清貨 - 2015年 1 - 2月

雖然揍女少左時間寫文, 護膚步驟亦簡化左好多, 但都有 KEEP 住清 SKINCARE, 亦無咩時間 SHOPPING, 所以屋企既存貨都請左唔少, HAHA, 都唔知係好定唔好呢...

Biotherm Biosource Softening Lotion
都好耐無用過 Biotherm 既野啦, 呢支爽膚水都幾清爽, 但成份見有酒精, 但都好在無敏感

 

Jurlique Rose Hand Cream
之前 she.com 抽中既禮品, 有3支 Hand Cream sample, 呢支係 ROSE 味, 好潤, 唔洗搽好多都夠潤, 15g 細細支放係公司, 都用到一個月

 

SK-II Stempower (按此)
朋友俾我既, 呢個 CREAM 真係好好用, 夠爽身, 快吸收, 又唔 LUP, 大罌既話價錢都可接受, 就算皮膚唔穩定, 都唔會敏感

SK-II Stempower Essence
同系列個 CREAM 好好用, 所以對呢支精華都好有興趣, 可惜有少少失望, 雖然係 GEL LOTION 狀, 但唔算易吸收, 所以搽完有少少黏, 而且對皮膚既改善唔太明顯

Kiehl's Ultra Facial Micro Serum (按此)
唔夠潤, 有少少 LUP, 但就算幾溫和

 

Kiehl's Ultra Facial Toner (按此)
奶白色既爽膚水, 少少補濕, 幾溫和唔會敏感

 

It's Skin Prestige Crème d'escargot (按此)
呢個 CREAM 好好用, 夠潤唔 LUP, 易吸收, 舊年冬天用完 FULL SIZE, 所以呢個 SAMPLE 留返冬天用, 但唔知係咪放得耐左, 質感同 FULL SIZE 有分別, 好杰身, 有啲 LUP

NYX Black Label Lip Stick #114 Diva
呢支比普通版貴啲, 但顏色及質地都好啲, 個外形都靚啲, 個色似我本身唇色, 所以好自然

Ettusais Melty Touch Rouge
俾個外形吸引而買, 中間位係透明, 好似潤唇膏咁, 可惜佢一啲都唔潤, 同埋唔貼, 明明個咀都唔算乾, 搽左潤唇膏打底, 但一搽上咀, 就起皮仔, 一撻撻咁, 好努力咁用淨少少, 但個樽我會 KEEP 起

雪花秀 Snowise EX Cleansing Foam
朋友去韓國幫我買, 當時係新出, 香港好似仲未有, 所以我唔知 COUNTER 賣幾錢, 可能美白列錢, 都係有啲乾, 好杰好難吱, 香味唔似雪花秀一般既中藥味, 唔太好聞, 但少少已經起到好多泡, 呢支我用左成個冬天

Belif Hungarian Water Essence水
份重既精華, 好快吸收, 難怪係皇牌產品

Belif The True Cream Moisturizing Bomb
潤啲果款爆炸霜, 呢款春天用有啲 LUP, 可能另一款會好啲

Jurlique Lavender Hand Cream
都係 SHE 送果 SET GIFT 啦, 薰衣草味都幾香, 都好夠潤

Dermatological Intelligent Masque
做完療程用佢最好, 舒緩補濕

Muji Oil Cleansing
卸妝油用完, 又無乜心水, 咁啱經過 MUJI, 見佢都有卸妝油, 唔貴就買黎試下, 都唔錯喎, 但用完都未出文, 等我回購左先再同大家分享用後感啦

Nioxin Cleanser Shampoo #1
SALON SIZE 1L 裝好抵, 見佢既髮型用品幾出名, 呢支 SHAMPOO 初初用都唔錯, 用時有啲涼涼地, 幾爽身, 夏天用都幾舒服, 但用耐左頭痕情況都係無改善, 咁大支一個人真係排用, 會間住其它 SHAMPOO 咁用, 都用左大半年

 

 

Mentholatum Lip Fondue Honey Rose 曼秀雷敦濃潤修護唇膜 - 玫瑰

相信大家都知我係唇膏 / 潤唇膏控, 尤其冬天更加想買啦, 因為會出好多新款產品嘛, 雖然屋企都仲有潤唇產品未用完, 但見到呢個 rose 味, 係萬寧又做特價, 忍唔住買左



名 稱 : Mentholatum Lip Fondue Honey Rose 曼秀雷敦濃潤修護唇膜 - 玫瑰
價 格 : $49.50 (特價) 

容 量 : 4.2g

產品介紹 :

濃潤配方, 像融化乳酪般覆蓋咀唇, 提供三合一功能 :

唇膜 - 晚間用作睡眠唇膜, 修護效果更顯著

潤唇膏 - 獨有的半固體配方及柔潤塗抺感覺, 每天使用, 雙唇保持柔潤透亮

美容液 - 蘊含珍貴蜂皇漿精華, 天然蜂蜜, 橄欖油等豐富成分, 深層滋潤修護唇部細嫩肌膚, 幫助淡化唇紋

但設計好奇怪, 扭左出黎, 係唔可以扭返入去架, 所以每次唔好扭咁多下, 每一下都會聽到 "卡" 一聲

質地係透明軟身膏狀, 唔似一般潤唇膏係半透明

初初對佢都幾大期望, 因原價唔平, 要 $61.90, 開架黎講都唔平, 仲好少做減價, 所以見到特價即買黎試, 打開時覺得好得意, 透明膏狀, 好似美容液咁, 玫瑰味都好香好好聞, 可惜搽上咀, 好厚好黏咀, 好似搽左膠水係個咀度咁, 好漿住, 唔係太舒服, 因為佢係好黏, 似有層野封住個咀, 唔係滋潤補濕, 所以潤唇效果都唔算好好, 本身唔算好乾, 可能都 ok, 但甩皮既話, 夜晚用完, 第二朝先面後, 甩皮情況唔會有太大改善, 不過佢夠厚身, 所以都用得幾快, 已經用左 2/3, 好想快啲清左佢

Parkway 百滙皮膚中心 - Candela-Syeron GentleMax Pro ® 激光袪斑療程

係 Parkway 完成晒 Fraxel 療程之後, 就到激光去斑療程啦, 有別於舊式激光去斑, 唔會有明顯傷口及結焦情況, 仲可以改善膚質, 但打既次數要多幾次, 效果較好, 一般 3-6次左右, 但彩光控制需要有經驗既專業人仕做, 唔係傷害都唔細, 記得要搵有信譽既診所做呀

百滙皮膚中心利用 Candela-Syeron GentleMax Pro ® 激光儀器，可釋放 755nm 和 1064nm 波長的激光，針對纖維母細胞 (fibroblast) 和黑色素 (melamin)。這是一種溫和、非磨損性的激光療程，令治療部位得到根本性的改善。

醫生會根據皮膚狀況及需要，選取最適合的治療波長及度數，在同一時間改善皮膚的顏色及質素，令肌膚變得更均勻細緻，柔潤亮澤。

激光嫩膚治療適合：

曬傷的皮膚
容易潮紅或患玫瑰痤瘡的皮膚
色斑 (如雀斑、太陽斑)
袪斑
面部、頸項、胸口、手臂及手掌

不同的波長針對不同皮膚問題：

Alexandrite 755nm 激光 : 表層色斑, 曬斑, 雀斑, 牛奶咖啡斑
1064nm 激光 : 發紅、微絲血管擴張、潮紅、過敏皮膚、玫瑰痤瘡、促進膠原蛋白再生

激光嫩膚治療的好處: 

·         不需復原時間

·         可即時返回工作

·         較分段激光便宜

 

首先都係先卸妝、潔面, 然後俾陳醫生睇下皮膚狀況, 色斑唔算好深, 但都幾多, 生完 BB 更加明顯

 

貼上護眼墊及眉毛, 保護以免灼傷, 就可進行療程啦, 呢個係唔洗敷麻藥既, 潔面後就直接打, 感覺都唔痛, 不過打時雖然合埋眼, 但都見到啲紅光, 有少少刺眼, 所以自然反應會縮, 但唔係因為痛

 
大概 10分鐘就完成, 睇落塊面有少少紅, 但唔似 Fraxel 有炙熱感, 而且好快就退, 完全唔覺唔舒服, 之後搽返面霜同防曬就走得, 唔洗敷麻藥, 過程都快好多, 大半個鐘就得, 食Lunch 都可以去做呀, 而且做完唔覺眼

 
返到屋企, 基本上都睇唔到做完療程, 只係皮膚有啲乾, 需要做好補濕, 但要用溫和既護膚品, 唔好用美白, 果酸, 去角質等產品, 敷MASK 都可以, 但要揀補濕為主, 及一定一定要做好防曬, 使用 SPF30 PA+++ 或以上既防曬霜

 

右邊面色斑比較嚴重, 做完療程覺得好似仲深色左少少 

 

左邊面就好好多, 主要係眼周

 
過左 2日, 色斑較深既位置見到有輕微結痂, 但唔近睇都唔覺, 化左妝係完全睇唔到添, 但皮膚真係有啲乾

結焦時千萬唔好整損或刮佢, 等幾日就會自行脫落

第 4日, 斑睇落淡左, 結焦位置都開始好返啦

 
療程後一星期, 已經完全復原, 色斑淡左少少, 但只進行左一次, 唔會好明顯, 做完第二次再同大家分享

https://www.facebook.com/ParkwaySkinCentre

http://www.parkwayhongkong.com/

Chanel Rouge Coco Shine

Chanel Makeup 除左外表靚, 感覺好 grand, 而且質量都唔差, 睇好多 blogger 都讚佢既唇膏好用, 所以一直都好想買黎試下, 但佢既顏色都鬼婆, 而且 BA 態度都好麻麻, 所以一直未入手.... 2014年 12月實在太忙, 成日都 OT 到 8-9點, 所以都想對自己好啲, 買份聖誕禮物俾自己, 第一時間就諗起 Chanel 唇膏~~

名 稱 : Chanel Rouge Coco Shine #89 Satisfaction
價 格 : $260
容 量 : 3g

產品介紹 :

質地輕盈、色彩活潑的 ROUGE COCO SHINE 柔潤透亮唇膏彷若潤唇膏般柔軟滋潤，好比唇上的第二層肌膚，保濕同時令雙唇散發自然水嫩光采。柔軟的質感讓人一試難忘。蘊含柔潤複合物 (hydratender complex) - 帶給雙唇無可比擬的舒適，並提供長達8小時的保濕效果。

我較為鍾意 Coco Shine 個外形多 啲, 好似 young 啲無咁成熟, 而且質地潤身, 顯色度無咁高, 同埋我咀唇比較厚, 本身唇色都淡, 所以偏愛較 nude 既唇膏顏色, 太紅我會睇唔慣, 所以揀左呢款, nude 既啡粉紅色, 同個名一樣, 好滿意

搽係手都睇到個質地其實好潤, 所以顯色度唔高

搽上咀, 本身個咀好乾, 無搽潤唇膏, 個咀即時潤返, 但個色影相出黎就好淡, 好似好 nude 咁, 但真人其實 ok, 好自然, 有少少色, 睇落神精左, 但唔覺搽左唇膏

因為都幾鍾意呢支唇膏, 其實都唔太捨得用, 只係用過幾次, 個質地好好搽, 唔會 kick 住, 或搽時拉址到咀膏, 夠潤, 唔會攝入唇紋入面, 但持久度應該唔高, 因本身個色好淡, 同埋佢潤身唇膏一般都易甩啲, 但我 ok, 太持久反而會乾, 我唔鍾意

清貨 - 2014年 11 - 12月

Bioderma Sensibio Light Soothing Cream
敏感時用都幾好, 夠溫和, 但除左少少保濕, 無咩特別

Good Natured Lavender Conditioner
係萬寧見 2支有折買黎試下, 香味幾舒服, 質地都幾稀身, 所以唔太夠潤, 尤其髮尾位置

Good Natured Lavender Shampoo
同 Conditioner 香味一樣, 頭幾次用感覺幾好, 洗完好爽好滑, 但用耐左, 就有啲乾, 可能個 conditioner 唔夠潤都有啲關係

I Love Yo Yogurt Cleanser (按此)
用黎卸妝好乾, 反而當佢係洗面又 ok 喎, 如果卸防曬或淡妝, 一次過可以卸乾淨

Innisfree Green Tea Pure Lotion
lotion 對我黎講唔夠潤, light lotion 狀, 所以我當佢係潤身 toner 咁用, 係買 serum 送既 travel set, 支 toner 之前已經用完

Whoo Hwa Hyun Balancer

買 Whoo 秘貼送既 Sample, gel 狀質地好易吸收, 又夠潤, 唔錯

Woo Hwa Hyun Lotion
都係送既 Sample, 估唔到又幾好用, 雖然係乳液, 但之前轉天氣用佢完全唔覺乾, 仲幾滋潤添, 難怪咁多人去韓國都會大手掃貨

The Saem Urban Eco Harakeke Emulsion
托朋友去韓國買野送既 Sample, 都幾補濕, 但唔算潤啱後生女或夏天用

It's Skin Prestige Tonique d'escargot I
蝸牛系列既 toner, 杰身 gel 狀, 有少少 lup, 個樽口細, 好難倒出黎

It's Skin Prestige Lotion d'escargot I
都係樽口細既問題, 好難倒出黎, 質地都唔算 lup, 但唔係吸收得好快, 唔夠個蝸牛 cream 好用

ZO Medical Norma Cleanser (按此)
雖然係洗面膏, 但用後唔會乾, 大大支好襟用, 唔錯

Kate Mineral UV Gel Base (按此)
試係手係 lotion 狀好爽, 但搽上面有少少黏, 同埋用佢粉底唔太好推

洗粉樸液
用左好多次啦, 無左佢唔得

Etude House Baby Choux Base #3 (按此)
呢個牌子都係啱後生女用, 個 base 質地推開好爽, 對我黎講有啲乾, 同埋個色白左啲

Deoproce Vita Gold Essence
係韓國旅行時, 領隊介紹既, 其實都唔知係咩牌子, 平平地買黎玩下, 係透明 gel 入面有 d 金色粒粒, 少少補濕, 但無咩特別

Whoo 津率享平衡液
秘貼 set 入面有既, 但潤身 d, 唔夠 Hwa Hyun 系列好用

Whoo 津率享潤膚液
一樣都係 set 入面送既, 香港天氣有啲潤

Hrraw Lip Balm Coffee Bean (按此)
個咖啡味好香, 都算潤, 就算夜晚搽, 第二朝都唔算好乾, 佢有好多個味, 總有一款啱你心水

Lancome Genifique Youth Activaing Eye Cream
用過支精華覺唔錯, 所以都想試下個 eye cream 係咪都咁好耐, 質地係好 light 既 gel cream 狀, 唔算好 lup 但夠潤, 已經買左 full size, 遲啲同大家分享下

Parkway 百滙皮膚中心 Fraxel Dual 雙飛梭雷射療程 - 最終回

2014年又過去啦, 而我係 Parkway 百滙皮膚中心做 Fraxel Dual 雙飛梭雷射療程亦都完結, 係今年最後一日, 同大家分享埋最終回, 祝大家新年快樂, 每位美女都皮膚靚靚, 永遠青春美麗啦

都係同往常一樣, 清潔皮膚, 然後俾陳醫生睇下當日既皮膚狀況, 咁啱下巴生左粒大瘡, 醫生會避開果個位置唔打

敷麻藥, 大約 30分鐘時間, 姑娘會咨詢下邊 d 位置較痛, 就會敷厚啲, 咁到做療程時就會好些

都係由陳醫生 "操刀" 啦, 可能係最後一次, 我覺得比平時重手, 鼻位等毛孔大既位置, 都打多幾下

睇下塊面咁紅就知啦, 平時打完都係微紅, 今次吹左一陣風機, 都仲係好紅, 姑娘快手幫我搽藥膏, 補濕面霜及防曬

打完一刻, 都幾紅, 仲有點腫, 眼肚位好似喊完咁

返到屋企都仲有啲紅, 已經好左好多, 無乜發熨亦無腫啦

可能打得比較勁, 第二日已經開始有少少結焦啦, 都係搽藥膏, 補濕面霜, 做足防曬, 唔好用刺激既產品, 如美白, vit c, 去角質等等, 敷 mask 都唔好呀



第四日開始甩焦, 而且仲好多添, 睇下額頭同塊化妝棉就知啦, 好似老泥, haha

但抹晒啲焦, 塊面好白滑呢, 呵呵~~

毛孔細晒, 剝殼雞蛋咁滑呀, 素顏出街都唔怕呀

皮膚狀態 keep 住非常好, 轉天氣又凍又乾都無事, mask 都好少敷, 唔乾亦無敏感

完成晒整個6次既療 程, 皮膚狀態好左好多, 有圖有真相, 效果咁明顯, 唔洗我多講都知邊一邊係 Before & After 啦

更驚喜係好難搞既毛孔粗大及敏感情況都改善左好多, 而係一般搽 skincare 改善唔到既, 所以我個人認為係好值得既, 當然都要揀有信心保証既診所及醫生做啦, 美容療程都有一定風險, 新聞都睇唔少意外個案啦

https://www.facebook.com/ParkwaySkinCentre

http://www.parkwayhongkong.com/

Kate Mineral UV Gel Base

名 稱 : Kate Mineral UV Gel Base 進化美肌礦物飾底乳 SPF32 PA++
價 格 : $85
容 量 : 25g

產品介紹 : 

添加雙效礦物粉體, 外層包覆保水性佳的海藻成份(寒天), 可保護肌膚及修飾毛孔

添加複合保濕成份, 橄欖油, 荷荷巴油, 杏仁油, 維持水潤膚觸 

質地好推不泛白, 使肌膚明亮富透明感
無添加 Paraben (防腐劑, 無香料, 無色素



想買無色有防曬既 makeup base, 係 sasa 玩過呢支都唔錯, 質地幾爽身唔 lup, 感覺有少少似 nars 既防曬 base, 但價錢差好遠呀, 平平地買黎試下



質地係白色乳液狀, 無香味

推開都幾易吸收

係無色既, 似一般防曬霜咁

搽上面無咩分別既, 好似搽左 lotion 咁, 雖然係手推開都幾水好爽, 但可能用佢前會搽 skincare, 所以用後都有少少潤, 都見到塊面有 d 令身, 同埋佢係 makeup base, 但質地有 d 啜粉, 上粉唔太好推, 所以個底妝唔算好貼, 所以係做唔到 makeup base 既功效, 當係防曬就唔錯既