多謝 theZtyle x SkinPeptoxyl 3 Plus+ 煥膚護理系列試用活動, 第一次試煥膚既 skincare, 都好擔心會敏感甩皮, 但原來都好方便安全架, 有興趣既 sis 可以去 sasa 望下。
膚質 : 混合偏乾, 轉季較易敏感, T 位中午後出油, 有色斑, 毛孔粗大
品牌介紹 :
來自美國 的 SkinPeptoxyl, 擁有一隊超過 30年研製醫學美容品經驗的專業精英, 為研究高效產品而不斷鑽研及探究, 深信肌膚質素是可以扭轉的, 青春是可以倒流的, 是故我們以「針對問題, 重點解決」為理念, 為講求品質人士提供一系列高效醫學護膚產品, 品牌所有產品均經嚴格測試, 證實產品的功效及安全性, 均可以輕鬆體驗專業的肌膚修護。
瞬間亮肌「極緻無瑕 3+煥膚程序」
SkinPeptoxyl 美研中心首次聯同著名外科整容醫生 Dr. Hilton Becker, 及一群生物學家、科學家和美容療理學家精心研製一系列高效而溫和的「極緻無瑕 3+煥膚程序」的家居護理, 於 5分鐘內, 能瞬間促進細胞更新, 使肌膚更明亮剔透, 達致完美無瑕。
Fade Away Cleanser 亮肌煥膚潔面啫喱 180ml $199
玫瑰清香的亮肌煥膚潔面啫喱蘊含天然果酸, 性質溫和, 能輕柔去除皮膚表面的老化角質層; 配以橄欖、玫瑰籽油及海藻萃取物等天然草本精華, 能即時舒緩及修補肌膚
使用方法 : 每日早晚使用, 以溫水沾濕臉部肌膚, 將適量潔面啫喱置於掌心中, 輕輕於臉上打圈按摩至起泡, 再以溫水洗淨。不適用於眼部四周肌膚。
注意事項 : 使用本產品期間及隨後的一段短時間, 皮膚或會感到刺痛, 此現象將於一分鐘內消失, 如刺痛情況持續, 請減少使用次數, 讓肌膚慢慢適應。如沒有出現刺痛情況, 產品效果仍然有效。
使用次數 : 20日
用後感 : 藍色 gel 狀, 無香味, ph 4, 每次按 1-2泵, 我會係手起泡後先按上面, 泡沫唔算好多, 清潔力唔錯, 幾乾淨過水後好爽, 但唔可以洗太耐, 超過 30 秒會覺得塊面拮拮地, 有傷口既話會拿添, 可能我唔係太受到果酸, 不過用左三星期都無令我敏感, 洗完唔即刻抹 toner 會覺得有少少乾
Derma-Renewal 3 Minute Peel 3分鐘亮肌煥膚去角質護理 120ml $399
特別針對肌膚更新及去除老化角質而設, 只需 2個步驟, 即可高效而安全地讓肌膚回復柔嫩光澤。即時收細毛孔, 改善幼紋及撫平皺紋, 讓肌膚質素得到明顯改善, 更有助吸收隨後使用的潤膚霜, 令功效得以提升。
使用方法 : 塗抹在臉及頸上 (避免塗抹在雙唇), 因應不同膚質的接受程度, 讓去角質護理在皮膚上停留約 1-3分鐘, 以充分降低皮膚的酸鹼度 (變得較為酸性), 讓有效元素直達致最佳效果, 請於使用本產品後隨即使用亮肌煥膚海藻精華柔膚水, 再以 100%天然角鯊烯精華, 以舒緩肌膚及讓肌膚回復 PH5.6的酸鹼度。敏感及乾性肌膚建議跟隨使用極緻撫紋舒緩精華霜。建議隔晚使用, 每週可用 1-3次, 請持續進行第 1及第 2步煥膚程序, 達致產品最佳效果。
注意事項 : 初次使用本產品, 皮膚或會感到短暫刺痛, 如刺痛情況持續, 請減少使用次數, 讓肌膚慢慢適應。使用此產品時, 切勿使用精華素, 精華素翌晚使用。
使用次數 : 5次
用 後感 : 透明稀身 gel 狀, 有少少酸既味, ph 3 酸度都幾高, 以為係搽係面要捽果 d, 原來唔需要, 只要好似敷 mask 咁搽係面等一陣過水就 ok, 都幾方便, 但用呢個真係有刺痛感, 我敷一分鐘就會過水, 試過等足 3mins 過水後塊面有 d 紅紅地, 但用完塊面真係幾滑, 而且等 1-2mins 好方便又唔需要按, 不過較敏感既皮膚就要小心 d 啦
亮肌煥膚海藻精華柔膚水 180ml $199
特別為中和檸檬酸而調配, 滋養肌膚並讓肌膚回復健康的酸鹼度。產品含有自然界中蘊含最多營養成份的天然海藻萃取物, 有效保濕及舒緩肌膚, 讓肌膚回復平衡狀態, 減低敏感機會, 提升肌膚自我修復機能。
使用方法 : 潔臉後, 用化妝棉沾滿柔膚水, 以打圈方式塗抹於肌膚, 避開眼部位置。
使用次數 : 20日
用後感 : 透明水狀, 無香味, ph 5 弱酸性, 按 5-6 泵係化妝棉, 雖然好水狀, 但都有補濕效果, 唔會爽到用左好似無用咁
100% 透明質酸深層保濕精華 15ml $250
含 豐富維他命 B5, 有助修復及滋養受損肌膚, 讓肌膚回復年輕滑。蘊含大量肌膚天然透明質酸保濕因子, 能鎖住 1000倍水份, 高度保濕肌膚。深層保濕精華不含油份, 能令肌膚瞬間如絲般柔滑及妝容更貼服, 只需 4-6個星期, 使肌膚煥發動人神采。適用於所有肌膚。
使用方法 : 早晚使用, 使用面霜前, 將數滴塗抹在臉上。為達致最佳保濕效果, 可與數滴 100%天然角鯊烯深層滋潤精華混和使用, 以作完美保濕及滋潤效果。
使用次數 : 20日
用後感 : 係 sasa 見到有 30ml 裝, 價錢大約 $499, B5 透明質酸質地係偏杰身既 gel 狀, 無香味, 3星期都用左 2/3 啦, 因為使用說明建議同角鯊烯精華一齊用, 咁我係下面先一次過講啦...
100% 天然角鯊烯深層滋潤精華 15ml $250
提取自天然植物成份, 角鯊烯份子十分微細, 能輕易被皮膚吸收及滋潤肌膚, 含豐富抗氧化因子, 有效提升肌膚天然防禦能力, 免受環境侵害。
使用方法 : 早晚使用, 使用面霜前, 將數滴塗抹在臉上。為達致最佳滋潤效果, 可與數滴 100% 透明質酸深層保濕精華混和使用, 以作完美保濕及滋潤效果。
使用次數 : 20日
用後感 : 雖然叫 oil, 但質地好似水咁稀, 同透 明質酸精華溝埋一齊用, 每樣各 3滴, 混合後會變左少少白色, 搽上面好快吸收, 補濕得黎又有滋潤感, 吸收後一 d 都唔 lup, 用左 3星期皮膚細滑左, 水份夠毛孔細左, 連色斑望落都淡左, 另外, 角鯊烯有修復皮膚既功效, 有一日我下巴生瘡起左白色膿, 搽左透明質酸 + squalane oil 後, 第二朝起身粒瘡已經結焦啦, 仲快過搽 tea tree oil 呀, 呢兩個精華真係好鍾意, 用完屋企既精華都想回購呀
名 稱 : TonyMoly 青蘋果去角質按摩乳霜
價 格 : $88
容 量 : 80g
產品介紹 :
Tony Moly 青蘋果去角質按摩乳霜蘊含從青蘋果、木瓜和其他新鮮蔬果中提取的角蛋白，補水保濕，更有效去除角質與死皮。
青蘋果中含有的活性果酸成分可以去除毛孔中的角質，疏通毛孔，使肌膚能更有效地吸收面膜和日常護膚品中的營養成分。
木瓜角蛋白提取物可以為肌膚營造清新透明、乾淨的環境，藉著按摩，可以令肌膚更加健康、充滿活力。
使用方法 : 每星期使用 1-2 次, 於潔面後以指尖塗薄薄一層於臉上 (避開眼部及唇部四周) 輕輕按摩一分鐘後, 靜待半分鐘, 以指尖打圈帶走角質, 最後以清水洗淨。
包裝好靚, 一眼就會俾個外形吸引到, 原本個 "訂" 仲有塊葉架, 不過我整唔見左
cream 狀質地, 推開都好薄身
等 1-2mins 乾左 d 就可以捽啦
使用後, 左邊無用任何野, 右邊就捽完, 大家睇到有冇分別??
之前參加 LCX 魅影遊蹤送既禮品, 我都係第一次用 Tony Moly 既產品, 佢地既包裝好得意, 打開中間有塊膠隔既 (唔記得影相), 質地係 cream 狀, 易推, 推開有少少 gel cream 似感覺, 薄薄一層, 雖然說明話等半分鐘就可以按, 但我覺得等耐少少乾 d 會易捽 d, 我大約等 3-5mins 啦, 好易捽, 輕輕摸塊面已經有擦膠碎, 一定唔會大力左而拉扯到皮膚, 好溫和, 完全無熱 / 刺痛感, 按完之後就可以過水, 過水後會覺得皮膚好滑好乾淨, 仲有滋潤感, 有似敷完 cream mask 咁, 大家都睇到上面幅圖既分別啦, 右邊較左邊白淨左, 滑左, 仲無咁乾添
噚日參加左 BeautyLift x Ettusais Vacance nail 夏日 Party, 因為 6:30pm 開始, 放工都趕出 TST, 好彩去到海港城 faces 啱啱好, 仲見到 KB, 細諾比, KAWAJU, 靚太係 counter 度等緊添, 等左一陣 BA 就帶我地入 Seminar Room 啦
入到去 BA 介紹今次既主題, 仲有好大桶 Jelly Beans 係度
唔係淨得睇架, 有好多放係度俾我地食架
仲有 ettusais Vacance nail 甲油, 色彩繽紛甜美, 真係好似糖果咁, 有 7支 mini 甲油, 加一支新出既 Gel Top Coat 既 set 裝
有製成品樣辦俾我地睇, 真係好靚呀
俾我地用既工具放晒係檯面
BA 叫我地貼好假甲後, 就教我地由簡單既款式開始啦
教完之後我地就自己玩啦
色號有 F 字頭既就代表呢款甲油乾左之後係有香味既, 1-2 雲呢拿味, 3-5 糖果系列, 6-7 熱情果香, 8-9 甜柑橘味, 10-14 無香味, 但就超閃亮既
最後搽上 Gel Top Coat $120 / 7ml, 好易搽, 搽左好令身, 真係有 gel 甲效果, 而且好快乾, 包裝都好靚添, 有少少似眼藥水, haha
我既作品, 麻麻地呀, 唔係太識畫, 見好多 blogger 都畫得好靚呀, 不過時間唔多夠, 畫完假甲都差唔多夠鐘, 好求其咁試左幾隻色係手咋, BA 有俾膠袋我地拎走 d 作品, 可惜未乾透, 返到屋企已經變晒形 lu.....
以 下係今次 party 既禮物, 個化妝袋好靚, 而家係 ettusais 買滿 $520 包括任何一套 ettusais vacance nail 指甲套裝就會贈送架啦, 另外有少少 skincare sample, jelly beans, 同 jelly belly coupon, 可惜無今次主題既甲油, 諗住有得玩下添
仲有仲有, 由 4/22 - 4/30, 只要用 ettusais jelly beans 甲油設計 nail art, 將相片 email 到 marketing@ettusais.com.hk, 並提交姓名、聯絡電話, 以及所選用的 vcance nail 顏色, 相片於 5/1 放於 facebook 內接受投票, 就有機會嬴取 $500 ettusais 獎品, 詳情請瀏覽 www.ettusais.com.hk
名 稱 : Sofina Whitening Mask 高濃度淨白面膜
價 格 : $280
容 量 : 6片
產品介紹 :
透過嶄新「智能導入」系統，即時導入大量美白活性精華 (1片面膜所含的精華量相等於 1支精華素)，薀含高濃度美白成份, 集中注入美白保濕力量, 為肌膚進行急救, 快速改善暗啞膚色，配合美白去斑筆一起使用, 更能快速擊退黑色素, 令肌膚即時重現水潤亮白！
・ 新加入 高濃度桔梗美白精華: 是 Sofina 獨家研發的成分, 從桔梗根部提煉出來的精華,有效減少 SCF 的接受口, 最直接減少黑色素細胞的數量
・ 日本白樺樹精華: 高效抑制黑色素細胞的繁殖，將現有色斑高效減退
・ 洋甘菊 ET: 抑制黑色素訊息「內皮素」傳遞, 防止黑色素形成，保持白皙素肌
・ AM 色酮配方(提煉自蘆薈及決明子等植物): 抑制黑色素訊息「SCF」的功能, 有效減淡色斑
・ 上下兩片式設計能緊貼面部線條
・ 建議每週使用 1 ~ 2次
・ 微香性, 無色素
兩片式設計, 所以好貼面, 首先敷左上面眼部果塊先, 就會變左女殺手咁, haha, 然後再敷下面咀果塊
塊 mask 好多精華, 敷左 20mins 都仲有咁多係塊面度, 按一陣等皮膚吸收埋
之前參加 Sofina 工作坊既 gift, 一盒6片, 以美白 mask 黎講價錢唔算貴, 兩片試設計好貼面 (之前工作坊 post 過敷 mask 既相, 廢事嚇襯大家唔再 post 啦), 而且好多精華, 乳白色精華唔係好水, 所以敷果時唔會週圍滴, mask 質地都幾厚, 敷左 20mins 都仲有好多精華留係面, 會按摩下等皮膚慢慢吸收, 吸收後都唔 lup 唔洗過水, 雖然敷完無 "叮" 一聲既淨白剔透, 但膚色會均勻左, 反而補濕真係做唔錯, 睇下個水份測試結果就知啦, 水份升左差唔多 20% 呀, 仲有, 美白黎講好溫和, 敷時完全無不適感。
新年時剪短左 d 頭髮, 而家長到膞頭位好麻煩, 咁啱見游游搞呢個直髮夾團購, 唔貴又有方法可以整曲喎, 所以買左黎玩下
個盒都係粉紅色架
實物都唔算細架, 聽朝試下先
姨婆部手提電話壞左一段時間, 今日先得閒陪佢買, 佢住香港仔, 咁就約佢係 CWB 飲茶再睇電話啦, 好彩都順利又快手就買到
咁難得過海去 CWB, 當然要去 sogo club 買平雜誌啦
再 係 sasa 買左 Lancome 洗面奶, 做 promo 半價 $120, 之前試過舊版 sample 都幾好用, 見咁平又忍唔住買左, Mandom BB Mask $59, 見到加 $1 換購森田美白 mask, 每人最多買三塊, 但 sales 話買任何森田 mask 先可以換購, 但我明明見廣告寫 "購買任何貨品" 不過算啦, 都買左盒 Mandom, 呢排都買左好多 paper mask, 有排敷 lu
Good Skin 既產品初初引入香港時, 搭巴士有留意到佢既廣告, 對佢地既產品好有興趣, 但價錢唔平, 一直都未有機會試, 今次抽中試用真係好開心, 多謝 theZtyle & Good Skin Labs
Good Skin Labs SMOOTH-365 透澈柔滑精華
價值 : $285
容量 : 30ml
SMOOTH-365™ 透澈柔滑精華徹底表現品牌理念：「即時可見，長遠改善」的出色效果, 亦締造出「一物二用」的創新雙重功效。將 SMOOTH- 365™ 透澈柔滑精華融入日常護膚流程持續使用, 可於數星期內改善粗糙、暗啞膚質, 令膚色更均勻亮白、觸感細滑、重拾絲般柔滑的年輕肌膚。此外, 它的先進焦柔科技尤如電腦的圖片修飾功能, 令肌膚於數秒間顯得平滑透亮, 十分適合用作妝前底霜, 讓妝容更貼服、更持久。
三種高效成份持續365天改善肌膚
1. Optical diffusers 能即時修飾瑕疪、粗糙肌膚及細紋, 肌膚呈現幼嫩滑溜。
2. Clarity-promoting extracts 淨澈活膚成份有效均勻膚色, 膚色更剔透亮澤。
3. High-tech power peptides 多胜肱複合成份, 刺激天然骨膠原製造, 增強肌膚彈性, 減淡幼紋。
使用方法：潔面後, 擠出適量, 輕輕從下巴至額頭以向上打圈方式輕抹全面及頸部, 特別留意粗糙的部位, 待完全吸收後塗上乳液, 亦可作妝前底霜使用。
使用前, 手紋明顯, 有 d 乾
使用後, 幼紋淡左少少, 有 d 滋潤感
膚質 : 混合偏乾, 轉季較易敏感, T 位易出油, 有色斑, 毛孔粗大
使用次數 : 20日
用後感 : 質 地乳液狀, 但推開好薄身亦好快吸收, 無任何香味, 搽左有即時撫平幼紋及毛孔, 令膚質望落好平滑, 膚色會均勻明亮 d, 但本身精華係無色既, 我諗係光線既效果所致, 朝早會當係 makeup base 咁, 乳液/cream 後用, 皮膚會即時平滑晒, matt d, 更易上妝及令粉底更貼面, 夜晚就 toner 後當精華用, 質感好爽, 之後搽 cream 都唔覺難吸收或好 lup, 但面部無明顯既皺紋, 使用時間亦唔長, 暫時唔知去紋效果如何。
名 稱 : Mane'n Tail Herbal Gro Shampoo & Conditioner
價 格 : 各 $88
容 量 : 各 355ml
產品介紹 :
Shampoo : 修復因電染而受損的鱗狀表層, 有效鎖色鎖水 減少掉髮, 含天然草本精華及水解蛋白配方等天然護髮元素, 集中修復因電染或負離子而受損的鱗狀表層, 有效減少秀髮開叉、折斷、毛燥及掉髮等問題, 配方專為電染髮質而設, 獨有鎖色鎖水功效, 以營養為本, 不含藥, 適合每天使用
Conditioner : 富含天然草本精華及維他命, 針對性修復鱗狀表層的受損部分, 含天然草本精華、維他命A、維他命B等護髮元素, 富含水解蛋白配方, 減少掉髮, 獨有鎖色鎖水功效, 專為電染髮質而設, 集中修復因電染或負離子而受損的鱗狀表層, 減少秀髮開叉、折斷及毛燥煩惱
左邊係 Shampoo, 右邊係 Conditioner, 之前 sogo 有 88折時買既, 都用左一排, 但之前同 body shop honey 夾住用, 所以未試真, 草本系列係 Mane'n Tail 最潤既系列
Shampoo : 淡藍色 lotion 狀, 有少少花香味, 泡沫都算多, 同埋好易起泡, 過水後好爽有少少啜手, 頭髮乾左後幾滑。包裝既貼紙寫住減少掉髮, 咁真係甩少左頭髮, 髮量厚左少少, 不過容量唔算多, 長髮既話都用得幾快, 相對唔平囉
Conditioner : 淡藍色 gel cream 狀, 同 shampoo 同一香味, 唔洗用好多都夠, 大約係 shampoo 既一半份量, 過水後好滑, 但頭髮乾左有少少飛散, 因為我用草本 shampoo 配其它 conditioner 係明顯貼服好多, 但草本真係爽好多, 尤其春季潮濕既日子, 到夜晚都唔會好 lup, 髮尾都唔會乾
