It's Skin Prestige Creme D'escargot 晶鑽蝸牛面霜

去韓國前做過下功課, 睇下有咩必掃, 見呢個蝸牛 Cream 好多人讚, 修復皮膚唔錯, 價錢雖然貴少少 (比起其它品牌), 但都要買黎一試, 另外我仲買左同系統既精華 + 眼部精華套裝, 面膜, 都開晒黎用, 遲 d 再同大家分享, 但買完係行程最後一日, 去另一間 It's Skin 竟然蝸牛系統有 8折, 激死我, 原本可以慳返 $180, 買多樣野都得呀.... 嗚嗚嗚...

名 稱 : It's Skin Prestige Creme D'escargot 晶鑽蝸牛面霜
價 格 : W60,000 (約 HK$420)

容 量 : 60ml

產品介紹 :

粘蛋白是蝸牛分泌的粘液性蛋白質, 具有可將裂殼還原的驚人再生能力。粘蛋白中還含有大量的軟骨素, 可提高肌膚的彈性, 為肌膚持續性提供水份, 保護受損的細胞快速再生。同時還添加表皮細胞生長因子 EGF (Epidermal Growth Factor), 最大化發揮再生的協同效應, 是一款創造奇蹟的蝸牛面霜。



60ml 容量唔細, 但個盒真係超巨大, 成套 box set 咁, 如果托人買, 一定要丟左個盒, 唔係實俾人鬧爆



唔好以為丟左個盒就 ok, 個罌先係致命傷, 好似粒鑽石咁真係幾靚, 但真係太大啦, 咁睇好似無乜野...



大家睇下, 有我成隻手掌咁大.... 而且都幾重, 每次要拎出黎搽, 我覺得好煩, 樽口細, 入面又好深, 所以我會入落罌仔, 咁就方便 d, 又唔洗拎黎拎去



白色 cream 狀質地, 都幾 creamy, 但好易推開, 好快吸收又唔 lup, 皮膚覺得好滋潤



係冬天最乾最凍果時開, 夠滋潤又唔會 lup, 最驚喜係轉季皮膚唔穩定, 成日紅紅地好似想敏感咁, 用左佢真係有修復作用, 塊面穩定返多, 連之前敏感左好耐既位都無再敏感, 所以連個印都淡返晒, 估唔到蝸件成份真係咁堅, 難怪咁多人推, 用果時好乾, 所以我都豪用, 而家天氣就有少少潤左 d, 用左 2個月, 已經差唔多用完啦, 不過真係唔錯, 有朋友去韓國都係托佢入手先

Atorrege AD+ 敏感肌救星

12月時天氣開始轉凍, 天氣唔穩定, 又試敷新 mask, 點知搞到塊面勁敏感, 朋友話 Atorrege AD+ 對敏感好好, 唔止夠溫和, 仲有舒緩作用, 所以都入手幾樣野試下, 買左以下既野...

Atorrege AD+ Skin Solution 淨肌舒敏精華  $480 / 45g

市面罕有的舒敏消炎精華, 抑制炎症, 舒緩紅、腫、熱、癢等過敏情況
促進肌膚水油平衡, 收細毛孔, 減少黑頭粉刺, 減低肌膚轉季時的過敏機會
過敏、油性、暗瘡及粉刺肌專用, 迅速強化肌膚免疫力

價錢唔平, 但話係精華, 有 45g, 都諗左好耐, 但見寫可以增強皮膚既免疫力, 減低敏感機會, 就決定買黎試, 罌精華敏感時用下, 都已經俾我用完, 趁仲有少少, 影左相先
奶白色 gel cream 狀質地, 無香味, 搽上手推開變得好水, 一陣就吸收量, 試過敷完 mask 第二日敏感, 又紅又腫, 仲勁痕, 搽左佢有少少舒緩作用, 係無咁痕, 呢 d 係我用過好多溫和既抗敏 skincare 無既, 當然佢又藥膏咁消炎有效, 但唔想成日搽藥膏, 用佢都幾好, 有少少舒緩, 補濕效果都 ok, 唔係好乾單用佢都得, 我就會 on top 搽返 cream 鎖水




見到呢 set 唔係貴, 都算大支, 起敏感時用幾日啱晒, 又可以試晒 3 steps

Atorrege AD+ Starter Kit 護膚旅行套裝  $250
Face Wash Foam 美肌潔面泡泡  50ml
Skin Treatment 美肌補濕液  30ml
Face Moist 美肌鎖濕乳液  19ml



Face Wash Foam 美肌潔面泡泡  $270 / 150ml
天然弱酸情納米潔面泡泡, 深入毛孔徹底潔淨污垢, 預防黑頭粉刺
增強肌膚透明感及光澤感, 減少粗糙老化角質堆積引起的毛孔粗大問題
鎖濕配方, 適合任何膚質包括敏感、暗瘡及濕疹肌膚使用

呢支袁彌明好耐之前都好力推既潔面泡泡, 初初都覺得咁貴, 泡泡又快用完, 但用落就知點解佢咁力讚, 真係好好用, 泡沫好綿密, 吱係手倒轉都唔會跌, 而且唔會一上面就無晒, 每次用量唔洗多, 50ml 都好襟用, 唔好睇佢係泡泡又啱敏感皮膚就以為佢洗得唔乾淨, 佢洗得好乾淨但又唔會乾, 我 fd 話用一排, 黑頭都少左, 下次想試下支潔面液



Skin Treatment 美肌補濕液  $300 / 100ml, $480 / 200ml
高親膚性深度補濕化妝水, 改善乾燥過敏, 滋養真皮層
改善膚質暗啞及吸收問題, 用後肌膚柔軟、潤滑、亮澤
尤其適合缺水乾薄、敏感及濕疹肌膚

杰身既 lotion, 用手輕拍, 都幾補濕, 敏感時用佢都無任何不適, 用手上所以都幾襟用, 不過價錢就唔平...



Face Moist 美肌鎖濕乳液  $300 / 80ml
療效型納米乳液, 有效長時間保持肌膚水份及油脂, 防止乾燥過敏
能增強肌膚彈性與張力, 改善肌膚屏障功能, 促進新陳代謝
可作為妝前隔離霜使用, 適合中乾性、敏感及濕疹肌膚使用

gel lotion 狀, 比 Skin Solution 更爽身, 我冬天係乾性皮膚, 用佢就唔多夠, 留返夏天先用, 或者油性皮膚就好啱, 補濕又唔 lup, 好易吸收, 都係敏感時用都無事, 做到補濕效果



敏感時用晒成 set, 整體都唔錯, 有舒緩敏感作用, 用左幾日就退紅消腫, 而且補水效果好, 好多時敏感好返時會勁甩皮, 但用 AD+ 就無, 不過整體感覺佢係啱油性或暗瘡性既敏感多 d, 因佢 d 產品對我黎講唔太夠潤, 而且無我朋友敏感出痘痘, 佢效果好明顯, 1-2日就好返晒, 我就慢 d, 要 3-4日至一星期, 視乎係咩引起既敏感啦



Banila Co Clean It Zero 卸妝乳

係韓國旅行時, 朋友叫我一定要買呢個產品黎試, 係 banila co 既皇牌產品, 而且係韓國買平過香港水貨好多, 綠色係 for 敏感皮膚, W22000 (約 HKD164), 粉紅色係最普通果隻, 就平啲 W18000 (約 HKD134)

包裝都一樣, 都係 100ml, 都幾大罌架

打開有層膠蓋, 上面有支捧捧, 方便了啲卸妝乳出黎用

粉紅色果罌, 個卸妝相都有少少粉紅色, 有 d 香味, 質地似豬油膏咁



唔好睇落好似好硬身咁, 其實好易了出黎, 係手一按, 遇到體溫, 就好快變到好似油咁, 好得意, 加水會乳化, 過水後好爽, 其實有少少似係膏狀卸妝油, 但過水後爽好多, 一 d 油既感覺都無, 好啱怕用卸妝油既人用



綠色 for 敏感皮膚呢罌, 其實質地、用法、感覺都完全一樣, 只係無色, 無香味, 上網睇成份不含防腐劑, 人工色素, 礦物油, 人工香料及酒精

睇下最重要既卸妝力啦, 搽咗唇膏, 不脫色既唇彩, Mascara, Liquid Eyeliner, 眼線筆, 粉底液, 胭脂係手, 用卸妝乳係手按一陣, 乳化後再過水, 除左 Liquid Eyeliner 同不脫色唇彩仲有少少之外, 其它都好快就卸甩晒啦

整體呢個係好好用, 我都極力推介, 卸得好乾淨又唔油唔乾, 有好多款選擇適合唔同膚質, 好敏敏既話用 PURITY, 但無乜大問題既話, 用粉紅色已可以, 因價錢平啲, 一罌日日用都用到一個月至一個半月, 唔算好平, 但都唔貴, 不過要了出黎就有少少麻煩, 同埋卸眼妝都係分開用返 Eye Makeup Remover 好啲, 因為佢膏狀係眼按唔係咁方便, 同埋佢太防水既彩妝係卸得唔夠乾淨

Whoo 后秘貼自生精華素

去韓國旅行, 當然掃貨係首要做既野啦, 比香港平既要買, 但香港無既更加要買啦, 之前都好想試 Whoo 后既產品, 好多人都會去 G Market 買 sample, 但我唔太鍾意上網買野, sample 每次一包又好麻煩 (雖然抵好多), 所以舊年 10月去韓國旅行, 我既 shopping list 后係沾第一既, 亦上網做左 d search, 係機場 duty free 買係最抵, 又有 set

秘貼自生精華是 Whoo 後繼還幼系列又一成分奢華珍貴、技術創新的風向標頂級產品，擁有不同於以往任何系列的產品概念精髓——自生！其超級滲透和吸收的技術，亦代表了LG的研究和技術實力。

富含皮膚自生的基本藥物飛紫河丹以及珍貴奢華的宮廷三大秘方：拱辰丹、硬玉丹、清心丹等成分。每天使用秘貼自生精華連續3周以上，將會得到再生皮膚、改善皮膚皺紋、超保濕、加強皮膚彈性、使容顏紅潤清雅之功效。

*  飛紫河丹：Whoo後獨家開發的植物性胎盤成分，增強皮膚細胞活性，自行修復治癒肌膚問題，促進皮膚自生修復能力。

*  拱辰丹秘方：內外調理，改善增強肌膚彈性，抗老保濕。

*  硬玉丹秘方：強化保濕、收斂緊致毛孔，恢復肌膚絲綢般細膩質感。

*  清心丹秘方：鎮靜舒緩肌膚，對抗修復敏感、痘痘等皮膚問題，提升改善膚質。

宮廷三大秘方相輔相成，由內而外活化滋養調理肌膚，第一階段，尋找皮膚問題；第二階段，綜合提供皮膚活力營養；第三階段，賦予肌膚自行治癒和再生修復能力。

係百貨公司都見秘貼有 90ml 特別版, 價錢我唔太記得, 但一定唔夠呢 set 抵, 同埋未用過, 都唔敢買 90ml 咁大支, 秘貼 set 有秘貼貨裝 45ml + 20ml, 津率平衡液 20ml,  津率潤膚乳 20ml, 都係賣 USD135 (HKD1078.27), 香港出聖誕 set, 一模一樣都要 $1600

使用方法   為了使精華更深入吸收，先以 Whoo 後調理水潤澤調理肌底，再使用本產品。取適量以臉、鼻、下巴的順序，按皮膚紋理方向均勻塗抹，並以手指輕輕拍打幫助完全吸收。質地係杰身 gel lotion 狀, 啡啡地色, 好韓方護膚品既感覺, 有少少香味

 

好易推開, 所以份量唔洗多, 每次用 2泵已經夠搽面連頸

吸收後係 feel 到有搽左野, 幾潤身, 冬天用幾啱, 夏天用就嫌潤左少少啦, 2支精華都已經用完啦, 感覺係幾潤身, 膚質都有少少改善, 入冬時濕度好低好乾燥, 用左佢都好夠潤, 亦無乜甩皮或起乾紋, 彈性好左 d, 有少少緊緻, 但好顯著既效果又講唔上, 如果係韓國 dute free 呢個價都算 ok 既, 但正價既話我未必會買啦, 因為咁既價錢, 可以買更好既精華用囉

買 set 仲送左 d sample,有 toner, lotion, eye cream, face cream, 不過我未開黎用, 遲 d 先同大家分享下啦

Kiehl's x 龍鳳媽媽 Ultra Facial Cream Intense Hydration Blogger Event

Kiehl's Ultra Facial Line, 一直都好有興趣, 因為補濕產品所有皮膚都啱用, 而佢又唔會令皮膚敏感喎, 所以見到出新品 Intense Hydration Cream, 龍鳳媽媽係 Facebook 招募, 即刻 join, 好好彩被抽中, 真係好開心呀



第一次去到為於尖沙咀海港城入面既 Show Room

入面有齊晒所有 Kiehl's 產品, 包括面部保養系列, 身體保養系列, 頭髮系列, 男士系列等等, 仲有 Eason 設計既 Mr Bones 都係度添



現在就擺放左好多今次既主角 - Ultra Facial Intense Hydration Cream 啦, 仲見到整梳乎里既用具添播



Kiehl's Ultra Facial 系列, 包括
Ultra Facial Cleanser 特效保濕潔面啫喱  $175 / 150ml, $90 / 75ml
Ultra Facial Toner 特效保濕爽膚水  $216 / 250ml, $70 / 75ml
Ultra Facial Micro Serum 特效保濕導入精華  $320 / 50ml
Ultra Facial Moisturizer 特效保濕乳液  $250 / 125ml, $165 / 75ml
Ultra Facial Cream 特效保濕乳霜  $295 / 50ml, $545 / 125ml
Ultra Facial Cream Intense Hydration 深層潤保濕乳霜  $305 / 50ml
Ultra Facial Overnight Hydration Masque 特效晚間保濕面膜  $320 / 125ml

新品 Intense Hydration Cream 為肌膚注入及保存源源水份, 提供即時及長達 24 小時的深層保濕效果, 提升肌膚表層鎖水能力, 撫平乾裂細紋, 肌膚回復水嫩潤澤, 紓緩乾旱及脫皮狀況, 令肌膚更為柔滑, 創新配方不含蠟質或油質, 令質感輕盈無重。

雖然係比 Ultra Facial Cream 更滋潤, 但質感輕盈好多, 推開好輕身, 好快就吸收晒, 仲好爽, 但又唔會好似完全無搽野咁喎, 成份有升級透明質酸及杏籽油, 用後手背即時都滑左

同系列 Serum, 雖然係 Lotion 狀, 但質感都係好薄, 好補濕

Overnight Mask 係 gel cream 狀, 反而呢個有少少厚身, 好似有層保護膜咁包住皮膚, 如果覺得 lup, 可以搽完, 到訓前用紙巾印走多餘份量, 但佢都唔會整到枕頭既

因為 Intense Hydration Cream 質感好輕盈, 如同梳乎里一樣, 所以就特別係 event 中, 教我地整梳乎里啦

將材料混合攪均, 就可以拎去焗啦

製成品, 係咪睇到都流口水呢

然後由 BA 介紹下 Intense Hydration Cream 既補濕威力, 有做測試, 有晒數據實証架

有後由龍鳳媽媽分享下用左 Kiehl's Ultra Facial 系列, 尤其係去日本旅行, 係咁凍咁乾既天氣之下, 才皮膚狀態依然好好, 所以都會 keep 住用, 同時都好推介俾佢既 Fans


多謝 Kiehl's 當日送左罌 Intense Hydration Cream 俾我試, 呢排天氣咁乾, 當晚已經急不及待開左黎用啦, 想試下補濕能力到底有幾強, 不過想用多一段時間先再同大家分享~~

Abbott Similac 美國雅培金護奶粉

阿 b 出世因為唔夠 5磅, 所以係醫院時, 醫生建議佢食雅培既加營心美力, 專係俾早產或唔足磅既 bb 食既, 咁食左阿 b 既磅數確實追得返, 而且無咩問題, 腸胃及便便都 ok, 所以都 keep 住食左 6個月, 然後就轉 2號奶粉, 都係食返雅培既, 一黎阿 b 食開呢個牌子, 二黎都好易買到, 唔洗周圍撲嘛, 不過阿 b 6個月大, 過左母體有既免疫能力, 加上天氣開始轉涼, 佢就好易病, 差唔多一個月病一次.... 又發燒、流鼻水、咳咁, 見到佢都辛苦, 揍佢都好累, 真係寧願病果個係我....所以當我見到雅培新出呢隻金護奶粉, 可以提升免疫力, 即刻買黎試下

研究指出，核苷酸是免疫系統重要的元素之一，它有助生產及修補免疫系統細胞，更能促進系統生產抗體，對抗害菌。不過，BB出生一年內成長迅速，身體會不斷耗用核苷酸，所以如何補充至為重要。

雅培金護奶粉憑藉科研，研製出擁有專利核苷酸成分的 Early Shield®強化系統，幫助BB生產更多抗體，支持免疫系統。加上全面營養配方，有助強化腦部、視力及骨骼發展，為BB成長打好基礎，媽媽自然更安心。

特別調配的植物脂肪組合，臨床驗證有助加強鈣質吸收

包裝由美國著名設計師TY Pennington所設計，榮獲AmeriStar專業包裝設計大獎 ^#，4大特點, 方便衛生


1. 量匙可固定在密封蓋上



2. 刮邊設計，量度奶粉更準確

3. 單手可攜的易握防滑設計





4. 特製底部，配合量匙弧度，底部剩餘的奶粉，也能輕易拿出



呢隻無 2號咁甜, 咁杰身, 奶未重 d, 而且沖既時候易溶 d, 唔會有結塊, 阿 b 都幾肯食, 暫時已經食左 3罐 (一罐平均食到 15-20日), 真係病少左, 免疫力係好左 d, 而且係適合 9-24個月既 bb, 咁就唔洗到 12個月又轉 3號咁麻煩啦, 雖然係貴少少, 但為左 bb 既健康及腦部發展, 我覺得好值得

全新美國雅培金護奶粉

參考價 : HK$232 / 624g
銷售點 : 萬寜及指定藥房藥行有售
顧客服務熱線 : (852) 2806 4843　

www.abbottmama.com.hk

Nuxe Face Cleansing and Make-up Removing Gel

除左 Rose 香味之外, 另一種可以燒到我買野既成份 / 香味就係 honey 啦, Nuxe 呢支 cleanser 其實想試好耐, 但因為太多野未用完, 同埋 sasa 唔係成日見到有貨, 所以一路都無機會試, 早排屋企 cleanser 清得七七八八, 又咁啱見到 sasa 做特價, 所以買黎試下

名 稱 : Nuxe Face Cleansing and Make-up Removing Gel

價 格 : $98 (原價 $245)

容 量 : 200ml

$98 真係好抵玩, 所以都貼住激筍價, 耐唔時都會見做特價 $128, 原價我就一定唔會買啦, 差唔多貴成倍

質地淡黃色, 真係好似 honey 咁, 初初用覺得香味有 d 濃, 但用用下就覺得淡 d,仲好好聞, 好香 honey 味添, 真係好似用 d 真 honey 黎洗面咁, 而且用量唔需要多



個名寫住係 Make Up Removing Gel, 但我就未試過用黎卸妝, 都係用完卸妝油先用佢, 所以唔知佢卸妝效果好唔好, 但我諗普通防曬還可以, 但彩妝、防水眼妝, bb cream 呢 d, 都係卸得唔夠乾淨

雖然無咩泡, 但都唔會話洗覺得洗唔乾淨, 過水後都幾爽

潔力唔算好強, 但冬天用佢真係唔錯, 用完唔會乾, 有少少滋潤感, 同埋香味仲會停留一陣, 朝早用完特別醒神, 價錢又抵玩, 我用左 2個幾月, 都只係用左半支, 有特價就真係試得過, 佢另外仲有支係 face & body 可以用既, 就大支 d, 但我覺得呢支特價都唔貴, 唔需要用 body wash 黎洗面咁慳啦