清貨 - 2014年1 - 2月

SkinMedica TNS Illuminating Eye Cream
she.com rosy kit 內既 sample, 之前都用過之貨裝, 不過感覺無咩等別, 有少少滋潤, 唔太 lup, 無起粒粒

Bicelle Hydra B5 Gel
好好用既補濕精華, 敏感時或療程後都岩用, 用佢再化妝都唔會起擦膠碎, 不過冬天用量大, 會用得好快, 我會加少少 face oil, 咁就又補濕又滋潤啦, 缺點係貴囉, haha

BareMinerals Original Foundation N10 Fairly Light (按此)
用左好耐, 終於都清到, 我皮膚乾又毛孔大, 唔係咁岩用 Mineral Foundation, 所以我會溝碎粉用黎定妝, 但佢有少少閃, 唔可以用太多

Ettusais Lip Essence (color) (按此)
都幾好用既, 有少少色, 但唔算好潤, 不過有色夜晚都唔用得, 日頭用都 ok, 只係成日飲水或食野既話, 要補密 d 囉

Sukin Nourishing Lip Treatment (按此)
呢支好好用, 香味係甜甜地, 夠潤唔 lup, 用完個咀會柔軟左, 一支都好襟用, 不過係 or 產品, 保質期較短, 所以開左要盡快用完

Vichy Normaderm Hydrating Care (按此)
0岩油性皮膚多 d, 好爽身, 冬天我用唔到, 所以用左黎搽頸, Vichy 產品話好好, 又唔係, 話差又唔講得, 只係用係我皮膚無乜效果

Swiss Doctor Collection Plus

朋友送既, 係生物纖維面膜, 好正, 補濕, 又唔敏感, 不過價錢唔平

Whoo JaSaeng Essence (按此)
后最出名既秘貼精華, 所有皮膚都啱用, 類似打底精華咁, 可能韓國較乾, 質地都比較潤身啲, 夏天用唔錯, 我朋友係美國乾燥地方, 佢話好好, 用左真係唔乾, 但香港夏天都未必用到, 用後皮膚係細滑左, 毛孔細左啲, 但太貴, 未必再捨得買黎

 肌研 es 敏感肌用化妝水
屋企無晒 toner 存貨, 咁啱見萬寧有折就買黎試下, 水狀質地, ok 補濕, 好溫和敏感時用都無事, 但又無咩特別

AtorregeAD+ Skin Solution (按此)
敏感時急救幾好, 真係可以降紅, 消炎, 搽左都無咁痕, gel 狀但好易吸收, 係價錢貴左啲

AtorregeAD+ Skin Treatment (按此)
好補濕既 toner, gel lotion 狀, 好溫和, 皮膚好乾時搽佢即時有飲飽水咁, 而且溫和, 任何皮膚都用得

CNP Laboratory Aqua Dewy Cleansing Water 泉露水潤卸妝水

平時比較少用卸妝水, 因用過唔少都會令我敏感, 就算出名既紅水對我黎講都會令皮膚唔多穩定, 但用卸妝油用到好悶, 又無咩心水, 見呢支都唔錯咁, 上網搵下資料, 原來 CNP 集團係韓國有開設專業皮膚醫學診所, 同治療敏感既專科醫院, 唔少韓國明星都用, 包括 Running Men 既劉在鍚添, haha



名 稱 : CNP Laboratory Aqua Dewy Cleansing Water 泉露水潤卸妝水
價 格 : $198

容 量 : 300ml

產品介紹 :

No-Wash All-in-one 滋潤型卸妝水
【無需水洗】特含純淨露水成份，天然無刺激。無需再用水清洗及可徹底清潔皮膚的雙效卸妝潔面產品。
【卓越的親水&親油潔淨力】徹底清除防水型彩妝污垢，純淨的水狀質地溫和無刺激，敏感肌膚也可使用。
【特含生物發酵酵素合成成份】生物發酵酵素合成成份能夠滋潤肌膚，賦予肌膚活力，維持肌膚健康狀態。
【提升肌膚儲水能力】溫和滋潤的清潔效果，有效清潔肌膚，提升肌膚儲水能力。



清爽型水狀質地, 不僅適合乾性皮膚, 任何肌膚都可使用, 不含人工色素, 人工香料, 防腐劑, 所以都係透明無色, 無香味既, 我呢類敏感皮膚都啱用



係手背測試下先, 搽左 Lipstick, Mascara, Liquid Eyeliner, 眼線筆, BB Cream
倒卸妝水係棉花, 抹左 2下, lipstick, mascara, BB Cream 都甩晒, eyeliner 就抹左 5下度就無晒啦, 卸妝效果唔錯, 而且用後唔乾



當然唔係就咁試係手啦, 平時我都好少化眼妝, 今次畫埋 eyeliner 同 Mascara 試下



都卸得幾乾淨, 但唔防水既 eyeliner 都要 d 時間先卸得乾淨, 最好用濕左卸妝水既棉花敷 10秒先, 咁會易抹 d

一個全妝用 3塊大棉花就抹乾淨啦, 第3塊都無咩色, 只係 d 細微位 (眼尾, 睫毛根部) 再抹下



整體感覺都唔錯, 不過有化眼妝我都習慣眼部係分開卸妝既, 呢支面部係完全無問題, 防水眼妝就要敷一陣先再抹, 就會乾淨 d, 用後都唔覺乾, 就算唔即刻洗面都無問題, 亦都無敏感情況, 睇黎要對卸妝水改觀囉

It's Skin Prestige Creme D'escargot 晶鑽蝸牛面霜

去韓國前做過下功課, 睇下有咩必掃, 見呢個蝸牛 Cream 好多人讚, 修復皮膚唔錯, 價錢雖然貴少少 (比起其它品牌), 但都要買黎一試, 另外我仲買左同系統既精華 + 眼部精華套裝, 面膜, 都開晒黎用, 遲 d 再同大家分享, 但買完係行程最後一日, 去另一間 It's Skin 竟然蝸牛系統有 8折, 激死我, 原本可以慳返 $180, 買多樣野都得呀.... 嗚嗚嗚...

名 稱 : It's Skin Prestige Creme D'escargot 晶鑽蝸牛面霜
價 格 : W60,000 (約 HK$420)

容 量 : 60ml

產品介紹 :

粘蛋白是蝸牛分泌的粘液性蛋白質, 具有可將裂殼還原的驚人再生能力。粘蛋白中還含有大量的軟骨素, 可提高肌膚的彈性, 為肌膚持續性提供水份, 保護受損的細胞快速再生。同時還添加表皮細胞生長因子 EGF (Epidermal Growth Factor), 最大化發揮再生的協同效應, 是一款創造奇蹟的蝸牛面霜。



60ml 容量唔細, 但個盒真係超巨大, 成套 box set 咁, 如果托人買, 一定要丟左個盒, 唔係實俾人鬧爆



唔好以為丟左個盒就 ok, 個罌先係致命傷, 好似粒鑽石咁真係幾靚, 但真係太大啦, 咁睇好似無乜野...



大家睇下, 有我成隻手掌咁大.... 而且都幾重, 每次要拎出黎搽, 我覺得好煩, 樽口細, 入面又好深, 所以我會入落罌仔, 咁就方便 d, 又唔洗拎黎拎去



白色 cream 狀質地, 都幾 creamy, 但好易推開, 好快吸收又唔 lup, 皮膚覺得好滋潤



係冬天最乾最凍果時開, 夠滋潤又唔會 lup, 最驚喜係轉季皮膚唔穩定, 成日紅紅地好似想敏感咁, 用左佢真係有修復作用, 塊面穩定返多, 連之前敏感左好耐既位都無再敏感, 所以連個印都淡返晒, 估唔到蝸件成份真係咁堅, 難怪咁多人推, 用果時好乾, 所以我都豪用, 而家天氣就有少少潤左 d, 用左 2個月, 已經差唔多用完啦, 不過真係唔錯, 有朋友去韓國都係托佢入手先

Atorrege AD+ 敏感肌救星

12月時天氣開始轉凍, 天氣唔穩定, 又試敷新 mask, 點知搞到塊面勁敏感, 朋友話 Atorrege AD+ 對敏感好好, 唔止夠溫和, 仲有舒緩作用, 所以都入手幾樣野試下, 買左以下既野...

Atorrege AD+ Skin Solution 淨肌舒敏精華  $480 / 45g

市面罕有的舒敏消炎精華, 抑制炎症, 舒緩紅、腫、熱、癢等過敏情況
促進肌膚水油平衡, 收細毛孔, 減少黑頭粉刺, 減低肌膚轉季時的過敏機會
過敏、油性、暗瘡及粉刺肌專用, 迅速強化肌膚免疫力

價錢唔平, 但話係精華, 有 45g, 都諗左好耐, 但見寫可以增強皮膚既免疫力, 減低敏感機會, 就決定買黎試, 罌精華敏感時用下, 都已經俾我用完, 趁仲有少少, 影左相先
奶白色 gel cream 狀質地, 無香味, 搽上手推開變得好水, 一陣就吸收量, 試過敷完 mask 第二日敏感, 又紅又腫, 仲勁痕, 搽左佢有少少舒緩作用, 係無咁痕, 呢 d 係我用過好多溫和既抗敏 skincare 無既, 當然佢又藥膏咁消炎有效, 但唔想成日搽藥膏, 用佢都幾好, 有少少舒緩, 補濕效果都 ok, 唔係好乾單用佢都得, 我就會 on top 搽返 cream 鎖水




見到呢 set 唔係貴, 都算大支, 起敏感時用幾日啱晒, 又可以試晒 3 steps

Atorrege AD+ Starter Kit 護膚旅行套裝  $250
Face Wash Foam 美肌潔面泡泡  50ml
Skin Treatment 美肌補濕液  30ml
Face Moist 美肌鎖濕乳液  19ml



Face Wash Foam 美肌潔面泡泡  $270 / 150ml
天然弱酸情納米潔面泡泡, 深入毛孔徹底潔淨污垢, 預防黑頭粉刺
增強肌膚透明感及光澤感, 減少粗糙老化角質堆積引起的毛孔粗大問題
鎖濕配方, 適合任何膚質包括敏感、暗瘡及濕疹肌膚使用

呢支袁彌明好耐之前都好力推既潔面泡泡, 初初都覺得咁貴, 泡泡又快用完, 但用落就知點解佢咁力讚, 真係好好用, 泡沫好綿密, 吱係手倒轉都唔會跌, 而且唔會一上面就無晒, 每次用量唔洗多, 50ml 都好襟用, 唔好睇佢係泡泡又啱敏感皮膚就以為佢洗得唔乾淨, 佢洗得好乾淨但又唔會乾, 我 fd 話用一排, 黑頭都少左, 下次想試下支潔面液



Skin Treatment 美肌補濕液  $300 / 100ml, $480 / 200ml
高親膚性深度補濕化妝水, 改善乾燥過敏, 滋養真皮層
改善膚質暗啞及吸收問題, 用後肌膚柔軟、潤滑、亮澤
尤其適合缺水乾薄、敏感及濕疹肌膚

杰身既 lotion, 用手輕拍, 都幾補濕, 敏感時用佢都無任何不適, 用手上所以都幾襟用, 不過價錢就唔平...



Face Moist 美肌鎖濕乳液  $300 / 80ml
療效型納米乳液, 有效長時間保持肌膚水份及油脂, 防止乾燥過敏
能增強肌膚彈性與張力, 改善肌膚屏障功能, 促進新陳代謝
可作為妝前隔離霜使用, 適合中乾性、敏感及濕疹肌膚使用

gel lotion 狀, 比 Skin Solution 更爽身, 我冬天係乾性皮膚, 用佢就唔多夠, 留返夏天先用, 或者油性皮膚就好啱, 補濕又唔 lup, 好易吸收, 都係敏感時用都無事, 做到補濕效果



敏感時用晒成 set, 整體都唔錯, 有舒緩敏感作用, 用左幾日就退紅消腫, 而且補水效果好, 好多時敏感好返時會勁甩皮, 但用 AD+ 就無, 不過整體感覺佢係啱油性或暗瘡性既敏感多 d, 因佢 d 產品對我黎講唔太夠潤, 而且無我朋友敏感出痘痘, 佢效果好明顯, 1-2日就好返晒, 我就慢 d, 要 3-4日至一星期, 視乎係咩引起既敏感啦



Banila Co Clean It Zero 卸妝乳

係韓國旅行時, 朋友叫我一定要買呢個產品黎試, 係 banila co 既皇牌產品, 而且係韓國買平過香港水貨好多, 綠色係 for 敏感皮膚, W22000 (約 HKD164), 粉紅色係最普通果隻, 就平啲 W18000 (約 HKD134)

包裝都一樣, 都係 100ml, 都幾大罌架

打開有層膠蓋, 上面有支捧捧, 方便了啲卸妝乳出黎用

粉紅色果罌, 個卸妝相都有少少粉紅色, 有 d 香味, 質地似豬油膏咁



唔好睇落好似好硬身咁, 其實好易了出黎, 係手一按, 遇到體溫, 就好快變到好似油咁, 好得意, 加水會乳化, 過水後好爽, 其實有少少似係膏狀卸妝油, 但過水後爽好多, 一 d 油既感覺都無, 好啱怕用卸妝油既人用



綠色 for 敏感皮膚呢罌, 其實質地、用法、感覺都完全一樣, 只係無色, 無香味, 上網睇成份不含防腐劑, 人工色素, 礦物油, 人工香料及酒精

睇下最重要既卸妝力啦, 搽咗唇膏, 不脫色既唇彩, Mascara, Liquid Eyeliner, 眼線筆, 粉底液, 胭脂係手, 用卸妝乳係手按一陣, 乳化後再過水, 除左 Liquid Eyeliner 同不脫色唇彩仲有少少之外, 其它都好快就卸甩晒啦

整體呢個係好好用, 我都極力推介, 卸得好乾淨又唔油唔乾, 有好多款選擇適合唔同膚質, 好敏敏既話用 PURITY, 但無乜大問題既話, 用粉紅色已可以, 因價錢平啲, 一罌日日用都用到一個月至一個半月, 唔算好平, 但都唔貴, 不過要了出黎就有少少麻煩, 同埋卸眼妝都係分開用返 Eye Makeup Remover 好啲, 因為佢膏狀係眼按唔係咁方便, 同埋佢太防水既彩妝係卸得唔夠乾淨