Chanel Rouge Coco Shine

Chanel Makeup 除左外表靚, 感覺好 grand, 而且質量都唔差, 睇好多 blogger 都讚佢既唇膏好用, 所以一直都好想買黎試下, 但佢既顏色都鬼婆, 而且 BA 態度都好麻麻, 所以一直未入手.... 2014年 12月實在太忙, 成日都 OT 到 8-9點, 所以都想對自己好啲, 買份聖誕禮物俾自己, 第一時間就諗起 Chanel 唇膏~~

名 稱 : Chanel Rouge Coco Shine #89 Satisfaction
價 格 : $260
容 量 : 3g

產品介紹 :

質地輕盈、色彩活潑的 ROUGE COCO SHINE 柔潤透亮唇膏彷若潤唇膏般柔軟滋潤，好比唇上的第二層肌膚，保濕同時令雙唇散發自然水嫩光采。柔軟的質感讓人一試難忘。蘊含柔潤複合物 (hydratender complex) - 帶給雙唇無可比擬的舒適，並提供長達8小時的保濕效果。

我較為鍾意 Coco Shine 個外形多 啲, 好似 young 啲無咁成熟, 而且質地潤身, 顯色度無咁高, 同埋我咀唇比較厚, 本身唇色都淡, 所以偏愛較 nude 既唇膏顏色, 太紅我會睇唔慣, 所以揀左呢款, nude 既啡粉紅色, 同個名一樣, 好滿意

搽係手都睇到個質地其實好潤, 所以顯色度唔高

搽上咀, 本身個咀好乾, 無搽潤唇膏, 個咀即時潤返, 但個色影相出黎就好淡, 好似好 nude 咁, 但真人其實 ok, 好自然, 有少少色, 睇落神精左, 但唔覺搽左唇膏

因為都幾鍾意呢支唇膏, 其實都唔太捨得用, 只係用過幾次, 個質地好好搽, 唔會 kick 住, 或搽時拉址到咀膏, 夠潤, 唔會攝入唇紋入面, 但持久度應該唔高, 因本身個色好淡, 同埋佢潤身唇膏一般都易甩啲, 但我 ok, 太持久反而會乾, 我唔鍾意

清貨 - 2014年 11 - 12月

Bioderma Sensibio Light Soothing Cream
敏感時用都幾好, 夠溫和, 但除左少少保濕, 無咩特別

Good Natured Lavender Conditioner
係萬寧見 2支有折買黎試下, 香味幾舒服, 質地都幾稀身, 所以唔太夠潤, 尤其髮尾位置

Good Natured Lavender Shampoo
同 Conditioner 香味一樣, 頭幾次用感覺幾好, 洗完好爽好滑, 但用耐左, 就有啲乾, 可能個 conditioner 唔夠潤都有啲關係

I Love Yo Yogurt Cleanser (按此)
用黎卸妝好乾, 反而當佢係洗面又 ok 喎, 如果卸防曬或淡妝, 一次過可以卸乾淨

Innisfree Green Tea Pure Lotion
lotion 對我黎講唔夠潤, light lotion 狀, 所以我當佢係潤身 toner 咁用, 係買 serum 送既 travel set, 支 toner 之前已經用完

Whoo Hwa Hyun Balancer

買 Whoo 秘貼送既 Sample, gel 狀質地好易吸收, 又夠潤, 唔錯

Woo Hwa Hyun Lotion
都係送既 Sample, 估唔到又幾好用, 雖然係乳液, 但之前轉天氣用佢完全唔覺乾, 仲幾滋潤添, 難怪咁多人去韓國都會大手掃貨

The Saem Urban Eco Harakeke Emulsion
托朋友去韓國買野送既 Sample, 都幾補濕, 但唔算潤啱後生女或夏天用

It's Skin Prestige Tonique d'escargot I
蝸牛系列既 toner, 杰身 gel 狀, 有少少 lup, 個樽口細, 好難倒出黎

It's Skin Prestige Lotion d'escargot I
都係樽口細既問題, 好難倒出黎, 質地都唔算 lup, 但唔係吸收得好快, 唔夠個蝸牛 cream 好用

ZO Medical Norma Cleanser (按此)
雖然係洗面膏, 但用後唔會乾, 大大支好襟用, 唔錯

Kate Mineral UV Gel Base (按此)
試係手係 lotion 狀好爽, 但搽上面有少少黏, 同埋用佢粉底唔太好推

洗粉樸液
用左好多次啦, 無左佢唔得

Etude House Baby Choux Base #3 (按此)
呢個牌子都係啱後生女用, 個 base 質地推開好爽, 對我黎講有啲乾, 同埋個色白左啲

Deoproce Vita Gold Essence
係韓國旅行時, 領隊介紹既, 其實都唔知係咩牌子, 平平地買黎玩下, 係透明 gel 入面有 d 金色粒粒, 少少補濕, 但無咩特別

Whoo 津率享平衡液
秘貼 set 入面有既, 但潤身 d, 唔夠 Hwa Hyun 系列好用

Whoo 津率享潤膚液
一樣都係 set 入面送既, 香港天氣有啲潤

Hrraw Lip Balm Coffee Bean (按此)
個咖啡味好香, 都算潤, 就算夜晚搽, 第二朝都唔算好乾, 佢有好多個味, 總有一款啱你心水

Lancome Genifique Youth Activaing Eye Cream
用過支精華覺唔錯, 所以都想試下個 eye cream 係咪都咁好耐, 質地係好 light 既 gel cream 狀, 唔算好 lup 但夠潤, 已經買左 full size, 遲啲同大家分享下

Parkway 百滙皮膚中心 Fraxel Dual 雙飛梭雷射療程 - 最終回

2014年又過去啦, 而我係 Parkway 百滙皮膚中心做 Fraxel Dual 雙飛梭雷射療程亦都完結, 係今年最後一日, 同大家分享埋最終回, 祝大家新年快樂, 每位美女都皮膚靚靚, 永遠青春美麗啦

都係同往常一樣, 清潔皮膚, 然後俾陳醫生睇下當日既皮膚狀況, 咁啱下巴生左粒大瘡, 醫生會避開果個位置唔打

敷麻藥, 大約 30分鐘時間, 姑娘會咨詢下邊 d 位置較痛, 就會敷厚啲, 咁到做療程時就會好些

都係由陳醫生 "操刀" 啦, 可能係最後一次, 我覺得比平時重手, 鼻位等毛孔大既位置, 都打多幾下

睇下塊面咁紅就知啦, 平時打完都係微紅, 今次吹左一陣風機, 都仲係好紅, 姑娘快手幫我搽藥膏, 補濕面霜及防曬

打完一刻, 都幾紅, 仲有點腫, 眼肚位好似喊完咁

返到屋企都仲有啲紅, 已經好左好多, 無乜發熨亦無腫啦

可能打得比較勁, 第二日已經開始有少少結焦啦, 都係搽藥膏, 補濕面霜, 做足防曬, 唔好用刺激既產品, 如美白, vit c, 去角質等等, 敷 mask 都唔好呀



第四日開始甩焦, 而且仲好多添, 睇下額頭同塊化妝棉就知啦, 好似老泥, haha

但抹晒啲焦, 塊面好白滑呢, 呵呵~~

毛孔細晒, 剝殼雞蛋咁滑呀, 素顏出街都唔怕呀

皮膚狀態 keep 住非常好, 轉天氣又凍又乾都無事, mask 都好少敷, 唔乾亦無敏感

完成晒整個6次既療 程, 皮膚狀態好左好多, 有圖有真相, 效果咁明顯, 唔洗我多講都知邊一邊係 Before & After 啦

更驚喜係好難搞既毛孔粗大及敏感情況都改善左好多, 而係一般搽 skincare 改善唔到既, 所以我個人認為係好值得既, 當然都要揀有信心保証既診所及醫生做啦, 美容療程都有一定風險, 新聞都睇唔少意外個案啦

https://www.facebook.com/ParkwaySkinCentre

http://www.parkwayhongkong.com/

Kate Mineral UV Gel Base

名 稱 : Kate Mineral UV Gel Base 進化美肌礦物飾底乳 SPF32 PA++
價 格 : $85
容 量 : 25g

產品介紹 : 

添加雙效礦物粉體, 外層包覆保水性佳的海藻成份(寒天), 可保護肌膚及修飾毛孔

添加複合保濕成份, 橄欖油, 荷荷巴油, 杏仁油, 維持水潤膚觸 

質地好推不泛白, 使肌膚明亮富透明感
無添加 Paraben (防腐劑, 無香料, 無色素



想買無色有防曬既 makeup base, 係 sasa 玩過呢支都唔錯, 質地幾爽身唔 lup, 感覺有少少似 nars 既防曬 base, 但價錢差好遠呀, 平平地買黎試下



質地係白色乳液狀, 無香味

推開都幾易吸收

係無色既, 似一般防曬霜咁

搽上面無咩分別既, 好似搽左 lotion 咁, 雖然係手推開都幾水好爽, 但可能用佢前會搽 skincare, 所以用後都有少少潤, 都見到塊面有 d 令身, 同埋佢係 makeup base, 但質地有 d 啜粉, 上粉唔太好推, 所以個底妝唔算好貼, 所以係做唔到 makeup base 既功效, 當係防曬就唔錯既

Fashion & Beauty x Heroine Make 聖誕華麗魅力眼妝工作坊

Heroine Make 既產品, 見到姬子大家都唔陌生, 當中最出名最多人用過既就係睫毛液及防水眼線液啦, 我都係睫毛液既用家, 因我對油眼只用佢先唔會甩到變熊貓, 所以今次有機會參加 Fashion & Beauty x Heroine Make 聖誕華麗魅力眼妝工作坊, 真係超開心



去到會場, 已經俾周圍既佈置吸引, 會部都係 Heroine Make 既產品, 估唔到防左眼妝, 其它底妝都好齊全, 只係平時較少見到

當然有最出名既超級防水鬈曲睫毛液系列及最強防水眼線啦

底妝產品都唔少

簡單介紹上品牌故事先....

仲有化妝師 cat 教我地點用 Herione Make 產品化個靚妝

首先用礦物 BB 粉底霜做左底妝, 礦物美肌 BB 蜜粉定妝, 三色眉粉畫眉

然後到重點新產品持久亮澤寶石眼影, 一盒有四色, 由底霜, 打亮, 主色, 眼線教晒點用, 一盒搞掂好方便, 而且顏色好靚, 顯色度高, 不同配搭, 可濃可淡



搽好眼影, 就畫眼線, 纖細眼線液, 持久防水及油脂, 用溫水可輕易卸除, 0.1mm 纖細筆尖, 可描繪理想眼線

睫毛液有 2款, 防水濃密鬈曲及防水纖長鬈曲, 不同之處就係個掃頭啦



cat 仲教我地夾睫毛既方便, 係由頭段, 中段, 尾段各夾, 咁睫毛鬈曲度就會自然, 唔會形成 L形, 同埋 Heroine Make 眼毛液係唔洗 Z 形塗, 只係由睫毛根到向上到頂部就會好纖長濃密架啦, 最後搽埋胭脂, 光影, 陰影, 唇彩, 成個妝就完成啦

睇下化左妝同未化, 係咪好大分別呢, 對眼大幾多

檯面有齊 Heroine Make 產品, 就到我地自由發揮既時間啦, 大家都等左呢刻好耐 lu



持久亮澤寶石眼影

01 絢麗黃啡, 02 動人閃啡, 03 甜美粉紅, 04 玫瑰酒紅, 當中 04 好靚, 酒紅帶啡 tone, 所以唔會眼腫, 好啱聖誕用



礦物 BB 防曬粉底霜, 礦物 BB 粉底霜, 三色眉粉, 礦物滑肌細緻粉餅, 礦物美肌 BB 蜜粉

胭脂, 有齊光影, 胭脂, 陰影, 顏色自動, 唔會變阿梅

仲有 2款唇彩, 及纖幼眉筆, 顏色都好自然

 

當日收到三款產品, 包括眼線液, 睫毛液, 四色眼影, 但篇文實在太長, 遲啲再同大家分享用後感

指定分銷商購買，包括莎莎、卓悅、卡萊美、雅施、天使、City’super、LOG-ON、永旺百貨、PIAGO、千色Citistore、龍城葯行、合成香水中心、金英化妝品有限公司、金麗化妝美容香水有限公司、花木蘭化妝品、輝皇(香港)美髮用品有限公司及好好屋

 

http://www.heroinemake.hk
https://www.facebook.com/HeroineMakeHK

Parkway 百滙皮膚中心 Fraxel Dual 雙飛梭雷射療程 - 第五激

又到左去 Parkway 百滙皮膚中心做第五次 Fraxel Dual 雙飛梭雷射療程既時間啦, 簡單介紹下咩係 Fraxel 啦

最新的 Fraxel Dual 雷射具有兩個雷射單位， 一個為 1550nm 頻率，專門改善凹陷痘疤，回復光滑皮膚，縮小毛孔，細緻皮膚 , 均勻膚色，撫平皺紋。另一個為最新的 1927nm 頻率，對去除淺層黑斑 (雀斑、曬斑、老人斑) 和改善難治療的深層肝斑特別有效。

治療前三天停止使用含有對苯二酚 (Hydroquinone), 維他命 A 酸及美白產品, 避免日曬及進行激光治療、去角質等, 並加強保濕

去到姑娘幫我放好啲野, 潔面, 等陳醫生睇下我當日既皮膚狀況, 然後就可以搽麻藥啦, 今次去比較多 booking, 姑娘同醫生都好忙, 所以我個麻藥敷左 45分鐘, 當時都瞓著咁制, 所以唔覺等好耐

跟住就住行 Fraxel 療程啦,可能麻藥敷得夠時間, 所以都唔覺痛, 用 1550nm 時, 完全無感覺, 到平時覺得都幾痛既1927nm 都只係有少少拮, 眼肚呢啲皮膚咁薄既位置都無事, 姑娘都話有啲客人係要求敷耐啲麻藥, 但有啲客敷得耐反而會敏感, 所以都係睇皮膚狀況及個人反應既

搽左降紅藥膏, 補濕面霜, 防曬, 就走得啦, 過程都好快

走之前係洗手間影既, 因為麻藥敷得夠時間, 都無平時打完咁紅

返到屋企都無咩野, 完全唔似做完激光療程, 皮膚狀態睇落仲幾好添, 只係轉天氣, 下巴位有少少敏感紅左

第二日都無咩特別, 只係洗面感覺塊面觸感有啲鞋, 係結焦既先兆, 都係 keep 住搽醫生開既藥膏同 cream, 下巴敏感位置, 搽左藥膏都好返啲啦

第三日就開始結焦啦, 都係唔好搞佢, 等佢自然甩啦, 通常開始結焦, 我會係藥膏前加返補濕精華, 因做完激光, 皮膚都比較乾

第四日情況都係差唔多, 卸妝洗面會感覺到有少少焦甩左

第五日, 用 toner 抹面已經有好多焦甩左出黎啦, 塊面都開始好滑, 呢個時候都差唔多可以用返自己既 skincare 啦, 但當然係用啲比較溫和同補濕為主啦, 美白 / 抗皺 / 果酸類都係唔好用住啦

第七日甩晒焦, 皮膚好滑, 仲白左添, 毛孔都細左, 不過就有少少乾

可以敷下 mask, 等皮膚無咁乾啦

療程後 2星期, 膚質係咪好左好多呢, 毛孔都細晒, 呢個效果真係搽 skincare 及敷 mask 點都做唔到架