豐富晚餐俾我地享用, 好好味呀!! 晚餐其間有問答遊戲, 可惜我反應太慢啦, 無機會答問題, 所以無禮品....  睇黎真係要飲多 d 白蘭氏雞精補下個腦先得啦~~



雖然答唔到問題, 但都有 2罌雞精拎走, 其實我未飲過雞精架, 睇我個名就知我鍾意飲咖啡多 d 啦, haha, 所以當晚就開左黎飲, 打開聞到好香雞味喎, 有少少似蒸雞後果 d 水, 咸咸地好重雞味, 都唔係人地講到咁難飲

http://www.brands.com.hk