"甲" "指" 情緣

近期買既指甲用品



我本身既甲形比較尖, 唔係而家興既方形甲, 所以係 sasa 買左呢個可以剪到方甲既指甲鉗 $45, 仲可以較長短位, 配合返每個人既喜好或甲形。



剪完後用甲銼修返個形就 ok 啦, 都唔錯呀, 但側邊唔夠長, 所以未夠方



係卓悅買既 Callar 甲油 $19, 但買左先見到個底寫住 B/C, 我估係 Base Coat, 但有少少色及閃粉, 所以我都係當佢甲油咁用, 唔杰好易搽, 搽左 2層既效果。



係地鐵站商舖買既日本 PA 甲油 $25, 個粉紅色好靚, 好似 d 底油咁, 唔算太好搽, 相中係搽左2層, 遮到本身指甲既色, 帶少少淡粉紅, 用黎畫法方打底好啱, 好自然。