第一站去 Faces 望下 MAC Holiday Collection 啦, 都有少少想買 cream lipgloss, 但又好似無乜特別, 我又咁多 lipgloss, 都未決定到, 經過 Max Factor 柜位, BA 就派左個 sample 俾我, 仲話而家買新出 Second Skin Foundation 及任何產品, 就免費送贈濕粉掃一支, 價值 $200, BA 試個 fdt 係我隻手, 又真係幾貼薄, 幾滑喎, 試過 sample ok 既話, 真係可以諗諗佢。
之前講過抽中左 The Ztyle x Neutrogena 既試用活動, 今日放假, 順便出 TST 拎埋啦, 但估唔到係間精品店到領取喎, haha, 都幾特別, 我今晚會開始試用架啦, 一星期後會有個詳細既用後感架啦, 希望大家留意啦~~
跟住一落重慶大廈見隔離開左間卓悅喎, 咪入去八下囉, 真係唔入由自可, 一入又洗錢, 下個月個 fd 結婚要做姊妹, 但唔包 set 頭化妝, 咁到時唔可以成個癲婆咁架嘛, 諗住買 d 髮圈搞搞啦, 我呢 d 咁慳家當然唔會晒幾佰蚊買電動髮棒啦, 咁係卓悅見到呢個士多啤梨波波幾得意, 都係 $19, 買黎玩下囉, 啱啱試過都 ok 喎, 卷左個幾鐘都曲曲地, 但要再研究下整靚 d 先 post 俾大家睇啦。
跟住見美麗日記 mask 特價 $49.5 咁抵, 雖然前日先係 watsons 買左白詩, 但 mask 用得快, 買多少少 stocks 都唔怕既, 點知買左之後係 watsons 見到 neutrogena 補濕 mask $159.9 / 15片喎, 唉~~ 早知唔買美麗日記啦, 但又唔想一次買咁多, 唯有等下次見到先再買啦!!
換季啦, 係時候要呵護下皮膚, 買返 d 冬天 skin / body care 先...
今日有 sis 報料萬寧賣肌研白潤 Toner 特價 $59, 肌研係長期公價貨無折架嘛, 見咁抵放工咪去八下囉, 但未到萬寧先入左 Watsons 格下價先啦, 點知見到白潤 Toner 都係 $59 喎, 仲有紅藻素 Toner 特價 $66 添, 我皮膚係換季易敏感, 對美白都麻麻地, 咁紅藻素應該滋潤 d, 就揀左紅藻素啦。
另外屋企既 Paper Mask 用晒, 想買返 d 平平地既, 見白詩 $29.9 有 10片, 有血燕、珍珠美白、蘆薈收毛孔三款, 雖然唔知好唔好用, 都試下啦, 廣源良同美麗日記都用到悶啦, 想買 Neutrogena 果 d, 但又唔平, 要差唔多 $18 一塊呀... 我呢 d 窮等人, 都係用 cheap 野夠啦, haha。
之前用信用咭積分換左 $100 watsons cash coupon, 咁差少少錢, 係 cashier 見到支 Johnson Baby Lotion $6.9, 都係補 $2.8, 就要埋啦。
遲 d 再 post 用後感啦~~
仲有一件 lucky 事, 係 The Ztyle 抽中 Neutrogena 新出補濕 gel 試用呀, 
第一次抽中, 快 d 收到 email 去換就好 lu。
The Body Shop Rich Plum Shimmer Soap (紫洋梅) - 已用完
睇個名仲驚有閃粉添, 開出黎係舊紫色半透明既 soap, 無乜特別, 所以都無補相, 香味無同系列既 showel gel 咁濃味, 只有好少好少既香味, 唔知係咪我放得太耐先用, haha, d 香味都走晒。起泡唔算多, 不過我用起泡網沖涼, 所以問題不大, 過水後無 loccitane 咁乾, 但又無 DIY 手工皂咁滋潤喎, 係好普通既香皂。
L'occitane Honey & Lemon Hexagonal Soap - 已用完
好鍾意 l'occitane 既 honey 味, 真係好香, 雖然轉左係有 lemon, 但我唔覺有 lemon 味, 同 mask, face cream 都係同味, 放係廁所一入去都聞到, 可以做埋香飄飄添呀, haha, 但佢唔算好潤, 頭 1-2日用完有少少乾, 用多幾日就 ok, 我用起泡網, 所以泡沫好豐富, 試過用手起泡, 都唔錯, 比手工皂多泡。但唔知點解, 用完舊 soap 放乾左之後, 會有龜裂紋喎!!!
The Body Shop Moringa Soap (辣木)
好 鍾意呢個味, 雖然有少少濃, 類似壇香類既木味, 但真係好香, 幾特別, 買返黎未用時, 放係柜入面, 每次打開個柜都聞到, 開左放係浴室, 每次去洗手間都聞到, 易起泡, 泡沬豐富, 無紫洋梅咁乾, 但而家天氣沖完都有少少乾, 要搽 body lotion 先得。
上次試左團購 OPI (按此), 今次試埋支 Essie 先, hehe
用左以下呢4樣野....
Sally Hansen Base & Top Coat : 1 層
Essie #545 Pink Glove Service : 3 層
Kanebo T'estimo PK-143 : 甲邊
Seche Vite Dry Fast Top Coat : 1 層
Essie 好油過 OPI, 薄 d, 但無咁快乾, 而且呢好令身, 所以搽一層 top coat 都好令啦, 隻色仲好靚, 淡淡地, 似自然既粉紅甲色, 但因為好透明, 遮唔到甲邊, 所以用 T'estimo 搽左一層, 閃閃地簡約得黎好靚呀, 因為想俾大家睇清楚 Essie 個色, 如果唔係 T'estimo 再油高 d, 指甲既 2/3 會仲靚添, Yeah~~
今個月成績唔錯...
Ipsa The Time Reset Aqua W (按此)
水狀質地, 都幾補濕, 但唔係 gel 狀滋潤形果 d, 春夏用唔錯, 雖然 $300 唔平, 但都用到3個半月, 見有 promotion 已回購定一支留返春天用啦。
Kiehl's Lip Balm #1
質 地係黃色 gel 狀, 類似 vaseline 黃色 tube 果款咁, 唔係太 long lasting 及唔算好潤, 朝早或夏天 ok, 但夜晚唔夠潤, 第二朝都係乾, 冬天或開冷氣更加唔得, 個咀會甩皮添, 而且唔平, 加價幅度唔細添, 所以都唔會再買, 雖然佢有色同有香味果幾款都好吸引, 但仲貴過呢支, 接近 $100, 我唔洗用佢啦....
不過最差都係佢個頭, 唔可以直接搽上咀, 又要用手, 好麻煩!!! 優點算係襟用囉, 15ml 用到一年有多。
Biore Cleansing Oil
用完第 6 支啦... yeah~~
彩豐行保加利亞玫瑰花水 (按此)
我習慣敷 mask 前會用 toner 抹面先既, 用埋 Ipsa 既話會消耗得快呀, 所以平平地買呢支頂擋, 普通既 toner 囉, 水狀唔 lup, 少少 rose 味。
彩豐行銀杏人參抗皺再生精華 (按此)呢支係第二支啦, 真係幾好用, gel 狀補濕唔 lup, 好香人參味。
廣源良鳶尾花抗皺緊緻面膜 (按此)
都幾補濕, 但抗皺緊緻就唔覺有囉, 但補濕效果白玫瑰明顯 d, 所以下次都買返白玫瑰啦。
Utena 玻尿酸保濕面膜 (按此)
得 5塊好快用完, 唔太補濕, 塊 mask 較快乾, 效果唔持久。
Clinique Superdefense (按此)
係 she.com 一年一度投票既禮物, 都係第一次中咋, 另外仲有個 night cream 未開。呢款個質地幾好架, 好似布甸咁又好推, 可惜我用會敏感, 呢個係 superdefense 新版黎架啦, 舊版我都有買過, 都係敏感, 睇黎同佢都唔太夾, 之前用左黎搽頸, haha, 但新版質地好 d, 易吸收唔 lup, 由 pa++ 改良到 pa+++, 用左佢真係一罌搞掂, 防曬都唔洗搽啦。
Shiseido The Skincare Day Moisture Protection (按此)
朋友送既生日禮物, 有 spf15 既 day lotion, 質地都幾水易吸收, 但有少少 lup, 同埋唔覺好滋潤補濕, 無乜特別咁囉, 用左佢唔覺皮膚好左, 但又無差到, 但佢少數有防曬既補濕無令我敏感。
粉樸專用洗劑
雖然唔係 skincare, 影相都 post 埋啦, haha, 係吉仔 $10 店買既, 好出名, 相信好多 sis 都用過啦, 真係好好用, 有時用埋黎洗化妝掃添。
Sample :
Ipsa Pure Protect Cream Foundation x 2
Fresh Sugar Face Polish
Yes to Carrots Hair Conditioner
Giffarine UV Defense Revitalizing Cream
St.Ives Mineral Therapy Body Moisturizer
Etude House Mineral BB Cream
JuJu Squapur Mild Milk S
JuJu Squapur Mild Cream S
Lancome UV Expert High Potency SPF50
La Roche-Posay Daily UVIDEA XL UV Protection SPF50
名 稱 : Lavshuca Powder Compact Eyebrow LB-1
價 格 : $72
容 量 : 3.7g
產品介紹 :
濃淡雙色 x 完美定妝
打造富立體感、持久不脫妝的自然眉型
保濕成份 : 添加真珠精華液、蠶絲蛋白
買果時都諗左好耐, 見上網好多人都係揀 LB-1, 但我本身無染髮, 唔知 LB-1 會唔會太淺, 另外有款 BR-1 深色 d 架, 但買果時無晒 BR-1, 咁就買呢隻試下啦。
都買左成個月啦, 因為未試過用佢再出街, 所以咁遲先開 post 呀, 咁啱早兩日去飲, 啱晒啦, 玩足全日可以試真 d 嘛。
盒底有使用說明, 最右邊既 C, 唔好睇好淺色咁, 用黎打鼻影或加深眼窩都好啱架, 用左真係有分別。用 B 色畫晒全條眉, 然後用 A 色畫眉山眉尾, 第一次試色仲覺得好淺色, 以為自己買錯添, 可能個掃仲新, 無任何顏色, 第二次用就好啱啦, 想深色 d 全條眉用 A 色就好夠架啦。
haha, 大家唔好俾張相既阿梅 look 嚇襯, 我以為相機會食色, 怕睇唔到效果, 所以重手左, 平時當然唔會咁出街啦, haha, 個鼻影真係自己睇到都想笑, 係咪肉眼睇個 C 色好淺, 但搽出黎都幾覺眼架, 我無 hi 到深果兩個色架。
眉色都幾啱, 好自然, 個掃都唔錯, 好滑唔拮, 係掃柄短左 d 唔算太就手, 但畫眉尾就嫌唔夠尖啦, 都係要用眉筆畫靚 d 。
玩完一日都有甩, 但都唔會好嚴重, 有七成仲係條眉度既, 想持久 d 可以用眉 gel 或啡色 mascara 掃兩下既, 咁會整齊貼服 d, 尤其好似我一齊眉毛長既 sis 。
噚日係個識左無十年都有八年既朋友結婚, 大家一齊成長, 見到佢結婚真係好開心好感動, 我著左新買條裙, 著上身條裙原來都幾短下... 行得快又有風既話, 真係好驚走光呀...
晏晝就係教堂行禮, 同另一個 fd 約係地鐵站等, 但搵左好耐都搵唔到, 問人都唔知係邊... 好驚趕唔切呀, 好彩最後都搵到, 雖然我係無神論者... 但睇到佢地互相相愛, 向神許下承諾既一刻 
, 都有少少眼濕濕架... 
新娘真係好靚, 但同時又有少少陌生咁... 我個都係天生麗質, 平時都唔多打扮, 真係未見過佢化妝 set 頭個樣掛, haha, 但出門口太衝忙, 唔記得帶相機呀, 激死, 好彩而家科技先進, 用電話同佢影左幾張相留念咋。
跟 住去 cwb 行左陣, 食少少野就去酒店啦, 但一對新人都太忙, 理唔到我地... 但今次佢地真係好有心機搞呢個婚禮, 好多方面都睇得出佢地既細心, 由小禮物係印有佢地個樣, 名, 婚禮日期既 M & M, 真係好得意架。仲有好多節目添, 新郎新娘跳左 part 舞, 然後戲肉就黎啦, 新人加兄弟姊妹團排左 MJ 既 Thriller 真係全晚高潮, 睇到好開心又特別, 新郎仲係 mix, 個樣都幾似 d 彊屍伯爵, 呢隻舞真係啱晒佢, 哈哈!!!
新 郎全家真係為左今次婚禮洗出混身解數, 食左幾味菜又到新郎媽咪出場唱歌, haha, 好勁呀, 睇到 d 長輩好 high 添, 然後新郎妹妹做左個城堡形既結婚蛋糕, 我初初仲以為假架, haha, 佢為左呢個蛋糕籌備左一個月架, 我地都擔心個蛋糕唔會放左一個月掛... haha, 但係好好味架, 只係太飽食唔落咋...
