呢幾樣野訂左好耐, 但送去公司未得閒拎返屋企影相, 同埋今次搞左好耐, 個賣家好麻煩, 上次已經寄漏左 100g 紫草俾我, 仲要我唔出聲都唔話我知, 今次再訂都係想佢補回 D 紫草, 點知落左 order, 等左2星期都收唔到貨喎, "吹" 佢先話紫草無貨喎, 叫我等多幾日, 咁我再等多一星期, 佢都話仲未有貨, 咁叫佢寄左其它俾我先啦, 唔想咁俾佢拖住, 收到後先叫佢退回果 $10 紫草囉, 但因為我係用信用咭付款, 所以都幾麻煩, 要等下個月先退得返 D 錢, 唉~~~ 頭頭尾尾搞左成兩個月, 以後都唔會再搵呢個賣家訂野啦, 好唔老實, 呢兩次訂既野都夠我整到好多皂皂 lu!!!
今次買左 (由左起) 蜜蠟 200g, 精製椰子油 1L, 棕櫚油 500g, NaOH 500g
男友家姐今個月 15 號結婚啦, 所以去買左條裙, haha, 原本係旺角朗豪坊 H & M 睇中條裙, 但得 display, sales 又話 check 唔到其它分店有冇喎, 諗住第二日去尖沙咀睇啦, 之前陪同事係九龍灣淘大商場買裙, 咁出 TST 順路去望下, 點知見到呢條裙幾靚, 試上身好 fit 唔洗改呀, 著左好好睇, $330, 同老闆娘講價後齊頭 $300, 但未諗到著咩外套, 同要買對鞋黎襯返.... 唉~~~
呢幾日好凍呀, 要買對毛毛拖鞋, 即刻暖笠笠啦, 花園街買 $39, 有少少貴, 但行晒都係差唔多價, 呢對膠底, 地下濕著入廁所都得, 唔怕凍親, 而且無咁易著到個底凹晒, 呵呵。
都係係花園街買既, 原本想買格仔款, 但好似太普通, 見到呢條個花紋幾特別,仲好滑好舒服, $39。
之前係 Bossini 見類似既冷背心要 $2xx, 係花園街見到 $59 即買啦。
旺角中心買既, $229 有 D 貴, 但入面係毛毛黎架, 好暖, 行晒成個商場都唔見第二間有, 真係幾鍾意, 所以貴少少都買左。
去台灣當然要買下野啦, show 下我 D 戰利品先, 都唔係買左好多咋
我的美麗日記面膜, 果邊買好平呀, 上面果兩盒 NT$375, 下面新出白金, 山茶花, 白松露買二送一, 所以買晒三款試下, 仲送左兩塊山茶花添。
廣源良 D 野真係好平, 洋甘菊洗面液, 呢個好似係新出架, 菜瓜水, 補濕 GEL。
牛爾既玫瑰果油, 紅酒 Mask, 紅酒 Sleeping Mask, Rose Cream, 都幾方便, 上網落 order 後係果邊既便利店取貨及付款, 但要揀間最近酒店既便利店就要少少時間, 熟路既 sis 會好好多啦, 我都搵左一陣先見到間 7-11。
Biore Cleansing Oil 果邊好平呀, 我買 NT$250, 點知去康是美見到 NT$179 咋, 激死, 但康是美無洗面膏送, 另外果支好想試但香港無既防曬潤色隔離乳液。
其它 : 幫 Sheep 買既 MJ lipgloss, 可惜有支買錯左色, SANA 豆乳 Toner, 呢支係因為差少少可以買滿 NT$1000 有九折, 求其買咋, 同香港差唔多價錢, Shiseido Perfect Oil, Pond's Cleansing Oil, 買左好多卸妝, 有排唔洗買 lu。
無諗過買既野, 但係果邊買左本雜誌, 先知原來 Orbis 咁平, 最後一日去西門町掃貨, 買左最出名既 Cleansing Liquid, UV Cut Sunscreen, 2 way refill 連 case, 本身已經俾香港平, 仲可以滿 NT$1500 有九折, NT$3000 有八折, BA 好好人幫我個粉盒分開單, NT$1550有九折仲減 NT$100 (我唔知點解減$100, 有得減就唔理啦, HAHA), 送左 3 Steps & Cleansing Liquid Sample, 仲有得揀添, BA 會問你想試 D 咩產品, 另外夠 NT$1000 又送左 2009年月曆, 都幾靚架, 雖然假期唔同, 但我會放係公司用, 呵呵。
同屋企去台北玩左4日, 101 大樓
夜景, 上到 91樓好凍好大風呀!!
鼎泰豐, 一定要去啦, 呵呵~~
小籠包, 諗起都想食 
西門町苦瓜汁, 老闆加左少少橙汁, 幾特別
北投溫泉 - 地獄谷, 呢度唔浸得, D 水好熱, 有 80-100度架
淡水, 日落好靚, 但唔記得影日景, HAHA
咁啱影到隻船經過
尾聲啦, 個咸蛋黃靚到好似假咁
佛跳牆, 無想像中咁好味, 可能香港人同台灣人既口味點都有 D 唔同, 佢地食野無咁濃味。
Kao Curel Cleansing Gel係日本買左兩支, 呢支係第二支
雪花秀潤燥精華呢支精華用法同平時 D 唔同, 係 Toner 前用, 好似藥引咁, 令之後搽既護膚品更易吸收, 用後皮膚穩定左, 轉季都無敏感, 已經用左2支, 開左第3支用緊啦。
我的美麗日記面膜11片裝體驗版
之前既 post 已有詳細用後感, 請按 這裡
雪完美纖面QQ精華
估 唔到咁平都有效, 用左一星期加埋我好勤力咁按摩, 已開始見效, 皮膚 firm 左 d, 到第二個星期效果仲明顯, 但可能本身權骨大, 所以都唔覺有瘦面, 只係 firm 左, 我搽埋頸, 雙下巴都收到 d, 但效果持續到第三個星期就無再咁明顯, 而係 keep 住無反彈。
DKNY Red Delicious Body Lotion x 2
聖誕買香水 set 送既 50ml 裝, 同香水一樣咁香, 但唔算好潤, 夏天啱用, 冬天要再加 body oil 或只搽手臂呢 d 唔太乾既地方。
Lush American Cream
好好用既護髮素, 夠潤唔 lup, 仲好香雲喱拿味添, 缺點係貴囉, haha, 已經用左3支大 (500g), 一支細 (250g) 啦, 另外 lush 既 veganese conditioner, liquid shampoo & shampoo bar 都好好用架, 當然唔少得我最愛, lush 既皇牌貨 mint mask 啦。
雪花秀滋陰乳液
呢支 lotion 試過單用 sample 有 d lup, 但 full set 雪花秀跟埋精華, toner 咁用又好快吸收喎, 雖然質地都滋潤, 但我都用幾多, 一支 125ml 五個月多 d 就用完啦, 仲要有3個月係夏天用喎, 如果唔係用得仲快呀。
DHC Platinum Silver Nanocolloid Milky Essence
質地好水既精華, 似 toner 多 D, 夏天用幾好, 冬天唔夠潤, 但唔覺有咩抗氧化功效, 只係一支好普通既精華, 平平地囉, 都唔會回購啦。
Sample :
IPSA ME White R2 x 2
Sofina Primavista Makeup Base x 2
Sofina Primavista Cream Foundation x 2
Biotherm Biosource Cleansing Gel
Dermalogica Intensive Moisture Balance
Kiehl's Abyssine Eye Cream
Apivita Aqua Vita Cream
Origins Make a Difference
雪花秀藝端底霜
雪花秀藝端粉底液雪花秀彈力緊然面霜 x 2
彩豐行 Ki 角鯊烷水療霜
左 : Smashbox Compact Anti-Shine (呢個好用少, 係買化妝套裝時 BA 好 Hard Sell, 所以買左, 同埋個樸係黑色, 用幾次就好污糟, 但又洗唔甩, 唔鍾意。)
右 : Lavshuca 2 Way refill (終於都用完啦)
平 時冬天用開 Neutrogena Body Oil, 早排天氣又凍又乾, 要買返支黎看門口, 但去 Watsons & 萬寧都無減價, 網友 Sheep 用過彩豐幾款 Massage Oil 都 OK, 出開旺角就去彩豐睇下啦, 因為都幾多款, 所以之前上網睇過, 諗住買支 $65/500ml 既試下先啦, 點知上到去勁多人, 比平時多一倍人都有呀, 大廈管理仲特登封左兩部電梯淨係上 23樓咋, 上落都要排隊, 上到去見俾錢條龍都排到門口, 男友已經黑黑地面, 話幫我排隊先, 我去拎野, 所以都無細心揀, 聞過支 Rose Massage Oil 隻味 OK 就俾錢啦, 但呢個得 1000ml ($98), 返到屋企都諗下咁大支唔知點用, 跟住俾錢時見到平時放粉底個架度放左 D promo 野, 買 JimmBenny 香薰面霜 - 中性至油性, $58/60ml 送同系列既洗面奶 $38/250ml, 呢個 cream 之前都想試, 咁又順便買埋, 但個 cream 開左要 4個月內用完, 60ml 有 D 難度呀, 另外送左 eye cream, 白米磨砂, 水份面霜各2包。
之前都 Online 訂左支青瓜洗面奶 $36/500ml, 唔記得同佢影埋相添!!! 好鍾意佢個青瓜味,
收 到 Body Shop email, 係 11/12 - 11/16 買任何 X'mas Set 有7折優惠, 見咁抵就去睇下啦, 見到有聖誕限量版紫洋梅 set 喎, 幾鍾意紫洋梅隻味, 舊年都想買呢個 X'mas set 架啦, 但二百幾唔捨得, 有7折就唔同講法啦, 計過7折後都平散買幾十蚊, 就敗左佢返黎啦, 原價 $259, 折實 $181.3。
紫洋梅身體潤膚霜 50ml
紫洋梅沐浴露 250ml
紫洋梅閃爍肥皂 100g
紫洋梅潤唇膏 10ml
紫洋梅沐浴球
另外都幾鍾意辣木味, 但 X'mas Set 唔抵買, 就平平地買舊皂試下。
終於用齊晒 11 款 mask 啦, 以下係產品介紹及用後感...
納豆奈米面膜 Natto Rejuvanating Mask
產品功效 : 高效銷水保濕
適用膚質 : 一般肌膚, 尤指暗沉缺乏彈力、極度缺水膚質
用後感 : 果然係我的美麗日記咁多款中最補濕既一款面膜, 敷完塊面好水嫩好滑, 皮膚有飲飽水既感覺, 效果維持到第二日都好滑。
Q10奈米面膜 Q10 Rejuvanating Mask
產品功效 : 柔白緊緻煥膚
適用膚質 : 一般肌膚, 尤鬆弛老化肌膚
用後感 : 塊 mask 好濕好多精華, 但唔知點解敷左 15mins 塊面有 d 痕, 再敷多 5mins 都係咁, 就用濕化妝棉抹面後搽 skincare, 無敏感, 幾補濕但塊面唔覺好滑, 今朝上妝都唔太貼, 同埋快出油, 補濕力唔持久。
冰沁活氧奈米面膜 Cooling Mask
產品功效 : 清涼醒膚, 舒緩保濕
適用膚質 : 一般膚質
用後感 : 敷果時好冰涼, 夏天敷應該會幾舒服, 好似放完入雪櫃咁, 塊 mask 好水幾補濕, 但唔持久, 敷完未搽 cream, 隔左陣 D 精華吸收晒後, 效果唔明顯。
蘋果多酚奈米面膜 Apple Polyphenol Mask
產品功效 : 緊緻修護毛孔
適用膚質 : 一般肌膚, 尤毛孔粗大膚質
用後感 : 一打開已經有好香既青蘋果味, 但 Mask Cutting 唔貼面, 敷完唔覺收毛孔, 但幾補濕, 塊面好滑。男友敷完毛孔明顯收細左, 護膚品真係人人用既效果都有唔同, 可能我毛孔太大, 已經收唔到啦 
普羅旺斯薰衣草奈米面膜 Provence Lavender Mask
產品功效 : 紓壓、柔膚、舒敏
適用膚質 : 一般膚質, 敏感肌膚亦適用
用後感 : 呢幾日轉天氣有少少敏感. 紅紅地咁敷呢個 mask 啱晒, 有淡淡既薰衣草味, 無唔舒服, 可能好補濕, 敷完面無咁紅, feel 到塊面好多水分, 唔錯。
清酒酒粕奈米面膜 Sake Yeast Mask
產品功效 : 白嫩無瑕, 晶瑩剔透
適用膚質 : 一般膚質 (敏感性肌膚請經肌膚測試後再使用)
用後感 : 幾勁酒精味, 敷完好爽唔 lup, 但無乜特別感覺。
珍珠粉奈米面膜 Pearl Powder Mask
產品功效 : 潤白, 滋養
適用膚質 : 一般膚質, 尤暗沉、受損肌膚
用後感 : 最多精華既一款面膜, 敷左 30mins mask 仲好濕, 敷後膚色有少少白左, 補濕度中等, 維持唔到去第二朝啦。
紅酒多酚奈米面膜 Red Vine Mask
產品功效 : 白晳, 緊實, 抗氧化
適用膚質 : 一般肌膚, 尤鬆弛暗沉肌膚
用後感 : 好香提子(紅酒)味, 好補濕, 敷完塊面真係無咁暗沉, 有光澤左, 好滑, 搽 skincare 都吸收得快左, 第二朝皮膚都 keep 到好滑, 怪不得大 S 咁推呢款 mask 啦。
保加利亞玫瑰奈米面膜 Bulgarian White Rose Mask
產品功效 : 清 . 透 . 淨 . 白
適用膚質 : 一般肌膚, 尤黯沉、缺光澤肌膚
用後感 : 拆開聞唔到有玫瑰味, 精華好似無其它 mask 咁多, 敷左 30分鐘塊 mask 開始乾, 可能之前無敷深層清潔面膜, 無咁吸收, 敷完好似無乜特別感覺。
黑珍珠奈米面膜 Black Pearl Mask
產品功效 : 極致潤白、彈力透亮
適用膚質 : 一般膚質, 特推薦缺乏光澤與彈力肌膚
用後感 : 無香料, 面膜好多精華, 敷 20mins 後還很濕, 按摩待精華完全吸收, 很水潤唔 lup, 亮白左, 用濕化妝棉抹面後, 一個鐘無搽 skincare 都唔覺乾。
蘆薈奈米面膜 Aloe Mask
產品功效 : 保濕, 潤澤
適用膚質 : 一般肌膚, 尤乾燥、受損肌膚
用後感 : 有少少香味, 補濕都唔錯, 但敷完唔覺有咩特別。
試用後覺得最好用係紅酒, 納豆, 黑珍珠。
早幾日同男友行旺角格仔舖, 見到呢個小雲散銀包, 好可愛忍唔住買左, 另外仲有小吉、宇宙大王, 但唔知點解無千平博士, haha, 可能佢塊面太大, 要用好多布, over budget 呀, 哈哈哈!!!
10月尾參加左 she.com 既 「she critiques 美容大賞 2008」, 投票後會自動參加抽獎, 每日有17份 Diamond 級禮品送出, 參加左三年, 第一次中獎咋, 有 Clinique 新出 Superdefense spf25 pa+++ 及 Super Rescue Night Moisture, 價值 $730 架, 仲額外送左 Asience Shine Therapy Sampoo & Conditioner 各2包, 都唔錯呀。
成日 post 買左 D 乜新野, 我唔係買返黎擺架, 好努力咁清 stocks, 以下係10月份用晒既 Skincare及Sample, 部份用完丟左個樽無影相!
Kao Curel Cleansing Gel
係日本買既卸妝 gel, 上面後按一陣會由 gel 狀變油狀, 好爽唔 lup, 好易乳化, 但卸防水產品就唔太夠力, 無敏感無出粒粒, 已經用左3支啦。
Nuxe Floral Toning Lotion
係 sasa 買野換購, 好香香薰味, 但用左幾日有少少敏感, 之後用黎溝綠豆粉敷面或浸濕化妝棉做 Toner Mask, 之後要過水, 唔係塊面好易會紅。
L'oreal Collagen Filler
主要用黎搽頸去頸紋, 但唔覺淡到。
Shiseido Anessa Townuse Mild Suncreen SPF 43 PA+++
Anessa 既防曬能力真係好強, 用左佢無黑到, 但呢款有一般高度數防曬既缺點, 塗後令皮膚較乾, 可能防曬主要成份 zinc oxide 抽水抽油既關係吧, 另外呢款防曬有少少淡肉色, 有調色作用, 可作 Makeup Base, 但本人膚色白, 份量太多用後好死白, 但防曬唔搽足夠份量係無用架, 我會用一毫子量搽全面(已經比平時少左), 有同事笑我似女鬼... 証明對我黎講唔可以單用, 之後溝 BB Cream 用就好 d 無咁白同乾, 現日本出左新版 spf 46 pa+++ 我都唔敢試, 改買 spf32 pa+++ 無色防曬。
彩豐行 Joseristine 青瓜面膜
gel 狀 mask, 無彩豐 ki 美白 mask 咁好用, 只係好爽唔 lup, 氣味幾清, 敷後無乜特別。
O'slee Hydrasmooth Eye Mask
開 倉買既, 見 $10/5對咁平買黎試下, 腰果型敷唔到上眼皮位, 都 ok 補濕, 但淡黑眼圈眼袋就唔覺有效, 我好少敷 eye mask 比較唔到, 敷後無過水就搽 eye cream, 都無敏感, 我對眼好易敏感, 有時搽 eye cream 都會眼痕, 平平地買黎用都唔錯既。
Watsons 燕窩面膜
都係見平又多人話好用, 好奇而買黎試下, 初初敷對眼好澀, 但成份無寫有酒精, mask 好多精華, 面膜紙質地厚, 敷好耐都唔乾, 但 BE 多人講之後加價, 貴左一倍唔抵買, 差唔多價錢我會揀我的美麗日記。
Skin79 BB Cream spf15 (銀色Tube裝)
舊 年好 hit 既韓國 BB cream, 可以修護, 美白, 潤膚, 調色, 遮瑕, 講到係一支萬能面霜咁, 用後膚質唔覺有改善, 質地較厚及焗身, 唔可以搽太多, 夏天用會好 lup, 一定要上碎粉, 唔係好快溶, 遮瑕效果真係唔錯, 而且會 match 膚色, 我當 base + fdt 咁用, 亦好耐用, 細細支用左一年有多, 但個人較鐘意濕粉既妝感。
彩豐行 Joseristine Rose Body Lotion
好香玫瑰味, 冬天用都好夠潤, 但春秋季就有少少 lup, 價錢平不過開封後半年內要用完, 但我未用完已經夏天, 之後好少用, 放到而家都無乜問題, 無變壞就繼續用, haha, 好慳家!!!
雪花秀宮中蜜皂
打開已閒到好香中藥, 洗面時好醒神, 洗完好乾淨, 雖然係皂, 但一 d 都唔乾, 有人話去暗粒好有效, 但我無乜暗粒, 所以唔清楚, 個呢價錢雖然唔算平, 但好襟用, 一舊可以用 3-4個月, 以一盒三舊計可以用成年架, 除開都 ok 呀, 我已經用左三舊大(貨裝80g) + 一舊細(Sample 不過都有 30g 可以用1-2個月), 近期出左新版, 由 80g x 3 轉左 100g x 2, 價錢不變, 皂盒改皂碟, 個皂碟係玫瑰通花圖案, 好華麗好靚架。
Nivea Body Good-bye Cellulite
好懶搽, 用左半年先用完, 但呢支好似無乜用, L'oreal 有效D。
Samples :
Biotherm Clarifying Lotion
Isa Knox Multi Moist Cream
雪花秀雪映冰肌常白日霜 x 4
Isa Knox 防曬霜
Shu Uemra Base Cream
Missha Liquid Foundation
Dior Extreme Fit Foundation
Shiseido Maquillage Liquid UV Foundation
Vichy UV Activ Daily Protective
Clinique Supermoisture Makeup
RMK Make Up Base & Liquid Foundation
SK-II Signs Trans Foundation
Kenzoki Smooth Bamboo Water
Kiehl's Sodium Oil Free Moisture
因為用晒 Skin79 BB Cream, 所以清晒儲左幾年既 Makeup Base & Foundation Samples, 咁可以開 6月份買既 Givenchy Liquid Foundation 啦 
打完咁大段發覺, 原來我一個月都可以清到咁多野喎, 但點解個櫃都仲有咁多既 
上次約 ckm 拎 SkinMedica 防曬時佢俾左張 Isa Knox 既 $100 Coupon 俾我, 10/31前要用, 咁啱今日出旺角, 就去 Isa Knox 睇下啦, 經 BA 介紹下買左呢款 mask 啦, 試過係手質地都幾潤而不膩, 仲有 D 金薄添, 折實 $276, 呵呵, 好抵。
產品介紹 :
24K純黃金和高濃縮西施玉容丹, 迅速為肌膚注入豐富營養和水份。甘草萃取物, 有效即時鎮靜肌膚, 特別適合因季節轉換而令肌膚變得乾燥敏感時使用。
個盒好靚, 但折開個 mask 仲靚, 有埋棒仔好方便。
影相睇唔出, 實物係好大罌架, 有成 140ml, 個盒有我隻手掌咁大。
