本身係九龍人, 港島區最遠只係去銅鑼灣或灣仔會展既我, 由於一位老死話要去試下蘭芳園出名既奶茶, 我地就做左半日遊客啦 
!!!
第一站去左蘭芳園食 lunch, 真係好多人呀, 我唔飲奶茶既, 我老死就話好滑好正喎, 想拎埋人地沖茶隻絲襪返屋企添呀, haha
出門口經過花店, D 花好靚忍唔住偷影。
亂咁影人地舖頭, 因為好有特式, 好得意呀。
D 煲排晒隊好搞笑~~
又偷影!!!
白色水晶燈, I Like It。
影完都覺得自己無聊, 哈哈。
好似兩隻眼一個口, 呵呵!!
諗起拍戲既景點呀。
呢 d 地方可能有 d 人日日都經過, 但對我黎講真係好新鮮, 去完 d 咁古舊既地方, 去返 ifc 既石屎森林, 感覺有 d 古怪, 耐唔時行下平時唔為意既地方, 都幾舒服, 好似去左第二個國家旅行咁。
名 稱 : 廣源良蘆薈晶瑩保濕凝露
價 格 : NT$49 (約 HK$12)
容 量 : 100g
使用時間 : 1.5月
產品介紹 :
含天然植物萃取精華液, 蘆薈精華液等具有滋潤保濕及調理皮脂分泌等功效, 使用後可使肌膚清爽, 舒適, 更具有彈性。
來自純天然蘆薈精華, 維他命E清爽不油膩。平時保濕滋潤, 晒後使用尤佳。
透明 gel 狀, 無油份好清爽。
平時用呢個 gel 係 toner 後當補濕精華咁用, 有時會用黎敷面, 補濕效果都唔錯, 無油份唔會 lup, 但淨佢用一定唔夠潤, 要加 cream / lotion 鎖水先得。
名 稱 : Olay Regenerist Micro-sculpting Super Cream
價 格 : $168 (卓悅特價, 原價 $239.9)
容 量 : 50ml
使用時間 : 1個月
產品介紹 :
添加精純雙胜肽、玻尿酸及珍貴海洋蛋白。從肌膚底層的修護入手, 使肌膚飽滿充盈。有效撫平細紋、淡化皺紋、改善鬆弛、回復彈性, 四天緊緻臉部肌膚曲線。
質地唔算好杰, 以 Olay 既產品黎講, 一 D 都唔算 lup, 有適度既滋潤感, 但近睇有少少珠光閃粉係入面, 搽上面又唔覺喎。
搽上面都幾快吸收。
原本買呢個 cream 係用黎搽頸架, 因為個 FD 用過, 見到佢頸紋真係紋左好多, 可惜搽頸敏感, 但用左 2 weeks 頸紋真係淡左少少, 而家唯有用黎搽面, 好彩無敏感, 效果都 ok, 皮膚緊緻有彈性左, 膚色均勻左少少, $168 我覺得有少少效果可接受, 但原價 $239.9 就唔值啦。
名 稱 : Isa Knox 秀麗韓保潤精華 (Sooryehan Boyunjin Boyun Essence)
價 格 : $331
容 量 : 40ml
使用時間 : 1.5月
產品介紹 :
能活化細胞, 促進血液循環, 改善暗啞膚色, 提高膚質彈性及柔軟度, 讓肌膚光澤嬌嫩。含植物性保濕成份角鯊烯, 能為肌膚補充水份。
質地係較滋潤既 lotion 狀, 秋冬天氣用唔錯, 但春夏潤左 d。
推開後要按一陣才吸收, 相中有明顯既滋潤感。
我較為鍾意質地水狀既精華素, 精華素太潤, 之前搽既補養品就較難吸收, 及此產品既價錢, 可以有更好既選擇, 回購機會好低啦。如果係熟齡肌應該幾適合。
名 稱 : SANA 豆乳化粧水 (濃)
價 格 : NT$245 (約HK$61.3)
容 量 : 200ml
使用時間 : 約 2個月
產品介紹 :
濃稠的豆乳化妝水, 給乾燥肌膚滋潤保護。
濃稠化妝水給予肌膚深層滋潤，給您柔嫩細緻的肌膚。
可以抺到 D 死皮, 卸妝潔面後, 塊化妝棉都黑黑地...
我鍾意用潤身既 toner, 所以買左有濃字奶白色果款, 但質地都好水, 一上面已吸收晒, 而家呢個天氣對我黎講唔夠潤, 所以會倒好多, haha, 暫時唔覺特別補濕, 好似 juju 好用 d, haha。
係台灣為左夾夠數而買, 點知仲貴過香港, 激死!!!
名 稱 : Pond's Cleansing Oil (旁氏深層淨顏卸粧油)
價 格 : NT$199 (約HK$50)
容 量 : 175ml
使用時間 : 1.5月
產品介紹 :
旁氏深層淨顏卸粧油含三種植物油配方, 能卸除濃妝, 排除使肌膚黯沉的油脂及污垢, 連毛孔深處都乾淨清爽。清潔後, 沒有油膩與刺激感, 洗後肌膚清爽光滑。 - 卸妝棉花籽油 : 能幫助溫和地溶解彩妝與污垢
- 清爽葡萄籽油 : 清潔時帶給肌膚清爽無負擔的感覺
- 滋潤玫瑰果油 : 幫助肌膚清潔後仍保持滋潤
吱出黎淡黃色, 質地較 Biore Cleansing Oil 杰身及無咁好推,
我呢 d 笨手笨腳既人濕手影相好危險, haha, 所以用化妝棉試俾大家睇啦。
係手搽左好多野, Maybelline Mascara, Eyeshadow, Kate & Clinique eyeliner, Liquid Foundation, L'oreal Lipstick, Kanebo Tiffa Lipgloss。
用沾左卸妝油既化妝棉抹, 頭1-2下已將大部份卸乾淨, 抹左3下, 淨係有少少 mascara 係度, 卸妝力唔錯。
好恐怖既化妝棉呀, 
總括黎講, 卸妝油乳化效果好明顯, 加少少水後, oil 會變成奶白色, 過水時見到 d 水變晒肉色(粉底), 卸妝效果都唔錯, Maybelline Mascara 都卸到, 但用 canmake / MJ 咁防水既 Mascara 較難卸, 要用 eye makeup remove 會好 d, 用左大半支, 肌膚都無咩問題, 無出粒粒或塞毛孔, 但我較喜歡 Biore 既質地及清爽度。
名 稱 : Clinique Superdefense SPF 25/PA+++ Age Defense Moisturizer (Dry Combination) 高效防護補濕霜 (混合性偏乾肌膚配方)
價 格 : $365 (She.com 抽獎禮品, 免費的)
容 量 : 50ml
使用時間 : 9天
產品介紹 :
Clinique 最先進的全效防護及滋潤日用補濕霜, 這款經改良的補濕霜採用嶄新技術, 專門針對情緒及心理壓力對肌膚構成的影響, 提供由內至外的全效防護及滋潤。
內 含專利註冊的紅微藻精華, 此獨特的成份是從生長於以色列對出地中海岸一帶的紅微藻提煉出來, 成份濃縮純淨, 能抵消肌膚外觀因外來攻擊 (污染、陽光、煙霧等) 及內在侵襲 (情緒及心理壓力) 造成的衰老徵兆。另專利的IPF科技, 有效提升皮膚的天然免疫能力, 令肌膚維持最佳狀態, 減少環境對皮膚的傷害。為肌膚提供寬光譜UVA/UVB防曬保護, 同時蘊含維他命C及E、防魏酸及迷香精華等高效抗氧化物, 全力抗衡游離基保護肌膚。加有強效濕潤劑, 吸取和鎖住水份, 定點輸送到乾燥肌膚, 提供即時及持續潤澤及舒緩肌膚的功效。
布甸般既質地, 好易塗抹及快吸收。
用左頭幾日都唔錯, 易吸收, 比舊版清爽, 亦無敏感, 但用左一星期塊面有 d 紅及痕, 近期只轉用了 clinique superdefense 及 olay super cream, 停用 olay 兩晚, 但搽 cream 塊面都拮拮地及紅, 然後好勇敢咁用自己黎做白老鼠, 朝早半邊面搽 clinique, 半邊面搽 olay, 兩款初初搽都有拮拮地, 但 olay 果邊過左陣就無痕啦, 但 clinique 果邊 keep 住拮拮地, 直到我化完妝先好 d, 咁應該係罌 clinique 出事啦, 之前用舊版都敏感架啦, 好彩唔洗錢, 留返黎朝日搽頸算啦。
上個月係 Ipsa , Shu Uemura 洗左咁多錢, 仲諗住今個月唔買野添, 點知之前係 Isa Knox 換 Sample 口多多問秀麗韓秀洗面膏幾時返貨, BA 叫我留電話, 點知早幾日打話返貨叫我去拎啦, 支洗面膏仲要加左價 $244 添呀, 唉~~~
跟住係 BE Trade 版見到有 sis 放 L'occitane 櫻花 Lipgloss, 初出果時已經好想買, 但屋企實在太多 lip products 啦, 見支 lipgloss 係 100% New 賣 $50, 真係好抵忍唔住呀, haha, 佢仲好好人, 送左 L'occitane 蠟菊 cream, Ipsa cleanser milky foam & Clear lotion EX2 sample 俾我呀。
Biore Cleansing Oil
呢個唔洗講啦, 用左咁多支, 用後感請按 這裡
The Body Shop Rich Plum Shower Gel
聖誕限量版套裝, 紫洋梅味, 有少少甜甜地既提子味, 過水後好滑唔乾, 但一支用到一個月多 d, 唔係有 set 都唔會買黎用, 太貴啦, 不過呢個係限量版, 平時係無呢個味架, 想買都買唔到, haha, 所以先會豪一次買黎試下。
我的美麗日記白松露面膜
感覺同金白差唔多, 但無咁補濕, 帶少少滋潤多 d, 面膜精華較多, 敷 30mins 塊 mask 亦很濕, 可以俾埋男友敷, haha。
我的美麗日記山茶花面膜
較升級版白金及白松露滋潤, 應該係美麗日記中最潤既 mask, 無乜香味, 以差唔多 $10 一塊既價錢, 效果唔明顯啦。
牛爾紅酒多酚360度激活修護晚安凍膜
估唔到又幾好用, gel cream 狀, 質地類似 Clinique 既 MSE 補濕霜咁, 好香提子味, 早排乾燥, 我會精華後, 搽 cream 前用佢黎打底, 好補濕喎, 塊面好夠水份, 仲無敏感添。
牛爾玫瑰超水嫩保濕水凝霜
質感滋潤既面霜, 唔覺有水嫩囉, 冬天用都還可以, 到初春已經有少少 lup 啦, 所以要快手用埋佢, 唔係天氣再熱已經用唔到啦。
Sample :
雪花秀雪映冰肌滋晶水液 x 2
SkinMedica Facial Cleanser
SkinMedica Dermal Repair Cream
Kenzoki Hyper-Active Serum
Isa Knox LAHA Revital Peeling
二月尾真係大出血呀, 去完 IPSA 再去 Shu Uemura 上化妝班, 個班係 1月尾已經 Book 左, 因為個 FD 係美國返左黎, 話想上化妝班, 咁就同佢去玩下啦, 每人 $440/60mins (原價 $1000), 完成後可全數換回產品, 每人俾左 $100 訂金, 我地都好期待呢日既來臨。
我地 準時 5:00 去到, 但上一批客人未得, 咁我地等左幾分鐘啦, 坐低後 BA 首先幫我修眉 (原來仲包埋修眉, 真係唔知), 跟住 BA問我想學咩化妝, 我話普通自然既返工妝, 想學下點打陰影修面型, 因為我好包包面, 咁 BA 就幫我卸妝, 搽護膚品, 然後就開始化啦, 佢每用一款產品都介紹下, 全程都只係佢講我聽, 其實都唔似係化妝班, 只係一個免費修眉化妝服務, 都學唔到 D 乜, 第二日我都唔記得佢點化, 自己化唔返啦, 但 BA 化得幾好, 我個 FD 話化到對眼大左, 精靈左好多喎。
但我個 FD 就慘啦, 我地係分開上, 一對一既, 佢俾個 BA 勁踩, 跟住好快手幫佢化妝, 我搽 skincare 上 makeup base 佢已經化完啦, 但化得唔靚囉, 我個 FD 個樣唔差, 五官都好靚, 眼大大咁, 其實淡妝遮左 D 毛孔, tone 返個面色已經好靚, 但 BA 幫佢化得個妝太濃啦, 好多顏色, 但個底妝化得好差, 毛孔、印同黑眼圈都遮唔到, 到走果時已經現眼紋添, 我覺得佢平時自己化得仲靚!!!
個 course 原本係 60mins 既, 我個 FD 30mins 已經搞掂晒, 跟住俾個 BA 狂 sell, 我化完妝見佢差唔多俾錢, 買左成千蚊野喎, 個 BA 又話有野送, 呢樣果樣咁, 跟住我叫佢唔好買咁多啦, 佢本身對 shu 既 skincare 又麻麻喎, 但個 BA 淨係 sell 佢 skincare, 最後佢都買左 $8xx, 做左 member, BA 都係送左套 gift 俾佢, 原本話要買滿唔知幾多錢先有, 點知佢買唔夠都係送, 我覺得果份係 welcome gift, 個 BA 呃佢囉, 而我就只係買左 brush cleanser, 啡色 blush 用黎做陰影, 另外買左個 brush cleanser 同 blush 送俾另一個 FD, BA 送左美白 line 既 toner, essence, lotion, cream 既 sample 俾我地。
BA 幫我寫底用過既產品同化妝掃, 佢問我需唔需要寫, 問我記唔記得用過 D 咩, 我話緊係唔記得架, 咁多色號邊記得咁多呀, 佢先肯寫咋。
總 括黎講, 我同個 FD 都好唔滿意今次既化妝班, 仲以為係 BA 教, 我地自己化, 因為完全學唔到野, 仲洗左好多錢, 仲有唔知係 SHU 既工具唔乾淨, 定係 D 產品唔啱我地用, 我地到夜晚已經出左 D 瘡仔, 有白色膿果 D 喎, 但我地本身係好少生暗瘡既人, 我個 FD 試左個 Massage Cream, 同送既美白 Paper Mask, 都話無乜用, 仲話支 Massage Cream 得半支, 個樽大, 但容量好少, 佢話今年內唔會再入 SHU, haha。
睇 BE 知道 Ipsa 係德福有 Promo, 知有套 Travel Skincare Set, 去到叫 BA 介紹啱我膚質既產品, BA 試左 Toner 同 Metabolizer R3 係手, 質地都唔錯, 睇支野好水咁, 但又夠潤唔 lup 喎。
咁 順便要求 BA 幫我做 skin test, 彈性都 OK, 但底層缺水囉, BA 都介紹返啱我既產品, 同 check 左我用咩色既 base & fdt, 跟住 BA 幫我卸左半邊面既化妝, 問我試唔試埋新出 Pure Control Base 同 Pure Protect Liquid Foundation, 咁都預左買野, 試埋啦, BA 幫我搽我會買 Travel Set 既 skincare, 再幫我上黃色 base, 新出 Pore Clear Base (遮毛孔), Liquid Foundation, Pure Loose Powder, 新出個粉底唔錯喎, 好貼薄, 有少少 coverage, 我 7點化完, 到夜晚12點先落妝, 個妝都仲 keep 得好好喎。
最後我買左套 skincare kit, 有 Cleansing Milky Foam 50ml, Preparing Clear Lotion EX 2 (toner) 30ml, Metabolizer EX 3 50ml, The Time Reset Essence 10ml, Cotton 30 塊 (影漏左), $360 咋, 仲買埋支 pore clear base, 係 stick 狀既, 遮毛孔都幾好, 而且唔乾, 不過有少少貴, 要 $240 呀, 但都買得幾開心, BA 平時係 APM 分店, 叫 Ruby, 好 nice 又細心, 唔算 hardsell, 原本 Ruby 都 sell 我 Foundation set, 我叫佢俾 sample 我試左先, 佢就俾左 cleansing milk x 2, makeup base (yellow) x 4, foundation #101 x 4, 估唔到佢會俾咁多包, 呵呵!!!
Skin Test 結果, 彈性 50 分合格, 我有 66 分, Ruby 話都 ok, 但可以再好 D, 所以 Metabolizer 介紹 EX 系列俾我, 透明度幾高, 但有 D 色斑 (呢樣我都知, 唔洗佢講啦, haha), 水份唔夠, 但佢無講幾多分喎, 三角紋理太淺, 係皮膚缺水喎。
