原來都 2 年無整 Soap 啦, 今次應朋友要求所以 "重出江湖", haha 都好, 等我可過下整皂癮, 冬天都係整返潤 d 既綠茶黑糖皂
首先將材料 (橄欖油, 椰子油, 棕櫚油, 可可脂, 白油, 乳油木果脂, 甜杏仁油, 荷荷巴油, 蜜蠟, NaOH, 蜜糖, 綠茶黑糖水) 加熱, 然後混合, 因為量份量好手忙腳亂, NaOH (氫氧化鈉) 加水後溫度急升及有腐蝕性, 幾危險, 所以都無影相啦
好似整蛋糕咁不停攪伴, 等材料皂化, 有黑糖所以個色好深, 過左 15mins, 開始由半透明變左混濁及淺色左
過左 30mins, 個色又再淡 d, 質地變得杰身
到 50mins 再杰 d, 可以係表面形成花紋, 咁既時候即係完成, 可以入模啦
用呢 d 蛋糕 / 矽膠模會易脫 d 又靚, 可以係蛋糕材料用品舖 / 淘寶買到
入模後要保溫, 我會放係發泡膠箱內, 存放一日, 拎出黎會變左咁既樣, 脫模後幾靚, 呵呵
風乾幾日, 呢幾日 soap 顏色會有些微變化, 視乎成份比例, 溫度, 濕度等, 然後就可以用保鮮紙包好, 一個月後就可以用啦!!
大家 Boxing Day 會做 d 咩呢? 拆禮物!? 我就無禮物拆, 所以搵晒 d 用完既化妝品出黎, 打下文啦, 有 d 2-3個月前已 用完, 不過想夾多幾樣野先出文
Orbis UV Cut Sunscreen on face (按此)
我覺得唔太好用, 當佢做 base, 但之後上粉會起碎, 單用佢 coverage 又唔夠, 質地有 d 乾, 越用越想丟左佢, 不過都好努力咁總於用完啦
Covermark Essence Foundation N10 (按此)
我 有 2罌 covermark 粉底, 自己買果罌係 BO10, 呢罌係試用既, 因個色有 d 偏黃, 所以我會溝 BO10 黎用, 隻 Foundation 真係唔錯, 夠潤, Coverage 高, 好貼又唔厚, 價錢唔平, 但每次用好少就夠搽全面, 好襟用, 日日用一罌都用到大半年, 另開罌 BO10 都得返少少咋, 我要努力清埋佢先得, 咁我就可以清下 d BB Cream, haha
MAC Cremesheen Glass - Partial to Pink (原來無出文寫過佢添!!)
好 耐之前用過 MAC 既 lipgloss, 但覺得質地好乾, 唇紋好顯眼, 所以對 MAC 既 lipgloss 有偏見, 後黎見好多人讚, 決定再試下, 果然真係好正, 呢支 lipgloss 我好鍾意, 色靚, 唔 lup 咀, 所以用得好快呀, 好少咁快用完一支 lipgloss, 應該會回購
Kiss Me 纖長鬈曲睫毛液 (按此)
我本身睫毛唔濃密, 好幼好軟, 夾完好快又 dup 落黎, 用過幾款 mascara 都太重, 睫毛唔曲又易溶到變熊貓眼, 直至遇到 kiss me, 好好用既 mascara, 快乾搽完唔會 hi 到眼皮, 夠輕身又防水防油, 睫毛 keep 到鬈曲, 雖然夏天眼尾會有少少溶, 但可接受, 之前好抵用, 因日元升左, 佢都加左價, 但仍然抵用, 呢支其實仲用到, 不過開左咁耐, 都要丟啦
Paul & Joe Powder Foundation #30
個色黃左 d, 所以用黎做陰影, 粉質都 ok, 但我本身皮膚太乾, 唔啱用 powder 狀粉底
Merry Christmas~~
呢排天氣凍左, 都懶左出文添, 加上去完旅行皮膚好敏感, 好多 skincare 都要忍手停用, 所以今次唔寫 skincare, 寫下 d 生活點滴啦, 月頭去左歐洲渡蜜月, 風景及建築物都好靚, 係度同大家分享下, 影左好多相, 不過 yahoo blog 唔可以放太多, 所以精選左 d post 出黎
Day 1 - 意大利羅馬, 首站去梵蔏岡聖彼得大教堂, 外觀已經好靚, 但入到去係仲靚, 入面好大架
大理石雕刻品及掛畫好靚, 人物表情動作都好細緻, 大理石咁堅硬, 但 d 衫你會覺得好輕好軟咁, 真係鬼斧神工
羅馬鬥獸場 - 好壯觀, 但近睇有 d 殘, 咁多年經歷左唔少風霜, 因唔夠時間, 無入到去... 好想入去睇下
有睇無記 "衝上雲霄" 既朋友應該都好記得呢個許願泉, 企中間既係海神, 雕塑係關於佢既故事
Day 2 - 威尼斯, d 水真係好近, 如果落雨會水浸架, 相入面既係嘆息橋, 我仲有坐 Gondola 架, 可以慢慢欣常市內風景
Day 3 - 米蘭, 米蘭大教堂, 導遊話鄭秀文套 "嫁個有錢人" 都有係度取景架, 真係好大好靚, 不過米蘭得半日時間, 都係行左陣, 無咩時間掃貨啦
Day 4 - 瑞士琉森, 坐車時見到風景好靚, 好似畫咁, 空氣非常清新, 應該會再去呢個地方
睇到 d 山, 草, 屋, 真係會諗起飄零燕架, haha
搭吊車上雪山 - 鐵力士峰, 上到去我都唔知負幾多度啦, 總之好凍呀.....
獅子紀念碑 - 又名垂死獅子像, 隻獅子真係有種奄奄一息, 好傷感既感覺
係去下一站巴黎既途中, 係車度見到彩虹呀, 個地方好平坦, 無任何建築物及山, 見到慢慢形成個半圓形, 而且紅橙黃綠青藍紫七色都清楚見到添, 全團人係車度好 high 呀, haha
Day 5 & 6 - 巴黎, 羅浮宮, 入面既展品好靚, 雕像及畫都係珍品, 仲有最多人觀賞達文西既 "蒙羅麗沙的微笑", 試過係唔同位置睇幅畫, 女士既眼神都好似望住自己咁, 好厲害呀
巴黎鐵塔, 夜景靚 d, 同埋夜晚每小時會閃燈架, 可惜影唔到
凡爾塞宮 - 法國路易十四既皇宮, 入面都好靚, 金碧輝煌, 個御花園好大呀, 行一日都行唔晒
凱旋門, 大家都唔陌生啦, 但估唔到原來係好多條馬路既中間, 只係遠觀咋
Day 7 - 荷蘭阿姆斯特丹, 只係好快咁去左一個景點, 入面有風車村、木屐廠、芝士廠, 到此一遊咁啦
Day 8 - 比利時布魯塞爾, 都只係途經, 食左餐 lunch, 行下咁, d 朱古力好好食, 買左唔少, haha, Dinner 後就趕搭「歐洲之星」火車去英國啦
Day 9 - 英國倫敦, 最後一站啦, 因要預時間去機場, 所以行程有 d 趕, 都係快速落車影下相咁, 到左倫敦塔橋, 戴妃同查理斯王子結婚既聖保祿大教堂, 大笨鐘, 英女皇住既白金漢宮, 大英博物館等等
後記 : 雖然差唔多一日一個國家, 每日轉酒店, 日日執行李, 係有 d 攰, 但行程唔算好趕, 每個地方都有時間停留, 行下影相咁, 都唔係好趕鴨仔既, 比較深刻既都係意大利, 瑞士及巴黎, 呢幾個地方有機會都想再去, 因為真係未睇真, 未玩夠, 意大利既咖啡好好飲, 啱晒我呢個咖啡怪, 無入鬥獸場及無到比薩斜塔都係一個遺憾, 瑞士風景靚, 環境舒服, 巴黎當然係 shopping 啦, haha, 另外歷史既建築及文物我都好鍾意, 入到羅浮宮及大英博物館, 宅男話我好似癲左咁, 因為我要用最短既時間睇最多既野, 入到去唔好晒嘛, haha, 如果可以係入面行一日, 慢慢欣賞就好啦
今年生日時撞啱 sogo 有 promotion, 見 SK-II 有個入門套裝唔算貴, 2款皇牌產品都係我想試既, 就買左 set 送俾自己做生日禮物啦
神仙水套裝 $420, 包括 Facial Treatment Essence 神仙水 75ml, Skin Signature 15g, 新 join member 送左 Facial Treatment Mask 一片, 即係買神仙水送另外2樣野
SK-II Facial Treatment Essence 護膚精華 (神仙水)
$420 / 75ml, $790 / 150ml, $980 / 215ml
擁有美麗而且容光煥發肌膚的必需品，Pitera™ 護膚液的神奇功效幫助調節肌膚自然更新週期。適合各類型皮膚使用。
透明水狀質地, 氣味怪怪地, 但都可以接受既, 因為支神仙水都唔平, 所以我好慳家咁唔用化妝棉而用 手上, 用手上加埋體溫, 我覺得會吸收得好 d, 一支 75ml 都用到 2 個月, 使用期間覺得塊面無咁乾, 膚質嫩滑左, 唔係太敏感既時候都用到, 反而結婚前宅男都叫我幫佢搽, 佢平時乜都唔用, 佢既效果就非常之明顯啦, 白左滑左, 毛孔收細晒, 無爆瘡 d 暗瘡印都淡晒, 塊面仲好彈手添, 佢都好開心, 晚晚叫我幫佢搽添, haha
SK-II Skin Signature 全效活能再生素
$640 / 50g, $980 / 80g
萃取自意大利塔斯卡尼的橄欖精粹，能5倍活化細胞中的抗氧化啟動基因ARE，促進肌膚自身抗氧化物質的產生，幫助細胞免受內外壓力的傷害，補充過去4年的流失，全面提升三重 Skin Power：肌彈力 x 緊緻力 x 亮澤力，有助肌齡逆轉！
雖然係罌裝, 但質地似 lotion, 白色稀身狀, 質地好薄易吸收, 無特別氣味, 唔好以為 SK-II 既產品都係油潤啱熟齡肌, 呢個 cream 好爽身唔 lup, 補濕度都好好, 又易推開, 每次唔需要用好多份量就夠搽全面, 15g 細細罌都用到一個月, 神仙水之後用佢, 可加強補濕及鎖住水份, 肌膚既彈性及緊緻度係有改善既
由於 2款產品都覺得唔錯, 我已經用完及回購左大 size 啦 (抵 d 嘛), 另外好幸運地係一個美容網站既年度抽獎中左罌 Skin Signature , 呵呵, 可以有排用 lu, 致於個 Facial Treatment Mask 我覺得無想像中咁好用, 所以唔多講啦, 亦無打算回購啦
敏感皮膚真係好麻煩, 尤其轉換, 空氣濕度變得乾燥, 敏感情況更嚴重, 又紅又痕咁, 所以又要搵下 d 抗敏產品啦
名 稱 : Amiz 英國洋甘菊抗敏止痕乳霜 UK Anti-allergy Moisturizing Cream
價 格 : $268
容 量 : 50g
產品介紹 :
含天然植物洋甘菊精華, 有效舒緩敏感緊張皮膚, 配合植物金盞花底油及乳木果脂, 可加強保濕乾燥易受感染肌膚, 使用前, 可敷上有機金盞花茶約 5分鐘, 效果更佳
包裝簡潔, 一看便知是 DIY 產品, 打開已聞到好香洋甘菊香味, 白色乳霜狀質地, 易推快吸收, 有適當滋潤, 唔會 lup
敏感皮膚護膚步驟越少越好, 潔面後只用佢, 都夠滋潤
聞到好香洋甘菊味, 感覺 relax, 質地好推易吸收, 唔會太油潤, 用左大約一個月既時間, 佢舒緩敏感效果唔算好好, 但使用頭 2星期, 塊面真係無敏感情況, 只係我去左歐洲旅行, 當地暖氣及氣溫太乾, 用佢都唔夠, 係香港既話, 冬天應該都無問題
www.amiz-aromatherapy.com/index.php
維特健靈 Vitagreen 既產品相信大家都唔會陌生, 我自己都有食開佢既維他命 B 黎增強免疫力, 早排出左新品 - Acai 茜莉莓, 可去斑、抗氧化, 試下係咪咁"茜莉"先
名 稱 : 維特健靈 acai 茜莉莓
價 格 : $338
容 量 : 60粒
產品介紹 :
茜莉莓 Acai 是由「世界第一超級食物」之巴西生命莓提煉而成, 其抗氧化功能比一般紅葡萄強十倍, 幫助擊退自由基, 延緩衰老! 每天服食兩粒茜莉莓令你活力充沛, 煥發青春光彩, 全面改善體質!
每樽都密封包裝, 列明有效日期, 包裝打開好似張咭紙咁幾得意
附有維特健靈皇牌產品簡介及分店資料
樽身都係全密封包住, 確保新鮮衛生, 藥丸裝每日一次, 每次服2粒, 好方便, 樽內有粒防腐劑, 大家唔好食錯呀, haha
美國農業部 : 生命莓擁有無可匹敵的抗氧能力, 比藍莓強逾 21 倍。
巴西生命莓來自巴西亞馬遜熱帶雨林, 形象如細小的葡萄, 由 90% 的核及 10% 果肉組成, 是「世界第一超級食物」。其豐富的抗氧化比一般紅葡萄強十倍, 能助擊退自由基, 延緩衰老, 令你活力充沛, 煥發青春光彩, 改善新陳代謝, 因而被譽為世界上營養價值最豐富的生果
服用左一個半月既時間, 斑點唔算淡好多, 但暗瘡印淡左唔少, 而且無再不停爆瘡, 敏感仍有, 但而家濕度低好乾燥, 敏感情況無之前嚴重, 復原能力都提高左 http://en.wikipedia.org/wiki/Acai_berry#Fruit
話咁快又一個月啦, 今個月經常敏感, 好多野都要停左唔敢用住, 所以清野都慢左 d
Johnson's Oxygen Fresh Gel Lotion (按此)
好清爽既 body lotion, 完全唔 lup, 夏天用好正, 不過冬天唔太夠潤, 所以用得好快
Phyto Restructuring Mask
呢款係鎖色 mask, 雖然我無染髮, 但用佢當護髮素, 都 ok, 幾潤但唔 lup
Ipsa Cleansing Milky Foam (按此)
用左好多支啦, 呢支主要係宅男用, 一支都用左大半年啦, 回購左支新版, BA 話補濕 d, 但貴左好多, 要 $240 呀...
Eminence Calm Skin Chamomile Moisturizer (按此)
舒緩敏感 cream, 用左佢敏感情況有改善, 但而家天氣唔太夠潤
Eminence Calm Skin Arnica Masque (按此)
好好用既 mask, 舒緩敏感效果唔錯, 成日敏感, 長期要買定罌看門口呀
Love More Aqua Mask Deep Hydrating
係台灣時見買一送一, 就買2盒試下, 補濕度唔錯, 用完又無敏感, 用完一盒, 遲 d 再同大家分享下
La Roche-Posay Sensi White Cream (按此)
滋潤度唔錯既美白 cream, 但有時敏感都要停幾日, 唔係塊面會紅及痕呀, 但一般膚質都啱用, 美白效果唔算好好
La Roche-Posay Sensi White Foaming Cream (按此)
好多泡既 cleanser, 洗完唔會好乾, 一支都用到 4個月
Ipsa Refiner Clear-ize Clay (按此)
呢支都用左好耐, 有 2-3支啦, 但天氣轉涼, 用佢會敏感, 冬天都係唔可以用咁多去角質 / 清潔 mask
Sample :
Eminence Tropical Vanilla Sun Cream
Dr. Wu Hyaluronic Acid Serum
Guerlain Abeille Royale Youth Serum
NeoStrate Gel Plus
