Mocha Blog

2011年10月10日星期一

Origins Plantscription 悅肌再生眼部修護霜 & 精華

噚日講左工作坊內容, 今日就分享下 Origins Plantscription 悅肌再生眼部修護霜及精華 Sample 既用後感啦

悅肌再生眼部修護霜經臨床證實, 使用 8星期, 有效擊退四大眼部歲月痕跡
1. 顯著減淡魚尾紋
2. 顯著減褪眼肚的相交網紋
3. 顯著提升收緊鬆弛的眼部肌膚
4. 顯著撫平眼瞼上的皺褶

Plantscription 悅肌再生眼部修護霜 Anti Aging Eye Treatment $420 / 15ml
研究顯示它具超卓的兩大抗衰老護膚功效︰康普茶能抑制醣化反應，賦活肌膚彈性，能預防因肌膚積聚過多糖份而引起提早衰老的跡象，撫平眼部四周的細紋及皺紋、眼瞼上的皺褶、眼肚交叉重疊的網紋；亦含天然酵母萃取，蘊含豐富的氨基酸，能有效促進眼部肌膚底層的膠原蛋白自我增生，同時令彈力蛋白和膠原蛋白回復柔軟度及支撐力，讓雙眼肌膚回復青春光采。

淡黃色 Gel Cream 狀質地, 無咩香味, 質地推開好清爽又易吸收, 使用時點少少係眼部周圍, 用無名指輕按, 吸收後唔 lup, 有適當滋潤, 用左 7日, 效果都唔錯喎, 眼袋位置無咁乾, 幼紋都淡左

Plantscription 悅肌再生精華 Anti Aging Serum $540 / 30ml
主要成份是Origins新發現的天然抗衰老要素—「非洲長青木」，抗皺功效媲美醫學處方的抗皺治療劑 Retinoids，卻沒有Retinoids 的副作用。可顯著減淡皺紋及幼紋、提升及收緊鬆弛輪廓、緊緻及改善膚質及提升光澤及擊退暗啞不均

眼部出賣年齡, 面部都一樣, 要好好保養, 所以同系列有呢支再生精華, 自推出以來, 全球已超過 120萬既銷量啦, 係 Origins 熱賣產品第一位添, 啡黃色 lotion 狀, 比眼霜更薄身好推, 易吸收, 唔似一般抗皺產品較黏膩, 用後幾舒服, 亦無敏感, 皮膚 touch wood 未有好深既皺紋, 只係用左 7日功效唔明顯, 但質地我幾鍾意

2011年10月9日星期日

Origins Plantscription 悅肌再生工作坊

上星期到 Origins 教育中心參加 Plantscription 悅肌再生工作坊, 主角係 Plantscription 系列既兩款新產品

位於 Estee Lauder Group 旗下既品牌既 Training Center, 而每個品牌都有一間主題房, 今次當然係到 Origins 房啦, 房入面放滿 Origins 各系列既產品, 由面部到身體都有

但今次要介紹既係佢地, Plantscription Anti-aging Eye Treatment 悅肌再生眼部修護霜, Anti-aging Serum 悅肌再生精華

開始時每人有一份工具, 做左個小實驗, 首先將水倒入腕中, 放入藍色玻璃珠, 玻璃珠好快沉底, 然後加入藍色粉末, 令清水變成雪葩狀, 玻璃珠有足夠承托力, 表示皮膚有足夠膠原蛋白及微纖維蛋白組織, 使皮膚充滿彈性, 減少細紋及皺紋形成

第二個實驗就用上 Plantscription 系列既主要成份非洲長青木, 將水濕入水中搞拌, 等成分溶係水中, 將水倒在乾硬既海綿, 海綿好快變返有彈性, 充滿水份, 與皮膚同一道理

然後職員為我地介紹 Plantscription 系列背後的強效成份 - 非洲長青木 (Anogeissus 榆木樹), 能刺激眼部肌膚的天然微纖維蛋白組織增生, 提升眼部肌膚彈性, 回覆無紋緊緻, 更特別加入有 "長壽菌" 之稱的康普茶 (Kombucha), 當中的茶多酚具抑制醣化作用, 並具抗氧化及清除游離基的功效, 能預防衰老

試左 2款產品係手, 質地都唔錯, 易吸收, 吸收後唔 lup, 用係手部多紋位置, 都有即時減淡效果

除左每日搽眼部修護霜, 仲可以敷下 Eye Mask, 職員仲教左個小 tips, 搽左 eye mask 後, 再敷塊濕既化妝棉係上面, 等 5-10分鐘, 再抹去, 補濕滋潤效果更好, 敷後好水嫩

最後職員教我地點樣搽眼部修護霜及配合按摩手勢, 可以消除眼部浮腫及加速血液循環而減淡黑眼圈

每人離開時得到一份禮品返去試用, 已經用左一星期, 聽日再同大家分享下用後感

2011年10月7日星期五

Alqvimia 魅力誘惑 Sensuality Body Nectar Woman

香港女仔經常俾人以 "港女" 一詞貶低, 主因都係感覺唔夠溫柔, 欠缺女人味, 其實每個女性都有吸引人既一面, 今次介紹下呢款比較特別既產品, 除左可以當香水用, 仲有好多功效, 最重要可提升女性魅力呢~~

名稱 : Alqvimia Sensuality Body Nectar Woman
價格 : $398
容量 : 5ml

產品介紹 :

被譽為開啟女性魅力鑰匙的 Sensuality Body Nectar Woman, 百分百天然, 融匯花精油中最珍貴的數種精油, 觸動嗅覺神經, 提升愛情賀爾蒙, 調理周期性問題, 改善膚質及睡眼質素

天然香薰成份 : 玫瑰、茉莉、橙花、天竺葵、依蘭、玫瑰草、玫瑰果油、聖約翰之光、甜杏仁油、芝麻油
用法 : 使用 1-2 滴, 塗於手腕、頸項、胸部、下腹或會陰, 可當作香水, 每天使用

淡黃色油狀質地, 唔似一般香水咁, 所以香味較濃及持久, 每次用 1-2 滴就夠, 5ml 都有排用

我會當佢香水咁搽, 每次我會用手指按住樽口, 然後將佢倒轉, 好似搽藥油咁, 然後點係手腕, 手臂位置, 香味係天竺葵 + 依蘭依蘭偏木既氣味, 並唔係一般既香水既花香味或果香味, 氣味好持久, 幾小時都仲聞到

佢亦可以搽係下腹位置, 平衡女性賀爾蒙分泌, 改善經期及更年期既不適, 我本身 m 痛唔嚴重, 但用左佢都有少少幫助, 尤其流量多既第一日, 而使用係會陰位置可改善經期唔穩定及子宮疾病, 但唔係所有人都可以用係女性特別部位, Alqvimia 理念係女性體質都有分陰性 / 陽性, 唔同體質使用方法都有唔同, 最好購買時向店員查詢啦

Alqvimia 專門店
銅鑼灣廣場1期 2樓 202號舖
九龍灣德福廣場 2期 328號舖

2011年10月5日星期三

SESHA Clinical Advanced Eye Restore

眼部係靈魂之窗, 當然要好好護理, 因眼部出現乾紋, 容貌顯得老, 及上妝易留下粉痕, 所以眼霜好重要, SESHA 可能大家較陌生, 係美國醫學品牌, 由美國麻省理工學院與哈佛科學家 Dr. Dean Hsieh 研發, 更於 2008年及2009年連續兩屆榮獲國際整形學會頒發 <<最佳產品大獎>> 添

名稱 : SESHA Clinical Advanced Eye Restore
價格 : $1,240
容量 : 15ml

產品介紹 :

蘊含抗氧化及抗氧化聯網系統之六大關鍵原素, 包括維他命A, C, E 及 Q10, 所產生的協同效應可協助發揮美白及抗氧化功效, 減緩因氧化及醣化以致的聯合老化過程, 配合 SESHA PET 專利傳進科技, 令營養成份可直接安全滲透至皮膚底層, 幫助加速吸收, 促進新陳代謝, 修復受損膠原, 消除眼部浮腫, 撫平肌膚細紋及擊退眼周色素, 加倍對抗肌膚老化等問題, 效果比一般營養霜更加顯著

包裝白色好簡單, 一睇就知係醫學品牌, 外盒標示有效日期及生產國家, 用得放心

附有小匙較衛生, 唔怕手既細菌溝入 eye cream 度, 影響使用效果
淡黃色 gel cream 狀, 感覺似蛋黃醬, 有 Q10 成份, 曾經用過另一品牌既 Q10 系列亦係類似顏色, 質地好薄身好推, 但滋潤度好足夠, 易吸收

使用兩星期眼紋及黑眼圈淡左少少, 質感略為滋潤, 天氣再涼 d 會更適合, 而醫學臨床驗證使用 180日可令真皮層細胞得以重組及增生, 我會繼續使用一段時間再觀察下效果, 因 skincare 要長期使用令皮膚慢慢改善

Facebook : http://www.facebook.com/Sesha.hk

2011年10月4日星期二

BareMinerals 礦物彩妝, 重臨香港

BareMinerals 礦物彩妝, 相信唔少人對佢都唔陌生, 之前係旺角 Sephora 有售, 但因 Sephora 徹離香港而無晒專櫃, 只可網上訂購, 但網上揀色困難, 當然係要親身試過先知啱唔啱自己啦, 10月開始大家有機會親身體驗啦, 因資生堂集團收購了 BareMinerals, 以香港為大中華區首站登陸, 更於金鐘太古廣場 Harvey Nichols 及尖沙咀海運大廈 Faces 正式開設美容專櫃

有幸出席 BareMinerals Launch Party, 係香港仔映灣園舉行, 我都係第一次去咋, 環境好靚, 而且品牌好細心, 安排左旅遊巴係尖沙咀/銅鑼灣接我地去, 感覺好似讀書時去旅行咁, 不過有段小插曲, 當日司機大佬唔熟路, 同我地行左個大運, 搞到我地架車係最遲先到達....

入到場內見到好多 BareMinerals 彩妝, 由底霜, 粉底, 胭脂, 眼影, 眼線, 唇膏唇彩, 到睫毛液通通有齊, 仲有 BA 幫我地試上面架, 除左彩妝, 工具/化妝掃都好齊全, 最觸目係個 BareMinerals 礦物粉既朱古力蛋糕, 可惜加左顏料, 係唔食得架, 有 d 浪費...

玩完彩妝, 活動開始, 由司儀楊洛婷為我地簡單介紹, 再由 Bare Escentuals 行政主席 Leslie Blodgett (右下) 及嘉賓講解 BareMinerals, 品牌是 Bare Escentuals 公司旗下以礦物為主既品牌, 由 Leslie Blodgett 於 1995年創辦, 產品採用最純淨優質成分, 獲得美國多項榮譽, 不含對皮膚有害的化學物質, 即使不卸妝, 也不會對肌膚有害, 成分天然的礦物粉底不含防腐劑, 及提供理想遮瑕效果

接著由星級化妝師 Gary 以 BareMinerals 礦物粉底示範, 簡單3個步驟 Swirl 打圈, Tap 輕敲, Buff 柔掃, 已幫 Model 完成靚靚底妝, 加埋胭脂及唇膏, 個樣精神晒, Model 更分享用 Bare Minerals 礦物粉, 底妝好輕好薄, 感覺唔到有化妝, 唔會令皮膚有負擔

Swirl 打圈 : 最少量 BareMinerals 礦物粉底於盒蓋 (就像是 Cappuccino 灑上的朱古力粉份量一樣) 以專用化妝掃, 於盒蓋打圈, 讓掃毛完全沾上粉底

Tap 輕敲 : 輕敲, 直至掃外圍沒有多餘粉底

Buff 柔掃 : 由外至內, 輕輕以畫圓方式柔掃, 化妝掃的掃毛應緊貼肌膚, 切勿一次最大量粉底, 如希望得到高度遮瑕效果, 應重覆數次打圈, 輕敲, 柔掃的步驟

大會邀請藝人 Kary 吳雨霏, 送上首張 VIP 會籍給她, Kary 更分享到英國時已大手購入 BareMinerals, 自用及送俾朋友作手信, 而佢既朋友用後亦大讚好用, 而藝人工作需長時間化妝, 所以 Kary 喜歡 BareMinerals 更因不用卸妝, 亦不會損害肌膚

發佈會完結, 離開時每人得到一份禮物, 包括妝前底霜, 礦物粉, 化妝掃, 及好有心思既 BareMinerals USB

本身未用過礦物粉, 得到禮物已經急不及待開黎玩啦

Prime Time Foundation Primer - Brightening 亮肌妝前底霜 $200 / 30ml
專為改善乾燥、粗糙、幼紋、油脂過剩、粗大毛孔等各種肌膚問題而設, 具珍珠粉末閃亮效果, 令肌膚平滑光澤 (另有 Original 及 Oil Control 2款選擇)

用後感 : 雖然吱出黎係肉色, 但搽上面無咩色, 質地好滑, 推勻後皮膚好順滑, 可以令礦物粉更貼面持久, 而且補濕效果唔錯, 不過有閃粉, 鼻既毛孔就唔係好遮到

Prime Time Eyelid Primer - Brightening 亮澤眼部特妝底霜 $180 / 3ml
有效完全提升礦物眼影的著色度及貼服度, 有效平衡眼部油份並防止眼妝出現摺痕和不均勻情況, 令眼妝更持久 (另有 Orignial 及 Brightening Pearl 2款選擇)

用後感 : 閃亮啡金色, 可用於眼部打底, 不過我覺得單用都可以, 但我無礦物眼影, 所以試唔到佢既效果

Full Flawless Face Brush 面部化妝掃 (高度遮瑕) $215
嚴選最高質素的毛質, 同時為配合 BareMinerals 產品而精心設計, 無論掃毛質料、剪裁以至密度都一絲不苟, 準確地控適當使用份量, 適合用於礦物粉底、礦物定妝粉及各款礦物面部彩妝產品

用後感 : 睇毛質好似好拮咁, 但其實係好滑, 完全唔拮面, 而且設計啱晒使用礦物粉底之用

Original SPF 15 Foundation 透亮礦物粉底 $250 / 8g (全12色)
保護肌膚同時締造如素肌一樣的自然亮滑妝效, 粉末外表, 乳霜觸感, 有效撫平幼紋和皺紋, 令肌膚保持滋潤

我膚色偏白, 呢款係 fairly light 適合略為偏紅既明亮膚色, 首次打開時要取出保護膠, 使用時可向左右扭調效開關, 亦可半開啟小孔, 咁就唔會倒出過量粉底

用後感 : 倒出少量, Swirl 打圈, Tap 輕敲, Buff 柔掃, 方便簡單, 係控制份量要有少少技巧, 不過用多幾次就無問題, 掃幾下就完成底妝, 好方便, 中度遮瑕效果, 但妝效好薄好自然, 連宅男都話唔似搽左粉, 不過毛孔位要小心 d 上, 份量過多會令毛孔明顯

Matte SPF 15 Foundation 啞緻活膚礦物粉底 $275 / 6g (全12色)
革命性粉底有效吸走多餘油脂, 令油光絕跡, 同時保持肌膚整天水潤, 締造持久自然啞緻美肌

用後感 : 同 Original 都係 fairly light, 但肉眼睇就深色少少, 因 matte 感, 只掃少量係 T zone 位置, 減少出油令妝容更持久, 所以我會用上細少少既掃上, 用法都係一樣

Mineral Veil Finishing Powder 礦物定妝粉 $200 / 9g (共6款)
為肌膚帶來輕盈無瑕效果, 是你從早到晚都保持著上鏡粧容的秘訣, 吸走多餘油分之餘, 同時遮蓋幼紋和收細毛孔, 賦予臉龐如透紗般的水漾剔透粧感, 令肌膚整天都煥發光澤透亮, 再見油光。具備透亮、保濕、光感、調色和防曬SPF25產品以供選擇

用後感 : 粉質較 Origins 及 Matte 細緻, 本身之前上既 Origins 礦物粉已經係粉狀, 所以 Mineral Veil 定妝粉唔需要好似平時上碎粉咁用好多, 少量已 ok, 拎出街補妝都好方便

用左妝前底霜及 3款礦物粉底, 效果如上圖, 淡既印及斑都遮到, 而且皮膚睇落平滑左, 帶有少少自然光澤感, 好自然唔厚妝, 不過有暗瘡既話會比用粉底液覺眼, 所以最好用 d 修飾霜打底先, 搽完 Primer 後, 最好待數分鐘等皮膚完全清爽先上礦物粉, 會順滑 d 無咁易 kick 粉

呢篇文打左好耐.... 睇左咁多資料, 有興趣就快 d 去 Harvey Nichols 及 Faces 睇下啦

2011年10月3日星期一

清貨 - 2011年9月

post 左文先發覺, 原來漏左 Ipsa ME 唔記得影相喎, haha

Dr. Bronner's Magic Soaps 有機玫瑰潔顏露 (按此)

潔力幾強既 cleanser, 不過敏感皮膚用就嫌勁左 d, 所以用黎洗手洗粉樸, 終於用完啦

Neutrogena Hydro Boost Essence (按此)
開左好耐, 之後有試用所以放埋左一邊, 轉季天氣乾就拎返出黎用, 不過香味勁左 d, 用淨 2/3, 所以都好快清左

美肌之誌淨白補水納米精華素 (按此)

都係開左一段時間, 質地好水, 夏天用較適合, 不過早排太敏感, 美白產品唔可以亂用, 都係用淨唔係好多, 快手用埋, 不過用佢有少少敏感情況

Ipsa Metabolizer EX2 (按此)

之前買野送既, 仲係舊版第6代, 之前用過 EX3 但唔夠潤, 所以呢支要左 EX2, 好好用, 用手搽就會滋潤 d, 用化妝棉就清爽 d, 都想試下第7代, 不過要等我用完屋企果 d 先 (睇黎都有排…)

Dr Swiss BB Skin Deep Moist Serum x 2
都係較早前減價買落, 乳白色 lotion 狀, 好補濕, 敏感時都用到, 好似令皮膚充滿水份, 水份多左敏感情況有改善, 近期出左新品, 成份加左金箔, 所以呢支我唔出文講啦

Amiz 天然消炎抗菌牛皮癬皂 (按此)

對敏感 / 濕疹有用既手工皂, 有時手臂敏感都會用埋佢, 效果唔錯

洗粉樸液

用左好多次啦, 都唔洗詳細講, 但 $10 shop 由 10月起加價 $12 啦, 不過我都會 keep 住買黎用

Sample :

Ipsa The Time Reset Essence W

Ipsa The Time Reset Aqua W

2011年10月2日星期日

Happy Birthday to Me

上個星期好忙, 近生日朋友都約食飯, 生日前仲打風, 好擔心天氣唔好, 雖然正日都有落下大雨, 不過都可以出街!!
生日過後, 無咩心機打文, 就寫下 d 無聊文啦

朋友堆中, 有一位同我同日生日, 只係細我一年, 所以由識佢開次, 每年我地都會約埋一齊食飯慶祝, 呢個係今年第一個生日蛋糕, 芒果脆脆幾好味