Cathy Cat Aqua Sun Pact SPF 50 PA+++

底妝類 - Makeup Base, 粉底, BB Cream, 碎粉等等, 我都用得唔算慢, 但粉餅 / 2 Way 就慢好多啦, 因為皮膚較乾, 用粉餅狀毛孔、乾紋更明顯, 所以呢盒乾粉買左一段時間先開黎用....

名 稱 : Cathy Cat Aqua Sun Pact SPF 50 PA+++
價 格 : $198
容 量 : 17g

因為實在太耐, 上官網都無左呢個產品囉, Cathy Cat 彩妝, 係 Isa Knox 有得賣



個包裝粉藍配白色, 都幾夏天, SPF 50 咁早, 補妝可以補埋防曬

配備 2個粉樸, 都幾軟, 不過略嫌薄身左 d, 所以我都係用掃或自己用開既碎粉樸黎上

好似有 2個色揀, 我呢款係淺色既, 試係手都 ok, 但用上面就有少少偏黃, 但都可接受, 粉質都幾幼滑



我 主要係用黎朝早定妝 (當碎粉咁用), 所以會厚少少, coverage 唔錯, 色斑暗瘡印都遮到, 不過就好似我頂頭所講, 皮膚乾用粉餅既話毛孔同乾紋就會顯眼 d, 但唔太近睇其實都 ok 既, 不過皮膚乾, 所以都較易甩粉, 所以唔夠持久, Lunch 後都要補下妝



日日用, 用左 2個月, 已經見底啦, 天氣開始轉, 要快 d 用埋佢先, 唔係又唔知放幾耐啦... haha

Skincode 濃縮抗皺精華液

年紀唔細, 轉天氣加上陀 BB 令新陳代謝淡慢, 膠原蛋白流失, 呢個時候最好用高濃度既保養品, 幫肌膚即時叉叉電...

名 稱 : Skincode Cellular Power Concentrate  濃縮抗皺精華液
價 格 : $2880
容 量 : 3ml x 6支

產品介紹 :

高效抗皺專利配方 肌膚年輕緊緻無痕
活 細胞濃縮抗皺精華液蘊含透明質酸及維他命 C 等高效保濕抗皺緊緻成份, 再配上高濃度的 Skincode 專利抗皺成份 ACR Complex, 能令肌膚極速吸收, 深入細胞層激發膠原蛋白增生及阻止流失, 讓肌膚回覆原有彈性, 減淡細紋及皺紋, 高效地令肌膚回復年輕緊緻。擁有無瑕細緻美肌, 年輕光采完美展現。




用法 : 建議連續使用 6-8星期作一個療程, 每年兩次或當肌膚需要改善時。於早晚潔面後均勻塗抹於面部及頸部。

濃縮精華不含防腐劑, 所以分開 6小支, 一支早晚用可以用到 2-3日, 確保精華既成份保持新鮮, 一盒用到 2星期
雖然盒外標明既保質期較短, 但因為濃縮精華液係作急救之用, 只要係有效日期前用完就 ok 啦

淡黃色 gel 狀質地, 無任何香料既氣味, 質感較滋潤, 所以要按一陣等皮膚慢慢吸收

份量唔洗多, 每次用 2-3泵就夠搽全面, 吸收後明顯見到有滋潤感, 但唔會 lup, 不過最好按到完全吸收先好搽 cream, 唔係之後搽既野會較難吸收

用左 2星期, 啱啱好用完一盒, 使用期間天氣唔穩定, 皮膚都幾乾, 用左精華液滋潤感足夠, 所以毛孔好似收左少少, 雖然成份濃縮, 但用佢都無敏感, 不過除左滋潤, 其它效果就未見到啦

清貨 - 2012年11月

因為相機張記憶咭壞壞地, 加上我又懶, 所以今個月既清貨文遲左咁多先出.... 遲 d 我放產假可能都無時間打文, 所以都唔分開 skincare 清貨, 同 makeup 既凹凹賞啦, 一篇出晒算, hehe




NARS Loose Powder – Snow (按此)
都用左好耐, 35g 好大盒, 因為個色比較白, 我溝左 Bourjois 黎用, 所以用得更加耐, Nars 個盒幾好, 用碎粉樸上既話份量唔會拎好多, 0岩0岩好, 所以我用完都留返個盒

BRTC Vitaizer White Gel (按此)
有 d 橙色粒粒精華, 幾得意, 可能年紀唔細, Gel 狀野都唔夠潤, 所以效果唔算太明顯, 多數用黎當 mask 厚敷

Bioderma Hydrabio Mousse Cleansing Foam (按此)
估唔到泡泡 Cleanser 都用到 4個月有多, 雖然只係朝早用, 但佢都唔錯, 好多泡, 潔力 ok 又唔會乾, 以佢既襟用度, 價錢都算平

Olive Water Drop Essence Hand Cream舊同事係韓國買既, 應該都好平, 我見唔少人用黎做手信, gel cream 質地, 一按會變左水咁, 唔算好潤, 但平平地既話都 ok

Caudalie Vinosource SOS Thirst Serum (按此)
0岩敏感皮膚用既精華, 質地都幾水狀, 唔會令皮膚有太多負擔, 不過轉天氣就有少少唔夠潤

Loreal Derma Genesis Gel Cream
我都唔記得係咩抽獎抽中既禮品, 因為佢係控油收毛孔系列, 我唔太敢用係面, 所以只係用黎搽頸, gel cream 狀質地, 好爽身, 應該幾0岩油性皮膚用

Vichy Liftactiv Serum 10 (按此)
潤身既精華, 不過有時皮膚唔穩定時搽完有 d 紅同拮拮地, 但都無引起敏感, 但我唔係咁鍾意呢種感覺, 快手用埋算

日本藏人美白潔面皂 (按此)
都唔錯既潔面皂, 初初用可能會覺得有 d 乾, 但習慣左就 feel 到好乾淨, 用起泡網可以捽到好多泡, 但轉季我都驚之後會太乾, 始終係皂嘛, 所以都快手用埋佢

SK-II Facial Treatment Essence (按此)都用左幾支啦, 都唔錯, 但價錢太貴, 暫時唔會回購住 lu

 
Sample

Estee Lauder Cyber White Moisture Lotion
Sofina Primavista Multi Cover Base UV
Sulwhasoo Balancing Emulsion
Sulwhasoo Balancing Water
Kanebo Dew Superior Moisture Concentrate I
Kanebo Dew Superior Lift Concentrate Cream
Paul & Joe Moisturizing Foundation Primer
日本藏人純米美白乳霜
日本藏人美肌魔法水 

Doctor Kits CC Protect Cream

名 稱 : Doctor Kits CC Protect Cream (自然/亮白) 2色
價 格 : $395
容 量 : 30g

產品介紹 :
 
100% 天然礦物, 集調色粉底、細胞修復、補濕退印、美白防曬多重功效, 當接觸肌膚便瞬間溶化, 質感超乎想象的柔滑貼薄, 色澤亮麗自然, 能即時塑造水凝剔透的零瑕妝容, 在均勻膚色及遮蓋瑕庇的同時, 更注入 EGF 皮膚修復科技及獨有 Camu Camu 成分帶來深層的滋潤修護效果, 從肌膚細胞著手消除色斑, 疤痕, 皺紋等瑕庇, 並配合透明質酸及蜜蠟, 有效滋潤肌膚, 細緻毛孔及舒緩敏感, 徹底提升肌膚質素




我呢款係亮白色, 有 spf 50 PA+++, 所以唔洗用 base / 防曬都 ok

吱出黎比一般 BB Cream 薄身, 顏色自然, 唔會偏灰或過白, 而且遮瑕度唔算好高, 有 d 似有色防曬

個色都好自然, 好貼薄

遮瑕度中等, 但可以均勻膚色, 上埋碎粉, 其實都 ok, 當然大既瑕庇都要用遮瑕膏啦

之前都有用過韓國品牌既 BB Cream, 雖然遮瑕度係高, 但一般較厚, 好焗身, 有 d 顏色仲偏灰或過白, 效果唔自然, 但呢支就薄身好多, 質地都潤身易推, 所以好似防曬咁搽勻就 ok, 唔雖然特別技巧, 遮瑕雖然唔高, 但做到均勻膚色, 對我黎講已經足夠, 用左 2個半月, 都無敏感或爆瘡情況, 要講缺點就係價錢貴左 d 啦

POND'S 深層潔淨眼唇卸妝液體驗分享會

早幾日都出左 POND'S 深層潔淨眼唇卸妝液既試用文, 其實上星期都參加左佢地既體驗分享會



係檯面已經放左主角 -  卸妝液啦, 水油兩層, 配上藍色好似海洋既座, 好靚呀, 當日唔少職員都配合主提, 著上粉藍及白色既衫添

更請到專業化妝師 Kennth Wong 同我地分享下聖誕妝容, model 本身已經好靚女, 成個公仔咁, 化左個 smoky eyes 妝

用到咁深色既 e/s, 厚眼線及假睫毛, 即場示範用 POND'S 眼唇卸妝液, 首先將卸妝液搖均, 倒係化妝棉上, 再敷係眼部幾秒, 再輕抹, 唇妝亦都係, 輕輕鬆鬆, 幾下手勢就卸乾淨左半邊面, 分別係咪好大呢!?

睇示範時仲有好味美既茶點添, 當中2件 cake 最好味, hehe

除 左 Kennth 既真人示範外, 大會將 POND'S 同另外 2個牌子既卸妝水做比較添, 首先係張相度用防水眼線, Mascara, Lipgloss 幫張相化左妝先, 然後用卸妝水噴濕, 其中 B 牌未抹已經見到眼線溶晒, 好似黑色既眼淚咁, 大家既反應都好大, 嘩嘩聲呀, haha

用紙輕抹乾卸妝液, 其實 B牌既彩妝都甩左九成, 但另外 A牌及 C 牌仲有唔少眼線同 Mascara 係度, 再用紙碎測試清爽度, 依然係 B牌表現最出色

唔 洗我多講, B牌當然係 POND'S 既深層眼唇卸妝液啦, 然後到 Blogger 們自己測試, 我揀左既係 C 牌, 眼線都卸得乾淨, 但 Lipgloss 就唔得啦, 抹極都係 lup, 仲黐住好多紙碎添, 可惜大會無公開 A 牌及 C 牌到底係咩 Brand, 如果知道我就唔會買黎用嘛, haha

最後亦收到以下三款產品, POND'S 深層眼唇卸妝液, 清透淨顏泡泡, 卸妝油

卸妝液及卸妝油已經用左, 可以 click 下面 link 睇下

POND'S 深層潔淨眼唇卸妝液 (按此)

Pond's Cleansing Oil 深層淨顏卸粧油 (按此)

日本藏人美白潔面皂

名 稱 : 藏人美白潔面皂
價 格 : $99
容 量 : 90g

產品介紹 :

豐盈泡沫的美白潔臉皂, 含9種消炎、防敏感的草本植物, 令暗瘡, 粉刺或敏感問題, 於潔面時同時消除



本身都幾鍾意用 soap 洗面, 感覺乾淨 d, 但冬天天氣乾燥就較少, 所以趁未入冬, 快 d 用埋屋企既存貨先

包裝簡單, soap 上印有藏人 logo, 打開無任何香味既

其實舊 soap 我都差唔多用完啦, 得返幾細舊, 用起泡網就會打出好多泡, 又唔洗捽好耐

泡泡都好 creamy, 多 d 泡洗面時就唔會拉址到皮膚啦

d 泡多到好似敷 mask 咁就啱啦, 初初用皮膚未適應, 可能會覺得有少少乾 / 繃緊, 但用多幾日, 就會 feel 到好乾淨, 亦唔會好乾, 用左咁耐都好少爆瘡, 無敏感, 不過黑頭當然都仲有啦, 美白效果就唔太覺, 可能本身膚色都唔係黑