甲油 : Sally Hansen + SaSa + Seche

買左 d 新野, 當然要試下啦, 襯得閒搽下甲油先!!!

左 : Sally Hansen Base & Top Coat
中 : SaSa 甲油 - 蝦肉色少少閃粉 (無色號)
右 : Seche Vite Dry Fast Top Coat



搽左一層 base coat 既效果, 呢支雖然話可以 base & top 都用得, 但我覺得用黎做 top coat 唔夠令呀, 只會用黎做 base, 質地有少少杰, 但都幾易搽, 用左佢甲色持久 d 無咁易甩, 同埋感覺無咁傷甲。



係 sasa 買既自家牌甲油, 呢款好似係新出架, $18/1支, $30/2支, 另外買多支粉紅色, 係白蓋有香味架, 遲 d 再 post 俾大家睇, 講返呢支先, 睇隻色淡淡地幾自然, 有少少閃粉, 但唔覺眼, 質地好杰, 個掃又唔多好油, 好難搽得均勻, 麻麻地咋...





Seche 係 BE 團購返黎既, 14ml 大 size $50, 另外有細 size 好似係 5ml, 但都要 $2x, 緊係買大 size 啦, 話可以有 gel 甲效果好吸引呀, 質地好滑好易搽, 又快乾, 係幾令身, 但搽左兩層都唔覺有 gel 甲效果囉, 同平時既 top coat 差唔多咋.... 下次試下 sheep 用既 sally mega shine 先。





可能甲油個色太淺, 影左好多張都影唔到 seche 個效果, 係下面果張令身少少。

Kiss Me 纖長鬈曲睫毛液 (黑色)

名 稱 : Kiss Me 纖長鬈曲睫毛液 (黑色)
價 格 : $59
容 量 : 6g

產品介紹 :

* 增強版捲曲聚合物讓纖維更緊貼每根睫毛, 加倍華麗纖長效果達120%, 睫毛更鬈曲分明。
* 持久防水、防油層配方專門對抗汗水、淚水及油脂, 睫毛液不易脫落及化開, 睫毛整日鬈曲纖長。
* 弧形刷頭由根部開始提升鬈長度, 纖維更均勻分佈每根睫毛上。
* 含甘菊精華及山茶花油修護成份, 保護睫毛、預防折斷。
* 全新易卸配方, 從此卸妝更輕鬆。







 
中間果條唔知點解好似天線咁, haha, 次次最易夾曲... 好似舉手咁...






弧形刷頭都幾易搽, 不過刷頭好易有一 pat 睫毛膏, 如果想用刷頭搽眼頭睫毛呢 d 細微既部位就有 d 難啦, 所以見第三張相, 眼頭位置好似無搽野咁...

搽 一層好自然, 搽兩層就濃密 d, 不過搽得厚就會易一舊舊唔夠根根分明啦, 可能我手勢唔好掛... 纖長效果唔錯, 質地好輕身, 我 d 睫毛好軟, 已經好難夾曲, 搽埋 mascara 就好快 dup 返落黎, 用 kiss me 都唔嚴重, 同剛剛上果時只係差少少, 但佢真係唔易溶, 噚日都熱熱地, 出左半日街, 塊面有出汗出油, 但 mascara 一 d 都無甩, 我仲有流眼水, 試過輕力捽眼都無事。

落 妝方便, 搽一層既話用 biore cleansing oil 都卸得好乾淨, 我用 fasio makeup remover 再抹都抹唔到顏色, 搽2-3層既話, 用 biore 都卸到 7-8成, 用 fasio 既話敷幾秒都可以抹甩晒, 係貼近眼皮眼線呢 d 細微位要用棉花棒卸, 輕力掃幾下已經甩晒, 不過我無用過 MJ, 比較唔到邊款難卸 d 。

BE 團購 : 韓國文具

終於都收到啦......... 由 order 到收到貨, 同個團主都糾纏左成個半月.....

初 初 order 都 ok 架, 又可以揀面交及郵寄, 咁 d 簿咁重當然揀面交啦, 點知到團主收貨後 post 交收時間, 得三日揀, 全部平日, 有2日都係 6:00 前仲係灣仔 / 美孚, 一日 6:15 係旺角, 咁我要返工真係趕唔切, 佢話最多等 15mins, 咁我出旺角點都要 6:30, 叫佢等多 5mins 都唔得, 約星期六日又話唔得, 咁 ok 啦, 佢話要返 part time 好趕時間, 咁佢係灣仔返工, 我話約佢係灣仔等啦, 佢又推我話唔得, 咁小黑咪好好人, 話可以幫我約團主 office hour 係灣仔交收, 團主又話返工時間唔穩定, 就唔到時間, 咁我覺得, 即日都知自己返工返幾點掛... 咁都約唔到... 交收都唔阻好多時間姐... 唉~~ 都算啦, 大家都要返工, 我屈服揀郵寄啦... 但咁啱我去旅行, 叫佢早 d 覆我郵費過數俾佢... 佢又話唔係香港, 左推右推咁, 到我出發都收唔到佢 email, 咁我唔理佢啦...

到 18號收到佢 pm 話寄出左, 23號返到香港都仲未收到, 成個星期, 都有 d 擔心寄失或者俾人偷左架... 好彩今日都收到, 但又少左兩樣野囉... 我都唔知係缺貨, 寄漏, 定佢 hold 起啦, 佢一路都無提過少左兩樣野.... 而家叫佢退返缺貨既錢俾我, 好彩佢都肯退錢.... 但暫時都仲未收到... 以為收到貨件事就結束啦, 而家 d 咁靚既文具到手都無晒 mood 啦...

唉~~ 真係比個團主玩死, 見到佢個名都驚呀, 係 BE join 過咁多團購都未試過咁, 個個團主都好合作, 講清講楚先既, 係佢咁麻煩... 咁忙就唔好學人搞團購啦, 如果佢一早 post 埋時間, 我明知自己就唔到, 我一定唔會 join, 真係玩死自己....

各 位 sis 以後上網 bid 野, 團購, 任何有錢銀交易真係要問清楚先好俾錢, 真係好無奈, 唔係個個都咁好人, 真心搞團購, 唔係話賺錢唔啱, 只係唔好用幫人團購, share 運費呢 d 咁好聽既名字囉.... 唔好意思, 發左咁多 "勞穌" 添....

 

日本之旅 - 購物篇

今次同屋企人去東京, 加上 yen 價高, 無上次咁瘋狂啦, 只係買左好少野咋, 大部份都係香港未有既....



Biore UV Moist Face Milk SPF 50 PA+++
之前係台灣都買左支有色防曬, 不過仲未開, 見香港未有, 又好多人讚, 買黎試下啦, 有好多款, 試係手呢支係潤得黎唔 lup, 又唔會太乾

Nivea Protect Face Balance Milk SPF 50 PA+++
都係香港無啦, 呢支平 biore 少少, 試過 tester 同 biore 差唔多

Biore Cleansing Oil 230ml
呢支平時都用開, 原來有出大 size, 見幾得意咁, 979 yen 都算抵, 但最後一日見有間藥妝店特價 698 yen 咋, 仲平過細 size 100 yen... 平左 281 yen (HK$24), 揼心!!
男友話買多支溝淡佢, 唉~~ 算啦, 都用開只係見大 size 幾得意, 廢事買咁多啦

Dove 卸妝泡泡
係台灣 / 日本雜誌見過, 好想試呀, 呢支有 refill 賣添呀, 但無個樽又起唔到泡, 真係唔慳得, 行過幾間, 價錢都差幾遠, 我算買得平 698 yen, 有 d 要 880 yen 架

Utena Mask
無諗住買, 因為果邊太乾, 我敏感爆拆又甩皮, 頂唔順買黎急救

Mandom Barrier Repair Concentrate Serum
香港好似未出, 質地都幾爽, 秋冬用都 ok, 1080 yen, 又係買貴左... 第二日見到 1008 咋, 差成 HK$6

Shiseido Anessa Townuse Milky Sunscreen SPF 32 PA+++
呢支無買貴啦, haha, 有 7折, 為返 HK$190 有找, 香港 counter 賣 $230 架

Elisha Coy Always Nuddy BB 24
其實都唔知好唔好用架, 見唔貴買黎玩下囉, 介紹有寫防 uv, 但無標明 spf 幾多

Kose Delicious Kiss Lipgloss
俾個扭紋色吸引左啦, 但好平 498 yen 咋, 另外有雪糕味淺粉紅色, 朱古力味 beige 色

UV Sensor 鏡
淨 係個玫瑰花紋都夠吸引啦, 原本見到有淨黑色, 紅色, 淺粉紅色, 點知見到呢塊, 可以 check uv 架, 有紫外線會由粉紅變紫色, 試過無陽光, 都會變淡紫, 有太陽仲變到好深色添呀, 幾得意, 又唔貴, 買左2塊, 一塊俾自己, 一塊做手信送俾 friend

日本之旅 - 飲食漫遊篇 (Part 2)

築地壽司, 流口水呀, 不過師父整少左舊 tuna 同蝦俾我同男友, 走左先知, 蝕晒啦



醬爆海膽









東京鐵塔, 夜晚影靚 d



望落去都唔係好高咋... 之前係台灣 101 高好多 lu



好多日, 呢日超好天氣



八爪魚丸, 係原隻巨型八爪魚塞左入去.... 好好味, haha



馬肉刺身, um... 無乜特別, 牛肉好味 d









戰利品, 主要係野食啦

日本之旅 - 飲食漫遊篇 (Part 1)

大家, 我返黎啦, 呵呵, post 相俾大家睇下啦

出發 lu (手震)

深大寺公園, 好多鬼太郎





入面 d 位係俾人食野架, 檯面果 d 係 meun 黎





蕎麥饅頭, 入面紅豆餡, 好味!!







情如暗裡一隻蚊呀, 咬左個心形吻痕



食到最後一粒先記得影相





酒店房, 都唔錯呀, 比想像中大及新淨



床裖仲係 simmons, 好舒服呀







yahoo 每篇只係可以 post 20張相, 所以要分 part 2 啦!!

未出發先興奮!!!

各位 :

今晚... 對我黎講好重要... 心情好興奮...

等左一個月, 今日終於都來臨啦...

我並唔係結婚呀, 嘻嘻,


只係會同屋企人去東京旅行咋


呢個時間, 我應該已經到達機場等上機,

請祝我旅途愉快吧!!

返黎應該會 post 我既旅程及戰利品, 等我呀, yeah~~~

真係未出發先興奮, 未到日本已經想買野,

咁就係 sasa 買左支 Kiss Me Mascara 止下咳先啦,

用後感返黎先 share 啦 

凹凹賞第九回

秀麗韓乾粉餅 (按此) , Cezanne 2 way, 之前都 post 過見底文架啦, 近期用到得返個框咋, 用掃或粉樸都好難用, 決定用黎溝碎粉!!!




用個細掃慢慢掃 d 粉出黎, 咁就唔會起粒粒, 幼細 d 架, 用 chacott 碎粉溝, chacott 本身係白色, 所以溝出黎都好淺色, 但就有少少 coverage。



Yeah~~ 變到光禿禿, 一粒都無啦!!! 大家有唔啱用既乾粉或 2 way, 都可以試下咁做架, 唔好晒野嘛。

廣源良鳶尾花抗皺緊緻面膜

名 稱 : 廣源良鳶尾花抗皺緊緻面膜
價 格 : $45
容 量 : 10片

產品介紹 :

含鳶尾花、乳香、鼠尾草等緊妍活膚成分萃取精華, 能啓動肌膚年輕緊緻活力, 延緩老化現象, 平滑肌膚紋理使肌膚光滑細緻, 並添加紫羅蘭葉、Glucans 天然植物膠醣體, 能修護並提高肌膚的防護力, 回復肌膚緊實的年輕光采。
適合各種肌膚 (推薦有小細紋等困擾者)。



近排天氣有 d 秋意啦, 皮膚都好似變得易乾左, 平時用開既 gel mask 始終唔夠 paper mask 補濕, 所以即刻買返盒 mask 急救下先~~

cutting 同白玫瑰果款係一樣既, 尚算貼面, 只係鼻位個窿大左 d, 唔覺有香味, 或者我聞唔到啦, 嗅覺比較遲鈍, haha, 入面既精華都唔算少, 敷 30mins 塊 mask 都唔乾, 精華係透明水狀, 敷完按一陣, 唔洗過水都好爽唔 lup, 以為抗皺質地會滋潤 d, 又唔覺喎, 當然去皺效果唔係明顯啦, 我都唔會有太大既期望, 但補濕度唔夠白玫瑰好, 下次都係買返白玫瑰, 有香味又補濕 d !!!