距離第一次做 Fraxel (按此) 又一個月時間, 就打第二次啦, 經過上次既經驗, 已經有定心理準備啦
去到都係影相, 然後姑娘就幫我卸妝潔面啦
搽麻藥, 等 30分鐘... 呢段時間係會好想瞓覺
雖然今次醫生話加強左, 但感覺同第一次差唔多, 只係眼肚、鼻翼位置較痛, 但陳醫生都好快手, 感覺到痛, 已經打完
皮膚無第一次感覺咁熨及紅, 返到屋企都差唔多退晒紅啦, 但都有 keep 住搽醫生開既藥膏及補濕 cream, 因做完 treatment, 皮膚都會較乾
今次比第一次退紅快, 連結焦都快啲, 第二日夜晚, 已經見到開始有少少暗紅色既焦啦, 就咁望唔覺眼既, 只係覺得塊面唔係好滑咁, 係好近睇先會見到啲焦, 可以化妝都無問題
第四日, 焦已經開始甩, 皮膚都平滑咗, 望落白咗
第五日,焦已經甩得八八九九, 皮膚好有光澤, 觸感仲好滑添, 毛孔比起做 fraxel 前都收細左少少
第八日, 效果仍然維持到, 不過 fraxel 係雷頻率係到皮膚深層, 所以有時會出少少暗粒或痘痘
最難改善既皮膚問題係收毛孔, 護膚品只係附助, 單靠搽野係好難做到, 所以都係要做 treatment 先有效改善, 然後就要好好護理啦, 第一次做完 fraxel 都唔覺毛孔有咩分別, 但估唔到打完第二次, 大約兩星期後, 有驚喜喎, 毛孔細左唔少, 而且鼻翼無咁易敏感泛紅, 就算敷 deep clean mask 或吱黑頭都無事, 毛孔細左, 污垢油脂都無咁易藏係毛孔, 黑頭粉刺都少左, 亦易清理左
第二次效果都唔錯, 期待完成整個療程後既效果, 我會繼續同大家分享~~
沒有留言:
張貼留言