12 底妝 Sample 用後感

平時換換埋埋好多粉底 sample, 今次一次過拎出黎用下, 順便寫埋用後感啦!!! 好多 brand 都係第一次用。



1. Cathy Cat Colorist Moisture in Day Liquid Foundation #21 
coverage 幾高, #21 比我平時用果 d 無咁白, 但都唔會暗黃, 幾夠潤但唔 lup, 返工係冷氣地方大半日都唔覺乾, 出少左油, 鼻位同下巴都無乜點溶, 係 oil free 既, 都唔錯喎, 可惜得2隻色揀。

2. Shu Uemura Water Perfect Smoothing Water-in Fluid Foundation #564 
好水幾薄幾好推既, 但隻色深左 d, 同埋好易溶呀, lunch 後 T 位都甩到七七八八。

3. Sooryehan DabitYoon JiYoon Foundation #23
好 香秀麗韓既中藥味, 顏色較深, 我平時係用 21色既, 質地係 cream 狀, 夠潤但唔 lup, 上面後都算快乾, 我未搽晒全面已有少少難推, coverage 非常高, 搽一層, 再係有雀斑地既地方印多層, 已經遮到九成, 毛孔都遮到少少, 當然 coverage 高既代價就係粉感重, 質地滋潤, 咁啱試果日出街落雨, 都出油同 T 位溶妝, 但都無乜浮粉, 算 long lasting, 可能返工係室內開冷氣, 或秋冬用應該唔錯。

4. Paul & Joe Moisturising Foundation Primer #01 (無影相)
係最淺既色號, 質地有少少難推, 但 coverager ok, 單搽再上碎粉面色已經唔錯, 用左佢上 fdt 好貼面, 幾個鐘都無溶喎, 但好似無其它人 comment 既咁好, 但都可以考慮買支試下既。

5. Paul & Joe Creamy Powder Compact #30
個色對我黎講太深啦, 補妝都唔得呀, 質地係 creamy 變粉狀, 而家天氣用有少少乾, 中度 coverage 唔粉樣, 但要好快手先得, 唔係變左粉狀就好難推啦, 唔係咁易控制, 如果買都買 2 way 果款會好 d。

6. Paul & Joe Protective Fluid Foundation N #30
雖 然都係 30號色, 但比起 creamy compact 無咁深色喎, 搽薄 d 我都用到幾自然, 質地好水好薄, 少少已經可以搽全面, coverage 低, 仲似仲低過佢支 base, 只係 tone 都面色, 暗瘡印都未必遮到, 所以會自然到好似無化妝咁, 上埋碎粉都唔覺有搽粉, 鍾意化 nude 妝既 sis 啱晒, 如果 base + fdt 咁用 coverage 應該會好 d, 妝效係自然既光澤感, 有少少出油及溶妝, 但唔會用到一撻撻, 可能太薄, 甩左都唔覺眼。

7. Ipsa Pure Control Base (Yellow)
有 三個色, 粉紅、藍、黃, 因應不同既膚色可局部或全面使用, 係 ipsa 做 skin test 我既膚色啱用黃色, spf15 pa+, 有少少調色作用, 但 coverage 唔高, 只係令皮膚有光澤感, 質地係 cream 狀, 幾好推但潤左 d, 可以令粉底用量減少, 但較易溶妝, 膚質好既 sis 可以單搽 base + 碎粉都 ok。

8. Ipsa Pure Protect Liquid Foundation #101 
有 spf25 pa+++, 唔易曬黑或出斑既 sis, 唔搽防曬淨用佢都夠, 顏色都係做 skin test 時揀出黎既, 但我覺得初初上黃左少少, 推薄左及上埋碎粉先 match 返膚色, 質地好薄, 易推好貼, 好爽唔乾, coverage 唔錯, 深色既印、雀斑及黑眼圈搽多層都遮到 7-8成, 剛上妝妝效唔錯, 有少少粉感但唔厚, 到下午有少少乾, 搞到乾到出油, 到放工 T 位溶左一半, 眼袋有少少乾, 佢唔太啱長時間係冷氣地方既 sis, 或者天氣再熱 d 可能會好 d, 始終係夏天既粉底。

9. Estee Lauder Nutritious Vite-Mineral Makeup #01
顏 色幾啱我膚色, 因為講到唔知用咩智能配色科技... 其實只係 BA 拎住個色板係塊面左度右度咁, haha, 講返個 fdt 先, 質地係 light cream 狀, 易推開, 少少已經可以搽全面, 細細支 sample 都用到好多次, 上面後有 d mat 好爽既感覺, 但唔乾, 遮到毛孔, 不過唔知係咪礦物粉底既色都偏暗, 我覺得返到公司好似無啱啱上妝咁白淨, 持久度都 ok, 到放工差唔多 10個鐘, 鼻位都無乜出油及溶妝。

10. Everyday Minerals Foundation
近期好 hit 既礦物粉底, 係 everyday minerals web site 有 free sample makeup kit 只 要付郵費就可以, 包括 3個不同顏色及 formula 既 foundation, 1 款 blush, 1 款 concealer, 而我果 d 係 sheep order 左俾少少我試既, 講返個 fdt 先, minerals fdt 顏色比較深, 雖然係粉狀, 但 coverage 高, 薄薄掃一層都 ok, 有時唔覺掃多兩下就會厚左, 但呢個 brand 太多顏色揀, 又有幾款質地, online 訂既話, 有 d 難度, 同埋都幾易溶。

11. Everyday Minerals Blush
blush 都 ok, 輕掃兩下已經好顯色, 但 d 色都係暗左 d, 唔似平時用既咁 pink, 有白裡透紅既效果。

12. Everyday Minerals Eye Concealer
呢個唔錯, 隻色幾啱我膚色, 同埋粉妝無膏狀咁厚及乾, 但有時掃得唔均好易一撻撻, 上 minerals makeup 都要個掃印左 d 粉之後, 係紙巾印下, 然後再上面會好 d , 平均 d 又唔會上得太厚, 寧願唔夠先再掃多層。

Shiseido Anessa Milky Sunscreen

名 稱 : Shiseido Anessa Milky Sunscreen (Town Use) spf32 pa+++
價 格 : 2205yen (約 HK$155, 原價 $230)
容 量 : 60ml

產品介紹 :

‧精華液般潤澤，乾性肌膚或天天使用都能持續柔嫩觸感。
‧採用超強防禦劑，阻斷紫外線。
‧採用防乾燥設計，以玻尿酸配合保濕防護層，減少肌膚負擔與緊繃感，防止肌膚乾燥不適。
‧含多重保養成份，強化肌膚內部功能。
‧耐汗、耐皮脂效果優異，長時間持續紫外線防禦效果







之前用過 Anessa Town Use spf43 果款, 有少少肉色, 但隻色對我黎講白左 d, 同埋好乾, 唔化妝都 ok, 有調色作用, 但化妝到 lunch 後開始大有 d 乾, 同埋唔貼妝, 會甩到一撻撻。

呢支係男友舊年去日本時幫我買既, 所以好平 (yen 兌換無咁高), 呢支好用過 spf43 好多, 防曬度 spf32 平時返工都好足夠, 質地乳液狀, 易推唔油, 搽果時似搽緊 lotion 咁, 化妝後粉底都算貼面唔易溶, 返工係冷氣地方都唔乾。

用過 sofina, biore, loreal, clinique 單搽唔化妝, 搽果時好爽, 但過一陣勁出油, 多到可以煎蛋, 但呢支唔會喎, 都有少少油, 但唔係反晒光咁, 似搽完 night cream 果種滋潤感, 但唔知天氣再熱 d 會唔會都係咁。

佢用普通卸妝都洗得乾淨, 唔洗好似金色超防水果款要用返 shiseido 自家專卸防曬果支 gel。雖然價錢唔平, 但有成 60ml (普通防曬 30ml), 又唔 lup, 我會豪用, 回購機會好大, haha~~ 如果香港賣得平 d 就好啦。

Canmake Nail Polish

舊年秋天開始都好少搽甲油啦, 咁啱行街係 CWB Time Square canmake counter 見到, 隻色幾靚, 最後一支都俾我之前個女仔買左, 諗住問下 promoter 啦, 有就買, 無就算, 點知仲有兩支喎, 咪買黎試下, $34 好抵玩呀。



桃紅色, 有好細粒既閃粉, 但影相粉色 d "真人" 紅 d 架, #93 號色。





顏色有 d 半透明, 要搽 2-3層先有樽身既色, 即係我張相搽出黎既效果, 呢個色用黎做底色係面畫花, 或者搽淺色做底, 然後加佢係指甲邊個位, 應該都會幾靚。

秀麗韓秀潔面泡沫

名 稱 : 秀麗韓秀潔面泡沫 SooRyeHan Soo Cleansing Foam
價 格 : $244
容 量 : 160ml
使用時間 : 10日

產品介紹 :

秀麗韓秀含有天之靈氣, 給皮膚賦予生命力。
若不能留住先天之精氣, 也不能滋養後天之精氣, 皮膚的基礎物質 - "氣血精" 就失去調和, 導致皮 膚生命力缺失, 這叫"皮膚虛衰"。為補養虛衰的皮膚, 應補充先天之精氣與後天之精氣, 使氣血精調和。

調和氣血精意味著賦予皮膚生命力, 即分別調節氣、血、精, 防止皮膚細胞氧化, 使皮膚白晳透明, 并激活皮膚細胞, 給皮膚供應充足的水份與營養, 增強皮膚彈性。

本產品是一種低刺激性韓方潔面泡沫, 含有魚腥草、牛蒡子、石榴等低刺激性成份, 溫和地清除堆積在皮膚表面的老廢物和化妝品殘垢, 還含有充滿花氣的花露水, 洗臉後沒有緊綳感, 使皮膚保持濕潤、富有生機。




吱出黎係啡黃色, 都幾核突~~



好易起泡, 咁少份量都起到一細舊泡, 泡沫幾幼細綿密。



好香中藥味, 過水後好乾淨, 又唔乾, 黑頭走米都易清左。雖然唔平, 但咁大支我諗可以用一年, haha

The Body Shop 入會及購物

Body Shop member 都幾多優惠, 但佢好衰唔可以講電話號碼, 一定要咭主及 show card 先可以用 (佢地話會對資料), 所以有時想買平野都要托朋友幫手, 有 d 麻煩, 都想 join member 好耐, 終於噚日都俾 $75 入會及買左野啦, 因為 join 左第一次購物正價貨品有八折, 咁就買左 Honey Shampoo 400ml $149, Honey Conditioner 400ml $165, Tea Tree oil 精華油, 咁新入會有 Memeber Card, 儲分卡及 $50 coupon, 但張 coupon 要一個月內購買正價貨品, 然後會員九折後滿 $250 先可以用, 特價品及折扣品唔用得。

Honey Conditioner 好好用, 好香, 夠潤又滑, 但夏天用會潤左 d, 諗住留返秋冬用, 想試埋個 shampoo, 一 set 咁用正 d 嘛, haha。

Tea Tree Oil 就係我個 fd 話好用, 我有時都會一兩粒瘡, 買黎看門口都好。

Ipsa Skin Test (2009-4-14)

 


上星期德福 ipsa 打俾我, 問我上次 roadshow 買 d products 用成點, 話約時間做返 skin test, 然後送返啱夏天既 sample 俾我, 有 sample 送當然去啦。

到 4/14 號, 準時去到 ipsa 啦, BA 好細心呀, 斟水俾我, 然後幫我抹面卸妝, 然後 check 水份、油脂、彈性、透明感、肌膚紋理... ipsa skin test 全部都係 50分為合格, 上次無 check 水份及油脂, 今次水份得 30, 好低呀, 我皮真係好缺水, 油脂面頰 54, T 位 43, 平均係 49, 啱啱合格, 透明感 89, 呢個唔錯, 因我膚色幾白, 又成日敷 mask, 但基底層色素得 51, 底層黑色素好勁, BA 話保養得唔好, 好易出斑同曬黑, 彈性有 72 比上次 66 高左, 肌膚紋理都係麻麻, 三角紋都係唔夠深。

跟住 BA 見我底層色素深, 及缺水, 叫我試美白及補水精華, 就俾左 Metabolizer White EX2 x 2, Essence Moisture Keep Up EX x 2 我試, 完全無 sell 我買野, 叫我返去試左先, 2星期後再約做 skin test, 睇下 d sample 用成點, 我諗下次去 check 都好難唔出血架啦, haha, BA 唔 hard sell 真係幾難推, 同埋我罌 lush mint mask 差唔多用晒, 都想買支 Refiner Skin Clear-ize Clay 試下, BA 見我想試, 可惜無 sample, 佢幫我試係手, 有 d 好幼既粒粒, 清潔 mask 兼磨砂 $300 雖然唔平, 但都 ok 既。

d sample 我未試, 諗住做 skin test 前先開, 咁個 test 會準 d, 用左再寫用後感啦 !!

Kao Essential Nuance Airy Set

見到呢個產品既包裝已經吸引 到我, 價錢亦唔貴, 大 size 550ml 都只係 $49.9, 200ml $25.9, 諗住用晒屋企既存貨會買黎試, 點知過左無耐就出左呢 set, 有洗髮露 200ml + 護髮素 200ml + 修護素 120g, 只賣 $49.9 咋, 淨係兩支洗髮露 + 護髮素原價都要 $51.8 啦, 而家平左不突止, 仲有支修護素送喎, 仲點忍得手。



粉紅色係飄逸輕盈, 啱夏天用, 都有左好耐買橙色定粉紅色, 見粉紅色有玫瑰精華, 即買啦, 我對玫瑰既野係無自制能力。



橙色係豐盈滋潤



打左開係咁既



背面




洗髮露
有少少士多啤梨既甜果味, 好多泡, 洗得幾乾淨, 過水後好爽。

護髮素
都係同一款香味, 唔算好潤, 用完頭髮都好順, 乾髮後真係輕左無咁塔, 呢幾日落雨, 到夜晚都未 lup。

修護素
質感同護髮素差唔多, 只係杰少少, 香味一樣, 過水後好 smooth, 乾髮後好滑, 唔易打棘, 比起我用 body shop honey conditioner 爽好多。

 

永和三美人粉樸

呢個係台灣好出名既粉樸, 用黎化妝、洗面都得, 之前係卓悅見過, 有粉紅色既中 size, 同藍色既大 size, 我覺得用黎化妝就太大啦, 噚日放工行 sasa, 見到有黃色細 size 喎, 所以買黎試下啦, 中 size $5.5, 細 size $4。



打開係咁既, 同平時用既三角棉比較, 永和軟好多, 但三角棉密度高 d, 所以實淨 d。
背面有介紹可以乾濕兩用, 用黎洗面, 上粉底都得。



今朝用左細 size (黃色) 黎上粉呀, 比起三角棉大好多, 今朝唔知醒上粉快好多, 我上粉底既習慣係用手搽左, 然後再用粉樸推薄 d, 然後用按壓既方法, 令粉底貼面 d, 個粉樸質地軟, 大力推都唔會令皮膚拉址得勁, 亦無啜面, 雖然個粉樸幾厚, 但屈曲佢, 鼻翼位, 眼位都無問題, 同埋佢真係無平時用既粉樸咁食粉喎, 怪不得之前香港未有時, 咁多 sis 去台灣掃貨啦。
中 size (粉紅色) 咁大塊暫時未諗到點用, 因為我唔會用粉樸洗面, 擺住先啦, 或者用黃色交替用囉, haha, 仲諗住買左三角棉唔需要再洗粉樸, 可以懶下添。

Custom Made by Health Quest 100% Squalene

名 稱 : Custom Made by Health Quest 100% Squalene
價 格 : $68 (另有 $198/30ml)
容 量 : 10ml
使用時間 : 12日

產品介紹 :
 
Olive, For all skin type and eczema skin type. Key benefits: Easily absorbed by skin, moisturizing and conditioning.
 












睇完袁小姐個 blog 介紹之後, 對佢介紹果款都有興趣試, 角鯊稀係皮膚本身有既物質, 令皮膚有彈性, 但隨住年紀增長, 25歲後, 身體機能產生角鯊稀既能力開始減弱, 慢慢流失, 咁外用角鯊稀 (squalene) 同人類既角鯊稀相同, 容易被皮膚吸收, 袁小姐講到可以修補受損細胞, 收毛孔好勁咁, 見 BE 有人話 citysuper 有另一個 brand 平 d, 咁就買黎試下啦, 但呢支野無寫開左可以用幾耐!!! 呢 d 醫生品牌或提煉既野開左應該唔放得耐...

袁小姐講係 toner 後用, 我試過跟佢咁做, 因為 squalene 係油狀, 用1-2滈用手暖和後輕印上面, 唔知係咪皮膚薄, 我輕按果時塊面有 d 紅, 同埋搽左 squalene 後搽既 skincare 吸收得較慢, 所以我轉左 toner & essence 後用, 然後先搽 cream, 咁就好好多, 無紅又吸收得快, 仲令 essence 都吸收得好左, 可能有油份鎖住 d essence。

用左一段時間, 皮膚都無敏感或出粒粒, 但彈性及收毛孔暫時未見效, 可能用既時間都係短。

Ipsa Metabolizer Extra Kit

名 稱 : Ipsa Metabolizer Extra Kit
價 格 : $360
使用時間 : 1個月


 
Cleansing Milky Foam 50ml泡沫細緻，質感柔滑，蘊含高度保濕的海藻糖及百合精華，深層滋潤乾燥肌膚，讓肌膚迅速回復柔潤嫩滑, 適合乾燥脫皮肌膚。

用後感 : 用1-2泵已經起到好多泡, 泡沫唔算好幼細好密, 用左一個月只係用左少少咋, 有橙花味, 初初用天氣濕度無咁高, 就有少少乾, 但而家天氣用就唔錯啦, 洗完都幾乾淨。

 
Preparing Clear Lotion EX 2 30ml蘊含具高度保濕功效的白百合精華，滋潤硬化缺水的膚質，溫和地帶走含黑色素的老化角質和毛孔內的污垢，令膚質通透潤澤，提昇肌膚的吸收能力, 適合中性至乾性肌膚。

用後感 : 呢個真係無乜特別, 補濕同去死皮功效未見突出, 同平價既 toner 差唔多, 所以用完回購機會好微。


 
Metabolizer EX 3 50ml高效活性緊膚分子活化纖維母細胞，促進膠原蛋白及透明質酸的更生，減少彈性纖維流失。另外極速滲透分子加速水亮複合物迅速滲透肌膚，配合平衡離子配方，預止水分流失，肌膚加倍飽滿緊緻, 適合油至混合性肌膚。

用後感 : BA 話要用化妝棉上, 2泵份量, 但咁樣會用得好快, 所以我都係用手上咋, haha, 呢款係增加皮膚彈性既, 質地似杰身既 toner, 好補濕, 但唔太夠潤, 之後要再搽 cream 銷水先得, 有機會回購既買 2號好 d。


 
The Time Reset Essence W 10ml
高智能雙重鎖水保護屏障，24小時追蹤缺水肌膚，水分全面滲透同時緊鎖於角質深層。配合強效美白成份，肌膚從此細緻嫩滑，剔透亮白。

用後感 : 雖然叫精華, 但係 metabolizer 後用, 質地好水咁, 但都有少少潤, 而家天氣用完仲有 d lup 添, 我用2泵份量, BA 話1泵都夠架啦。


 
購物記舊 post (按此)

Orbis Cleansing Liquid

名 稱 : Orbis Cleansing Liquid Refill
價 格 : NT$434 (約 HK$108)
容 量 : 150ml
使用時間 : 12日

產品介紹 :

不含油份, 質感水潤不黏膩, 用感非常舒適。以植物潔淨成份取代油份, 只徹底卸除彩妝污垢, 保留肌膚天然皮脂保護層, 令卸妝後的肌膚潔淨嫩滑, 不油不乾。此外, 更通過粉刺及過敏測試, 證實不會引致暗粒、敏感, 即使暗瘡性膚質都可放心使用。

蘊含30%以上保濕成份的Moisture Base 配方, 配合尤加利、香蜂草、迷迭香三種草本精華的植物性治癒力量。賦予缺水的肌膚保濕滋潤, 溫和卸掉全面彩妝。濕手用亦無損其卸妝力, 方便於沐浴時使用。如美容液般柔滑的質感, 能輕易於面上推開, 迅速卸妝。








質地較 cleansing oil 杰身, 有少少難推, 防水 mascara 及唇彩都卸唔到, 卸妝力唔及 cleansing oil 好, 好彩係台灣買 refill 試下, 如果係香港買真係 dom 心啦, 原價好似 hk$159 添...
可能我唔係油性皮膚, 唔易出暗粒, 所以唔需要用到 oil cut, 亦用到卸妝油, 所以對我黎講效果麻麻, 如果用唔到 oil, 又唔想用卸妝水既, 都係一個好選擇黎既。

彩豐行 Mayblesally 草莓乳酪面膜

名 稱 : Mayblesally 草莓乳酪面膜 
價 格 : $25
容 量 : 100ml
使用時間 : 10天

產品介紹 : 

含豐富維他命，能有效抗氧化，延緩衰老現象，令肌膚迅速回復生氣。只需持續使用，便可經常保持肌膚的抗氧能力，令肌膚時刻柔軟細滑及有光澤。






 
白色 cream 狀, 有 d 紅色粒粒



推開都好薄, 但 d 粒粒按唔爆




好香既士多啤梨味, 搽上面無拿無敏感, 敷時都無乜唔妥或其它感覺, 無涼涼地, 只係試過皮膚好乾, 鼻位有少少拮, 但只係試過一次, 平時敷 mask 習慣過水前會打圈按摩等個 mask 吸收下先既, 但呢個 mask 敷左 15-20mins 後有 d 半乾, 已經按唔到 lu, 但敷時又唔會好似 deep clean mask 咁覺得繃繃緊喎, 質地有少少似敷唔乾既 clay mask 咁, 過水後皮膚真係好柔軟細滑, 有少少滋潤感。

Isa Knox Ideal Ringer Set

係 BE 見有人講, 於 4/1 - 4/30 購買完美淨白去黃套裝 $688, 可於 5/1 - 5/31 全數回贈任何正價貨品, 即係差唔多半價, 即刻唔執輸買返套啦。
支 Ideal Ringer 原價都要 $588 架。







套裝包括 :

Ideal Ringer (蝦紅素 / 透明質酸 / 絲膠蛋白) 40ml
淨白抗氧潔面泡沫 50ml
淨白抗氧精華 10ml
重點透白去班霜試用裝

BA 送左兩包透明質酸 (藍色) Ideal Ringer Sample 俾我, 之前換過一包蝦紅素 (紅色), 呵呵


優惠條款 :

- 每人(每個會員a/c)只限購買淨白體驗套裝 $688 一套及享全數回贈一次
- 非會員須成為會員後才可享有全數回贈優惠
- 全數回贈之自選產品必須是正價產品, 不包括套裝中相同的 Ideal Ringer 系列產品、特價產品及套裝


產品介紹 :


Ideal Ringer astin C drop 蝦紅素 - 紅色

蝦紅素原液作為林格氏液的配方, 其相當於維生素E高500倍、比CoQ10高800倍的抗氧化效果, 有效淨化有害的游離基, 恢復皮膚細胞健康, 預防肌膚衰老讓你留住童顏肌膚。

嚴 選有亞馬遜水果皇之稱的巴西阿薩伊莓果作另一超強抗氧化配方, 它已經被現代科學証實擁有地球上其它任何水果都不能媲美的營養價值和治療疾病的特性, 是莓類中的極品, 其抗氧化效果是野生藍莓的2.4倍, 是紅葡萄酒的33倍。它與蝦紅素結合時, 更能逹至相當於維他命C 6000倍的強效改善暗黃膚色的效果, 有效淨化毒素, 令肌膚展現透亮澄白。
蝦紅素是海洋生物體內大量含有的物質, 其色彩呈現為橘紅色。astin C drop使用了蝦紅素的橘紅色原液, 所以產品的顏色也是橘紅色, 絕對不是人工合成的顏色, 只需一滴即可發揮特強的抗氧化效果。


Ideal Ringer silkroin drop 絲膠蛋白 - 綠色

毛孔變得粗大, 基因於膠原蛋白受到破壞及流失。高濃縮絲膠蛋白, 能為肌膚迅速滲透至真皮層補充大量膠原蛋白, 其濕潤並富有彈力的本質不僅能填平粗大的毛孔, 令毛孔變得緊緻, 而且使粗糙的皮膚紋理變得光滑、細緻、柔嫩。
Dermican 成份有效防止膠原蛋白鬆弛下垂, 增強膠原蛋白的穩固性, 防止肌膚鬆弛失去彈性。

蠶絲由絲膠蛋白纖維所組成, 與人體有極佳的相容性。絲膠蛋白的分子量僅是膠原蛋白的200分之一, 可立即穿透皮膚角質層, 迅速滲透至真皮層補吸收。


Ideal Ringer medihyalon drop 透明質酸 - 藍色

透明質酸是大家熟悉的保濕物質, 但是 Ideal Ringer 所選用的醫藥用透明質酸並不是我們經常了解到的被用於護膚品當中的透明質酸, 它是韓國國內唯一的醫療用透明質酸, 由LG生命科學作為世界性的醫藥品研究機構所提供。

LG 生命科學的醫藥用透明質酸現已經出口到20個國家的醫院作眼晴、膝蓋關節及皮膚移植等手術用的保濕注射劑, 其保濕的效果及滲透力與護膚品中的高濃縮透明質酸是無法比擬的。當它進入細胞時, 擁有結合相當於細胞重量1000倍水份的能力, 迅速發揮有如皮膚儲水箱的保濕效果。


使用程序 :

Toner -> Astin C Drop (紅) -> Medihyalon Drop (藍) -> Essence -> Silkroin Drop (綠) -> Emulsion -> Cream -> Eye Cream

唔一定要3款用晒, 可因應個人需要作加減。


嘩!! 打到手軟, 報告完畢~~

Isa Knox 秀麗韓保養營養面膜

名 稱 : 秀麗韓保養營養面膜 
價 格 : $376
容 量 : 140ml
使用時間 : 3個月

產品介紹 : 

24K純黃金和高濃縮西施玉容丹, 迅速為肌膚注入大量營養和水份, 並能鎮靜敏感肌膚, 最適合因季節轉換而令皮膚乾燥缺水時使用。




唔捨得用, 所以用左3個月都仲有咁多, haha




Mask 入面閃閃地果 D 係金泊黎架, 好矜貴咁呀~~




舊 post 購物記可按此
個 mask 既包裝好靚架, 打開係深啡色 gel 狀, 有少少金泊, 好香中藥味, 用附設既棒仔2匙份量, 我諗一粒珍珠多少少啦, 薄薄地敷全面, 啱啱遮到本身膚色, 敷 15-20mins 過水, 雖然唔算超吸補水及滋潤, 但真係有營養咁, 敷完皮膚有返朝氣咁, 一罌 140ml 都幾大罌, 幾襟用, 缺點係貴左 d 囉, haha。

我的睫毛用具

平時我多數化淡妝, 只係底妝 (Base + Foundation + Loose Powder), 胭脂, 唇膏/唇彩, 就出門口返工架啦, 好少會化眼妝, 一黎唔太識化啦, 二黎化眼妝感覺好明顯有化妝咁, 一路都以為自己 d 睫毛又幼又軟, 夾唔起, 點知同個朋友講開, 佢話佢以前都好似我咁, 又係夾唔起睫毛, 跟住佢買左個 Shiseido 睫毛夾就好好多啦, 咁啱行 sasa 又見到有得賣喎, 就買左個試下啦, 點知真係得喎, 夾到好翹好曲呀, 搽埋 mascara 真係有太陽花效果, 我諗呢個睫毛夾就係好多 sis 大推果款掛, HAHA。





Shiseido 匠之技睫毛夾 #213
弧度夠, 所以分開2次夾, 眼頭及眼尾既睫毛都夾到, 同埋夾睫毛要分三段 (根部, 中間, 尾部) 夾, 咁就唔會 L 形起角, 會有少少彎彎地, 自然 d, 然後 45度角向上提, 咁就會好翹架啦, 真係唔好意思, 我唔記得影個包裝盒, haha。

Canmake Quick Lash Curler
梳形掃頭, 所以唔會搽多左, 令睫毛 dum 落黎, 又快乾, 但真係要快手搽一層, 搽2層或搽得多都會起白色粒, 但 hold 到個形唔錯。
試過用黑色 mascara 後再上, keep 得幾好, 最好就係無變熊貓眼, 睫毛唔重無 dum 落黎, 不過一定要用 eye makeup remover 落, 用 pond's cleansing oil 都卸唔到, 用 fasio 都敷一陣仲要抹多幾下先卸得乾淨, 長期係咁好驚出眼紋!!

VOV Eyehell Mascara
係 卓悅買既, 無得試都唔太想買, 但個男 sales 好推介, 係咁話好用, 見唔貴買黎玩下啦, 係透明既睫毛液, gel 狀有少少厚重, 搽完 mascara 未乾 d 睫毛已經 dum 左少少落黎啦, 第一日用完, 唔記得左搽左 mascara, 唔小心捽左眼, 點知個 mascara 變到白色一點點, 好似膠水漬咁, 樣衰到我要洗左佢呀, 唉~~ 跟住都無再用過 lu, 有時當佢眉 gel 囉.... 咁就晒左 $62....
 

廣源良洋甘菊洗敷露

名 稱 : 廣源良洋甘菊洗敷露價 格 : NT$89 (約 HK$22)
容 量 : 150ml
使用時間 : 3星期

產品介紹 : 


含有天然植物洋甘菊萃取精華液, 具有絕佳滋潤保濕功效, 並添加蘆薈萃取精華液, 可為肌膚補充水份及養分, 使肌膚水嫩有彈性, 並達到深層清潔與滋養的功效, 使肌膚更健康、亮麗。







透明 gel 狀, 其實同白色罌蘆薈補濕 gel 幾似, 只係質地杰少少。




敷面 : 用法 : 取適量敷於面上, 冷敷約15-20分鐘後, 用清水洗淨, 針對日曬後, 敷面效果尤佳用後感 : 敷上面涼涼地幾舒服, 可能有薄荷成份, 敷時對眼有 d 澀澀地, 第一次敷搽得厚左 d 要過多幾下水先洗乾淨, 敷完都幾補濕幾滑呀, 夏天敷會好舒服。

潔面 :
用法 : 取適量於面上, 輕輕按摩揉洗後再以清水洗淨
用後感 : 但做 cleanser 我就覺得怪怪地, 佢係 gel 狀, 無泡又無油份, 唔覺有咩清潔力囉, 試過朝早用 (塊面無咁污糟), 同用水洗無乜別囉, 所以只係用黎敷算啦。

Ipsa Pore Clear Base

名 稱 : Ipsa Pore Clear Base (毛孔淨化修飾霜)
價 格 : $240
容 量 : 4g
使用時間 : 1個月

產品介紹 :

粧前局部修飾毛孔及撫平明顯的凹凸瑕疵，遮蓋黑頭色斑，營造剔透滑溜膚質。平衡油脂分泌，預防局部性的溶粧問題。spf10 pa+

stick 狀用起上黎幾方便, 直接搽上面, 用手推勻就 ok 。

~~ 搽左有少少白色 ~~

推勻左係無乜色既, 見唔見到 D 手紋遮到少少。

都遮到毛孔, 平時用 gel 狀果 D, 啱啱上妝果時係好靚, 但溶左之後一撻撻, 補妝都補唔到,  ipsa 呢支係 stick 狀, 搽左上面再推, 好 smooth, 好似層薄膜咁, ba 話要打圈按, 等個 base 填平毛孔, 支野搽係有 d 白白地, 第一日用就 fdt 前, 但當到下午鼻位出油後, 毛孔見到 d 白點, 第二日就試下 fdt 後上, 再補返少少 fdt, 呢個方法好過 fdt 前用喎, 而家 d 粉甩左, 個鼻都唔會一點點肉色, 控油 ok, 無 gel 狀果 d 咁乾囉, 如果係油性皮膚就未必夠啦。