送大禮 - 得獎結果公佈

2星期前 post 左 送大禮 - 樂膚潔暗瘡護理系列, 多謝各位支持, 反應熱列, 到截止日期有 45位網友留言

再睇下份禮物先





haha, 用左最原始既方法 - 寫紙仔....






登登登登.... 得獎著係 Ms octopus, 恭喜晒






我會以 email 聯絡得獎者安排交收, 如一星期無回覆, 我會再抽過另一位後補

美容展 + SaSa + 萬寧收鑊

因為朋友有入場卷, 所以就一齊去美容展, 食過 lunch 我地就向會展進發啦, 入到去... 發覺美容 counter 唔算多, 原來只係婚紗展暨美容展咋, 只係 NYX 吸引 d, 我地有玩左一陣, 之前上網都買過唔少, 所以我無咩興趣啦, 之後行既大部份都係有關結婚既 counter, 因為朋友知我 plan 緊結婚, 都陪我行左陣, 點知行到會場中間, 俾我地發現左 kilo off counter 喎, 結果....



Mane'n Tail 洗髮護髮套裝 $140, 真係好抵, 之前用過草本系列, 對我黎講潤左少少, 今次試下 Original 先, 另外其它系列都同價



Biolane BB 卸妝水, 好多 sis 及化妝師 Janice Lam 都大推, 想試好耐架啦, 見做特價 $60, 所以買左 2支, yeah~



Bio Secure 法國有機潔膚品牌, 天然有機, 不含香料, 啱晒我易敏感皮膚, 佢有 set 裝好抵, 單買都好平, Face Cleansing Gel 有蘋果汁味好香, 忍唔住買左 $50 咋, 有 250ml 都幾大支架



去完美容展, 我地去 high tea, 路經 SaSa, 見到買任何產品可以加 $29.9 換購 iPhone Case, 粉紅色 + 甜品好可愛呀, 朋友咁啱買 mask, 咁我就加錢換左埋啦



返屋企之前要去萬寧買日用品, 見到卸妝棉特價 $9, 我又買左 BB 卸妝水, 卸妝棉消耗得比較快, 所以囤定三盒, 買左先發覺原來卸妝棉過左期, haha 怪不得咁平啦, 但呢 d 過期 1-2個月無咩問題既, 仲買埋好得意既紙巾, haha



噚日真係收鑊豐富呀, 仲好開心添, 呢排返工咁辛苦, 好耐無試過行街 shopping 啦, 可以減減壓呀

清貨 - 2011年5月

呢個月返左大陸工幹, 又去左台灣旅行, 所以清左唔少 sample, 而且敏感情況都穩定左少少, 所以都努力清下 skincare 存貨



Clinelle Brightening Serum (按此)
好水既 gel 狀, 夏天用幾舒服, 不過美白效果唔明顯, 而且 20ml 好快用完

Shiseido Benefiance WrinkleResist24 Balancing Softener (按此)
幾好用既 toner, 補濕得黎唔 lup, 又可以抗衰老, 但價錢較貴

美肌之誌瞬間撫紋淡斑納米精華素 (按此)
乳液狀, 所以係滋潤感重既精華, 適合冬天用, 開架品牌黎講都唔錯, 均勻膚色幾好

Sothys Preparative Lotion (按此)
乳液狀 toner, 但唔會好 lup, 可以清走老廢角質, 使之後用既 skincare 更吸收, 雖然係美白系列, 但都無敏感

Sothys Brightening Mask (按此)
有少少似 clay mask, 但唔會乾既, 敷完膚色係明亮左, 而家有少少深層清潔作用, 敷後黑頭較易清走



Estee Lauder Advanced Night Repair (按此)
用左好耐既 essence, 都一年有多, 100ml 真係太大支啦, 同埋斷斷續續咁用, 但可能真係無到果個年紀, 夏天用潤左 d, 同埋效果唔算好明顯

H2O Face Oasis Hydrating Lotion spf30 (按此)
好爽身既防曬日霜, 可以做埋 makeup base 添, 舊年夏天開始用, 但一轉季就唔夠潤啦, 到熱返即刻拎出黎用埋佢

O’Naomi 天麻首烏防脫修護精華素 (按此)
普普通通既護髮素啦, 唔會好潤令頭髮扁塌, 但用完又唔會好爽咁囉

Comodynes Make Up Remover
買雜誌送既卸妝棉, 塊棉唔夠濕, 所以抹果時會大力左, 卸防曬淡妝都 ok, 眼妝一定卸唔乾淨, 有時再用卸妝水抹, 都抹到肉色, 即係連底妝都未切底卸除




Sample :

Laneige Multi Cleanser
Cosme Decorte Moisture Liposome
Crabtree La Source Shampoo
Crabtree La Source Conditioner
Crabtree La Source Body Wash
iS Clinical C Eye Advance
Clinelle Purifying Toner
Ainhoa Luxe Eye Essence

St. Clare 超 V 緊緻臉頸精華

名 稱 : St. Clare Y18 超 V 緊緻臉頸精華
價 格 : $210
容 量 : 50ml

產品介紹 :

突破性 7+1 抗老科技, 重現久違的 Y 線條, 精選高科技的八胜肽, 能撫平肌膚紋路, 創造蘋果般的美肌, 燕麥果仁萃取, 具緊緻滑順效果, 能調和膚色、平滑肌膚, 吸收快速的葡萄籽油, 清爽不黏膩, 增加皮膚的柔軟性, 具持續保濕效果的玻尿酸, 觸感清爽無負擔, 幫助肌膚抓住水份, 全新 Y18 超 V 緊緻臉頸精華, 能迅速緊緻, 創造完美 Y 線條, 加上突破性的 7+1 抗老科技, 不只消除皺紋, 更能修復肌膚老化問題, 完全解決肌膚困擾, 歲月痕跡, 一瓶搞定!!

使用方法 : 每日早晚化妝水後, 取適量塗抹於頸部、兩頰及下巴部位, 以掌心及虎口順著頰邊朝太陽穴方向, 由下往上輕輕按摩至完全吸收即可。



St. Clare 為人熟悉既係一套 3支既去黑頭套裝, 而呢支係緊緻精華, 大大個字寫住 7 + 1 既紅色樽身, 好易認





質地係 lotion 狀, 但一 d 都唔 lup, 吸收後好爽, 補濕力唔錯, 夏天單用佢都夠





我塊面好包, 好勁雙下巴, 而且頸紋仲好深添, 呢支精華真係啱晒, 除左可以解決包包面, 仲可以抗老化添, 精華係白色乳液狀, 推開係好薄身既, 完全唔 lup, 因為按摩要用足夠份量, 唔係好易拉鬆皮膚有反效果, 全面連頸我會按 3-4泵, 好似好多咁, 但一支有 50ml, 較平時用開既精華多, 所以都唔需要慳住用, 使用頭 3-4 日, 第一個感覺係膚色均勻左, 印都淡左少少, 到 7-10日, 開始發覺發覺面珠及雙下巴變得緊緻左, 上星期約左個朋友出黎行街, 我地有一個月無見, 佢一見到我就話我塊面瘦左, 明顯面形尖左, 問我係咪減肥添, haha, 真係估唔到用咁短時間已經開始見效, 不過我頸紋實在太深啦, 效果唔明顯, 需要再用耐 d 時間啦

Holista Tea Tree Oil 100% Pure

名 稱 : Holista Tea Tree Oil
價 格 : $128
容 量 : 25ml

產品介紹 :

holista ® 全效 TTO (茶樹油)，嚴選優質茶樹提煉，並無經過稀釋或添加雜質，更取得 International Standard for Oil of Melaleuca (ISO4730) 的國際標準，當中的成份比例符合最高規格。有效擊退暗瘡，散膿散腫，消毒止血加速癒合



使用方法



油質, 但易吸收唔 lup, 好勁茶樹味添





上一篇文講左會介紹近期愛用既去痘產品, 本身係偏乾敏感肌, 唔多痘痘, 只係生理週期會生一兩粒好大既瘡係下巴咁, 所以唔可以用 d 藥性太強或太去油份既產品, 咁會令皮膚好乾及敏感, 近年都係用 Tea Tree Oil 多, 之前都用左好多支 body shop Tea Tree 0il (按此), 感覺都唔錯, 但見有 sis 用過 Holista 呢支幾好, 就轉下啦, body shop 用得耐都悶悶地, 雖然 Holista 包裝都幾易認, 但係 watsons 存貨唔多, 又放係 d 唔起眼既地方, 我都搵左幾間先搵到, 佢成份係 100% tea tree oil, 比 body shop 得 10% 真係純正好多, 消炎效果亦較明顯, 而且有傷口都唔會好拿, 唔會令暗瘡周圍無事既皮膚變乾甩皮, 雖然佢價錢唔算平, 但有 25ml 咁多, 計返好抵用, 連宅男而家都係用佢啦

PS. 唔想成面痘痘印, 要忍下唔好多手亂咁吱呀

送大禮 - 樂膚潔暗瘡護理系列

我係偏乾性敏感皮膚, 年紀亦唔輕, 都好少生痘痘, 係每月 M come 前後先會生 1-2粒勁大瘡, 通常搽 Tea Tree Oil 就搞掂, 都有一支用緊唔錯, 下篇文同大家介紹下

較早前參加 Blogger Gathering, 好幸運咁抽中左大獎, 不過暗瘡系列唔多啱用, 所以送出去俾啱用既 sis, 唔好浪費嘛


樂膚潔暗瘡護理系列包括 (左至右) :
Acnes Foaming Wash 150ml
Acnes Powder Lotion 150ml
Acnes Oil Control Film 50 sheets
Acnes Nose Pore Strip 10pcs
Acnes UV Tinted Milk SPF50 PA++ 30ml
Acnes Oil Control Cleansing Sheep 12 sheets
Acnes Point Clear 9ml




將會抽出一位幸運兒, 得到以上全套 7件產品, 有興趣既 sis 請到 Yahoo Blog 留言, 寫底 Email, 截止日期為 6月5日晚上 12:00正

Dream Skin 高效保濕防敏精華原液

名 稱 : Dream Skin 高效保濕防敏精華原液
價 格 : $138
容 量 : 30ml

產品介紹 :

天然保濕精華液, 採用純天然植物鴨子蘑菇萃取物為主要成份, 補充肌膚所需的水分並長效鎖水, 鎮定因缺水引起的乾燥敏感現象, 使皮膚水嫩透明



Dream Skin Element 100 精華原液, 係萬寧有時出位價 $99 好抵, 呢排轉天氣皮膚好敏感, 所以揀左藍色呢支保濕防敏原液



較少見既包裝, 滴管仲有外蓋, 放係化妝袋或去旅行, 都唔怕壓爛, 整到周圍都係啦



好水既 gel 狀質地, 吸收後好清爽, 補水效果好好



使用前皮膚好乾敏泛紅, 使用後水份高左



去完旅行返黎, 機艙內濕度低令皮膚變得乾燥, 肌膚容易敏感, 所以就開左呢支保濕防敏精華原液黎用啦, 無香料無色素, 好水既 gel 狀質地好清爽, 易吸收唔 lup, 就算皮膚敏感用佢都無任何不適, 用後肌膚水份升左好多, 水份夠, 對舒緩乾燥敏感泛紅好有效, 而且香港天氣又熱又焗, 佢質地清爽, 用後唔會令皮膚標油, 雖然一泵已經夠搽全面, 有時我都會搽多少少按多一陣使皮膚吸收更多精華, 之後搽返少少 cream 銷水就好足夠啦