Alqvimia Body Sculptor Oil 擊脂塑形油

唔經唔覺仲有個半月就到大日子既來臨啦, 但我好懶運動, 所以瘦身進度好慢, 不過都唔可以咩都唔做架, 就決定試下用 Body Oil 按摩擊脂去水腫啦

名 稱 : Alqvimia Body Sculptor Oil 擊脂塑形油
價 格 : $670
容 量 : 150ml

產品介紹 : 

擊脂塑形油 Body Sculptor Oil 結合天竺葵、西柚、杜松果、檸檬、檸檬草、薰衣草、莞荽、香茅、甜杏仁、茴香等多種天然香薰油, 再配合榛子油、小麥胚芽護膚油, 迅速直入皮下組織, 發揮三項塑身功效 :
-  擊脂 : 迅速燃燒脂肪、收緊
-  排水 : 有助排出多餘水份美化體型、線條
-  緊膚塑形 : 維持恒久美態、保護纖瘦身型

成份大部份係香薰油, 氣味就係檸檬草較突出, 所以用後好醒神, 我呢支係 60ml, 用左大約一個月, 先用得半支咋, 用量唔需要好多, 稀身油狀, 按一陣好快吸收, 初初會有層油既滋潤感, 但唔會黏膩
 

主要用係雙腳及肚腩呢 d 水腫及脂肪積聚既地方, 小腿會向上按, 而肚腩就打圈按, 不過小腿好似脂肪比水腫嚴重, 效果唔算好明顯, 睇黎要按長 d 時間先得啦
 

嘩哈哈~~ 肚腩大公開呀, 已經係我露肉既極限啦, 希望唔好嚇親大家, 肚腩功效較明顯呀, 真係收緊左, 個肚無咁脹呀
 

效果都唔算, 最難減既肚腩都有明顯收緊, 而且係油有滋潤作用, 可以連 Body Lotion 都唔洗用, 有時宅男放工好攰, 我都會用呢支油幫佢按下, 佢話個香味好醒神, 按後肌肉勞累都有幫助, 而宅男都唔覺佢油, 你知男人多數唔鍾意搽護膚品既黏 lup 感, 當然按摩真係唔可以懶, 要日日按先 keep 到效果啦


Alqvimia 專門店
銅鑼灣廣場1期 2樓 202號舖
九龍灣德福廣場 2期 328號舖

Sofina beaute Day Protector SPF50 PA+++

呢支防曬其實開左一段時間, 都差唔多用完啦, 但好懶一真拖到而家先出文, 雖然呢支唔少人用過或介紹過, 不過都分享下我既用後感啦

名 稱 : Sofina beaute Day Protector 抗老化防曬乳液 SPF50 PA+++
價 格 : $270
容 量 : 32ml
 
產品介紹 :

可全面對抗紫外線、空氣污染或乾燥等日間傷害，防曬乳液不單兼具高效防禦UV、抗老衰老和保濕功能，更可以作妝前底霜之用。



同傳統防曬一樣, 用之前要搖均, spf 50 高防曬度, 面及身都用得, 夏天都好放心, 質地好水狀, 而且唔會泛白, 亦唔 lup, 無防曬味之餘仲有少少花香味添
 

sofina 出名既防曬, 幾年前用過 rise 系列, 雖然無曬黑, 但斑斑就深左, 所以有段時間唔敢用, 但有次參加 Sofina 工作坊得到 2支 beaute 系列既防曬, 發覺質地更清爽外, 防曬度都好左, 無曬黑及色斑無深度, 真係值得一讚, 而呢支 spf 50 身體同面都可以用, 不過我覺得用係面, 易出面油, 未到 lunch time T zone 開始出油, 要用 d 控油既 base 打底個妝就 keep 得好 d, 所以面我鍾意用 spf 24 果支多 d, 又可以當埋 makeup base, 呢支就多數用係身, 好爽唔 lup, 唔覺搽左防曬, 而且去台灣旅行時都無曬黑, 當然戶外活動 2-3個鐘都要補下啦, 不過用係身就貴左少少, 而且係身用量大, 都係用開架品牌較化算

Kiri 紐西蘭的蜂蜜護膚

早排經過 Watsons 見到一個橙色包裝既新品牌, 仲係我最鍾意既 Honey 做主要成份, 價錢唔貴就買左 Mask 同 Day Cream 試下啦

Kiri 麥蘆卡蜂蜜護膚產品中, 所含有的抗菌活性因子 UMF 指數高達 16+, 是世上擁有最高抗菌成效的麥蘆卡蜂蜜產品之一, 百份百源自紐西蘭的純正產品。產品能有效抑制細菌生長, 能深入肌膚並提供細緻呵護, 為肌膚調砲出最滋潤的養份。



見產品資料寫主用上 UMF 16+, 好奇咩係 UMF, 上網搵左 d 資料...
Unique Manuka Factor - 簡稱 UMF, 是全球唯一用作評定麥蘆卡蜂蜜 (Manuka Honey) 抗菌濃度及抗菌效能的一項標準, 亦是品質的保證。
含 UMF 蜂蜜以食用為多, 用作護膚品又去到 16+ 咁高就較為少見啦

麥蘆卡蜂蜜日霜  $190 / 70ml
質地清爽的滋潤日霜以最優良的成份調配, 包括具有療效的 UMF 麥蘆卡蜂蜜及舒緩功效顥著的維他命 E, 能有效滲透肌膚底層, 重新為肌膚補充水份及養份。每天持續使用此日霜, 能為肌膚注入活力, 煥發健康神采。適合作妝前打底霜使用。含有防曬成份。

一打開已經聞到好香 honey 味, 而且氣味舒服, 唔係人工香料, 質地好 creamy, 易推開亦快吸收, 成份有抗菌功效, 初使用時皮膚咁啱敏感, 試新野都有 d 擔心, 但搽上面無任何不適, 仲幾滋潤, 用左2-3日敏感有好轉, 用左一段時間都無再敏感啦, 個 cream 有 適當滋潤感但唔會 lup,  可以做埋 makeup base 上粉底幾貼面, 包裝寫有防曬成份, 但無標明 SPF, 不過粉底有防曬, 用左一段時間都無黑到, 而且天氣開始轉, 太陽都無咁猛, 都安心使用, 轉季最緊要係滋潤度夠, 仲 70ml 咁大罌, 有排用

麥蘆卡蜂蜜滋潤面膜  $220 / 100ml
蘊含滋潤修護元素, 為暗啞、緊張及受損害的肌膚補充養份。面膜揉合具有療效的 UMF 16+ 麥蘆卡蜂蜜及礦物成份豐富的高嶺土, 有助收緊毛孔及清除阻塞毛孔的雜質之餘, 更可讓肌膚吸收面膜的滋潤成份, 為肌膚深層補充水份, 時刻保持潤澤。適合任何皮膚便用。

顏 色氣味同 Day Cream 一樣, 只係質地稀身 d, 厚敷待 20-30分鐘, 20分鐘後 mask 開始變得半透明, 過水後皮膚感到好滋潤, 同埋有少少清潔作用, 呢排只用佢無用深層清潔面膜, 但毛孔都唔覺好污糟, 角質層都無變厚, 呢個冬天要靠晒佢啦



整體黎講 2款產品不論質地、氣味、效果都唔錯、果然無買錯佢地, 而且我好鍾意佢既 honey 味, 令人好放鬆好舒服, 滋潤感足夠, 秋冬天好啱用


Kiri 仲有其它 Skincare 及 Body care 有興趣可瀏覽
http://ecobrands.com.hk/kiri_manuka.html

Eyeliner 比拼 - Solone vs Royal Lady 眼線膠筆

平日較少化眼妝, 有時都有畫眉 + Mascara, eyeliner 就較少, 但當然上網見有人話好用, 都會買黎看門口啦, 之前有 blog 友介紹好出名既 Solone, 但我買錯左 Royal Lady, 係台灣時見到 Solone 就買左, 所以黎個比拼先

左 : Royal Lady 魅惑眼線膠筆 - 銀炫黑
右 : Solone 防水眼線膠筆 - 04 金鑽黑
 

無論包裝及筆身外型都好似, 難怪我會買錯, 價錢方面 Royal Lady 平少少, 大約 $25-30, 而 Solone 就 $30-35, 但 Solone 連埋筆刨, 為返其實差唔多
 

都係要刨既鉛筆狀, 不過 Royal Lady 筆芯較軟, 有時大大畫好易斷
 

Royal Lady : 黑色, 有銀色亮片, 亮片較大粒, 所以畫出黎唔覺好黑色, 由於亮片大, 唔算好順滑, 用係近眼睫位會感到亮片刮到眼皮, 而且放得一段時間, 筆芯好似乾乾地, 有點變硬左, 好難畫

Solone : 黑色, 金色珠光, 都唔會好黑, 反光時 d 似墨綠色, 筆芯軟 d 較順滑, 新買無耐, 亦好少用, 唔知有冇變乾問題
 

沖水 : 2款都無甩
用紙巾印 : 都係無事, 完好無缺, 紙巾亦無任何顏色
用手捽 : Royal Lady 有 d 化開, 而 Solone 依然完封不動



再測試下易唔易卸先
Royal Lady : 用卸妝水抹左 10下已經甩左 9成啦, 再抹多幾下就甩晒
Solone : 抹左 10下都只係甩左少少, 抹 20下先得返 2成左右, 要用化妝棉係手敷一陣, 先完全卸乾淨



我眼係易出油, 有眼水, 仲係內雙眼皮, 用過好多 Eyeliner 都會甩, 包括好持久既 Gel Eyeliner
到試上眼啦, 平時好少畫咁粗既眼線, 但要因為影相要俾大家睇得清楚 d
有閃粉及亮片, 所以2款都上眼都唔會好實色, 而 Solone 係有 d 偏墨綠感



使用後數小時, Royal Lady 有 d 甩色, 仲印上左眼蓋位, 而 Solone 有少少溶左, 但都仲好清楚睇到條線, 同無甩左上眼皮



再睇下唔同各角度既使用前後啦
 

總結 : Solone 真係好好多, 雖然有少少溶, 但唔會印左上眼皮呢個好好, 因印左上眼都幾尷尬, 用埋眼影既話又好難抹走再補返眼影喎, 難怪咁多人讚, 真係好後悔無買多幾隻色, 而 Royal Lady 筆芯易斷, 成日要刨, 所以好快就用到好短啦, 仲估唔到佢有筆芯變硬問題, 回購度係零呀, 所以大家要認住個樣, 唔好買錯呀

SOYJOY 大豆士多啤梨海綿蛋糕製作班

SOYJOY 大豆果滋棒應該好多人都聽過或食過, 但用黎做蛋糕都係第一次試, 上星期參加左 SOYJOY x SOGO Club 既大豆蛋糕製作班, 而今次既特別之處係用大豆粉製作蛋糕, 大豆粉含豐富蛋白質, 用黎做甜品, 健康又美味呀
 


去到 16 樓既工作坊, 房內放置左好多 SOYJOY 產品及家族成員 - 反斗蕉仔 JJ, 草莓妹妹及啦啦豆
 

係整蛋糕之前, SOYJOY 代表為我地介紹大豆既好處啦

大豆是豆類食物中營養價值最高的一種, 同時跟肉類食物中的蛋白質非常相似, 因此又被稱為「田裡的肉」。大豆可算是女性恩物, 因為女性隨著年齡的增長, 荷爾蒙會逐漸減少。大豆蘊含的異黃酮能有效調節女性荷爾蒙分泌, 有助舒緩週期或更年期所引致的不適症狀, 對保持女性的健與美甚有幫助預防骨質疏鬆，更能大大幫助更年期婦女鞏固骨骼健康。

大豆蛋白質 - 可降膽固醇、保持血管柔軟及調整血壓， 進而預防心臟病
大豆異黃酮 - 有助預防骨質疏鬆、抗老化及舒緩婦女 更年期引致的症狀等
大豆纖維素 - 能改善腸道等問題

SOYJOY 大豆果滋棒主要用大豆製做, 每條含約 30-50粒全天然大豆, 低 GI, 低卡路里, 6種口味選擇, 包括葡萄杏仁、朱古力香橙、杏桃、山楂、士多啤梨及高鈣和蕉, 梗有一款啱你心水

先由 Daniel 師傅為我地示範, 製成品真係好靚呀, 仲即場俾我地食添呀
 

海綿蛋糕 :
1. 把糖加入蛋白以電動打蛋器打至企身
2. 加入蛋黃拌勻
3. 把已混合的大豆粉和麵粉加入蛋醬中
4. 最後加入已溶的牛油拌勻
5. 以 190 度焗 15分鐘

大豆忌廉 :
1. 把忌廉、糖、大豆粉及煉奶混合打起
2. 橫向把蛋糕切成兩半
3. 在一片蛋糕上吱一層忌廉, 鋪上士多啤梨
4. 再吱一層忌廉
5. 蓋上另一片蛋糕
6. 面上吱少許忌廉, 用士多啤梨或其它水果作裝飾

然後到自己動手啦, 以無乜入廚經驗既我黎講, 都唔難做喎, 個樣都唔錯呀, 當日仲係媽咪生日, 親手做生日蛋糕俾媽媽都係第一次




有得食又咁好玩既蛋糕製作班, 係咪都好想參加呢!? 仲有一個機會呀....


SOYJOY大豆蛋糕製作班 (材料費 $80)
2011年10月1日（星期六）
下午2:30 - 5:30

報名日期 : 2011年9月20日至9月30日止 (名額15名，先到先得)
報名詳情 : 將姓名、身份證號碼 (頭4位數目字)、聯絡電話電郵至soyjoy@otsuka.com.hk
想知道更多詳情，可以瀏覽 SOYJOY 網站 http://www.soyjoy.hk/tc/home/index.php

Bernard Cassiere 土著古方多效面部療程

土著大家會諗起咩? 黑皮膚、長矛.... 應該較少會與 facial 有所聯想, 今次我就試左 Bernard Cassiere 全新土著古方面部專業療程 (原價 $980) 啦



係位於中環既 Seasons Fitness 內, 地方雖然唔大, 但環境舒服
 

入到房反而有韓國風既感覺, 美容師會俾杯熱茶或水俾我休息下, 然後換衫準備做 facial 啦
 

係房內放置左今次會使用既 Bernard Cassiere Tribal Cares 土著古方護膚系列



卸妝及清潔皮膚 - 當日無化眼妝, 美容師用新西蘭療效潔面霜卸妝並以嫩膚平衡水為肌膚補濕

清除角質 (又稱旭日之光 Rising Sun) - 用大米澱粉嫩膚球 + 酵素液 (下圖) 在面部及眼睛打圈, 然後敷幾分鐘, 大米澱粉能吸收皮脂和不潔物, 軟化皮膚, 可令肌膚即時美白、幼滑光澤, 敷完後美容師以熱毛巾抹去米漿



面部按摩 - 以摩洛哥堅果玫瑰油加上風乾既玫瑰花瓣進行按摩, 好舒服, 而且聞到我鐘意既玫瑰香味, 好 relax, 美容師力度適中

面膜 - 以非洲排毒面膜 + 彈力緊緻軟膜粉做倒膜, 倒膜期間美容師為我進行肩頸按摩, 真係好舒服

用熱毛巾抹乾淨, 再搽上東非神奇全效面霜及眼霜, 完成!!
 

進行療程前係屋企影, 因仲有陽光, 所以色差較大, 但睇到皮膚乾淨左, 滋潤左, 而家滑既感覺 keep 到 2-3日
 

Seasons Fitness
香港中環花旗銀行中心 3號花園道 3樓全層
九龍灣宏遠街一號 One Kowloon 地下

Amiz 天然消炎抗菌牛皮癬皂

皮膚敏感都有一段時間, 情況雖然有好轉, 但未完全清到, 成日敏感真係令人好唔舒服, 上次去 Amiz 買瘦身皂, 佢就介紹我用呢個牛皮癬皂啦, 雖然我未去到牛皮癬咁嚴重, 但佢對濕疹類敏感都 ok 架

名 稱 : 天然消炎抗菌牛皮癬皂 Aroma Antisetpic Psoriasis Soap
價 格 : $108
容 量 : 85g

產品介紹 : 

天然底油可有效修補及改善乾燥, 崩緊, 痕癢肌膚, 配合天然印度苦楝油, 更俱舒緩及改善痕癢及紅腫情況, 亦可配合飲用有機月見草花茶加強治療功效, 天然可靠, 無副作用。適合所有皮膚使用, 特別針對濕疹及皮膚敏感, 皮膚炎等問題

主要成份 : 天然純橄欖油, 印度苦楝油, 金盞花, 天然精油




淺黃色皂有淡淡既香薰油味, 鍾意用手起泡既感覺多 d, 雖然泡沫唔算多, 用起泡網會好 d, 但感覺有點乾, 可能用手起泡, 要捽耐 d, 加上手既體溫, 可以令皂既天然油份分解出黎, 潔面後唔乾, 敏感情況有舒服到

使用近 3星期, 皮膚紅腫及痕癢都有改善, 皮膚睇落滑返添

除左可以用黎潔面, 身體敏感都得, 咁啱早幾日手臂無啦啦敏感起左 d 粒粒, 用左幾日, 粒粒平返, 亦無再痕啦



用皂洗面初初會覺得有 d 乾, 但我有時用皂洗面, 就完全接受到啦, 同埋用手起泡效果較明顯, 呢樣有少少意外發現呀
天氣開始轉, 有濕疹既朋友真係要注意補濕及用溫和既產品呀


Website : www.amiz-aromatherapy.com
Facebook : www.facebook.com/pages/Amiz-aromatherapy/141089225959564

Elizabeth Arden 8 Hour Cream Lip Protectant Stick SPF15

名 稱 : Elizabeth Arden 8 Hour Cream Lip Protectant Stick SPF15 

價 格 : $45 (原價$125)
容 量 : 3.7g

產品介紹 :

含有豐富的滋潤成份，能舒緩雙唇脫皮、過敏及乾裂現象。
含SPF 15及抗氧化劑維他命E配方，可保護雙唇免受紫外線傷害

有次經過 SaSa 見呢支潤唇膏做特價 $45, 忍唔住買左, 因網上都唔少人讚, 原價一定唔會買, 但 $45 都可接受呀

   

黃色膏狀, 香味唔算好好聞, 但都可接受,初初以為會好軟身, 但發覺都算硬, 就算夏天好熱都唔會溶, 所以要搽多幾下先得, 優點就都幾襟用, 唔好見佢得 3.7g, 扭出黎細細支咁

都好夠潤, 用左即時感到滋潤, 持久度 ok, 成日飲水既話 2-3個鐘都要補搽,  有 spf 15 試過夜晚用, 連用幾日個唇有少少敏感, 所以都建議大家日頭用好啦

Stage@Bridal Academy x Enid 分享會

雖然日日都有化妝, 但只限底妝, 或只會畫眉 + mascara, 眼影好少用, 假睫毛更加從來未試過, 較早前出席左 Stage@ Bridal Academy x Enid 台灣美妝專門店合辦既分享會, 主提係秋冬眼妝, 當然第一時間報名參加啦



地點係 Bridal Academy 位於銅鑼灣既教室, 由於係晚飯時間, 好細心為 blogger 們準備左小食及飲品, 然後由司儀介紹星級化妝師 Kenneth Wong, 為我地示範左一個舞台感較重既妝容...

首先用手將膏狀胭脂印係眼底位置, 再以金色眼影膏大範圍塗上眼部, 如一個眼罩既形狀, 貼上假睫毛
搽上淡色唇彩, 及係面中間加少少閃粉, 以加強眼妝, 再整理下頭髮, 就完成啦, 去 party 啱晒呀



星級化妝師技巧超強, 不用 10分鐘已完成, 如果我可能一個鐘都唔得, haha
另外 Kenneth 仲為我地介紹佢既化妝書 "拾妝", 有 10款較為特別既玩味妝容, 有興趣可以去書店搵下

然後由 Stage@Bridal Academy 完成化妝課程既 Zoey 老師教我地平時返工 / 晚宴既妝容
首 先用 Jealouseness 水漾嫩白美肌噴霧為 model 抺面, 再用 Jealousness 兩用粉餅完成底妝, 係眼圈位用遮瑕膏, 原來想知遮瑕啱唔啱, 只要用手擋住頭頂既光線, 就容易睇到遮得均唔均勻, 或漏左咩地方要補等等, 再以 Sava 眉粉畫眼, 盒眉粉有埋眉膏, 好方便

以 Sava 3色眼影, 夾睫毛, 再貼上紅色囍事假睫毛, 畫上眼線, 胭脂, 唇彩, 就完成啦

離開時每人有大袋禮品, 大部份係彩妝, 以眼妝為主, eyeliner, mascara, 眼影, 眉粉, 紅色囍事睫毛....

因從未試過自己貼假睫毛, 所以第一時間拎出黎玩下, 呢個眼妝用左 Sava 眉粉盒, 3色眼影, 眼線液, 紅色囍事假睫毛 (D3122)



第一次貼算唔錯呀, 但呢款以新手黎講算誇張, 晚宴用較適合


Enid 台灣美妝專門店 : http://www.enid.com.hk