Shiseido Anessa Milky Sunscreen

名 稱 : Shiseido Anessa Milky Sunscreen (Town Use) spf32 pa+++
價 格 : 2205yen (約 HK$155, 原價 $230)
容 量 : 60ml

產品介紹 :

‧精華液般潤澤，乾性肌膚或天天使用都能持續柔嫩觸感。
‧採用超強防禦劑，阻斷紫外線。
‧採用防乾燥設計，以玻尿酸配合保濕防護層，減少肌膚負擔與緊繃感，防止肌膚乾燥不適。
‧含多重保養成份，強化肌膚內部功能。
‧耐汗、耐皮脂效果優異，長時間持續紫外線防禦效果







之前用過 Anessa Town Use spf43 果款, 有少少肉色, 但隻色對我黎講白左 d, 同埋好乾, 唔化妝都 ok, 有調色作用, 但化妝到 lunch 後開始大有 d 乾, 同埋唔貼妝, 會甩到一撻撻。

呢支係男友舊年去日本時幫我買既, 所以好平 (yen 兌換無咁高), 呢支好用過 spf43 好多, 防曬度 spf32 平時返工都好足夠, 質地乳液狀, 易推唔油, 搽果時似搽緊 lotion 咁, 化妝後粉底都算貼面唔易溶, 返工係冷氣地方都唔乾。

用過 sofina, biore, loreal, clinique 單搽唔化妝, 搽果時好爽, 但過一陣勁出油, 多到可以煎蛋, 但呢支唔會喎, 都有少少油, 但唔係反晒光咁, 似搽完 night cream 果種滋潤感, 但唔知天氣再熱 d 會唔會都係咁。

佢用普通卸妝都洗得乾淨, 唔洗好似金色超防水果款要用返 shiseido 自家專卸防曬果支 gel。雖然價錢唔平, 但有成 60ml (普通防曬 30ml), 又唔 lup, 我會豪用, 回購機會好大, haha~~ 如果香港賣得平 d 就好啦。