Clarins 高效美白透滑精華

名 稱 : Clarins 高效美白透滑精華
價 格 : $580
容 量 : 30ml

產品介紹 :

能令膚質潔白無瑕的最先進產品。美白透滑精華不但減少黑色素形成，防止過多的黑色素輸送往表皮層，更刺激血液及微循環，加強肌膚的天然光澤，並減少油脂分泌及收緊毛孔。燕麥糖有助緊緻肌膚，去除皺紋及幼紋，使肌膚滑不溜手。



收到電話及美白精華到手時真係好開心呀, 夏天將近, 又係美白產品出場既時候啦
haha, 我好傻, 見到支精華個 pump 密封咁, 諗住用野整開佢, 仲差 d 整爛添, 點知原來一按精華就會吱出黎架啦, 個包裝保証精華夠密封, 唔會咁容易氧化呀!!!



質地白色乳液狀, 好易推開及快吸收



左 : 使用前
右 : 使用 7日後



膚質 : 混合偏乾, 轉季較易敏感, T 位易出油, 有色斑, 毛孔粗大
 

用後感 :

有媽咪既遺傳, 色斑都幾嚴重, 斑斑由小學已經有, 跟左我十幾廿年架啦, 以前都有用過美白產品, 但大多都會敏感或令皮膚好乾, 近年既美白產品已大大改善, 仲加埋補濕及抗皺成份添

今次試用 Clarins 美白精華, 質地係好薄身乳液狀, 好容易推開, 每次用2泵份量都好快吸收, 吸收後都好爽身得黎有少少補濕, 真係有 d 搽乳液既感覺, 有少少花香味, 但唔濃亦好快散

可 能太耐無用美白產品, 頭兩日搽完塊面有少少紅, 但過一陣又無事, 亦無敏感情況, 第三日已經無問題啦, 皮膚適應左, 仲好快吸收添, 睇相效果可能唔太明顯, 因為試用時間只得7日唔算長, 同埋放假果幾日比較夜瞓, 皮膚狀態無咁好, 斑斑都無乜淡到, 但膚色係均勻左 d, 有個一排無見既朋友就覺得我白左