凹凹賞第18回

又儲左一堆仔用完既化妝品啦, 不過多數係底妝多, 彩妝我真係比較少用



Estee Lauder Futurist Moisture-Infused Makeup
質地都好水, 好好推, 而且 BA 幫我揀既色都好 match 膚色, 妝感偏水唔 mat 既, 中等遮瑕度, 但唔會厚粉, 妝感自然, 不過可能我皮膚較乾, 唔算好 long lasting, 過左半日塊面 feel 到有 d 乾

Sofina Primavista Long Keep Base 持久控油底霜 SPF 10 PA+ (按此)
淡粉紅色 lotion 狀, 推開質地雖然好水, 但吸收後好似有層粉末咁, 所以控油效果唔錯, 但對於我呢 d 混合偏乾皮膚就乾左 d, 同埋佢個質地配 2 way 等粉狀底妝啱 d, 用 liquid 有少少棘粉 

Kanebo Coffret D'or Clear Cover Base UV SPF50 PA+++ (按此)
肉 色乳液狀, 有少少遮假, 又高度防曬, 有時懶, 搽完 skincare 單用佢再加碎粉已經 ok, 有少少控油, 春夏用唔錯, 不過早排開始轉天氣, 到下午就有少少乾啦, 同埋佢遮毛孔唔算好好, 我鼻位毛孔大, 出油後毛孔容易有肉色一點點, 比較難補救

Estee Lauder Pure Color Gloss
之前去 event 送既, 睇個色好粉紅, 但搽出黎其實好透, 有閃粉但唔會好大粒, 通常搽左 lipstick 後再搽少少係面, 咁就睇落好潤, 亮亮地咁, 不過樽身比較長身, 用到底支棒有 d 難 "了" d lipgloss 出

SANA Pore Putty Face Powder 10g (按此)
上一次凹凹賞都講過, 果時用淨一個框, 之後用到尾尾就整碎溝碎粉用啦, 呢個得一個色, 有少少偏白, 有閃粉, 所以毛孔睇落仲顯眼, 仲乾左 d, 所以回購度係零呀, 雖然佢出左另外幾款, 但都吸引唔到我再買啦

除左以上果幾樣, 仲有 d 係用左好耐都未用完, 或者唔太好用既, 開左好耐應該都過期, 所以丟左算啦

NYX Face & Body Bronzer Medium (按此)
呢盒陰影粉成 33g, 有 CD 咁大盒, 大家都知陰影每次只要用好少就夠, 唔係變阿梅架嘛, 而且佢幾顯色, 又有閃粉, 用左好耐都只係用左少少咋, 用到個樽都爛左, 我諗我用一世都用唔晒, 所以丟左佢算啦

Bare Minerals Prime Time Foundation Primer - Brightening (按此)
初 初用都唔錯, 質地滑好好推, 用後膚質睇落滑左, 有光澤左, 但用得一段時間, 越用越杰身,後尾泵都泵唔到, 但其實入面矢有好多架, 次次都要"了"出黎好麻煩, 而且杰身左無咁潤, 有 d 難推, 所以我放棄左佢啦, 我覺得每次用前都要搖勻佢先, 等佢個 d 粉狀物唔好沉底, 可能咁會好 d

Kanebo Coffret D'or Silk Cream Foundation (按此)
佢唔係唔好用, 遮瑕唔錯, 但 cream 狀質地唔算好潤, 啱春夏天用多 d, 但夏天用 cream fdt 又好似厚身左 d, 而且杰身好襟用, 每次用好少就夠搽全面, 用左差唔多 2年都仲有半罌, 所以唯有丟左佢啦

Vichy Lift Activ Serum 10 肌源再生10號精華

名 稱 : Vichy Lift Activ Serum 10 肌源再生10號精華
價 格 : $395
容 量 : 30ml

產品介紹 :

加入銀樺樹精華，並採用10%高效精準濃度，一次過激活所有皮層，高效保濕成份透明質酸及溫泉水，有助銀樺樹萃取迅速深入乳突真皮層，只需10分鐘，肌膚回復幼嫩細緻。



銀色包裝有別一般 vichy 產品, 不過盒上說明無中文, 所以我都係上網搵簡介, 有效日期去到 2014年11月, 件產品都好新鮮呀, 開封後 6個月內要用完

個泵係係樽蓋頂部, 不過每次泵內份量大約得一半, 所以我要用 3泵 (約 5毫子) 先夠搽全面, 比較麻煩

質地係透明杰身水狀, 有少少香味, 推開好薄, 吸收後好爽身 

使用後皮膚無咁乾, 好似有層薄薄既保護膜咁

用左約一星期, 質地好水狀, 易推開仲好滑, 不過唔算快吸收, 要按一陣先得, 但吸收後都好爽身唔 lup, 皮膚即時無咁乾, 但如果皮膚太乾時, 搽既時候塊面有少少紅, 但過一陣就無事, 亦無敏感情況, 用既時間唔長, 除左補濕, 暫時未見有其它效果

Biore Aqua Rich 防曬保濕水凝乳

夏天唔知大家除左面部搽足防曬外, 身體既保護又點呢, 游水、戶外活動先會搽!? 我就習慣只要外露既皮膚 (由換季著短袖衫開始), 就算落雨我都會照搽, 所以 body 防曬都會買定幾支儲備~~



名 稱 : Biore Aqua Rich 含水防曬保濕水凝乳
價 格 : NT259
容 量 : 50g

產品介紹 :

- 高系數防曬, 預防肌膚曬傷曬黑, 擁有 SPF50 PA+++ 的高防曬力, 卻如水般清爽
- 水感防曬新技術, 將防曬有效成份鎖在水感凝體中, 有效防曬
- 含玻尿酸保濕成分與綜合柑橘萃取, 給予滿滿的保濕
- 滑順的使用感, 使用後肌膚清爽無壓迫感
- 含水配方, 使用感溫和清爽, 只用洗面乳、沐浴乳即可簡單洗淨, 可當妝前隔離霜使用

之前去台灣時見到呢支唔錯, 仲有 tester 試, 質地好爽, 推開好似有水珠咁, 所以即刻買左佢啦, 暫時係香港好似都未見過, 不過唔知係咪放左一段時間, 吱出黎有少少粒粒, 但無怪味, 推開又無乜野, 所以我都照用, 大家都見到, 推開真係好水狀好薄身

佢咁爽我主要都係搽手搽頸多, 未試過搽面, 搽勻後完全感覺唔到有搽防曬, 好爽又唔會乾, 仲無防曬味

日日用, 用左一個月多 d, 差唔多用完添啦, 返 office, 每日都係返工, lunch 會曬到太陽, 我就比較少戶外活動, 但都無曬黑, 唔會過乾甩皮, 或出粒粒, 而且佢用普通沐浴露就可以洗得乾淨, 真係好方便, 當然會曬得好勁既, 都會揀 d 防水同每隔 2-3個鐘補搽啦, 所以我覺得佢係日常用啱 d, 可惜香港唔多覺佢既蹤影, 去開台灣/日本旅行, 都可以買支試下呀

Bioderma Hydrabio Foam 水活保濕潔面泡沫

名 稱 : Bioderma Hydrabio Foam 水活保濕潔面泡沫
價 格 : $220
容 量 : 150ml

 產品介紹 :

一吱就是軟滑如忌廉的泡沬, 觸感細密豐盈的泡泡能深入毛孔清潔污垢及淡妝, 配合專利保濕配方 Aquagenium, 扣水份源源滲透至每個細胞, 全面提升肌膚的「水循環」系統。加上甘油成份能重建及保護肌膚天然皮脂膜, 不怕過度清潔皮膚而造成水分流失, 份外適合缺水及容易敏感肌膚。



Bioderma 卸妝水最出名, 佢既產品都好啱敏感皮膚用, 之前都用過佢既 mask, 都 ok 既, 今次試下呢支泡泡 cleanser, 個吱口好得意, 好似整蛋糕果 d cream 咁, 吱出黎既泡好密好實淨, 同平時泵裝既泡泡洗面所起既泡唔同, 唔會一陣就散, 無任何香味 

d 泡多到好似敷緊 bubble mask 咁, 所以打圈按時一 d 都唔會扯到皮膚, 而且 d 泡都唔會按二按就無晒, 洗完都仲有好多泡留係面度, 不過缺點係比較容易整到髮邊都有泡, 過水後 feel 到塊面好滑

使用前皮膚都有 d 油油地, 洗面後乾淨晒, 潔力屬中等, 但洗完唔覺乾, 唔會繃繃緊, 有甘油成分, 會形成天然皮膚膜保護肌膚, 就算敏感時用都無問題, 唔會過度洗去皮脂, 亦唔會令敏感惡化

平時用既泡泡 cleanser 一般都好快用完, 但呢支好襟用, 用左 2個月都仲未用完, 價錢唔貴, 如果去水貨舖買應該仲平 d 添

清貨 - 2012年8月

唔經唔覺 8月又過左啦, 天氣都開始有 d 轉變, 近月尾清貨進度都唔錯

ISA KNOX Aqua Max Twister Essence (按此)
精華好似龍捲風咁好得意, 吱出黎有透明, 白色, 藍色三種質地, 補濕得黎帶少少滋潤, 大大支都幾抵用

Sunkiller Perfect Strong SPF50 PA+++ (按此)
防曬力唔錯, 用佢都無黑到, 不過用得一段時間, 就 feel 到有 d 乾, 防水效果唔錯, 但係搽身既話要用卸妝水先洗到, 普通沐浴露係洗唔乾淨架

SK-II Facial Treatment Essence (按此)
好好用既精華, 已經用完第二支啦, 一支都幾襟用, 以效果及使用時間, 其實唔算好貴, 怪不得咁多 fans 啦

Clinelle Moisture Booster (按此)
唔算太好用既精華, 有少少補濕, 但唔算溫和, 而且價錢唔平

Johnson’s Baby Simply Soft Lotion
係 watsons 買野加 $9.9換購既, 香味勁左 d, 同埋唔太夠潤



Auganic Organic Rosemary Volumizing Shampoo
香薰洗髮露, 香味都幾好聞, 香薰洗髮一般都偏爽身, 會有少少啜手既, 質地好水狀, 所以每次要泵多幾下, 泡沫都多, 係價錢就唔算平囉, 同系列既護髮素好好用, 不過得支 travel size, 上個月都用完啦

LSnP Volume Conditioner (按此)
我係油性髮質, 用佢就有 d 潤, 但夾 Auganic Shampoo 用就 ok 啦

Ipsa Cleansing Moisture Foam (按此)
都用左好多支, 但加價加得太勁, 未必會再回購啦

Ainhoa Hand Cream
幾夠潤既 hand cream, 洗完手都 ok, 唔洗成日補搽



Sample

SK-II Cellumination Deep Surge
Ainhoa Luxury Diamond Facial Cream
Laneige Multiberry Yogurt Peeling Gel
Covermark Cell Advanced Cream