優閒的半日假期~~

星期一請左半日假, 因為本特區護照續期要去拎返, 又唔想短週既星期六早起身, 見仲有大假, 就豪半日假啦

放工去左藍田行一陣, 然後等入境處開門, 都幾多人排隊, 好彩我係去領取, 唔係申請, 唔係有排等呀, 大約 30mins 搞掂走人, 然後約宅男出 TST High Tea, 都無乜特別, 普通茶餐廳食就算啦, 之後行下街咁

之前係卓悅買既起泡網穿左, 但係卓悅搵唔返, 因為果個最平, $4 咋, logon 早排都仲有, $18 / 2個, 但近期又唔見, soap 用起泡球 d 泡都係唔夠密, 唯有貴 d 買 Muji 啦, $15 宅男俾錢, 呵呵



跟住宅男要去旺角買 game 既野, 就出發落旺角啦, 咁經過 $10 shop 又去行下,
買左個樽仔 (點知返到屋企見 patpat 係卓悅買 $9 咋, 個樣仲靚 d 添),
好多 sis 都搵唔到既 Like Gel Nail Top Coat, 竟然我買時仲有 4-5支,
洗粉樸液, 用左好多支, 買定囤貨啦
又俾我發現到起泡網喎, 星期日玩完甲同 sandra 行 cwb 果間都唔見, 激死, 見有又買埋啦, $10 平 d , 同埋呢個 size 大 d, 用係身方便 d



跟住食埋晚飯就歸家啦, 其實無乜特別, 平時好少放閑日, 但感覺好 ralex, 街度無乜人, 可以慢慢行, 最好係唔洗係公司對住 d 煩人!!!

玩甲聚會 6/20

今日雖然係父親節, 但無約到阿爸, 上星期已經同佢食左 Dinner 啦, 所以就約左班 Blogger 去玩甲, 其實印甲我都係新手, 連"架生" 都無, 好彩 Sandra 有多套借俾我用, thanks 啦, 我自己都係帶左少少野, 不過已經差唔多出動晒我所有甲油啦

約係 CWB Time Square 等, 好多三眼仔呀, 仲有超大隻巴斯, 但好多人影左好多途人





等齊人就上去 Cafe 啦, 我都未去過, 同埋時間好早, 得我地幾個人, 同包場無分別, haha, 但食物就出得太慢, 成個鐘先有得食, 餓死!!! 不過味道都 ok





食飽飽有氣有力就開始玩甲啦, 等甲油乾時無聊影下 d 花絮, 張檯都唔算好亂, 因為呢張檯得我, Sandra, Kaye 三個用咋



油左深紫色, 第一次搽咁深色既甲油 (不過油得好樣衰, 出晒界, haha)



然後加左 sandra 支變色甲, 睇佢個 blog 有用, 好得意



搽左上面果支變色甲油再印埋櫻花圖案, 完成!!



大家既完成品, Sandra 同 Kaye 個甲好似, 都係用同一款底色, 雨娜同 KTY 就襯返今日件衫既顏色, KTY 仲有埋斑馬紋添呀



Yeah~~ 超大星星....???



今日仲拎埋之前雨娜開團既皮膚測試機, 呢款好過心型個部, 仲平 d 添呀







Thanks 雨娜, 今日玩得好開心呀~~

買左少少野 - Covermark 粉底 + 地圖銀包

上網見 sis 報料 Covermark 6月份底妝產品做 55折, 真係好抵, 上星期去朗豪坊都想去望下, 可惜好多人要排隊, 咁就過左對面既 Make Up Forever 玩下個水凝粉底, 呢款都想買好耐, 水份重好貼好薄, 但行過幾次 counter BA 都一般, 係朗豪坊果日個 BA 都好架啦, HSBC 仲有九折都差 d 買左, 但諗諗下其實屋企仲有粉底及 BB cream 未用完, 就想再睇下先啦

咁噚日放工醒起德福都有 Covermark 喎, 走去望下無壞呀, 第一次經過見無乜人, 唔太敢入, 因為聽好多 sis 講佢 d BA 一般... 咁行個圈再返去睇, 開始有幾個客, 咁膽粗粗入去八下啦

個 BA 問我想睇咩, 我話想睇粉底液, 問我想要爽 d 定潤 d, 我偏乾皮膚鍾意潤 d, 咁 BA 介紹左呢款 Essence Foundation 俾我呀, 其實我呢幾日都上官網望過下, 都覺呢款應該最啱我, haha, 咁 BA 幫我揀色, 問我想要自然定白淨 d, 咁我話要自然啦, 首先搽左 base 打底再用呢款, 個色真係好自然, 自然到佢試左係邊我都睇唔出, haha, 質地好貼好薄, 但 coverage 唔錯, 咁多口問 BA 試埋白淨果個, 都好自然真係白好少好少, 咁我問佢白 d 果款有無話係黃 toner 定粉紅 toner, BA 就話佢地 d 粉底其實唔係咁分顏色, 唔係淨係睇塊面既色, 而係睇返皮膚本身個底係咩色, 佢見我手臂入面 (曬唔黑個位) d 血管明顯而藍色, 個底其實係白得黎無血色偏青喎, 咁我都揀唔到買邊隻色好, BA 就幫我試上面, 問我平時彩妝化咩多, 我話淨係 blush, lip, 有時畫下眉, mascara 咁, 好少化眼妝, 咁佢話少化眼妝就用自然色會好 d, 如果有化眼妝就用白 d 會 sharp d, 咁我就買左自然 d 個色 BO10 啦

BA 問我要罌裝 (30g) 定 tube 裝 (20g), 其實只係容量唔同, 咁我揀左 30g, 一黎抵 d, 二黎我對罌裝粉底情有獨鍾架, haha, 咁跟住就俾錢啦, BA 問我配唔配埋粉樸, 話個粉樸質地好好, 唔會吸粉底, 睇左個粉樸密度真係幾高, 見 BA 姐姐咁好心機唔 hard sell, 咁都要埋啦, 但都唔平 $65 一塊, 粉底原價 $600, 折實 $330




打開係咁既, 有埋小匙, 使用方便衛生



買左 BO10, BA 幫我試白淨 d 個色好似係 BO00
有 SPF18 pa++ 唔錯喎, 仲係 Made in Japan 添





入面個樣, 但估唔到咁貴既粉底個蓋無膠片隔層, 好似唔夠密封唔衛生喎, 搞到個蓋有好多粉底黐係度



雖然都買得好急咁, 但真係買得好開心, 咁抵唔係成日有機會有, 仲 join 埋 member, 張會員咭好特別, 後面係塊鏡黎架
用幾日試真 d 先同大家 share 啦

PS. 買完即刻 call 用開 covermark 粉餅既 FD, 諗住叫佢去入定貨啦, 點知佢話佢係  中環 covermark, 都諗住買呢個粉底, haha, 真係好邪呀, 最後佢大出血, join 埋 facial, 而家有買一送一, $3600 有 20次 facial, 平均 $180 次又真係幾抵既....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

近 排好想換銀包, 其實本身個 Porter 都未爛既, 但我實在太多咭 (會員咭, 優惠咭咋, haha), 要分開銀包同 Card Holder 好煩, 所以週圍睇下有咩啱心水, 但行左好多間都睇唔啱, 連淘寶都睇埋, 一係太大, 或卡片格數唔多, 終於俾我係地圖 Alviero Martini 買到啦

地圖袋當年 讀中學都有同學仔用佢既袋做書包, 亦曾經唔興過一段時間, 但近年又見到佢既出現, 見佢 d 袋都唔平 (雖然唔及 LV, Gucci 咁貴, 但我少好用過千蚊既袋), 但估唔到銀包又唔貴喎, 呢個都係 $650, 朗豪坊 HSBC 有九折, 折實都係 $585 咋, 仲平過我個 Porter 呀....

size 唔會太大太長身, 同本記事薄差唔多大, 個款唔師奶, 最緊要係入面 d 間格啱心水, 未放野個樣靚仔 d, 放晒 d 咭入去都幾厚 (好驚佢爆, haha)



睇下塞到佢幾滿...

Kawaii TOKYO - 用左真係變 kawaii

試用左三星期, 而家同大家分享下啦

膚質 : 混合偏乾, 轉季較易敏感, T 位中午後出油, 有色斑, 毛孔粗大

品牌介紹 : 

作為一個美容品牌，kawaii TOKYO 充分體現東京流行文化的精髓，這一點從 kawaii（“可愛”、“迷人”之意）是日本最流行的用語得以印證。在全球，kawaii 之風也正深入人心。品牌旗下的所有美容產品都是由日本原裝生產， 每項產品均出自嚴格的監控系統，此系統已全面通過 “ISO9001:2000” 國際質量管理體系認證。品牌的主題是 “展開如名媛般的早晨 沉醉於公主般的夜晚！”。為實現這一美景，致力於為全球女性提供多重功效產品，她們積極、聰慧、勇於探索，並滿懷熱情追逐着多彩的夢想與希望。這也是 kawaii TOKYO 的企業使命和社會責任。




除左衫既真身係咁樣既




Kawaii TOKYO Brigthen-Up UV Blocker $210 / 40ml
亮白系列高度面部防曬乳 SPF50 / PA+++ (戶外活動使用)
是一款反射式紫外線防曬乳，除對肌膚提供有力保護之外，還加入了兩種效果極佳的亮白成份，發揮以下 5 種功效 - 亮白肌膚、抗老化、收斂毛孔、抗炎、保濕。



成份 :
亮白 - 維他命 C衍生, Alpha 熊果素
抗衰老 - 維他命 A, 維他命 B2, 維他命 B3
保濕 - 透明質酸, 橄欖角鯊烷
收斂毛孔 - 金縷梅精華萃取物
抗炎 - 歐亞甘草萃取物, 帕金納米膠體
使用方法 : 日曬前使用，均勻塗抹於整張臉，游泳或出汗後請重新塗抹，請避免長時間日曬，或於正午至下午 4 時期間日曬。








使用日數 : 16日

用後感 : 睇個樽以為係使用前要搖均既防曬 (類似塗改液), 點知吱出黎係杰身 lotion 狀, 都好易推開, 但搽勻後明顯有泛白, 可明亮膚色, 吸收後好爽, 之後化妝都無問題, 亦唔會令粉底好難推, 但 我膚質偏乾, 平時用開滋潤感重 d 既乳液狀防曬, 呢支係公司冷氣地方, 到下午面珠會有 d 乾, 試過用黎搽頸及手臂, 都唔會覺得 lup, 佢有少少防水, 所以一定要卸妝, 用卸妝產品洗得甩, 但就咁用沐浴露, 表面會仲見到少少白色, 即洗得唔切底啦。初用果幾日都幾好天幾猛太陽, 但都無黑到, 防曬效果唔錯。spf50 都算高, 平時返工都好少搽咁高度數防曬, 質地又咁爽, 產品簡介都寫明係戶外使用, 所以我會留返放假出街先用。


Kawaii TOKYO Brighten-Up Pore Solution $230 / 110g
多重功效亮白系列毛孔緊緻去角質凝膠
是臉部和身體的去角質產品，蘊含多種水果萃取，能溫和去除老廢角質。散發蘋果香味，不含酒精和動物性成份。


 
成份 : 山楂果萃取、棗果萃取、葡萄柚萃取、蘋果萃取、橙萃取、檸檬汁、酸橙汁
使用方法 :
1. 用前先清潔和弄乾臉部和手掌。
2. 取適量去角質凝膠塗抺在粗糙或暗啞皮膚上。
3. 在凝膠未乾時，輕柔地以打圈方式按摩，避開眼唇四週。
4. 當沉積物隨老化角質開始出現，以溫水沖淨。
5. 滋潤皮膚和塗防曬用品後外出。












使用次數 : 5次

用後感 : 透明 gel 入面有 d 金箔, 有清新既蘋果香味, 應該係同用左多款水 果萃取有關, 搽上皮膚已經可以即刻按, 唔洗等, 按一陣已經見到 d 死皮走出黎, 然後就可以過水啦, 但一定要用暖水, 第一次用係面, 同冷水 (即水喉開出黎既室溫水), 感覺難洗及啜手。咁產品寫明係 Face & Body Exfoliator 就用黎去腳踝既角質, 捽到好多死皮, 用暖水過水後, 好滑唔乾唔啜手, 真係好正, 跟住再試下用係面, 都係用暖水洗, 都係好滑好舒服, 仲白淨左添呀, haha, 有時真係要跟足使用說明黎用啦, 一支大大支又可以用係面部及身體, 真係好方便, 唔洗好大力捽已經去角質, 亦無敏感情況。

有興趣既朋友可以去 SaSa 睇下啦

Biore 高保濕防曬隔離乳液

名 稱 : Biore UV Moist Face Milk SPF50 PA+++
價 格 : 698yen (約 HK$60)
容 量 : 30ml
 
產品介紹 :

全面保濕防曬，讓肌膚潤澤水嫩
-  保水膜配方, 輕透的高保濕效果, 在日曬後或冷氣房中, 在意肌膚乾燥時, 補充肌膚水份, 常保潤澤水嫩感。(含夜來香菁華保濕成分)
-  維持肌膚水潤質感, 可當粧前隔離霜使用, 讓粉底更均勻好上粧, 粧感更平滑柔嫩。
-  細緻清爽柔粉, 即使流汗也能保持清爽不黏膩
-  含透明 UV 隔離粉末, 透明不泛白
-  無色素無香料配方



個樽都幾大, 但只有 30ml, d 防曬去到一半度架咋





推開好水好薄, 亮度有提升左, 完全唔 lup, 無泛白




呢支係舊年去日本時買既, 諗住夏天用黎做身體防曬, Biore 有好多防曬, 當時大部份係香港都未見過, 說明又只係得日文, 有選擇障礙既我簡直無從入手, 好彩有 tester 試, 咁就揀左呢支防曬度高, 好水唔 lup, 唔乾唔泛白既, 不過原來呢支主要係搽面用架, haha

我頭幾日係用黎搽頸搽手 臂, 搽頸無問題, 搽手就好水好易推, 少少份量已經可以搽晒成條手臂, 初初都覺得唔 lup, 但等一陣就有少少 lup 啦, 加上呢幾日天氣又熱又焗, 感覺唔係太舒服, 同埋都幾防水, 搽完洗手時用水係沖唔甩, 會見到一點點水珠留係表面, 用洗手液都唔係完全洗得乾淨, 洗完仲有 d 乾添, 好彩用係手臂經過一日出汗都甩左 d, 沖涼時都洗得甩, 但有少少乾囉

用係面既話就唔錯, 好薄無用係身咁 lup, 亦唔油, 效果好似上面手背張相咁, 好薄唔覺搽左防曬, 但過左半日面珠位就有少少乾啦, 而家就用黎搽頸, haha

早排都幾曬, 暫時黎講都無黑左, 之前用過 Biore 潤色防曬 spf30 都無黑到, 呢支仲有 spf50添, 對佢個防曬力都好有信心, 其實呢支唔係差, 只係可能我買錯左 for 搽面既, 同預期有出入, 睇台灣網址出左新既身體防曬, 有機會都想試下

Ipsa Pure Protect Powder Compact

名 稱 : Ipsa Pure Protect Powder Compact (SPF25 PA+++)
價 格 : $450 (Refill $340, Case $110)
容 量 : 9g
 
產品介紹 :

全球首創革命性智能油脂追蹤粉末 Sebum Selective Powder，具有選擇性油脂吸收功能，追蹤及吸收多餘油脂分泌，並留下肌膚應有的油分及養分，清爽而滋潤，絕不乾燥。添加卓越保濕成分滋潤肌膚，並以光學原理徹底隱沒瑕疵。實現保濕、控油雙效兼備，終日展現剔透粧效。

出果時已經好想敗, 好多雜誌, 上網 search 過 comment 都唔差, 但價錢唔平一直唔捨得買, 上個月 Sogo Thankful Week, 有 gift 所以有藉口俾自己敗左返黎, 哈哈



粉樸好舒服, 唔硬好 soft 但有好有彈性



全六色, 我用既係 100 色, 最白個色, 201 其實都啱, 但有少少偏紅, 普通色既 101 就黃左 d



睇下個效果先, 淨係搽左 makeup base 就上粉餅啦


 
遮瑕都中等, 淡色既印同斑都遮到, 但毛孔好似覺眼左, 我 d 毛孔真係好大


 
室內白燈可能唔夠光, 影出黎個色好似有 d 黃...


 
100 色其實有 d 白, 但因為我條頸白過塊面, 所以對比返同條頸就好啱色啦



鼻既毛孔真係有 d 恐怖.... 希望唔好嚇襯大家.... 出左油都 ok, 印下都無乜野, 但一補就唔掂啦, 仲衰過唔補....




因 為膚質偏乾, 毛孔又大, 粉餅我都多係補妝用, 就咁上既話妝效麻麻, 唔貼又易溶到一撻撻, 但想試真個效果, 今次我係單用既, 啱啱上粉時都唔錯, 遮瑕度夠, 膚色均勻左好多, 粉質唔算幼, 遮毛孔麻麻, 妝感偏啞緻, 有粉感, 我本身鍾意 d 遮瑕度底, 自然 d 既效果

以粉餅黎講佢唔算好乾, 但係冷氣地方或偏乾肌, 過幾個鐘都有少少乾, 控油都 ok, 係公司大約 lunch 前個鼻會有 d 油, 類似上面左上角果張咁, 睇落有少少浮粉 用紙巾印下都 ok, 但明顯見到紙巾有粉甩左, 個鼻都有溶妝情況, 仲有少少甩皮, 再補妝就真係唔多掂啦, 唔夠貼, 毛孔仲顯眼過唔搽粉, 同埋個色好似黃左暗左咁.... 好奇怪, 試左用掃上, 薄身 d 毛孔無咁覺眼, 但都係唔太貼面

我平時化開淡妝, 呢款粉底唔係太啱我, 我諗鍾意中等遮瑕, 想遮下暗瘡印淡斑, 毛孔唔大既 sis 會啱用 d, 以專櫃黎講價錢都唔平, 連埋 case 要 $450, 但功效唔成正比, 反而有 d 開架品牌品質都唔錯, 但化妝護膚品呢個好個人, 都係想俾個參考大家!!!

Sofina beauté Day Protector ll

名 稱 : Sofina beauté Day Protector ll (Light Moist)
價 格 : $270
容 量 : 32g
 
產品介紹 :

Sofina 全新推出的日間抗衰老護理產品 – Sofina beauté Day Protector，可全面對抗紫外線、空氣污染或乾燥等日間傷害，防曬乳液不單兼具高效防禦 UV、抗老衰老和保濕功能，更可以作妝前底霜之用。 
 

另外，品牌亦開發了 UV 防禦技術「ADVAN」, 將 UV 防禦粉體造成更薄的板狀形，提升產品的分散能力，避免粉體重疊在一起，防止 UV 從間隙中穿透進入肌膚造成傷害，實現更強的 UV 防禦效果，就連紫外線中波長最長的 UVA-1 亦能抵禦。
 

成分中亦特別加入了 Rosemary 耐氧化劑，有效提升肌膚消除活性氧毒素 的能力，幫助調理肌膚，不會受到外界環境刺激，進一步延緩老化。





有 4 款唔同質地, 配合不同膚質, I 係最爽身, IV 係最潤, 近乎 cream 狀



幾年前用過 sofina rise 防曬, beaute 呢款都幾想試, 之前參加 Sofina 工作坊得到既禮物, 所以好快就開左黎試啦, 其實佢係一支有防曬既日霜, BA 話係唔洗卸妝既, 我用 II 號, 有適度滋潤但唔 lup, 我就會用精華及少少 lotion 打底先用佢, 有少少花香味, 搽上面吸收後唔會泛白, 再化妝粉底好貼, 係公司冷氣地方都唔覺乾, 防曬能力暫時都 ok, 用左一個月都無黑到, 斑斑都無深左, 但而家都仲未去到好曬好熱既天氣, 返工長時間係室外都無問題, 但戶外活動既話就要轉高度數 d 既防曬先得啦, 缺點係價錢貴左 d 啦, 如果當埋日霜就會用得幾快