清貨 - 2013年 10 - 12月

好耐無出文啦, 揍囡實在太忙, 時間過得好快, 發覺都原來幾個月無出文, 唔可以再咁懶, 其實都買左唔少野, 亦開左新野好想同大家分享下, 但有 d 用完都未得閒出文, 但我覺得好用, 值得同你地分亨既, 我都會影底相, 遲 d 出文講下

係呢幾個月, 雖然無出文, 但都好努力清野, 尤其轉季好乾, skincare 用得特別快呀, 我既存貨都用得八八九九啦

Lancome Genifique Youth Activator 

呢支係之前 Glamabox 送既, 真係好好用, 質地好易吸收又唔 lup, 雖然係細細支 sample, 但都用左一星期, 而且開始見到效果, 用佢果排都無咁乾, 好想買支貨裝

Eminence Calm Skin Arnica Masque (按此)
早排轉天氣, 皮膚唔多穩定, 好在發現原來仲有呢個 mask, 退紅抗敏真係好得, 好似我呢 d 敏感皮膚必備

Biore Cleansing Oil (按此)
屋企既卸妝用晒, 都無咩卸妝油心水, 見有買 2件 85折, 又買返黎用啦, 已經用完 N 咁多支

Max Factor Facefinity All Day Flawless (按此)
係因為新出有支粉底掃送所以買黎試下, 估唔到又幾好用喎, 拍得住 d 大牌子, 好薄唔厚, 個色又0岩我, 返工日日用, 4個月就 ko 左啦, 好少粉底會用得咁快, 只係個包裝, 用到底好難泵出黎 

Olay White Radiance Pristine Liquid Light  (按此)
無乜特別, 少少補濕、去角質咁囉, 美白效果唔明顯, 但好在無敏感 

Squina Beauty Oil

Face Oil 黎講, 都幾快吸收, 又唔會好油 lup lup, 同埋泵裝幾好, 唔會整到個樽都油晒, 又用得快 d, 用完我都入左其它 face oil 落去用

Guinot Moisture Supplying Radiance Mask
用左幾次就用完, 少少滋潤囉, 無咩特別

Sponge Cleanser
都係用左 N 咁多支, 會繼續回購既產品, 但呢排懶, 都好少洗化妝掃

SK-II Facial Treatment Essence (按此)
初初用都幾好, 但用得一段時間, 好似無咩效果咁, 要停一排再用會好 d, 可能我唔係好豪咁倒落化妝棉抹, 我 d fd 就話勁好用

Olay White Radiance Pristine White Essence (按此)
唔錯既美白精華, 雖然美白效果唔算明顯, 只係均勻到膚色, 但幾補濕又唔會敏感

Dermaveen Moisturising Lotion

行美容展送既, 用黎當 hand cream, 都 ok, 無味, 無香料, 無酒精, BB 都用得 

Cetaphil UVA / UVB Defense

之前買 Cleanser 送既, 雖然幾夠潤, 但有 d lup, 化妝既話都 ok 既 

Physiogel Cleanser (按此)

唔錯, 敏感用好好, 唔會刺激皮膚, 夠晒溫和, 同埋沖涼或洗面都得, 秋冬天朝早用呢類洗面好0岩, 無咩出油, 唔洗太強潔力, 但因為有化妝, 夜晚多數會用有泡既洗面 

Innisfree Green Tea Pure Skin

買 Green Tea Essence set 有既, gel 狀質地, 都幾補濕, 但好難吱出黎, 個樽好硬 

Olay White Radiance Pristine Cream (按此)
質地好得意, 好似布甸咁, 用完到夜晚打開, 會變回好似無用過咁, 表面平返晒, 質地好爽身, 水份重 d, 0岩夏天用

Lush American Cream Conditioner
之前都有買過, 再回購既, 但好似無以前咁好用, 唔知係咪頭皮敏感左, 用左一半覺得有 d lup, 可能我唔係配 Lush 既洗髮產品一齊用 

Banila Co Clean It Zero Purity

係韓國旅行買既 , 見好多人都大推, 真係唔錯, 雖然係膏狀質地, 但上面遇到體溫會變成油狀, 卸妝都好乾淨, 又唔會乾 / 油, 但香港買價錢就貴左 d 

HABA Squalane Oil

之前做特價買左 2支, 呢支等到冬天先用,都唔係講到咁神奇, 效果唔係好明顯, 只係有少少潤, 唔會再買

SK-II Facial Treatment Essence (按此)
上面都有提到, 唔再講 

Sothys Hydrating Mask x 2 (按此)

早排搵下有咩 mask,發覺呢 2支仲未開, 快快手用埋佢, 有少少潤, 少少補濕, 但唔知係咪放得太耐, 個顏色唔同左咁, 但又無敏感, 質地係唔錯, 但如果正價買我未必捨得

Phyris Golden Cream & Mask

我只當 eye cream 用, 都 ok, 同埋好襟用, 已經用到見底, 但都仲捱到 2-3星期 

Cetaphil Daily Advance Ultra Hydrating Lotion

都係買 Cleanser 送既, 都唔錯喎, 潤得黎唔 lup, 搽身搽面都得, 敏感時用佢救忘, 唔會令敏感惡化 

Matrix Biolage Strengthening Shampoo
係髮型用品舖買既 salon size, 初初用都 ok, 但可能係 streng, 用用下有 d lup, 好似洗得唔夠乾淨咁, 咁大支, 真係用左勁耐, 但抵好多, 下次試下其它系列先

SK-ll Skin Signature (按此)

好用, 夠潤但唔 lup, 質地好讚, 但呢個唔再出, 俾 stempower 取替左, 但試過 stempower 仲好用 

Olay White Radiance Ultra UV Protective Fluid (按此)

冬天用有少少乾, 質地好水, 用好少就可以搽全面連頸, 防曬效果都唔錯, 仲有一支, 留返夏天先用 

Bio Rosehip Extract Body Oil (按此)

早排真係太乾, 用 body oil 個身都仲係好痕, 所以將屋企所有 body oil 拎晒出黎清晒佢

Olay CC Cream 打造完美裸妝

早前收到 Olay 送上既聖誕禮物, 係最新產品, 包括 CC Cream, Totay Effect, Regenerist 高效緊緻體驗套裝, 當中最有興趣當然係 Angelababy 代言既 CC Cream, 廣告見到佢皮膚水潤亮澤, 令人羡慕。

Olay CC Cream 超完美修護 CC 霜  $239.90 / 50ml

Fair to Light (亮白色) / Light to Medium (自然色)

Olay 特別引入獨特的 3旋護膚科技設計, 同時做到肉色成份帶來柔焦修容, 透明成份帶來保濕亮白及及色成份帶來 SPF 15 清爽防曬三大效果

使用方法 :
1. 擠適量多功能 3合1 CC Cream 於掌手, 並用雙手手心的熱力將 CC Cream 預熱, 讓當中的滋養成份更容易滲透肌膚底層中
2. 先以 3根手指指尖沾上適量 CC Cream , 並全面覆蓋在蘋果肌上, 輕按 3秒, 然後慢慢逐漸向外及向上推按
3. 再把餘下的 CC Cream 重點按在眼肚、鼻翼、咀角等位置, 讓膚色更均勻, 更有效預防乾紋

扭紋設計好得意, 吱出黎都睇到有三隻色, 打圈將三色混合後先搽上面, 會均勻 d, 質地好薄好易推開, 有少少潤澤感, 不過遮瑕度就較低




OLAY Total Effect 全新雙旋多效精華霜  40ml
蘊含20種專櫃頂級成份, 加上橄欖萃取精華, 令抗氧化美容成份能層層滲透, 直達肌底, 再配合突破性的雙旋配方, 一瓶便可代替精華、面霜、防曬及妝前底霜, 解決七大歲月痕跡, 幫助撫平細紋和皺紋, 改善粗糙, 使肌膚柔滑細膩, 改善暗肌, 均勻膚色, 避免毛孔粗大, 抗氧緊緻, 防曬修護同時又有妝前打底等功效。

睇個樽就有精華及 cream 2個成份, 但吱出黎會混合左, 乳白色, 推開都幾薄, 唔會好厚好 lup, 唔知係咪天氣太乾, 我皮膚唔係幾穩定, 試左少少係面, 覺得有 d 拮拮地, 留返遲 d 先再試, 但質地唔錯

搽完 total effect, 再用 CC Cream, 其實遮瑕效果真係唔高, 只係均勻到少少膚色, 真係好裸妝, 印返少少碎粉或者 2 way 就會好 d, 有時放假唔化妝, 用佢就啱晒, 一支有防曬 + makeup base 好自然既效果

 

Max Factor 3合1無瑕持久粉底液

之前行 sasa, 見到 Max Factor 呢支粉底新出, 仲有支粉底掃送, 價錢又抵玩, 試上手質地唔錯, 幾水潤, 好薄又易推, 個色都幾啱我, 所以就買黎試下, 不過我實在太懶, 其實想出文好耐, 但差唔多用完先有動力打文

名 稱 : Max Factor 3合1無瑕持久粉底液

價 格 : $148

容 量 : 30ml

擁有高效持久的效果，一支同時達到「底妝、修正及潤飾」的功能，帶來長效細緻的妝容，充分滿足愛美女士們的需求。3合1 無瑕持久粉底液先為肌膚打造一層持久啞緻的底妝； 配方中的微細遮瑕粒子能有效修飾瑕疵及細紋，更可對抗外來物質的侵害，如汗水和油脂，不會出現滿面油光的情況；最後，SPF20配方可為妳的肌膚帶來全天 候的呵護，其吸油粒子亦有效減低底妝溶化的情況，整天都保持粉嫩無瑕的啞色妝容。

泵裝幾方便, 每次用 2泵就夠, 不過佢都唔算好 liquid 狀, 所以用淨返 1/4度已經泵唔出, 要倒轉個樽黎放, 然後每次要了出黎用。我用 40色, 係偏白既色, 但都幾 match 我膚色, 可以遮到我偏紅既膚色, 用左全日都無變暗

 

幾鍾意佢個質地, 唔太稀, 唔會滴成手都係, 唔太杰, 有 d 乳液狀咁, 好易推, 推開都幾算薄身

支掃都唔錯, 雖然掃頭細左 d , 但掃鼻翼, 眼呢 d 位就幾好, 而且掃毛好滑, 又夠密, 唔會有掃痕, 不過我懶洗掃, 所以都好少用, 會用粉樸上粉多 d

遮瑕效果都有中度, 我 d 斑斑都度到 8成, 唔太深既印都可以遮到, 簡介話可以 3 in 1 做埋 base + fdt + concealer, 佢個質地都唔乾, 所以唔洗搽 base 都 ok, 唔太多野遮既話, concealer 都唔洗點用, 只要係想遮既位印多少少粉底就 ok, 雖然有少少潤, 但完妝個效果係啞色唔 lup 手既, 論持久度既話, 都 ok, lunch 度 T 位會出少少油, 用紙巾印下都 ok, 唔會溶到無晒, 反而係我夏天勁出汗, 俾我抹甩晒多 d 囉

開黎用既時候係 7月份, 夏天最熱既時候, 所以都唔會焗住皮膚, 不過近排一轉天氣, 濕度勁跌, 就覺得乾啦, 雖然未去到裂, 鼻位已經有甩皮啦, 好在我返工差唔多日日用, 4個月就已經用完啦, 時間啱啱好, 我可以開支啱秋冬用既粉底啦

以價錢黎講佢既質量真係唔錯, 拍得住大牌子, 如果唔係成日化妝, 或者 budget 唔多, 買呢支都唔錯, 佢0岩大部份既混合性皮膚用, 但如果太乾性或者冬天, 佢就未必夠, 除非係油性皮膚啦

Etude House Baby Choux Base #2

Etude House 呢個 Base, 一出時已經買左, 到用完先 share... 我諗都已經有唔少人講過

名 稱 : Etude House Baby Choux Base #2 (Pink)

價 格 : $118

容 量 : 25g

輕盈粉嫩的隔離霜質地，如鮮奶油般細密滑順，結合補正膚色與修飾撫平效果，打造光滑彈嫩的寶寶膚質。獨特散光補色技術，能隱藏毛孔細紋產生的陰影，並補正泛紅、蒼白、蠟黃暗沉三種膚色不均問題。含蒲公英、棉花萃取物及彈力矽凝膠分子，長效控制油水平衡，維護肌膚柔軟粉嫩。
使用建議：1號，補正泛紅膚色；2號，補正蒼白膚色；3號，補正暗沉蠟黃膚色。

包裝好靚, 好似甜品咁, 所以一出已經忍唔住買左

有 spf 25 pa++ 夏天用都夠啦, 個罌都好公主 feel

原本想買 #3 peach 色, 但無貨, 試過 #2 pink 其實都無咩分別, 所以就買左 #2 粉紅色


質地好 creamy, 好好推, 分量唔洗太多都夠搽全面, 而且用後唔乾, 但表面好爽唔會令立立咁, 有少少調色作用



已經用完啦, 但佢個罌好扁, 又有個凹位, 其實入面仲有 d base 係度架, 但我點了都了唔到出黎, 其實有 d 晒左

用後感 : 包裝靚, 價錢抵用, 份量都唔少, 雖然平, 但質量唔差, 好爽身但唔會乾, 啱晒混合性皮膚用, 有少少調色作用, 質地好 creamy 好滑身, 所以之後用粉底份量都唔洗多, 但遮毛孔效果就一般, 同埋入秋天氣明顯乾左, 用佢開始有 d 乾, 所以好似我咁冬天係乾性皮膚, 就夏天先好用佢啦, 缺點, 個罌真係浪費左唔少, 但見出左輕裝增量升級版, 係 tube 裝, 而且容量多左 10g, 有 35g, 但價錢不變, 我覺得真係 perfect, 帶出街都方便 d, 玻璃罌係靚, 但都有 d 重, 但總括黎講都唔錯

清貨 - 2013年 8 - 9月

上個月忙搬屋, 阿囡夜間就我自己揍, 所以都好忙, 唔好話出文, 連開電腦 / 睇電視既時間都無, 有時想做下自己野都唔得, 而家阿囡同我都開始習慣新屋, 等佢訓左我都可以抽少少時間打下文啦, hehe

其實 10月初都去左韓國旅行, 買左少少護膚品, 希望大時間同大家分享下啦

BareMinerals Mineral Veil (按此)

好幼維既碎粉, 效果好薄好自然, 控油效果都好好, 好0岩夏天用, 不過個盒既設計雖然可以扭實, 唔會飛到周圍係, 但用到底其實都仲有少少, 但”凳”唔到出黎, 用唔到有 d 浪費

Bio-essence Deep Exfoliating Gel

都幾溫和, 用係面都無敏感, 用完無晒死皮, 塊面好滑

Seve Organic Facial Treatment Essence (按此)

油狀既精華, 夏天可以當埋面霜咁用, 但我會溝 toner 做精華, 唔會咁潤, 但開左 3個月內要用完, 所以有時用埋黎搽肚, 肚紋淡左少少

Pond's Pure White 潔顏泡泡

泡泡洗面一般較乾, 但呢支唔算乾, 一按就用得幾方便, 不過都好快用完

Avene Soothing Moisture Mask (按此)

用左好耐, 之前都有用過, 滋潤多過保濕既 mask, 冬天用0岩 d, 夏天用會覺得有點油, 而且價錢唔平, 50ml 用 10次都就用完

NeoStrata Enlighten Pigment Controller (按此)

質地都唔錯, 不過美白效果唔見明顯, 而且用完佢化妝會起屑屑, 只可以夜晚用

NeoStrata Enlighten Illuminating Serum (按此)

濃度唔算低既美白精華, 但都無敏感, 見到 d 斑都淡左少少

Innisfree Rose Clear Skin

原本都想出文講下, 但太忙用完都未出到, 不過呢支無乜特別, 香味濃左 d, 只係好抵用囉, $88 有 250ml 都幾大支架

La Mer Hydrating Infusion (按此)

雖然價錢唔平, 但真係勁襟用, 每次用 2泵已經夠搽面連頸, 一支用到大半年, 我鍾意佢多過皇牌 moisture cream

Ettusais Lip Essence (deep moist) (按此)

冬天滋潤限量版, 雖然係夠潤又持久, 但有 d lup 咀, 我唔係咁鍾意, 而且佢質地較厚身, 用完佢再搽 lipgloss 既話就好黏又唔出色

Biore Cleansing Oil (按此)

DIY Cleansing Oil 用完, 貪方便都係買返 biore, 依然好用, 買果時見送防曬 sample, 抵!!!

Etude House Baby Choux Base #2

新出已經即刻去買, 都唔錯, 質地好滑, 又有調色作用, 趕時間出門口, 單用佢加碎粉都 ok, 有少少保濕, 但秋天用就開始有 d 乾, 鼻位會甩皮, 個罌太扁, 用到底側邊位好難了出黎, 新出 tube 狀方便 d, 又輕, 帶出街都方便

Olay White Radiance Pristine White Essence (按此)

好溫和既美白精華, 所以效果唔係太明顯, 但就無令我敏感, 同埋補濕效果幾好, 用左佢膚質有改善, 不過開架貨黎講, 價錢都唔平...

SK-II Facial Treatment Essence (按此)

之前換落既 sample, 神仙水初初用效果幾好, 但用得一段時間, 效果就唔多覺… 而且價錢貴, 唔會 keep 住用 lu

轉季敏感靠佢地 - Physiogel Cleanser & Lotion

呢幾日明顯 feel 到天氣開始轉, 朝早起身都有 d 涼涼地, 又係皮膚容易敏感既時候, 所以呢個時候要更加呵護肌膚, 唔好亂轉 skincare, 用 d 溫和 d 既野... 可惜我都係敏感, 好在唔太嚴重!!



Physiogel Cleanser 低敏潔面乳  150ml / 300ml
含SCI溫和清潔因子，能同時紓緩及滋潤肌膚。使用後肌膚柔軟而不乾澀，不影響皮膚正常酸鹼值，減低刺激性。不含油份, 不阻塞毛孔。

可直接使用於肌膚之上， 以清水沖洗或免沖洗皆可。

- 取適量塗抹在肌膚上,以打圈式按摩片刻, 再以清水洗淨後用毛巾輕輕印。
- 免沖水法取適量於肌膚以作打圈式按摩片刻, 再以化妝棉或面紙拭淨即可。

質地係 gel 狀, 無香味, 亦都係無泡既, 吱少少係面按一陣, 我習慣會過水, 感覺乾淨 d, 敏感時用都唔會覺得拮或者拿, 洗完唔覺乾, 會好似有層保護膜咁包住皮膚, 但又唔會覺得洗唔乾淨喎



Physiogel Lotion 低敏清爽修護乳  200ml
天然層脂以獨特DMS(Derma Membrane Structure) 科技高效滲透，模仿人體皮脂層，再造皮膚保護屏障，持久滋潤肌膚同時減少水分流失，有助改善皮膚質素。

白色乳液狀, 吱出黎都唔算好杰身, 仲以為會好 lup, 但推開都好水易吸收喎

用左 cleanser 同 lotion, 分別好似唔係太大, 因為係性質溫和既產品, 主要係保濕鎖水, 保護皮膚表層, 所以唔會有明顯分別, 但洗完面好似白淨左少少, 同埋用埋 lotion 都唔會過潤好 lup 咁



開頭都講左, 我皮膚敏感, 唔算好嚴重, 但都又紅又腫, 有好痕添, 用左 physiogel 幾日, 已經好返晒啦, 真係非常之啱我呢 d 容易敏感既皮膚, 放定係屋企看門口, 有咩事都可以用黎救急嘛


http://www.physiogel.hk/product/index.html

神纖油 - PPC Dermal Oil 燃脂精華油

生完 BB 身形走樣不突止, 橙皮紋更多到數唔晒, 所以都唔可以偷懶, 要搽野按摩

名 稱 : PPC Dermal Oil 燃脂精華油 
價 格 : $560 (體驗價：$280)
容 量 : 50ml

醫學燃脂專研公司Pharmera 率先由韓國引入PPC燃脂精華油，蘊含韓國炙手溶燃脂成份－磷脂膽鹼(PPC)，透過親油性滲透科技，深層滲入皮下脂肪層，安全無痛地燃燒囤積脂肪，為您塑造纖盈緊緻曲線美。

含高濃度磷脂膽鹼 (PPC)、左旋肉鹼及脫氧膽酸鈉。研究顯示當以上成份結合，即可發揮協同效應，能有效及快速地將皮下脂肪層的脂肪燃燒。

沐浴後待身體仍有餘溫時使用, 取適量以打圈方法按摩於問題部位上約 2-3分鐘, 直至完全吸收為止。產品適用於手臂、肚腩、大小腿及臂部較多橙皮紋及脂肪位置。建議每日早晚各使用一次。如對大豆成份敏感者, 請勿使用此產品

包裝都幾好, 泵與油係分開, 開封後先合體,咁就唔怕空氣入左去, 影響神纖油既功效啦

神纖油質地好水狀, 透明無色, 無香味

初初搽上身, 都唔覺有咩感覺, 好似一般潤膚油咁, 但按左 1-2分鐘之後, 開始感覺到有 d 熱, 之後就越黎越熱, 個感覺都幾強, 但為左有效果, 都會忍下, 然後見到皮膚開始有少少紅, 炙熱感持續, 感覺好似燃燒緊 d 脂肪咁, 大約過左 10分鐘, 就開始無咁熱啦, 如果真係頂唔順就要沖身啦, 只係用左幾日, 效果未算明顯

試用產品及產品說明由Pharmera Ltd提供