有新衫著!!!

男友家姐今個月 15 號結婚啦, 所以去買左條裙, haha, 原本係旺角朗豪坊 H & M 睇中條裙, 但得 display, sales 又話 check 唔到其它分店有冇喎, 諗住第二日去尖沙咀睇啦, 之前陪同事係九龍灣淘大商場買裙, 咁出 TST 順路去望下, 點知見到呢條裙幾靚, 試上身好 fit 唔洗改呀, 著左好好睇, $330, 同老闆娘講價後齊頭 $300, 但未諗到著咩外套, 同要買對鞋黎襯返.... 唉~~~



呢幾日好凍呀, 要買對毛毛拖鞋, 即刻暖笠笠啦, 花園街買 $39, 有少少貴, 但行晒都係差唔多價, 呢對膠底, 地下濕著入廁所都得, 唔怕凍親, 而且無咁易著到個底凹晒, 呵呵。



都係係花園街買既, 原本想買格仔款, 但好似太普通, 見到呢條個花紋幾特別,仲好滑好舒服, $39。



之前係 Bossini 見類似既冷背心要 $2xx, 係花園街見到 $59 即買啦。



旺角中心買既, $229 有 D 貴, 但入面係毛毛黎架, 好暖, 行晒成個商場都唔見第二間有, 真係幾鍾意, 所以貴少少都買左。